Lungngai suh ang che!
October 5th, 2008 2:00 am | Pictures, more than words | sekibuhchhuak | 176 views|
|
Image source
He khawvel changkang zelah hian kan duh leh mamawhte apung zel a. Neitamin neih belh zel an duh a, neiveloten anei tawhte neih ang kan duh ve zel bawk a. (Neih belh duhna hrim hrim a dik lo / sual ani tihna nilovin). Chu chuan rualawhna dik lovah te min hruai lut a, sum leh pai diklo taka lakluh duhnaah te min hruai lut thin.
Kan sum lakluh leh kan mamawhte kan khaikhin a, a daih mawh em em. Chungte avang chuan kan lungngaih chang a awm fo thin. Nimahsela, kan Pathian chuan, ka hrilh a che u, ‘Engnge ka ei ang a, engnge ka in ang aw?’ tiin in nunna thu leh, ‘Engnge ka silhin ka fen ang aw?’ tiin in taksa thu lungkham suh u. Ei tur aiin nunna a thupui zawk lo vem ni? Silhfen aiin taksa pawh a thupui zawk lo vem ni?
Chungleng savate hi en rawh u; buh an tuh lo va, an at hek lo, buh inah an seng lut hek lo; nimahsela in Pa vana mi chuan a chawm si a. Nangni chu anni ai chuan nasa takin in hlu zawk lo vem ni? a ti ani.
Kan Pathian hian, thawklova awm mai mai a sawimawina lam ani lova. Kan phak ang tawkin kan thawk anga, chunga kan thawhchhuah theih bakte chu a malsawmna a min vur hi atiam ani.
October 5th, 2008 at 3:01 am
han lungngaih loh ringot theih toh hleihnem kan khawvelah hi chuan………..
October 5th, 2008 at 3:14 am
Harsatna TAK TAK tawk pha lo te tan chuan he thuah hian in nghah a har vak lo mai thei.. mahse Africa ram thenkhat a hna thawh peih loh chu sawi loh, hna thawh tur awm bawk si lo, riltama thi tep te leh an chhungte riltam vanga thi te tan chuan in nghah chu a har khawp ang
October 5th, 2008 at 6:03 am
LIke Zimbabwe. It sounds horrible there.
October 5th, 2008 at 7:04 am
Harsatna han tawh tak tak hi chuan he thutiam hi rinhlelh rum rum a awl thin khawp chuan ka hria. Theihtawpa thawh pawha harsatna sutkian theih loh hun hi a awm ve chawk a nia.
October 5th, 2008 at 7:40 am
Pathianthu hi mahni tan hian senglut thiam ila a tha ber mai. Africa kawh deih tur a ni hleinem.
October 5th, 2008 at 8:28 am
“Question everything” - Euripides
October 5th, 2008 at 8:49 am
Hun harsa tak kan tawh hi chuan min kalsan ta daih emaw tih a awl khop. Han tt zeuh ila (rilru chauh pawn), chuan rinlohna lam atang hian eng eng emaw ni hi a lo thleng zut2 zel.
October 5th, 2008 at 1:42 pm
Pathian ringtu tak tak te chu he thu hian a thlamuan thin zawkin kei chuan ka hria,kan rin tak tak loh erawh chuan innghah nan a hman tak tak theih loh, RIN hi a pawimawh ber a ni.
October 5th, 2008 at 2:53 pm
Chawlhni tlai Rakzu chakna SUAL hi min do puiteh u.
October 5th, 2008 at 4:52 pm
Sekite: I titha thin e.Mihring kan nih chhung hian kan Pathian rinawmzia hi hre mah ila,kan hma hun ngaihtuah reng reng hian hun hman a awl khawp mai,hrilh nawn fo hi kan ngai reng a ni.
Naupang kan nih laia kan nu leh paa rinna ka nghah tawp lai,thiante zinga ‘ka pa chuan mi zawng zawng a ngam tia kan insawitheih lai te kha min ti hrechhuak zawk mai!!Khatiang ang deuha rinhlelhna nei hauh loa Pathiana rinna nghah hi keipawh ka la inzir mek zel a nia. A awlsam ka ti lem lo khawp mai!!
October 5th, 2008 at 5:29 pm
Tha hle mai. Thil harsa tak a nih chang zawng a tam khawp mai. Mahse Pathian hi rinchhan lo i la, rinchhan tlak dang an awm der chuang si lo. Chuvangin Amaha innghat thiam/ngam apiangte hi atawp khawkah chuan mi vannei an ni leh mai thin chu a ni e.
October 5th, 2008 at 6:00 pm
Life is not easy. You need to tolerate all those torture to survive in this world. Like the song of Neil Diamond “Some days are Diamond, some days are stone”, you cannot have that piece of cake everyday in your hand.
There are some lucky people in this World, who were born Rich but I’m not one of them. So, I have to work for it, at least my Son can be one those.
October 5th, 2008 at 9:53 pm
Pathian hian kan rinna ngam tawk chinah zel hian a rinawmna a tilang thin. Khing riltama thi mek te tana Pathian hnaih a harsat / rinna neih a harsat chuan, mi hausa tan phei chuan neih an va harsat dawn em !!!!
Enge rinna chu? Pa pakhat hian Niagaria Falls (?) chunga hrui thlun hi a zawh phei zai zai a, mipuiin an thlir thup. A zawh chhuah hnu chuan, chu hrui thlun bawkah chuan kea zawh ta mai lo chuan thirsakawr a khalh phei leh ta, a thlir tu mipui chuan thei an tiin an ngaisang khawp mai, a theih zia anmahni mit ngeia hmutute chu, amah vuana zawh puiah a sawm a, kea zawh mai pawh ni lo, Cycle pawh khalh phei thei chuan a zawh theih tur zia an chiang tlang khawp mai, mahse tuman amah kai chunga zawh ve an ngam lo.
Kan Pathianin a tih theih reng kan hriatchian sa em em ai hian, kan bank balance te, kan chhungte leh kan lei rosum te kan ring zawk thin. Chu chu Pathianin thiah a duh chu a ni. Amaha innghat pumhlum tan he khawvel hi hmun ralti leh tihbaiawm a ni lova, malsawmna hlir zawk a lo ni.