Lalpa kan Himna Kulhpui nghet
September 14th, 2008 2:01 am | more than words | sekibuhchhuak | 179 views|
|
Ringtute hi nitinin ‘indona’ hmunah kan awm an ti thin. Keimahni-ah hian atha lam leh chhe/sual lam hi an insual renga.Chumai bakah, hmelmapa Setana’n min hneha, min tihchhiat tumin nitinin, hmanraw chi hrang hrang hmangin min bei reng bawk. Lalpa laka kan hran theih nan theihtawp a chhuah reng.
Nimahsela, keini ringtute chuan, Isua Krista himna kulhpui nghet kan nei a. Chu kan Himna kulhpui ngeta kan awm reng chuan, kan hmelmapa hian min hneh thei lo vang. Keimahnia awm Isua Krista hi, he khawvela awm, kan hmelmapa aiin a chak zawk si a. Hmelmapa hneha kan awm loh nan,engtiklai pawhin kan himna kulhpui nget Lal Isua hi i bel tlat ang u.
Recent entries
- Commando (war stories in pictures)
- Computer Virus.. Real Virus?
- The Vatican says evolution theory is compatible with the Bible
- Class VI Physics Test!
- Baggy pants ban “unconstitutional,” rules US judge
- A tribute to Richard Wright
- Bru awm ngheh dan tur ngaihtuah
- Khawi lam ‘Mizo’ nge?
- Ka sa zak mai!!
- Zoram Hi State Ralmuang Ber A Ni Tawh Lo
September 14th, 2008 at 2:23 am
a ho e,sekibuhchhuak enge i rawn post hi a awm zia pawh a awm te nuaih lo e a,nangmah ah khan chiang la a tawk chiah in ka hria
September 14th, 2008 at 2:36 am
Ho em ni le.. “Keimah hi kawng leh thutak leh nunna ka ni; keimaha kal lo chu tumah Pa hnenah an thleng ngai lo. Johana 14:6
Tin, Pain Fapa chu khawvel Chhandamtua awm turin a rawn tir tih kan hmu tawh a, kan hriattir a ni. I Johana 4:14
Kan tan naupang a lo piang a, fapa pêkin kan awm ta a: rorêlna chu a kokiah a chuang ang a: a hmingah chuan, Maka, Remruattua, Pathian Chaka, Chatuan Pa, Remna Lal an ti dawn si a. Isaia 9:6
Heng te avang hian Lal Isua Krista hi a pawimawh a ni.
September 14th, 2008 at 3:09 am
I rawn ti tha khawp mai sekibuhchhuak,
Mihringte hi chapona leh fel tawk nia inhriatnaa khat kan ni a. Kan thil tihsual ngawih ngawihah pawh ngaihdam dil ai chuan kan theih dan kawng kawnga thiam inchantir chu kan duh zawk dan a ni tlat thin. Mahse, chutiang chu Pathian min zirtir dan a ni lo va. Kan thiam lohna leh kan sualna ang anga a hnena tlu lut chawt tur hian min duh zawk niin alang a. Chu chu a lakah chuan mifing nihna pawh a ni.
Thufing chuan “LALPA hming chu kulhpui a ni a, Mi fel chu a tlan lût thin a, a him thin” (Thufingte 18:10) a lo ti a. Pathian kulhpuiah hian tlan luh nachang kan hriat a pawimawh hle dawn mai.
September 14th, 2008 at 6:18 am
Pathian bel tlat tute nun a hlimber; hawisanin pensan thin mah ila hmangaihna ngai reng a min hmangaihtu Pathian ani, kei chu Pathian belh hlawk zia hi ka hre tawh.
September 14th, 2008 at 8:56 am
Ka nunah hian Krista ka bosan apiangin inchhirnain min zui ziah thin. Mahse chuti chung pawh chuan ka tlu nawn awn awn thin si a…englai mai pawha Krista vawn nachang hriat hi a har hle mai, mahse bel lo thei kan ni si lo.
September 14th, 2008 at 12:30 pm
Thuhriltu lar tak pakhat chuan, tanpuine petu hian awlsam taka tanpuina pek a phal ngai lo va. Kan sual chhuah a phut ve tlat thin. Engvanga sual chhuah phut tlat nge kan ti thei e. Ka fapa/fanu hmangaih tak te chu hreawmna leh harsatna an lo hriatthiam theih nana dinhmun hniam ber an din phawt ka phal ang hi a ni a. Chumi dinhmun atang chuan mi te dinhmun leh harsatna kan hriatthiam theih phah chauh a ni..
A fapa Lal Isua ngei pawh kha thihna pumpelh tirin a ang chhunga lut tir ngawt kha, a ti lem lo. Hreawmna tinreng tuar a, tuar chhuak turin a ti ve tlat. Chu a tawrh chhuahna erawh keini tan damna a lo ni. Pathian thuawih leh Isua hnungzui hi thil awmsam tak zawng a ni bik lo. Nunpui ngat phei chu hreawm tam tak tawrhna a ni fo ang. Mahse, kan theih ang tawka a Kraws kan put tauh tauh chu a phut ve tlat. Mahse, kan theihna piah lamah erawh tanpuitu hnai ber a ni a, a kut chakin min lo kai thin. Pathian hi a tha a ni.
September 14th, 2008 at 2:18 pm
@Seki: I titha lutuk Sunday hi chuan Pathian thu lam hawi post hi awm ziah thei se a hlawk thlak in ka hria,inkhawm na a kal hman lo te tan pawh a tha khawp mai.God is good all the times!
September 14th, 2008 at 7:35 pm
Ni e, Sunday ah tal hi chuan tiang lam hawi hi i ti thin ang u… hlawkpuina tlem tal chu kan nei theuh ang ka ring. A lo lan ve ker hi chuan en kan mai ai chuan han chhiar mai hi a awl zawk zel a, pawimawh ve tak chu ni… A tawi fel tep tawp khawp mai…. rawn ti zel teh… Nitin Lalpa an tih kha maw..