Mawhre khua a buh deng lai

January 16th, 2009 9:44 pm | Movies and Videos | burgerstud2005 | 982 views

Mawhre khua, Saiha District khaw pakhata buh an deng lai.

Recent entries

This entry was posted on Friday, January 16th, 2009 at 9:44 pm and is filed under Movies and Videos. You can follow any responses to this entry through the RSS 2.0 feed. You can leave a response, or trackback from your own site.

67 Responses to “Mawhre khua a buh deng lai”

Pages: [1] 2 » Show All

1
Lily_parmawia Says:
January 16th, 2009 at 9:49 pm
Kei Lily_parmawia: Thingtlangpa ‘Zo’ vah hian hetiang hian massi chhangban tur ka deng ve toh a sin. An hahthlak mai mai khawp a, en ang ngawt hi a nilo, In dehchhawk( a buh zuk den tak hi) a har phian asin. Tin, den buak a awl phian lehnghal.
Kut a durh pawp2 zel bawk.
2
RDAC Says:
January 16th, 2009 at 10:25 pm
Mawhre khua hi 2004 April khan ka tlawh a, zan 2 ka riak ve tawh a. Indo-Burma border a thingtlang khua nuam tak niin ka hria. A khaw mipui an hawihhawm in an tluangtlam a, Zo numawi an la chhawm reng in ka hria.
1955-57 vela ‘Mau tam’ lai khan Mizoram leh a chhehvela rua leh mau zawngzawng a tam a, an thi vek a, hemi khua hmuna mau/rua chu a tam ve lo a, chumi chu a hmingah chawiin Duhlian-Mizo trong a “Mau hring” khua chu Mara-Mizo trong in “Mawhre” an ti a ni tiin min hrilh.
Posting chu a lunglen thlak hle mai.
Hemi khua Mawhre atrang hian ka pian laia kan chenna khua ral khatan a lang thei a, ka thlir vel a.
3
H.Vangchhia Says:
January 16th, 2009 at 10:57 pm
Kei chu Mawreh/Moreh ka hria Mawhre khua ka hre ngailo…. no offence intended
4
H.Vangchhia Says:
January 16th, 2009 at 10:58 pm
Burger… , sorry, manipur/Burma border i sawi emaw ka tia nia apawlawji
5
chawnghilh Says:
January 16th, 2009 at 11:23 pm
Moriah Tlangte pawh keini hlimsang tan chuan sawi rik loh chi a ni lo! Mawhre khaw hming tobul pawh chu significant tak a lo nih chu; loh theih lohvin an khaw daiah PHURA (hmingthate dam lai lungphun) a awm ngei turah ka ngai. He khua hi ka la tlawh lo.

Buh an deng kha ka tan chuan thil mak a ni lo. Naupan laia deng ve thin, “inthum-rawn” thlenga thiam ka ni. Buh deng kan thlir mek hi chu “in-rawn/in-ruan,” chauh an la ni; mi pahnihin an deng dun. Sum kotlangah ke khing lehlam hlang kangin, buhden liam palh tur kein ka hui hlap hlap thiam.

Tin, HER-SUM an tih hi in hre tawh ngai em? Ka her thiam teh bawk asin! Mizoram khawtghlang lamah chuan “RAH BUK SUM” an hmang thung a; kut hmang lovin kea rah buk tur “suk” an nei thung a; hmun a heh hret.

Kut hi a durh duh ti tan chuan an deng tam tawk lo a ni mai; ka kutphahah hian durhna tur lai a awm ngai lo; a khir-char (callous) hneh khawp mai! Hmeichhe tih turah Mizo mipaten an dah tlangpui thin; mahse, mipa tha hi a chak zawk a. Pitar thing ek keuh keuh bula a tupa sek deuh a lo ding ul mai han hmuhte hi a zahthlak ka ti thin.

Buh den tur hi ni saa pho a nih loh vek chuan, khawchhiat laiin thuk chunga rapchungah kan “HA” thin a; a lo trang at a; chhum pawhin a zawm lo va; a pung thur bik thin. Buh pho hi arin a chuk luai luai loh nan ven a ngai ve thin a; buh pho veng atan pawha chhawr tlak tawh loh hi chu “NOT WORTH HIS SALT” tia Saphovin an indeusawh ang ve vel hi a lo ni thin. @HV, nimina thlawhna tla chu i pate Disaster Management lama mi tangkai tan chuan en a manhla awm ngawtin ka hria! I pa khi ka chhuang asin!
6
H.Vangchhia Says:
January 16th, 2009 at 11:30 pm
A eiruk loh na leh, a theih/thiam ang tawk a a hna a thawhna ah hian keipawn ka chhuang khawp mai. Ty.
7
chawnghilh Says:
January 16th, 2009 at 11:35 pm
Aizawl leh Lungleia thalai engemaw zat lai zingah khian BUH KUNG la hmu lo; puar tak taka tukthuan leh zanriah kil ni tin an awm ang em? Thingtlangah te hian miten SURVIVAL bei hram hram kan la tamzia leh Khawpui in chhawng sang pui pui hi a in-balance lo khawp asin! Kan ZO vi vi hlawm em mai, a tuate mai pawh hi! Cell phone kan hum fir fer avanga kan changkanna teh lua hi ka hmu chuang lo a ni!
8
Lily_parmawia Says:
January 17th, 2009 at 1:11 am
@chawnghilh
Nangni ang hi a ni lawm ni mi “CHANGKANG’ chu ni?
Kan hnam mawl em vang hian kan teh thiam lo mai niin ka hria. keizong ka hun tawn a tlai lua hret toh a, i experiance ang zong2 hi zong ka tawng velo.
Mahse mi changkang diktak ah kei leh ka chhung te erawh hi zong kan ngai che in ka ring..
9
chawnghilh Says:
January 17th, 2009 at 2:11 am
@Lily : “Changkang” min ti suh; “dai lawr ve phian,” min ti chauh rawh; tichuan, ka lung a awi tawk lek ang. “Mizo hnam hi kan mawl lo,” tih ka sawi leh duh, kan History ka chhiarin kan pi leh pute kha chhuanawm ka ti.

Kan pi leh puten Chemistry an lo thiam ziate pawh TELHAWNG BUL an lo sawngbawl dan atang hian a chiang hle; an chemical hman zingah Sodium leh Chlorine ang chete an lo telh kim ve biai a; Laboratory-ah test-tube nen an lo ti chiah lo a ni mai.

Chemtatrawta thawnthute hi ka ngaisang; Emily Bronte-i ziak Wuthering Height-te kha English Literature-a pawimawhna a neih vena chu a ngaihnawm leh a quality a that em em vang ni hran lovin; FLASHBACK story kalhmanga ziak a lo nih ve mai mai vang a ni a; Chemtatrawta thawnthu phuahtu kan Mizo pi pute hi ka ngaisang tawpthang; a thawnthu zatve hnawk kha Flashback story a lo ni daih tawh —a moral a tha nasa mai bawk si; sanitation lamah pawh an lo duhtui thinzia a lang.

Tuikhur manner leh etiquette pawh Mizo-ten kan nei tha teh asin! “A tui kang nghahin aw …” kan han ti te hi QUEUE mawihnai tak a ni; Mary Winchester-i, sap rim nam khan Mizo tuikhur manner pawh a hre lo; mi nghah khawl sa a rawn thal puat puat zel mai an ti nia! Sapho aia manner nei tha zawk hnam pawh kan nihzia kha kum AD 1872-ah pawh khan a lo chiang daih tawh.

Kan Legendary Heroes-te reng reng pawhin He-Man, Phantom, Tarzan, Spiderman etc., an khum vek. Mi hnam thawenthuin kan hnam thawnthu ne pawh an ek pha ngai lo!

Sakhuana lamah pawh Joel Osteen, Billy Graham-a te aiin kan thalai Drug addict inlamlet hlimte pawh khi an thei pang pang zawk zel! Vanram hi Pathian thu sawi hnem atanga teh ni phei se; Mizo-te hi kan kai kim dial mai thei asin.

Experience neih tam hi a pawi lo; di inah ka cheng hman; ka hnap pawh ka kut hnung lama huiin ka mawngtamah ka tat fai hman vek. Khur hlaa inbuala insu hman ka ni. Lifebuoy awm remchan loh changa chingala inbual, nawhlunga sazu ek tiat tiata innawt khawk hman ka ni. Ke-lawnga sikul kal hman; lunglehkha (slate) leh a siakna (stylus) hmang hman; kan chhiarkawp pawh “Rs Anna Pai” chhut hman ka ni. Pawisa lai-kua pawh hre ve hman em em ka ni bawk. Vannei leh nihlawh ka intihna em em chu Pathian ngilneihna leh malsawmna avang liau liauvin; President hmingthang John F Kennedy-a te hmuh hman loh hmu phaa hun kan lo hmang ve hman hi; tunlai technology handle thei vek bawk sia kan awm hi … phu loh thil ka tawn a ni. “Linking Past and Present” chungchanga sawi tur nei ve pawl ka inti. Tunlaia Mizo thalaite nihlawh tawhzia hi … an tumruh leh ruh loh, taimak leh mak lovah malsawmna leh anchhia a inchhek khawl vek tawh a ni. Mizo-te kan nihlawh hle; kan pi pute rinawmna rahchhuah leh Pathian malsawmna chhairsenloh kan dawng a ni.
10
father_sphinx Says:
January 17th, 2009 at 2:24 am
Ka deng ve ngei tawh, hahthlak duh mai mai. Strategy game ve riau alawm.. tih dan te te hi a awm ve a, kut a durh duh bawk.
11
winning Says:
January 17th, 2009 at 5:20 am
Mi 3-in kan in rawn thin, a thiam zual chuan Chawnghilh sawi ang deuhin a kuang atanga liam tur ke-a phiat lut zauh zauh phahin hui-ham tih ruala thaw la phahin min chhawn thin..lung hluite pawh a leng a lawm maw le!!
Lily sawi ang deuhin Chawnghilh ti ti ngaihthlak hi a bengvar thlakin vanneihna ropui tak niin ka hria.
12
winning Says:
January 17th, 2009 at 5:22 am
Tuikawh tin vuma In thlen thei chin ka ni ve a sin ..Chawnghilh
13
lalmisualpa Says:
January 17th, 2009 at 5:46 am
Khitiang deng thiamlo pawh khian eitur chu ka thawkchhuak tho. no offence.. Ka pianna a tlai vang ani tui pawh ka kawt thiamlo. Kut hna thawk lova ei hmuh dan ka chhungten min zirtir atin ani
14
chawnghilh Says:
January 17th, 2009 at 6:12 am
Mustard Oil tin ruak kawt pawl an awm; tuikawhna hi Bihari Santhali-ho hian an suih mawi thiam riau mai a. Tin, eng tik kum nge ka chiang ta lo … Middle School Leaving Examination-ah khan Drawing-ah “Tui chawi lai lem ziak rawh,” tih a lo chhuak a. Mizoram hmun hrang hranga tui an chawi dan, mahni area te tea an tui chawi dan a lo danglam hlawmzia a hriat theih khawp mai, an ti.

Tui-um khirhin hmeichhiaten tui an chawi bawk; fenthlir in hria em? Tui-um lek kanga tui in hi thiam a har khawp; a rawn luang thut a; duh aia tam kaah leh hnarah a lut bawrh a, a luang liam lah a tam … hak bawrh bawrh a awl khawp asin le.

Ba-ne chhum in ei thiam viau em? Ka la hriat reng thin chu nulaho hian bane chhum hi a pil an kheh niau niau va; kut zungtang berh liaiin an ei a. Hun an duh rei khawp thin a. Tlangval pakhat an zinga awm ve khan, “In va kheh rei thin ve maw le, hmet li zawih zawih ula a ni mai alawm!” zu han ti a! A hmeh lik dan an inzirtir sauh sauh va, an hmet li ta zawih zawih a, an ei ta teuh a nih hlawm kha!

Kei chu Sikul-a Devotions-a tawngtai hi ka hreh thei khawp a; ka sikul luhna ka sawn phah daih zel.
15
Aryan Says:
January 17th, 2009 at 7:55 am
Hna hahthlak tak ani, tih than a ngai.

Hmanlai tuikhur manner hi Bus stand ah hian chhawm thei ila a tha ngawt ang

Ration semna velah chuan an la intlar mawi thei khawp mai. A sem tuten an duhsak zawng te queue an jump tir thin tih mai loh chu.
16
Aryan Says:
January 17th, 2009 at 7:59 am
Pakhat zawk khi a lai anih hmel he he
17
burgerstud2005 Says:
January 17th, 2009 at 8:15 am
Mawhre khua hi in 100 vel awrh awmna a ni a.RDAC sawi ang khian Mara tawng chuan Mawhro a ni.Mizo tawngin Mawhre.Mau hring hmun tihna deuh a ni.Mautam khan mau a tam ve lo.A hring dup.Mawhre khaw piahah hian Chapui a awm a.Chapui leh Mawhre inkar kawng hi jeep leng tawk tawk a ni a.A hnuai a kham hle bawk.Motor in tawh chuan pakhat zawk zawk khaw thleng rawk a back a ngai thin.Chapui hi Mizoram kil te,Burma border a awm a ni.Chapui kan kal dawn chuan Mawhre atangin signal in an hrilh a,motor an lo ding thap thin.

Ramsa a la tam a ni ang,sa lu an tar nalh thei khawp mai.
18
winning Says:
January 17th, 2009 at 8:24 am
Chapui khuah hian thian ka nei, mahse he khua hi ka la tlawh ve lo thung. Vairampur-a lehkha ka zir ve thinlai chuan Mara thian ka nei ve nuala, an fel hlawm khawp mai mahse Mizo ho ang deuhin hnambila inkawm khawm nuam an ti ve thin khawp mai.
19
burgerstud2005 Says:
January 17th, 2009 at 8:35 am
RDAC kha Mawhre atanga i pianna a lan theih chuan khawi khua ni ni ang aw…Chapui emaw Chakhang a ni lo maw.I va piang hla reng reng ve.Zawngling emaw Chheihlu poh a ni mai thei em.

@winning:chapui khua chu nakum ah chuan duh duh in a tlawh theih tawh ang.PMGSY kawng an lai mup mup alawm.A tlang mai ang nakumah chuan.Sangha tlangvuak te an nei thin a.A nuam khawp mai.
20
RDAC Says:
January 17th, 2009 at 9:28 am
@burgerstud2005: Ngai Phai Pi khua(Ngia Phia Pi) daih maw le!!! I hria em. Mawhre atranga khawchhak lam daih khi. Ka pa kha khatih laiin sorkar hnathawk in a awm a, a khua ah tak chuan ka piang lo a, ka pian laia kan awmna khua ka tih kha. Mara Nation a din hunah kei chuan ‘Citizenship’ ka nei thei a lawm!!!!!! Ka pian hnuah 2004 khan Mawhre khua an ka thlir leh kha ka hnaih ber trum a ni. Ka thleng ngai tawh lo. Ka naupan lai chuan Mara hming pawh ka nei alom.
21
winning Says:
January 17th, 2009 at 9:33 am
burgerstud2005 : Nakum lama kawng a tlang theih chuan Sangha vaw turin min la kal pui ang chu ti raw, Pathian zarah ka lo zin thei emin ka ring a…..sangha vuak hi ka chak teh mai a nia
22
RDAC Says:
January 17th, 2009 at 9:38 am
Ka han chhunzawm lawk teh ang.
1935 ah Burma ram chu India Viceroy hnuai atrangin ram khat anga indang turin, Governor hran in Rangoon aranga awp turin British ho khan ro an rel a, 1937 ah a indang ta a. Burma leh India pawh ramri chiangkuang taka siam a trul ta a, Mara ram chu ‘Ngai Phai Pi’ awp ram leh ‘Chapui’ awp ram tiin hmun 2 ah a awm a. Hemi khaw 2 a lalte hi unau piangtlang an ni a.
British ho khan “Mara ho hi Khawi lama awm nge in duh? Burma ang nge India ah?” tiin an zawt a. Lal unau 2 hian an ngaihtuah ta a, ” Burma emaw India ah emaw ram khata kan awm khawm dawn chuan kan khua inkara Boinu lui ah hian lei (bridge) dawh/sak a trul dawna, kan mipui ten hnatlang (Kooli) an thawk nasa lutuk anga, an hah/rethei lutuk ang. Burma leh India ah awm hrang ila, lei dawh a ngai dawn lova, kan mipuite an phur a riht lovang” tiin.
Chuvangin Mara ram (Mara mipui) chu Burma leh India ah threndarh an lo ni ta a ni, an ti.
23
burgerstud2005 Says:
January 17th, 2009 at 9:41 am
@winning:Chhim lamah ka awm tawh lo.Min sawn leh daih tawh.Saitual ah ka awm leh daih tawh.Sangha tlangvuak chu nuam thei tak a ni.Chapui khaw luh dawn hian lui te tak te a awm a,chu lui tui chu a thianghlim in,a chhak chu ngaw dur khup a ni a.Saidaium bur a tui dah te hian a psawn hi fridge a dah ang mai hian a paw phut thin.Chu chu Chapui upa lam thi tur tawh hian chu lui tui chu ka in chuan lungmuang takin ka thi thei ang an ti thin.Chapui khua hi an fel ve reng reng a.Mikhual tawh phawt chu thil an hawn tir ngei ngei thin.An neih chhun a ui lo re re.Chhim saw fan tham a awm asin.Adventure tui mi tan phei chuan nuam tak a ni.

@RDAC:Ngia Phia Pi chu hre chiah lo.Burma Mara khua a nih chu.Tuipang ka awm lai khan Lungchoite tih te,Hloma tih te hian buh an rawn phur thin.Sabongpui poh ka hria.Chu Mara i ni tihna em ni.Nge Chinzah i ni?.
24
flying Says:
January 17th, 2009 at 9:50 am
kha te chu kan ni vek a lawm RDAC.

burgerstud2005 “. Chu Mara i ni tihna em ni. Nge Chinzah i ni?’.

Chinzah ( cinzah ) hi Chi peng familyname ni in ka hria ka hre sual lo maithei, Mara tia in kozingah pawh hian an awm tihrual in, Lai zingah pawh an awm, Lal chi an ni ve tlat. Ka lo la tar lang ang, WHO ARE THE LAIS(MI). CHi peng hrang2 te. Tin chhaklam a mara inti te cu LAI ah chhiartel vek an ni a tihrual in an mahni pawn Lai trawng an thiam deuhtlangpui.
25
burgerstud2005 Says:
January 17th, 2009 at 9:58 am
Chinzah hi Lai an ni a,Chozah hi Mara.Chhak lama Mara te Lai an ni lo.Mara leh Lai chu a hrang alawm.Chozah chu lal chi an ni.Chinzah pawh lal chi an ni.Chozah chi chu an nula te an to ber pawl an ti.

Thil mak deuh chu Mizorama drug leh ruihlo zuar hi a tam ber chu Burma mi kan tih,Tiau atanga lo chhuk ho hi an ni a.Mara mi,Burma atanga lo chhuk te hi chuan social problem an siam lo tih theih a ni.Saiha khua vela ruihhlo a sumdawng thin tam ber pawh hi Burma Mara ni lo in Burma atanga lo chhuk Tiau Lui kan ho hi an ni zel.
26
flying Says:
January 17th, 2009 at 10:07 am
champhai lam hneih ho khi an ni tlangpui in ka hria. P Tih rual in Vairengte lam a trang hian tawl ruk a tam tham tih thawm an sawi ka hre thrin. Chhanchu a tlawm lutuk an ti phairam ah heng ruihhlo te hi.

Um ni e, Mara leh Lai, Hmar leh lusei/shei zomi leh paite?
27
burgerstud2005 Says:
January 17th, 2009 at 10:12 am
Tawngtaina hi Mara chuan thlachhana tih niin ka hria,Lai tawng chuan Thlachhamka.A dik em em aw.Kan pa Vana mi chu Mara chuan Ei ma paw,Varah liata paw.Lai tawng chuan Bawipa,van chunga um khai pa.A dik loh pohin dik trep ang.
28
joboty Says:
January 17th, 2009 at 10:16 am
burgerstud2005 chu saitualah maw i oma?
29
flying Says:
January 17th, 2009 at 10:20 am
Lai trawng chuan i ziak dik chiah lo. “.Thlachhamka”. Thlacamnak ( Thlachamnak) . “. Bawipa,van chunga um khai pa”. Bawipa, vancung i a um mi bawipa. tih ani ang. https://www.cacc.info ah hian ciang zawk in Lai langauge zirna an siam.

Ti daihte ang, Burma ram a zaithiam lar, Sungtinpar-i pawh hi mara cu ania a ma kan kawmna ah chuan Lai ka ni a ti daih. P.

He nuhi en tawn tlaktak ani, a pasal neihna tur sum a in tuak diam mai. Pasal nei tur in a in puahchah mek ve a, Kyat 700 Nuai in Wedding a hmantur in a duangfel an ti. Zofate zaithiam zingah chuan sumseng tamber tur ah ka ngai. A pasal tur hian a seng vak dawn lo ni in an sawi bawk.
30
Aryan Says:
January 17th, 2009 at 10:24 am
Nuai 700 chu india pawisa in engzat nge. Hman deuha ah khan Lelte in Mizo inneih manto ber chu an rawn ziah tawh kha. Tute nge ka hre talo
31
flying Says:
January 17th, 2009 at 10:27 am
Tun a poisa thleng rate hi engzah chiah nge ka la finfiah bik lo a han multiply tur in ka harsat. Exchange rate Rangoon ah hian engzah chiah in nge an lak, Blackmarket in ka chiang lo. Aryan. Ka lo try chhin dawn ania hun rem changah.
32
burgerstud2005 Says:
January 17th, 2009 at 10:37 am
Sungtinpari chu Lai mi emaw ka lo ti hrim hrim.A hming atangin Mara a ni dawn em ni.E taka,a nu Mara a ni an ti zawk.A pa Lai ni awm tak a ni.
33
flying Says:
January 17th, 2009 at 10:40 am
Ti hian ka chhut keima chhut in, U.S $100 equal to kyat 100000 in hei ai pawn a tam ang. Atlem ber hian dah phot i la Kyat 700 chu U.S $ 70000 in dah ta i la Indian Rs in 3,413,900.48 vel tihna anih chu. Ai in a tam nge ang.

ka chhutsual maithei. P
34
flying Says:
January 17th, 2009 at 10:41 am
Kha kha ka lo chhiar ve a lawm Aryan lelte ah khan, nuai chuang chu an sen nge kha.
35
chhurliana Says:
January 17th, 2009 at 10:42 am
Vangchhia i MOREH hriat hi chu maw Manipura KUKI khua a ni e.
36
flying Says:
January 17th, 2009 at 10:47 am
Burger … Nia sin, chhaklam Mara te chuan Laihming an pu deuh vek jok a lawm, Entir nan thlanglamah Hmingtawp ah (a) leh (i) awmlo chu mizo lo riau a an ngaih ang khian chhak lam a mara te chuan Laihmingput hi an uar ve a lawm. Apa khi Mara diktak ani.
37
Maramizodiktak Says:
January 17th, 2009 at 11:11 am
@ Flying,

Chhak lama Mara te hian Lai hming put an uar vang ni lovin, sikula an zirtirtu hmasa tamtakte kha Mara ni lovin Lai annih avaingin, Mara hming kha Lai tawngin an transliterate sak vek ani zawk e. Mara leh Mara in kar ah chuan Laihming in an in koh ve lo. India Mara khua hming tam tak pawh Duhlian-Mizo tranliteration hmangin kan ti dang lam vek a ni hi. Entirna, Mawhro tih mai tur kha Mawhre kan ti a, Chapi tih mai tur kha Chapui kan ti. Duhlian-Mizo transliteration hian awmzia a neih tawh lo. This is unnecessary Duhlian-mizonization and Lainination of the Mara people. It will have counter-productive in the future.
38
flying Says:
January 17th, 2009 at 11:18 am
@maramizodiktak: I sawi chu ka pawmpui che.
39
lalmisualpa Says:
January 17th, 2009 at 12:38 pm
#30,#34 lelte in kum dang pawha an thlan ngailoh wedding of the year a an thlan ve ngawt kha maw. Kei pawn ka hria. Doctor nupa fapa neihchhun mbbs zirlai mapuian doctor nupa fanu doctor ni mek dr.zorini te in neih ani awm e. Pui ve tak chu ani. Mapuia pa hi Dr.Pahlaia,health director hi niin ka hria. Anupui pi.Kaitei pawh nihna sang tak nei ve ani… Ka rawn off topic deuh duah… In hriat chak takin ka tia
40
burgerstud2005 Says:
January 17th, 2009 at 12:53 pm
Lelte chuan London hi developing country a ti.Hahthlak.
41
sillyBoy Says:
January 17th, 2009 at 1:04 pm
#39 Lelte chuan inneih senso tam chungchanga ziah ka chhiarah chuan P&Sons fapa Mazuala te inneih kha a nia.
42
lalmisualpa Says:
January 17th, 2009 at 1:16 pm
Aw Mazuala te inneih pawh kha an sawi nasa… An lo nei äm zel,mi hi chuan. Kei misualpa mirethei neih neilova hian engtin tak nupui chawm ve ang i maw!
43
chepahakhata Says:
January 17th, 2009 at 1:40 pm
Tunhma chuan rahbuk nen buh, chhang ka deng ve nasa thin.

@flying, Sungtinpari chu Mara hoin Zo lam chi a ni e an ti a sin, Zophei or Zotung ni angin an sawi tlat a ni.
44
Lily_parmawia Says:
January 17th, 2009 at 2:38 pm
@lalmisualpa
Hetiang i experience ve miah loh hi ka dem hauh lo che, aizawl a seilian tan hian han den na chance a omlo ve bawl em a tin ni.

kan insoi theihna pawh a thra viau e, tiang tur hi ani insoitheihna chu. Kan hnam nunzia hi i zahpui mawlh lovang U..
45
burgerstud2005 Says:
January 17th, 2009 at 2:38 pm
Lai chu Zo ni lawm ni.Mara pawh.Zo lam chi chu nih ngei hmel…

Kawnglawng buh sen hi a tuyi ka ti chhang ban ah chuan.Kan naupan laiin ka nuten an deng thin.Chhang ban hi chu ka duh khop mai.
46
Dinthara Says:
January 17th, 2009 at 3:04 pm
Buh den maw?Hahthlak lutuk.Mi 2 emw kan han inrawn ngei a,pakhatin a kein a baw tur a lo thai lut zeuh zeuh thin.Tihthan loh chuan denpuite ke khawn palh a awl khawp mai.Krismas dawn hi chuan kan la deng ziah thin,kawnglawng ngei hi a tui.
47
Gerrarda-pa Says:
January 17th, 2009 at 4:12 pm
No comment!
48
chhana Says:
January 17th, 2009 at 4:27 pm
An tan hmel tawp. Ei a chakawm khawp mai.
49
beethugs2 Says:
January 17th, 2009 at 6:21 pm
Vawi khat ka thiante khua ah ka zinin buh kan deng a,…ka kut zawng zawng a durh vek…han sawi kha ka zak ve deuh sia…a tawp thleng ka then tluan zak..hrehawm ve tak ani tih ngai loh chuan…

Hetianga hah tak leh rim taka thawk te hian an thawh hah man tal an seng ve theih nan hian plan mumal tha tak hi chu awm thei se ka ti thi khawp mai..:-(
50
winning Says:
January 17th, 2009 at 6:30 pm
Sungtinpari chu va ti tha em em ve, US $ 70000 chuang seng tura Inneih buatsaih chu ropui hle mai, chu pawh chu ama thawhchhuah ngat lehnghal. Ka tluklo che a ni e Parte…