Mihring kan famkim lohziate, nitina kan ringtu nun puitlinna kawnga zirtur tam ziate, hlimlai leh lawmlai, dinhmun tha a kan dinlai a, Lalpa faka, A hnena lawmthu sawi mai a awl ziate ka ngaihtuah a. Chutih rual in lungngaih lai leh mangan, lusun, bawrhsawm lai leh dinhmun chau taka kan awm lai a, Pathian laka lawm (rejoice) a harsat si zia te ka ngaihtuah a.
Helai Bible chang atang hian zirtur tam tak a awm thei ang. Habakuka 3:17 Theipui thing pâr vul dawn lovin, grêp hrui rah dawn hek suh seng, Olive thing pawh rah lovin, Lovin eitûr chhuah dawn lo seng, Huang ata ran rual tibovin, Ran inah ran awm lo mah seng. Ka lawm [ rejoice = be glad,be overjoyed,express great happiness etc.] zel ang, LALPA-ah chuan, ka chhandamna Pathianah chuan ka lâwm che u dawn.
Hetiang hian sawi chunzawm han tum teh ang. ”Ka lawm(rejoice) zel ang Lalpa ah chuan…
1) Ka hna a tangin ban hial tawk mah ila.
2) Ka nu leh paten min boralsan thut mahse.
3) Ka thlatin hlawh, kumkhat pawh la thei lo mah ila.
4) Accident a vangin ramtuileilo in awm thut mahila.
5) Ka wallet/ bank account-ah pawisa engzatmah awm lo mahse.
6) Thlarau nun lam a ‘ro’ ngawih ngawih hun (wilderness) ka thlen hunah pawh.
Mihring lam atang chuan, dinhmun chhiat ber lai leh mangan vawrtawp lai a,”Ka lawm (rejoice) zel ang Lalpah chuan…” tih chu thilhtihtheihloh tluk a ni ang. Nimahsela, chu thiltihtheihloh a mihringte ngaih chu Habakuka chuan a ti thei tlat si a ni. Chu a tih theihna pawh chu, a ran, a greep te leh malsawmna tam tak a, vur a, pe tu, lei leh van siamtu, Lalpa hnena atang thovin a ni a neih ni.
Malsawmtu-ah nge, a malsawmna-ah kan inngah zawk? Engkimpetheitu Pathian-ah nge, a thil min pek-ah kan rilru kan nghah len zawk a, kan dah lal zawk? Engtik lai/hunah, dinhmun a i awm laiin nge Lalpa hnenah lawmthu i sawi thin?
Similar Posts:
- Lawm chunga Lalpa rawngbawl
- Kei ang mitdel, ke pahnih bul
- Ka ngaih ve dan chuan!
- Chutin Fak Che Thla-in A Nuam Lalpa! {Sunday Pual}
- Aw kulh kawngkate u, in khai sang rawh u
September 28th, 2008 at 2:45 am
He thu hi ka pi khan a duh thin hle a, min ngaih tir hle mai. Chhung inkhawmna kan han nei a, a thusawi hmasa ber chu “Lawm rawh u, ka ti leh pek thin ang lawm rawh u” tih thu kha a sawi hmasa ber fo thin. Tin, Joba fiahna leh tawrhna rapthlak zia kha rilruah a lo lang fo thin. Mi hausa, chhungkaw zahawm tak, mi hmeltha leh mite zah em em mai chu Pathian’n Setana fiah kha a phal ve tlat mai a.
A ran neih zawng zawng leh a rohlu zawng zawng an thiin a chan vek pawhin, Pathian-ah lawmthu a la sawi a, a nupui fanaute zawng zawngin an thihsan leh a, a ni chuan Pathian phatsan a sawichhe mai lovin, sual sim tur neiin a in ring a, panchhia rim chhe takin a bawm a, mite pawhin an hnaih duh tawh loh hnuah pawh Pathian chu a la fak a, Vutah thuin Saiip in a inkhuh a, “Saruak vekin ka lo piang a, Saruak vekin ka kir leh dawn ta” tiin Pathian a fak thei tlat a ni. Mahse, Pathian chuan a let tam takin malsawmna chhiar sen lohin a vur leh ta zawk a ni, tih kan hmu a. Pathian hian kan tawrh hi a phal ve a ni.
Report this comment
September 28th, 2008 at 5:18 am
Kan Pathian hi a tha khawp a, mihring tuman min gnaih tuah tawh lo mah se pathian chuan eng tik lai pawn min la pawm reng. Khawvel thil ah chuan Christian community chhung ah leh kohhran chhung ah pawh, sum ngah leh mi tha zawk leh mi ropui te chuan chawimawi an hlawh thin a, mi rethei leh chanhai te chuan Kohhran ah pawh chanvo an nei thei thin lo. mahse Pathian chuan rilru a en a, kan sum ngauh vang te leh kan that vang te hian min pawm in min hnawl lo.. Chuvang chuan ka rethei emaw, sum kan nei emaw nei lo emaw, kan ringtu pui ten min pawm emo pawm lo emaw, kan rilru chhungril ber a pathian a lawmna tak tak habakuk ang a neih hi a poimawh hle in ka hria.
Report this comment
September 28th, 2008 at 7:23 am
Josefa leh Daniela te anga Pathian hre mi nih a chakawm. Anni chuan dinhmun hniam lutuka atang pawn an Siamtu an hre si a.
Report this comment
September 28th, 2008 at 9:21 am
Kei chu harsa ka ti thin khawp mai,@Seki-tea rawn sawi aia harsatna nep zawk ah pawh hian Pathian hnena lawmthu sawi hi ka harsat khawp mai,Ka mangan na Pathian hnena thlen hi chu ka ching khawp mai a,a lo hlawhtlin pawhin lawmthu sawina ka nei ziah thin.Harsatna mangan na in min tlakbuak tak tak chuan ka chiai fo thin a,hei hi ka nuna hreawm ka tih ber pakhat a ni.
Report this comment
September 28th, 2008 at 9:41 am
Kei ka ngaihdan chuan kan beidawna tang tur awm tawh lo khawpa rilru a hmin chuan mintanpui thei tur kan zawng mai thin ang bawk hian Kan mangan lai ber hi Pathian kan hnaih theihna hun tha ber a niin ka hria. Tihngaihna hriat tawh loh hi chuan ringtute hi chu Pathianah bawk kan tlu lut thin. Amaha tlukluh tawp chuan lawmna kha a hla lo alawm maw le. Keima nun ngeiah pawh ka lo tawk ve nual tawh a.
Report this comment
September 28th, 2008 at 10:17 am
Harsatna han tawh tak tak hi chuan Pathian hian min awmpui ta lo emaw tih mai hi awl tak a ni. Mahse harsatna tello chuan Kristian nun hian puitlin lam a pan thei tak tak si lo. Promise atang Provision-ah direct-a kal nghal kan tum thina, chu chu Isua zirtirte pawh khan an tum ve dan tho chu a ni. Mahse lui/dil ral lehlama an kai hma khan thlipui na takin a nuai ta anih kha. Promise leh provision inkarah hian problem hi englai pawhin tawntlang tur a awm si a ni. Hei hi Kristian nunkawngah chuan kan kal kan theih loh a ni a, mahse kan chunga problem a lo thlen erawh chuan kan hrethiam thei tak tak thin si lo chu anih hi. Khawvelah hian hreawmin kan awm thin, mahse Krista’n Khawvel a ngam ta tih hi kan thinlungah cham reng sela, harsatna kan chunga a lo thlen chang pawhin Krista nen chuan hnehtu kan ni zel ang. Chu chu kan tana Krista promise chu a ni.
Report this comment
September 28th, 2008 at 11:02 am
”Ka lawm(rejoice) zel ang Lalpa ah chuan…” tih a ni a, kan chhiat tawhna leh channa ah hian ka lawm zel ang tih a ni lova, hriatthiam loh palh a awl deuhva, sawi kan tum ve a ng.
Lalpa-a Lawm: Pathian hnen atanga malsawmna kan hmuh kan chan hian, a Petu chungah lungawi lohva tihtauhsan, hawisan a awl thin. Mahse chutiang tur a ni lova, Kan Pathian chungah kan lawm zel zawk tur a ni.
Lawm Hrim hrim: Kan duh leh duat em em kan chan a, lawm hrim hrim hi mihring mai pawh ni lo, Pathian pawh a lawm lo. Ama siam mihring ten an tluksan khan a tuar em em zawk a ni. Kan thenrual chhungte kan chan a kan lungngai te hi a dik, kan ngaia kan tap pawh a dik, Lal Isua pawh a tah kha, mahse….
Lungngaihna leh Lei lawmna in a tihbuai phak loh kan nunna tak tak, Pathian nena inthlunzawm chu, kan tibuai tur a ni lo, heng hlimna ral leh turah te hian kan thlarau lawmna a innghat a nih chuan, Pathian nena thlunzawm loh lawmna a ni ang.
Lungngaihna tawrh reng lai pawha Thlarau Thianghlim in min pek THLAMUANNA keimahnia awm, riak tlat kha Pathian nen kan inzawmna confirmation a ni. Malsawmna kan dawn kan chan a, A petu kan dem a, kan hawisan phah a, Pathian nena kan inzawmna kan chhu chat a nih chuan Setana hnehna a ni. Chutiang tura zirtir kan ni lo.
Buaina tawk lo Thlamuanna nge hlu ang, Buaina kan tawh reng lai pawha Thlamuanna, chu chu a ni Kan Lal Isuan min tiam. Amah i pan ang u, Thlamuanna tak tak, he khawvel buaina leh harsatna in a tihbuai phak loh a nei si a, chatuan nunna nen.
Report this comment
September 28th, 2008 at 11:05 am
* lawm hrim hrim hi mihring mai pawh ni lo = lawm loh hrim hrim hi mihring mai pawh ni lo
Report this comment
September 28th, 2008 at 11:07 am
* a sentence ka la remdik ta chuang lo
chhiar dik luih a ngai a nih ber khi a…
Report this comment
September 28th, 2008 at 11:49 am
hehe..kanidar, a a buai viau na a a fiah tho mai
Seki chu thawh tha hle mai, mahse chawhma inkhawm lova han chhiar zut zut chu rilru a nuam chuang miah lo
. He hla “Ka Pathian chawmawiin a fak hla chu ka sa ang….Olive leh grape hrui rah lo mahse” tih hi ka hla duh ber pawl a ni awm e..
Report this comment
September 28th, 2008 at 12:46 pm
@luliana chu wonder istyle in chawhma i skip a ni maw
kei in atanga hnathawh a ngai a, hei misual ah seki an a rawn thawh hlauhva, a tihzia khawp mai.
Ni e, buai sawi fel thiam an awm laiin, fel sawi buai thiam kan awm ve a nih hi
haha
Report this comment
September 28th, 2008 at 1:04 pm
@kanidar, kristian chhungkaw campaign ania, ka la truah lutuk lo bawk a ka skip ta mai alawm le
Myself a te hovin ngaithla se an hlawkpui deuh mahna 
Report this comment
September 28th, 2008 at 1:11 pm
@luliana, myself chuan vawiin thu a sawi dawn ni awm e…. hmangaihna lam emaw inthlunzawm tih lam a ni hrim hrim
Report this comment
September 28th, 2008 at 1:56 pm
tha hle mai….sawi nawn fo hian rilru ah a thar leh thin ania!!
Pu zorunpuia , chhungkaw din tum a hma chak tak a la mek phei hi chuan lo ‘underline’ thlap thlap se la ava duhawm em!!
kanidari chu….aaaaaa ka sawi zak
Report this comment
September 28th, 2008 at 2:21 pm
A ziaktu pawh khian a zawm thei bik ka ring lo. Khitiang thu zawm harsa deuh deuh hian alawm, Christian nih hi min ti phur lo thin.
Report this comment
September 28th, 2008 at 2:34 pm
Rilru hah leh buai lai tak a ruah a lo sur kher2 te hian mangan a ti zual!! ‘ka dawn thin’ lo tih thum bul2 te hi a nuam ve dangdai!
Report this comment
September 28th, 2008 at 5:38 pm
Ni ngawt mai….ruahhmanna zawng zawng a han flop vek mai a, kal leh ngaihna tur hre tawh bawk si lo…kawng hi kan dai thim phei buan buan mai a. Chutiang ang hmuna han awm chiah hi chuan “ka lawmzel ang Lalpa ah chuan” han tih tang tang hi chu a har khawp a ni. Mahse Pathian min hruaina kawngah hian Pu Hughes a chuan “the darkest tunnel may be the shortest way to our destination” a ti a. Kristian nun kal chhova kan kawng hmu mumal thiam mumal lova kan kal nawk nawk te pawh hi a tul a ni ngei ang…. A fate chu a chelh reng si a..
Report this comment
September 29th, 2008 at 1:11 pm
A dik a ni. Lalpaah lawm zel kan tum a ngai. Eng vang pawhin harsatna tawk mah ila vui thei kan ni lo. Harsatna tawk thei tura min hruaina te, min enkawlna te, malsawmna te, a tam lutuk sawi sen a ni lo. Heng zawng zawng hi theihnghilhin buaina leh harsatna kan han tawk dek deka kan vui mai thin. Harsatna leh buaina tawk tura min siam a nih phawt chuan kan Lalpa hian amah ringtute chu tlanchhuahna kawng min hawn leh hi ka ring tlat a ni.
Report this comment
September 29th, 2008 at 2:49 pm
Lalpaa lawm hi malsawmna kan dawn vang leh hlawhtlinna kan neih vangte, vanneihna kan chan vangtea innghat a ni lo.
Lalpa Pathain engkim saimtu leh roreltu chuan kan tan Pathian nih a zak lova, fa ang takin min en duh a, chu mi hrechiangtu chuan Lalpaah chuan ka lawm zel ang, tin tuifinriatte chu lo phul bulh bulh mah se ka hlau lo vang an tithei a ni.
Report this comment
August 26th, 2010 at 1:36 pm
Ka mamawh tak ka chhiarfuh hlauh mai aa, a tha ka ti hle mai!
Report this comment