CM kan interview ta!
June 17th, 2008 5:05 pm | News | ZOaTlau | 464 views|
|
Interview-e ti lo chuan sawi duh chin te a nei a, kan duh ang pawh kan nei lo. Mahse CM biak pawh lohna chen pawh hriat a nih tawh loh laia journalist thenkhatin kan hmu thei hi a lawmawm hrim hrim e.
Aizawl: Hun rei tak chhung Mizoram state Chief Minister Zoramthanga’n media mite a hmachhawn loh hnuah June ni 17 chawhnu dar 2:30 khan media mi sawm bik pali a hmachhawna Mizoram State Health Care Scheme chungchang a sawipui.
Chief Minister hian topic thlan bik neia inkawm loh chu a rem loh thu a sawi a, “Mizoram Health Care Scheme chungchang sawi ila…” tiin hemi chungchangah hian zawhna thenkhat a chhang bawk a.
“He Health Care Scheme hi tun hnaia ka ngaihtuah mai mai a ni lo a, kum 5 kum 6 kalta atang daih tawha ka lo ngaihtuah tawh a ni,” tia sawiin Zoramthanga chuan Union Finace Minister Chidambaram hnenah pawh a ruahmanna hi a lo hrilh fo thu a sawi a, mahse state dangin an tih ve sup sup an hlauh avangin a hlawhchham leh thin a ti bawk.
“Kuminah plan fund a lo punga Asian Development Bank atangin pawisa kan puk thei dawn ta bawka he ruahmanna hi kan kalpui thei ta a ni,” Chief Minister chuan a ti.
Sawrkar hnathawk lo tana kum khat chhunga cheng nuai 1 thleng Medical Reimbursement bill theihna scheme hi CM chuan kum khat atan chauh a ni lo, kum khua atan a ni tiin a sawi.
Journalist lamin he scheme atana sum an puk chungchanga an zawhna chhangin he scheme hi Asian Development Bank leh India sawkar laipui Planning Commission phalna thlapa siam a ni a ti a, “ADB-ah hian Social Sector atangin he loan hi lak tur a ni a, chuta tang chuan vaibelchhe 50 hi dah a ni dawn a, loan hi 90% hi central-in min rulh sak tur a ni a, 10% hi state rulh tur a ni,” CM chuan a ti.
ADB atanga Health Care Scheme atana pawisa puk hi Chief Minister chuan a tahtawlin plan fund atangin rulh tur a nih thu a sawi bawk.
Mizoram Health Care Scheme hi CM chuan hei aia lian leh tha zawka kalpui tur a nih thu a sawi tel a, nakkum lamah chuan nuai hnih thleng bill theihna turte ang zawnga ruahmanna siam a la nih theih tur thu a sawi nghe nghe.
Mipuiin pawisa an chawi, Below Poverty Line (BPL)-in Rs 100 an chawi ve leh a dangin Rs 200 an chawi chungchanga zawhna chhangin Zoramthanga chuan, “Spoon feeding hi tha kan ti lo a, mipui rilruah hian a spirit hi kan tuh a ngaia an participation hi a pawimawh a ni, NREG ni khat inhlawhna aia tlem a ni a, a premium awm hrim hrim hi mipui kan tel ve tihlanna a ni a, a tha a ni,” tiin a sawi.
“He scheme leh kum 2008 inthlan hian inhnamhnawihna a nei lo a, kum tam tak liamtaa ka lo ngaihtuah tawh a ni ka tih kha,” tiin Chief Minister Zoramthanga chuan journalist te a hrilh.
June 17th, 2008 at 5:23 pm
Kumkhua tan a nih dawn chuan a va thra ve. Mautam chungchang kha zawt lui chhen sela a sa ngawtin ka ring.
June 17th, 2008 at 5:25 pm
Kan hma inthlanah hian lo tling leh palh hlauh se chu chhuanlam eng engemaw siamin he Scheme hi a tih tawp loh pawhin a tlem zawnga a modify ka ring deuh rum rum nia. 90% pawh Central-in lo rul tak tak ta se (awih har ka ti deuh tho), 10% ngawt pawh State sawrkar hian a rul leh thei ngut ang em? Kum khuaa hman zui tur chu ni tak tak se mipui tan chuan scheme tha tak chu niin a lang.
June 17th, 2008 at 5:35 pm
@no2,keimah: 90% central sawrkar rulh tur, 10% state rulh tur tih chu a dik ang. Special category state ho chu budget ah pawh 90%-10% anih hi.
Tin, tun a dan hman lai ah chuan, state sawrkarte hian ABD/world bank ..etc vel atang hian central kal tlang lo in , direct a pawisa an puk phal ani lo. central sawrkar in a puk phawt a , chuan state sawrkar a puk chhawn tir leh thin!!Mahse pawisa puk tir (grant ni lo) ah hian central sawrkar hian a pung(interest) ala ve thung!
June 17th, 2008 at 5:55 pm
Thanks for the information, @myself.
June 17th, 2008 at 11:43 pm
Tun inthlan hisap rana thiltia puh a hlau hle mai maw! A tha alawm!! Hetiangte chu hmanah khan lo nei daih tawh ila a tihzia ngawt ang.Kumkhua daih tur thil anih phei chuan a hlu ngawt ang.MNF hian banril rinawm tak an phun a ni ringawt alawm. Thanglunghnema hian a ngaihtuah tam ve khawp mai
June 18th, 2008 at 12:18 am
A tha e. Pu-a hi talent chu a nei tha khawp mai. Eng topic pawh hi midangte aiin a hre zawk emaw tih mai turin a ti ti pui theih vek mai a. Sport lamah pawh a timi te aiin a nep chuanglo. A theory phei chu a hre zawk emaw tih mai turin a sawi thui thei khawp mai. Pathian thu a han sawi phei chu ‘Amen’ tih loh rual a nilo, thiam tak a ni ringawt. Mahse, rinna (thusawi) hi ‘thil tih’ tello chuan ‘Dar ben thek’ ri ang chauhin miin kan ngai thuai a. Hei hian hmasawnna tak tak huangah min hruai lut chuanglo a ni.
June 18th, 2008 at 2:43 am
Pu Laldenga hnuai a training kha a ni miau a, tawng vel hi chu nuam a ti in a hnehsawh ve alom..Chuan Health Care Scheme hi thil thar a ni lo, a awmsa an siamtha a a thar angin an sawi vul hluai a ni e, tih health dept a thawk sawi ka hre tlat mai..dik tak maw?!!
June 18th, 2008 at 11:25 am
Tun hmain Health Care Scheme hi Health Department lamah a thawm pawh kan hre ngai lem lo. A awm ve thin a nih pawhin tu Ministry mah khan an tui pui peih lo a ni mai thei. Chutiang a nih phei chuan kan pu Babutea hi fakawm phian zawkin ka hria. Hei, journalist ho interview puiah pawh a chona subject ngat kha a ni ve a..ti fuh pawh a inti ve viau a ni mahna!
June 18th, 2008 at 11:37 am
baffacos ah a interview a cho a ngem le?