:HOME:

- Sangzuala Hmar
Tunlai band-ah chuan Tokio Hotel ka duh ber: CJ Snare

Lengpuiah an rawn tum a, Mizoram chu mak an ti kher mai, thlawhna atangin khawpui a lang lova, ramhnuai thing leh mau chauh an hmu si a, CJ Snare-a chuan “E he, ramhnuaiah min tumpui dawn a ni mawi?” tiin fiamthu titak deuhvin a sawi a, a thiante a au a, thlawhna tukverh a dahchhuah pahin “It’s Amazing” a ti vawng vawng a.

An sound engineer lah chuan “Himalaya range chhunzawm zel a ni tiraw, kan la hmu ngai reng reng hleinem, hmuh kan chak lutuk,” a ti a, a thiante chu a au a, Himalaya tlangdung te chu a kawk a, a hlim kher mai.

CJ Snare-a chuan Mizoram ramhnuai chu a thlek vung vung a, “Bengal Tiger te pawh a la awm ang a,” a ti a, engkim mai chu hmuhnawm ti em emin a thlir reng a.

FireHouse chuan Aizawl, Mizoram leilung an rawn rap ta e. Airport atanga an chhuah rual rualin Executive Protection Squad, Mizoram Taekwondo Association te chhuanvawr ho chuan FireHouse venhim hna hi an thawk nghal chat a, mahse anni lam hian India ram hmun dang nena inanglo an tih em avangin an zalen hle thung.

Mumbai firfiaka chetna avangin an ti hle a, a bikin Kolkata-ah phei chuan Security pe lova huaihawttute’n an hruai kual chu an hrethiam lo hle a, hotel atanga chhuah duh loh chang pawh an neih phah a ni, mahse Mizorama chu india rama state ralmuang ber a nih thu te hrilh an ni a, chumi piah lamah venhimna tha tak pek an ni bawk a, hei hian FireHouse member te pawh a ti lawm kher mai.

FireHouse member te chuan Odyssey Events hmalakna fakawm an tih thu an sawi uar hle a, India ram khawpui lian zawk pawhin an tih theih loh in ti thei hi in fakawm kher mai tiin Odyssey Events hruaitute chu an hrilh.

Mizoram hi an vawikhat hmuhna anih avangin han sawi tur em em an la hre lo, an music kan ngaihsanzia hrilh an nih hnuah erawh mak an ti a, anni pawhin Mizo mipuite an ngainat der phah hle a ni. An frontman CJ Snare chuan: “Get ready to sing, and dance , and PARTY. This is going to be one concert that you don’t want to miss”!!! tiin a sawi hial a ni.

Rimawi khawvelah rual u lam deuh tawhte ni mah se an rimawi ngainat zawng pawh a tunlai hle a, CJ Snare hian a band ngainat zawng pawh a herrem thiam hle mai. Aizawl tleirawl tam takte’n an atchilh em em hi CJ Snare-a chuan a lo hre ve hle mai. “Tunlai rimawi khawvela langsar zinga ka band duh ber chu Tokio Hotel an ni,” tiin CJ Snare hian a sawi a ni.

Delta Sounds in theihpatawp a chhuah dawn

Mizopa in Mizoramah hetiang hi lo nei ve ila, ram hla tak tak ami chahchhuah kher ngai lovin keimahni tualzawlah ngei nei ila a awlsam dawn a, ka rawngbawl ve theihna tur a ni tia sawitu CL Para, Delta Sounds neitupa chuan FireHouse concert zana hman turin system thar engemawzah a hung chhuak dawn tih a sawi.

Khawvela huap ang pawha zahpuiawmloh Nexo Innovate Line Array a neih avangin India hmarchhak hmun hrang hranga concert-ah a hmanrua hi hman a ni tawh. Voice of Mr. Big an tih thin, Eric Martin-a concert-naah a hmanrua hi an hmang tawh a, Scorpions ho pawhin an hmang tawh bawk.

“Hetiang system thar ka neih hnuah hian lian tham takin Aizawlah kan la hmang lova, tun hun hi hun remchang a ni a, ka theihpatawp chhuah ka tum a, Mr. Big leh Scorpions-a kan hman kha kan thuam tha ve leh fe tawh e,” tiin CL Para chuan FireHouse concert zana a sound system chhawpchhuah tur chungchang a sawi.

Nexo Innovate Line Array 12 a nei tawh chu thuam thar lehin tunah hian 18 a nei tawh a, hengte hian an zavaiin FireHouse concert zan hian hna an thawk dawn a ni.

A tlukpui awm ngai lo ang hiala ngaih Turbo Bass Sub Woofer an tih mai, United Kingdom siam chuan tlukpui, a aia tha zawk mah a nei tawh, chu chu CD18 Sub Woofer a ni, chu chu tunah hian Delta Sounds hian FireHouse concert a hman turin an hung diam tawh.

“Programme Watts chu 1.2 lakhs vel a ni thei dawn a, engtiklai pawha 80,000 Watts pe chhuak ngar ngar thei tur kan ni, mahse 230 Volts power supply kan neih a ngai,” tiin CL Para chuan a sawi.

“An duh khirh khawp mai, drums pedal ringawt pawh chah chawp a ngai a, an duh ang quality an sawi pek ngei ngei an ngai a, a lehlamah keini lam pawhin hmanraw tha loh theihlohvin kan neih a ngaih phah a, ka hlawkpui viau tawh chuan ka inhria,” tiin CL Para hian a sawi bawk.

Similar Posts

• Firehouse Concert: Engkim peih a ni ta
• Firehouse in an hla lar an sa dawn
• Firehouse India ramah an awm ta
• Odyssey Events leh Firehouse in inremna ziak
• Pasal neih chungchangah Ngengpuii a beidawng?

Recent entries

• Satyam barred by World Bank
• Mumbai Mizo Krismas hman dan
• Zorama Cabinet Vs Hawla Cabinet
• Portfolios of Ministers
• What are your resolutions for new year?
• Thingsehmim vs Rambutan!
• Harassment hi!
• B’lore tlangval vanduai
• Vuantea - Kawmcharnu Anhla
• A mal malin chhiar la

This entry was posted on Tuesday, December 16th, 2008 at 5:16 pm and is filed under News, music and lyrics. You can follow any responses to this entry through the RSS 2.0 feed. You can leave a response, or trackback from your own site.