Mizoram tana Duhthusam
October 22nd, 2008 2:08 am | more than words | islander | 216 views|
|
Mizoram hi a hmasawn zelna tura vei tak tak kan tam ve ta hle mai. Kan ram riangte hi a hmasawn theihna tur hian thalai te hian han vei zual sela. Kan politician te hian an phak ang tawk chu an kalpui tawh hlawma tun dinhmun hi kan ding chu a nia le. Duhthawh a na hle thin. Thang leh thar te tana RO tling hi kan la hnutchhiah tlem em avang erawh hi chuan, beihpui thlak angai tih hi chu tuman kan hai awm love. Mahni awmna hmun theuh a kan ram tana tha tur kan vei zawng te sawiho hi a pawimawh hle in ka hria.
Thupui hran ah han then hrang ila -
1. Education and Human Resource: Zirna hi kan buaipui vek hlawm mai. Tul tak ani reng a. Kan education system hi siamthat a ngai a ni, tun ang bek beka a kal hi chuan hma kan sawn muan lai-in mite hmasawnna a chak si a kan hnufum der chu a ni ta maia. Human Resource hi ngaih pawimawh a tul hle mai. Sawrkara hna awm apiang hi chu diltu hian kan tam hneh hle mai. Sawrkar kher lo sumdawnna kaltlang eizawnna siam thei lah kan la tam si lo. Kan thalaite an thiamna neih ang angin India ram hmun hrang hrangah an feh chhuak meka. A tam zawk feh chhuah zel pawh a tul hle. A pawimawh zawk chu chhawrtlak mi kan tam a ngai. Sports lama India-a langtham kan neihte hi an va hlu em.Chhawrtlak tam tura ZIRNA hmun emaw trainingna hmun kan nei lo. ITI level atanga University thleng, chunga zirchhuak ho te mi rawih tlaka lo groom lehna institution pawh kan mamawh. Tawng chi hrang hrang zirna telin.
2. Infrastructure (Hmasawnna ruhrel) : UT leh State niin mahni ro in rel in hei kum 36 zet chu kan kal ve ta a. Infrastructure rintlak leh phuisui (sustainable) kan la nei miah lo hi a rualawh thlak hle mai. Physical Infrastructure ah Basic Need a awm anga, Economic need a awm anga, FDI attraction need te pawh awm bawk tur ani. Institutional leh Social lam pawh hmaih hauh loh tur a ni ang. Henghi sawi zauh theih tak anih rualin kan mamawh miah loh thil thengreng ah hian kan in hmangral tur erawh a ni miah lo. Chung kan assets te chu thataka kan maintain theih a pawimawh. Chung asset management ah pawh chuan Capacity building kan mamawh hle ang. Heng lam khawihtu te pawh hi kan intuaihriam zel pawh a tul hle bawk.
3. Industry : Handlloom and Handicraft atanga Paper Mill dinte, manufacturing chauh hi tunlaiah Industry an ti ta lo, Hotel, Hospital, Tourism thlengin Industry ah ngaih a ni ta. Heng hi mi hausa remhria mi enterprising ni tel bawk te din tur a ni. Chung atan chuan policy mumal kan neih a ngai ang. Socio-Religious-Environment pawisawi lo thlan thiam pawh a tul hle ang. Kan hnam zia leh Kohran leh khawtlang duhdan pawhin heng hlawhtlinna hi a hril thui hle ang. Raw Material te, Product Marketting te leh State leh Central Govt in eng Incentive nge a pek tul pawh thliar a ngai hle ang. Tun kan sawi lo haw lo sela subsidy lem leh tak Industry tuna ding mek ho hi Industry kan sawi tum hi a ni lo. Kan duh emaw duh lo emaw khawvel hmasawn zel hian min thuai bawrh bawrh dawn, look east policy te pawh hi a tak ram a thleng ngei ngei dawn, chumi mila kal thiam kan zir a ngai. ICT /ITES e-commerce kan hman tangkai thiam pawh a tul ang. Technician heng Industry hrang hranga rawihtlak mi kan inchher pawh a tul bawk. Helai hi kan than-mawh-bawk a nih rualin kalphung mumal kan chheh fel chuan mihring chhawrtlak chu kan nei ngei ang. Chutichung chuan hnamdang kan rawih erawh a bang hauh lovang. Heng Industry hrang hrang mamawh tur hi behbawm tamtak a awm sawi sen a ni lo. Chung behbawm atan a huho a hma lak kan thiam pawh a tul bawk ang.
4. Privatisation: Sawrkarin engkim tih a tum hi bansan a hun tawh. LPS leh Zonet han inel te Taxi leh Sumo service te hi tetham hle mahse privatisation that zia tilang tu a ni. Doordarshan ai chuan LPS/Zonet kan en duhin kan hlut fe zawk. Heng ang hi control leh regulate erawh mipui leh operator te interest ve ve veng rana kalpui erawh a tul. Vanlalsailova te thian ho in Solid Waste Manangement lam hawia khawpui thenfai an han tum te hi initiative tha anih rualin, khawpui vawn fai te hi chu privatise ngei ngei tur a ni. Ram changkang zawng zawng tihdan pawh a ni. Govt hna hrang hrang pawh hi privatise tur ani eg Press, Dak sem, Office cleaning & security, bill khawn electric leh tui etc etc, Power transmission & distribution, water supply, Govt asset managment hrang hrang, Tourist Lodges, internet services to Govt & educational institution. Sawisen a ni lo. Govt hi chuan vehicle pawh a maintain thiam lo, CM ber tuipui bamboo industry reng a hlawhchham mai.
5. Social Change: Kan pi leh pute khawsak zia leh tunlai hi han khaikhin ila change chu a tam hle. Heng change hi ram hmasawnna dal lo leh tithuanawp zawng ni lovin, kan her-rem thiam a pawimawh khawp mai. Mithiam kan mamawh a, kaihruaitu kan mamawh hle. Ram thang tur chuan “Mizo chauh” ti tlur si lova, Zo-fate kan inpuahchah a ngai. USA ah chuan Surname nei lo chuan driving license or social security a nei thiang lo. Kan hming ziak dan pawh hi hming pakhat pawt ni lo Surname (heihi thlahtu hming or chi leh kuang hming pawh a ni thei ang) kan dah ngei a tul tlat. Heng lo pawh hi social change kan mamawh debate tur a tam hle ang. Rinawmna, taihmakna, dan zawm that leh hun vawn dik lamah pawh hian change kan va mamawh em. Chanchinbu a kan thil ziak dan thleng hian thlak danglam tul a tam ta hle. Sports leh Music lama kan hmingthan dan te kan tupui dan te pawh hi change chu a ngai a ni.
6. Good governance: Tunlai kan tupui a ni, sawi rawtui vak aia, a tak ram min hruaithleng zo leader kan mamawh. Mipui te pawh dan leh hrai zawm lamah kan than ve ngei ngei a ngai bawk. Everybody has Role to play anih rualin kan ministry leh srawkar hotu lawk te an pawimawh zual, midang kan hai ang tihna ni loivin.
7. Mizo zia: Hnam dang te’n Mizo zia chu taima, rinawm, hun vawng dik, dan zawm tha, rintlak, thawhpui nuam, thian tha, sakhaw mi tih hi min hriat dan nise. Mizo chu mai mai mawle tih kan nih tawh loh na turin - Indo na in a tihchhiat zawh loh Japan, German, Korea te hlawhtlinna bul hi a thalai kan laka miten Mizo kan ni tih an hriat ringawt pawha kan zia tur an hriat theih nan - Mizo la-nu-val rual te hmatiang-sawn (continual improvement) zel kan mamawh tumah kan bang thei lovang.
October 22nd, 2008 at 4:06 am
Thamna (bribing) hi uar lo ila, tawngkam tha aiin a taka thawh hi uar bawk ila, bul tantha kan ni ang. Duhthusam chu Mizoram pawlitician ten an thiam lutuk… kan hruaisual te an nih lel lawl hlawm hi. Kan thlang tling a, kan hlauh tlawn leh lawi a….
October 22nd, 2008 at 4:14 am
a dik lawl lawl khawp mai mahse a tlai zo ta
October 22nd, 2008 at 8:04 am
India Today chuan state tenau zinga tha berah min paung asin.
1.Education and HR: Lekhathiam vak a ngai lo. MNF (emaw Congress) emaw hotu lu tham deuh hmelhriat emaw laina neih phei chuan. Lehkha thiam thiam lak pawh ni hek suh.
2. Infrastructure: Hydel project chhunzawm duhlo (Congress) leh project cancel ngai khawpa compensation hapzo duh (MNF) kan thlang tlut tlut a. Hei zawng kan ngai pawimawh lo tawp aniang, ka lo ti a.
3. Industry: A hming chuan sum chu an seng hnem khawp mai. A tak hmuh tur a tam lo mai mai ani.
4, Privatisation: Zu khap burna state ah tourism a thang duak duak ngai
lo. Traffic jam, passanger railway service awm lo. highway chhe fo leh khawpui kawng sira open sewerage hi tourist ho hip nan an tha vak lo.
5. Social changa: Surname neilo an awm ve nual. Prince, Madonna, Aaliyah, Ashanti, Bono, Cher, Eminem, Pele, Ronaldinho,
6. Good governance: Kum khata holiday 38, 5 hours office time, Central sorkar hnathawk aia hlawh tam inpek. heng ho hian “good governance” an hre lo.
7. Mizo zia; “Mizo zia chu taima, rinawm, hun vawng dik, dan zawm tha, rintlak, thawhpui nuam, thian tha, sakhaw mi tih hi min hriat dan nise.”
A huphurhawm deuh lo maw ?
October 22nd, 2008 at 9:22 am
mahni leh mahni inthunun bakah kan u leh nau,nu leh pa ,chhungkhat laina te ngei pawh hi Pathian duh loh zawng leh ram tan a tha lo tur thlen thei tur an tih dawn reng reng in in khap chat thei ila chhungtin te hi a zia awm ang .Nu leh pate leh ai a upate zahthiam kan tih hian kan khawtlang leh ram tan a thil tha thlen lo thei thil an ti a nih chuan hrilhhriat hi hreh lo I la zahngai tak chungin tichuan an hnathawhnaah te an theihnghilh dawn lo nia.
October 22nd, 2008 at 9:37 am
A ni ngawt mai. Mizo te hi kawng tamtakah kan duai lo viau. Mahse kan tlakchham ber ni a ka hriat tak chu CHARACTER hi ani. Rinawmna leh tih tak takna kan mamawh.
October 22nd, 2008 at 10:16 am
Mizote hian taima, rinawm, dik etc. te chu kan ngaisang viau a, mahse ‘kan mizo zia a ni’ tih chi niin a lang lo. Kan mizo pipute hunlai kha chuan induhsak tawnna te rinawmna, huaisenna te chu a takin hmuh tur a awm thin. Tun generation kal mekah hi chuan a dal zo tawh a nih hi. Hnamdang/ ram dang miin min chel pawlh a, kan mizo ze dik tak kan ngaihsan em2 thin te chu a bo tan mek.
October 22nd, 2008 at 12:44 pm
1. education - Mizoram University te khi a changtlung tawklo ka tia. Hmana university lo luh tum te kha enge an an zel le, 2005 vel khan. Education a pawimawh hmasa ber in ka hria ram hruai nan..university tha, college tha te awm se tunge harsa chung2 leh man to tak2in vaichhe ho bulah zir duk2 ang..kan ram product kha kan ni mai dawn asin..te ka ti ta vel e te ka ti em kha’h?! hehe
October 22nd, 2008 at 12:49 pm
Mizoram University graduate (or post graduate) ho hi an inchhuang em le ?
October 22nd, 2008 at 12:51 pm
#2 khi Borat chhanna ka tawmpui e..kei misual hian..
#3 Privatization - hei hi chu kan tih mak mawh ani.. kan state a unemployment problem tam tak chu a solve ngei ka ring… sorkar hian license hi ui map lo in han sem se loan nen.. idea nei tha2 ani tawh mai..nia bawlhhlawh paih ringawt pawh entirnan… ka hmu lawk thiam ve khawp mai… power supply thleng pawhin ka hmu thei in ka hria .. khawnge ka tarmit.. aw ka hmuthei e
October 22nd, 2008 at 12:54 pm
sorry #4 tih zawk tur #3 nilo in.. aw 3 na pawh khi..Industry te khi power supply te nei tha ila chuan paper industry te hi ka va it tak em! kan state hian power lamah ringawt pawh leiba kan rul zo awm chai siloa.. kan tax pek zozai khi khawnge a awm zawh.. a kim thlap2 em..
October 22nd, 2008 at 1:00 pm
#5 Social Change - hei kher hi chu a har ngawt ang ka ring. Beijing olympics atan khan China khian a mipuite attitude thlak sak tumin tourists lo biak dan tur, tunlai mil a nundan nen, hlim sanga awm dan etc etc a zirtir hlawhchham thak em ni kha’h? Reilote chhunga thlaksak thut a tum a, ka ngaihdan chuan chhia leh tha hriat hmaa kan inzirtir loh vangah ka ngai.. Mizo hi chu ka rilru te hi a la te kheuh2 teh ania..
October 22nd, 2008 at 1:08 pm
#6 pawh Borat chhanna ka pawmpui leh thlap e
#7 Mizo Zia tih khi chu… Mizo chu insawi neuh2 hmang, mi in thil dangdai deuh ti se entirnan mai2 Karate lo hmang ila.. kei hian Karate hi lo zir tlut2 in lo tui em2 ila mi chuan “Engmah a ang chuanglo ang, eizawnna tlak anilo” (dik viau mahse) rilru hnual khawpa in sawi neuh2 kan ban san angai. Zawngrang ho inchei dan ai chuan an rilru put dan te hi copy zawk ila kan ram hi a nuam ani mai ang em?
October 22nd, 2008 at 2:33 pm
Borat. 5. Social changa: Surname neilo an awm ve nual. Prince, Madonna, Aaliyah, Ashanti, Bono, Cher, Eminem, Pele, Ronaldinho.
Surname chu an nei teh meuh mai.
Prince = Prince Rogers Nelson
Madonna= Madonna Louise Ciccone Ritchie
Ashanti= Ashanti Shequoiya Douglas
Aaliyah = Aaliyah Dana Haughton
Bono= Paul David Hewson
Cher = Cherilyn Sarkisian
Eminem = Marshall Bruce Mathers III
Pele= Edison Arantes do Nascimento
Ronaldinho = Ronaldo de Assis Moreira
and Finally
Daduhi= Lalrindiki Khiangte
Kei pawh mizo hnam zinga a te ber hi surname ah hman ching ta ila a that ka ring, Ralte> Siakeng> Khumchiang
Lalkhawveli Khumchiang ti in. Chuan hming atagn pawn mizote kan la tam vak silova chhungte in zawn chhuah a awlsam ngawtin ka ring ani.
October 22nd, 2008 at 3:43 pm
“Mizoram University graduate (or post graduate) ho hi an inchhuang em le ?”
watch this video:
https://www.youtube.com/watch?v=7obilLQfQMo