What is Voxox?
February 2nd, 2009 4:00 pm | Information | perek | 361 views|
|
Post hmasa zawkah khan Internet hmanga SMS bill save dan kan sawi nual tawh a, tunah ve thung chuan, Fathera’n pfingo.com min kawhhmuh a zarah Internet hmanga Phone bill save dan han khel leh mai mai teh ang.
Voip (voice over internet protocol) hi kan hre nual tawh âwm e (not to be confused with Voice Chat). Mahse, a technical lamah lut lovin, he technology hmanga internet atanga man châwi lova phone call siam dân (Free PC to phone calls), hriatthiam awl thei ang berin han sawi tum ila.
India ram pawn a awm misual ho chuan kan hriat deuh vek tawh ka ring PC to phone call (free or paid) hman dân hi chu. Skype hmang te pawh kan awm nual ka ring. Amaherawhchu, heta kan sawi tum tak chu India ram chhûnga awm ten India ram chhûnga awm te vêk man chawi lova phone theih dan a ni (example, calling your friend’s mobile from your PC using your internet connection, with no extra charge).
PC (or internet) to Phone company/provider hrang hrang hi an tam tawh hle a. Nachina kan sawi tawh, Skype te, pfingo te leh a dang dang, Jaxter, Vonage, BroadVoice etc, te pawh hi chutiang Voip provider chu an ni. Mahse, heng company te hi chuan an service hi free in an pe chhuak lem lo. Call man erawh regular phone company in an charge ai chuan a tlâwm hret. Customer hip (attract) nan free $2 vel (or 10 minutes talk time worth of credit per phone number) te pawh an pe (offer) mai thei (eg: pfingo).
Fathera’n pfingo min kawhhmuh hnu khan, kan inchhunga mobile number zawng zawng (6 vel) chu ka han register zung zung a. Chutichuan talk time (or balance) chu minit 60 vel ka nei ta a. Mahse hei hi account hran theuh (for each mobile), leh email hran theuh neih a ngaih avangin a ninawm duh hle. Minit 10 tê tê a han hman chuan ral pawh a ral chak duh khawp mai. Ni khat/hnih chhûng lekin ka minit 60 neih chu ka hmang zo chu a ni ta der a. Mobile number dang register tur neih tawh si loh chuan, ka pfingo install chuan awmzia vak a nei ta lo a.
Ka pfingo account zawng zawng ka hman zawh tak avang chuan tihdan dang (option) zawn a ngai ta. Zan rei thlengin ka google ta chiam a. India chhung call nan chuan FREE PC to phone service chu a awm lo ang tluk ani. US, UK, Hong Kong, Iceland etc a thian/chhungkua nei te tan chuan iCall te leh FREE unlimited services dang dang chu a awm nual. Mahse, keini ang India ram pawn a call tur tumah nei ve lo tân chuan hman na tur a vâng hle.
iCall hi han sawi thui deuh ila. Hemi software hmang hian minit 5 (vawi engzah pawh) US number ENGMAH chawi lovin i call thei. Hei chu keipawhin ka ti chhin nasa a, tha ka ti khawp mai. Tawng ri (signal) hi a fiah hle a, dial pawh a tlang zung zung mai. Las Vegas leh California vela Hotel receptionists ho kha chuan min lo ning viau mai thei ani. “Are you so suar this is America!?” ka han ti thin mai chu, an rawn “Excuse me?” loh leh “beg your pardon?” nasa thei khawp mai.
(Note: While iCall puts a 5 minute limit to their free service, others such as callingamerica.com, according to their website, offer about 15 minute free calls to the US. Services like earthcaller provide free calls to other destinations besides the US. But, as usual, India is not included)
US lampang rawngkai deuh ho kha chuan googletalk + talkster hmang pawhin free phone calls to US (and several other countries) a siam theih tih in hriat tawh ka ring. In lo la hre lo anih chuan a tih dân google mai ru, a har lêm lo. Hetah chuan kan topic sawi tum ber anih loh vangin kan sawi vek seng lo tlat.
India chhung ngêi free a call dân ka zawn kual hrep hnu chuan, Voxox tih service hi ka hmu ve ta tlat mai. Anni company tih dân hi chu a tha dangdâi khawp mai. Pawisa chawi lovin credit earn zâwngin an ti ve thung. I sign up veleh a i phone number i register chiah khan 2 hours credit i nei nghal a. Chutichuan, invitation i siam a, i invite ten an sign up apiang khan extra 2 hrs talktime i dawng zel. Voxox hi company thar a ni a, Skype te pawh hian an er ru hle tawh an ti.
Voxox chu ka download ve ta ngêi a (24 MB vel a ni). Install zawh a signup tur a ni. Ka download zan kha chuan signup page a in load thei der lo a. A tuk ka thawh veleh ka’n ti leh chhin a, ka signup ve thei ta. Ka mobile ah verification code min lo thawn a, ti chuan ka first call chu ka’n try ve ta a. Vawikhatna ah chuan a theih mai loh. A vawi 3 na velah chuan a ring ve ta rang rang mai. Ka My Dear-i ngêi chuan a lo pick up a. “Tu number in nge min lo call a, a va international ve?” a lo ti vin hlar mai. Kei chuan in ti thei takin, “US a ka thianpa number internet through in ka rawn hmang zuai a ni”, ka han ti vel a. Ka My Dear-i chuan, “kan buai lutuk, nakinah lo ti leh rawh” tih pahin a hangup ta hmiah a. Impress ve viau ang chu tih laiin a lo ngaisang teh chiam lo ni awm tak ani. Call tur dang hre tawh loh chuan Orkut a ka nula hriat ve chhun ang ang te chu ka scrap kual ta vel mai mai a.
Voxox hi service thar (in its beta stage) anih avangin hman a la nuam em em lo. A crash zin bakah signup ringawt pawh hi a buaithlak tham ve. Mahse, keini ang computer hma a thu chut chut reng, wallet pawh chhah lem lo, leh India chhung bâk call tur neilo tân chuan pawisa seng lova hman theih awm chhun kha a ni tlat. Han en ve chhin reng reng teh hetah hian - https://www.voxox.com/
Similar Posts
Recent entries
- Mizo Mi hlawhtling Chhuanawm te
- US Military vehicle thar!
- Kulikawn pa HT Sangliana ka hmu ve ta!
- Mizo Celebrity to Perform in Australia
- Aizawl In Sak
- Tech help please
- “Viva la Vida” wins Grammy for song of the year
- Mariah Carey’s “Ken Lee”
- Mizo te hi kan lo va duai lo em !!
- You Never Let Go - Matt Redman
February 2nd, 2009 at 4:15 pm
Ka login thei tawh e. Thank you guys!.
February 2nd, 2009 at 4:43 pm
Ka la hrethiam chuang lo
February 2nd, 2009 at 4:51 pm
@muantea, Eng ber maw i la hriatthiam loh?
February 2nd, 2009 at 5:12 pm
e khai, i zawng kual peih bawk a, i hmuchhuak tha hle alawm. Kei pawh thawkkhat lai kha hetiang hi ka buaipui vak a, ka hmu hnem khawp mai. chi hrnag hrang chu.
evaphone.com te pawh hi a tha, mahse biak theih chhung a tawi lulai em a ni. hei chu eng software mah install a ngai lo, i browser in flash player a neih chuan a tawk khawp mai. ram hrang hrang call theih hun chhung a inang lo a, an website ah a duration an phal chin chu a inziak. india chu vawi khat call ah 2 mins a biak theih a, nikhatah call vawi 2 bak a siam theih loh.
ka peih ta lo deuh aniang, ka lo ti ngai tawh lo a, bakah mi call tur neih vak loh chuan a ho. hahaha… vovox chu kan en ve chhin teh ang.
February 2nd, 2009 at 5:26 pm
@father_sphinx - I lo hre hnem cher cher hle mai a. evaphone chu kan en ve chhin leh teh ang…
February 2nd, 2009 at 5:32 pm
Hmanah kan office ah hian Lakme international hovin an marketing campaign nan an product thar chi hrang hrang promote pahin free skin check-up bakah hmeichhia leh mipa hman chi cosmetics chi hrang hrang nen kiosk te hi ni khat chhung an rawn nei a. Ka vun chu a lo la tha han han khawp mai, nula tamtak aiin a la mam zawk hehehe. Kan thianpa pakhat phei chuan rangka tui luan bengbeh hi a dawng a, kan nu ka hawn dawn a tia, nula hovin an dil pawh in a pe phal hauh lo. An nu chu a lawm viau ang.
Ka sawi tum tak zawk chu khating a free check up leh, free samples vel kan dawng dawn anih chuan form hi kan fill-up hmasak a ngai phawt a. *Conditions apply
Kan Full name, Address, Date Of Birth, Phone number, e-mail address etc. Tichun ni hnih/thum hnu velah chuan e-mail vel ah lakme ho product an rawn advert te chuai2 mai, nitin pahnih khat tal ka dawng ta ziah mai a. Ka phone number kha chu a number hlui ka pek avangin call chu ka dawng lo hlauh thung. Ka thianpa chu a chang hian nula aw no deuh hian lakme product chi hrang hrang hi a rawn zawrh thin ta si a, an nu khan hrechiang mang lovin lo pick ziah thin se a lawm tawh vakin ka ring lo. A ninawm duh viau ang 
Hetiang free offers alo kal hian eng ang chiah a thui in nge ka private information kha ka compromise tih hi hriat chian tum phawt ila a tha awm mange (Terms and conditions hi kan chhiar peih ngai thin si lova in register lai hian). Khang information kan share thin kha Company ho khan an data base ah an khung hmiah hmiah zel thin tih hi hria ila- kan hriatpui na kan pe thlap. Heng information hi marketing research nan leh an ‘Leads’ ah min lo hmang thin ani. I fimkhur ang u- nothing is really free!
February 2nd, 2009 at 5:43 pm
Kreegah, i sawi chu a dik khawp mai. A bikin, website thenkhat a email diktak a kan sign up hian, spam hi a pung duh khawp mai. However, tuna kan sawi tak zawng zawng Voip services ho khi ka signup deuh vek tawh a, Email or SMS Spam pakhatmah ka la dawng lo. Chuvangin, khati zawng kha chuan hlauhthawn awmah ka ngai lo. US providers an ni tlangpui a, kan number hi chu engvakah mah an tih teh ual ka ring lo. Amaherawhchu, an website emaw software ah hi chuan advertisments a tam thei khawp mai. Hei hi an revenue or pawisa luhna ber pawh a ni. An free service hi chu an Company promote nana an tih te pawh ani hlawm..
February 2nd, 2009 at 5:49 pm
Kei pawh ka dawng ngai lo. khitiang atang khi chuan.
February 2nd, 2009 at 8:09 pm
voxox chu tha vak lo nih hi, trawng an hre har thei e mai.
lol
February 2nd, 2009 at 9:39 pm
Naya sen pawh sengso lova inbiakpawh theihna lam ai mahin … I ‘My Deari’ i biakpawh chanchin kha ka tan chuan a romantic zawk tlat! Man chawi ngeia thil tih hi a tha zawk a niang e; in-chhas laia FREE fo ai chuan, Cheng zali leh thutphah man sawmhniha tihfel mai hi a thlakhlelhawm zawk chang a tam thin asin —’I thee wed…” tih hnua inchhangkham leh si hi … a excruciating tawps … an ti.
February 3rd, 2009 at 12:35 am
@chawnghilh , Haha..sawi dik khawp mai. Cheng 450 kan neih hunah chuan “I thee wed” kan la ti ve em ang chu
February 3rd, 2009 at 1:50 am
Free ngaina mi tan chuan test ngei chi.. Test ve nghal teh ang.. that hmel phian..hehe.. International call nan eng hi nge tha ber? like UK
February 3rd, 2009 at 2:26 am
’I thee wed…” tih hnua inchhangkham leh si hi … a excruciating tawps … an ti. tih lai tak mai hi…hairehai
February 3rd, 2009 at 2:54 am
LAST STEP… PLEASE VERIFY THAT YOU ARE A REAL
PERSON BY CHOOSING THREE PICTURES OF NATURE BELLOW helai hi pic hi a fuh thei miah lo.. engtin nge..perek..lol
February 3rd, 2009 at 2:56 am
a dik leh hi..hehe.. a om zia ka lo hre lo a lom le
February 3rd, 2009 at 1:22 pm
Voxox chu ka hmang tangkai khawp mai. Tih dan te hi a awm ve in ka hria. Chuan, net connection hi a stable hle a ngai bawk. Kei 256kbps BSNL Broadband ka hmang a a tha khawp mai..
February 5th, 2009 at 2:33 am
Ka thiam ve chuang dawn lova; chuvangin ka tum buai lo mai nange. Keimawl mi hi.