Tu in nge Parliament-ah kan ai awh ang?
March 23rd, 2009 11:45 pm | Politics | jamesrdm | 650 views|
|
Parliament-a Kan Ai Awhtu Tur
- James Ramdinmawia
Lok Sabha 15-na thlang turin Political Party tinte chu mawng vawm ba ang sekin an phe leh ta suau suau mai! Tun hi kan hma lam kum nga chhung atan India ramin hruaitu atan tu nge a neih dawn tih inrinsiak hun lai tak a ni a.
Engkim hi Pathian remruat a ni, tunah pawh hian eng ang pawhin sum hmang nasa-in emaw, campaign strategy sawiselbo pawh vawrh chhuak mah sela Pathianin an hun atana a ruat a nih loh chuan an tling chuang lovang, eng party pawh ni se, ti te-in kan la inhnial leh dawn. Pathian chuan hun ruat chu a nei ngei alawm, mahse miin Amah an tihlawm dan azirin chu mi tana a hun ruat tidanglam theitu chu Amah Pathian bawk a ni.
Lal Hezekia tan khan Pathian hun ruat, a thihni tur a thleng mai tawh dawn a, mahse Zawlneiin rum el awla a councelling hnu-ah Lal Hezekia a inhmuchhuak a, thinlung leh tih tak zeta a sim meuh chuan Pathian pawhin a hun ruat chu tidanglam dawrhin Lal Hezekia nunna leh a rorel hun chu kum 15 zetin a extend leh a nih kha. MNF Ministry pawh a bul an tan that angin a hmawr an bawk fuh lova, Pathianin a paih lawp a nih hi. Congress hian bul tan that an tum viau, mipui pawh kan thla a muang tak zet, mahse an zuih chhoh viau chuan A mite rorel sak tur hian Pathianin rawngbawlna fawng a chelhtir reng dawn lo.
Kan state rethei lutuk hi kan vei tlang a, a pui a pang, a lian a te-in kan sawi sup sup a ni ber a, chumi ruala kan sawi hmaih ngai loh Politician te’n anmahni hma an sialna te, an caliber-in a pha lo tih inhre lova politics khel ve tlat (Politician vengva lo, hawiher zau lo leh eiru ve duh tho si) te’n ram tana pawi an khawih nasat tawh zia te, Official experience nei tha leh mithiam rualte’n kan ram hmasawnna tura Pathian rawngbawlnaa ngaia thahnem ngai taka thawh aia hlawh hmuh nan ngawr ngawra an thawk mai mai te hi tun tuma ka sawi tum ber a ni lo.
Engtin nge kan state hi state dang te ak ruala kan ak ve theih ang tih hi tun tum atana kan ngaihtuah ho atana ka han chhawpchhuah chu a ni. Kan Minister te’n kan ram tan Central Sorkar an dawr a, Central Sorkar Minister leh Top Official-te khawngaihna an zu dil ngawih ngawih a, an thil dil a hlawhtlin leh tlin loh chu chu’ng an khawngaihna dila te kutah chuan a innghat lian viau a ni. A nih leh tu te nge Central chu? Tu te mah, kan thenawm state-a an politician te, Delhi lama paurau taka zu tal thin te an ni ve ringawt!
Tumah Central bik an awm lo, keini ang thova mahni hnam tawng nei hrang, mahni state-a chenga seilian, mahse khawvelah hian hmachhawn ngam loh an neih loh vang leh mi aia nep bik lova inngai te an nih miau avanga Delhi tlanga rorel ngama rorel thei dinhmuna invawrh ta an ni ve mai. Engah nge chu chu Mizote’n kan theih ve tlat loh? He thil hi a serious tak zet a, ram leh hnam thuthlung tak tak thil a nih avangin bengsikin i ngaihtuah ang u.
West Bengal te, Maharashtra te, UP te leh state dang dang te hi chu mipui tam avangin Parliament-ah an awiawh tam tak an tir thei a, chuvangin Central sorkar sawi nghing lawih thei aiawh an nei a, keini tan el phak rual an ni lo. Amaherawhchu kan thenawm state te hi han thlir ila, an MP neih zat Assam-14, Meghalaya-2, Manipur-2, Arunachal-2, Nagaland-1, Mizoram-1, Tripura-2. Assam tih loh hi chu Central sorkar sawinghing pha lawih tur an awm bikin a lang lo, mahse an thei tlat si.
Meghalaya chuan Lok Sabha Speaker pahnih ngawt an nei tawh a, tunah pawh Cabinet minister an nei leh a, Chief Election Commissioner hial pawh an neih tawh kha. Nagaland chuan lal dan indawta Prime Minister hnuai chiaha awm Governor hial an nei thei a. Assam-in Prime Minister an thlawhchhuak a. Manipur State politics buaithut avangin Central sorkar a nghing lawih thei bawk. Mizo zingah Dr. Silver-a Minister of State a nih ve zawk bak hetiang dinhmun sang luah an la awm lo.
Kan politician te hian Central thleng phak politics hi an ngaihtuah pha tlat lo tih hi a chiang em em a ni. A chhan chu heng laiah inla ropui viau thin mah se an level puia an ngaih kan thenawm mai ami te bawk kha a ni an zu intlawn siak leh thin ni. Delhi tlanga midangte khawngaihna diltu ni reng tawh bik lovin miin khawngaihna an dil nih ve hi a hun tawh a ni.
Kan thenawm state te hian Parliament-a bengchheng tham an nei bik lo, mahse enga ti nge dinhmun sang an zu luah theih kan tih chuan an mi thlanchhuah te hi an paurau bik em a ni. Keini hian chutiang mi paurau, vaiho pawhin an zah tur leh khawi hmun maha inkiltawih lo tur, mahni inhaiveng zo mihring kan vawrhchhuah thiam a pawimawh ve ta hle mai.
Tunah hian Mizoramah chuan Congress Party chauhin an MP Candidate tur an la puang a, ka duh ai chuan an candidate vawrhchhuah hi a ‘outdated’ ve tawhin ka hria a, tlema mi expire deuh tawh hi chuan ram an hmangaihna avangin anni aia thawhhlawk thei tur mi kian thei se mipuiin kan ngaisang zawk ang.
Congress Candidate pawh hian Mizoram tan a thiamna leh theihna te a lo hmang tawh thin a, chu chu kan ngaihhlut sak tur a ni, amaherawhchu tun ang Gobal Technological Advancement-in leichung vanhnuai a run mek laia han vawrhchhuah atan chuan ani aia awm zawk an tamin ka hria. Pu HT Sangliana kha a hming a ri zawk a, amaherawhchu kan state-ah a in candidate dawn ta lo a, ka lawm khawp mai. Ani hi chuan Bangalore atang khuan rawn bei ngar ngar sela, Lok Sabha-a Mizo pahnih an thu ringawt pawh hi a hlu em em a ni. A rawn tling chhova Central-ah Congress an sorkar leh bawk a nih chuan Cabinet chu a ni pha ngei turah ka ngai a, ni se ka duh tak zet a ni.
Amaherawhchu Mizo hi kan han sual khawp a, tu emaw aia a ropui dawna kan hriat chuan a dal theih dan kawng kan zawng ru tlat zel a, chutiang mite chu hnam hmelma an ni. Pu Haukhuma Hauzel chu Mizoram Chief Secretary atanga a chhuah khan DoNER Secretary ni mai tura sawi a awm a, han ni ta chiah sela Noerth East Development atana din Ministry-ah Minister tih lohah chuan thiltithei ber tur a ni mai dawn a, Mizote tan a tangkai dawn tehreng nen, a Mizo puite ngeiin DoNER Secretary a nih lohna turin an lo bei ngat ngat mai tih sawi a han awm leh tlat a, DoNER Secretary pawh chu a ni ta lo reng a ni.
Hetianga kan state leh Zofate tana tangkai tur leh dinhmun sang luah tur kan neih ve chhun te itsikna avanga an kawng lo dal duhtute hi chu hnam hmelma an ni; Pathian thu pawh sawi ve thin mah se ka ngaithlak sak lovang. Kan han peng ta hret a, Pu Sangliana anga state dang atanga invawrhchhuak thei hi Mizo tam tak awm sela India ram rorelna fawng chelhtu kan ni ve thei dawn a ni.
Hmalakna tur pawimawh pakhat chu hei hi a ni. Pu Sangliana ang hi mi tam tak kan nei lo. Chuvangin hetiang mi hi engtin nge kan chherchhuah ang tih hi a ni pawimawh chu. Central Politics-a direct taka mi active kan neih a tul a. Delhi University leh JNU vela an zirlai hruaitute khu chu Central politics-ah dinhmun pawimawh chelh chho thei an ni a.
Ka hmelhriat Alka lamba te ngei pawh nula a la ni chungin tunah hian Congress party chuan Moti Nagar bialah BJP hotu lawk Madan Lal Khurana khing turin an dah rep mai. Alka Lamba hi DU Students’ Union President hlui a ni a, tunah hian AICC ah General Secretary a ni mek a ni. DU leh JNU ah te chhungkaw harsatna avangin lehkha kan zir pha ve lova, mahse heng University-ah te hian Mizo tam takin zir chhuak tawhin mi eng emaw zatin an la zir mek bawk a. Mahse heng kan Mizo zirlai te hian enga ti nge Central Politics-a intat lut tur hian ngaihtuahna an hman miah loh chu le ka ti thin, a rualawh thlak ngawih ngawih a ni.
Tunah hian kan sorkar pawh hian hnam rilru tak tak pu-in eng fund atangin emaw hetiang lama mi beiseiawm deuh (Potential nei tha leh ram leh hnam vei tak tak) te chu mi sawm vel emaw heng University-a M.Phil/Ph.D zir tur leh University SU-a invawrhchhuak tur a rukin sponsor ta mai sela. A tul chuan Students’ Union-a an inhmanna tur senso pawh tum sak vek sela, an chetvel awlsam nan leh state dang zirlaite’n an chung en ve deuhna turin car leh chenna hmun tha leh an mamawh dangte pe bawk sela.
An zingah tlema rilru kawi deuh leh ziktluak vak lo tur an awm chho a nih chuan sorkarin uluk taka thlithlaiin beisei an phak dawn loh viau chuan laklawh pawh awm lovin a sponsorship tihtawp sak mai bawk sela. Hetianga kan tih theih ngat chuan tun atanga kum nga velah chuan Central Politics-a mi challang tak tak kan nei ve ngei ang.
Hengho enkawlna senso hi Nuai tel chu a ni ngei ang, mahse an rawn hlawhtlin huna Mizoram tana an tih theih an rawn show hunah chuan kan sorkar chuan a let sang tam takin a hlawkna a tel dawn a ni. Hetianga kan ti thei ngat a nih chuan chutiang atana kan sum hman pawh mipuite’n anmahni tan a ni tih an hriat dawn avangin an ui hauh lovang.
Tin, Mizoram Parliamentary Constituency ah chauh ni lo, state dang leh khawi hmun hmun emaw atanga an rawn invawrhchhuah theih nan nal taka Hindi an hman theihte a ngaih dawn avangin spoken Hindi pawh uluk taka zirtir ni bawk sela, tichuan khawi khawi atang emaw-in Mizo MP kan nei ve nual ang a, Central-a tlatlum sa an nih dawn avangin Cabinet pawh an ni nual thei dawn a ni. Chutih hunah chuan state dang politician te’n Mizo tlangval, Central-a dinhmun pawimawh chelh mekte khawngaihna an dil a ngai ve tawh ang a, keini state lah chuan chu malsawmna chu duh thal-in kan rut ve hiau hiau tawh dawn bawk a ni.
Amaherawhchu tu tute nge chutianga kan sponsor tih erawh top confidential-a dah ni sela. Chuti lo chu kan sawi tawh ang khan tute emaw kan ram tana tangkai thei tur an tangkaina tur atana dinhmun pawimawh chelh tura kan buatsaihna lamah itsikna avanga lo tibuai leh duh tawk kan awm palh ang tih ka hlau a ni.
Tin, he thil hi hnam hnuk khawih tak tak thil a nih avangin All Party Meeting with NGO-a ngaihtuah ho pawh a pawi lovang. He ngaihtuahna hi mumang ram leh suangtuahna thamral mai mai tur ni lo, a taka tihlawhtlin ngei theih (feasible and applicable) a ni a, kan ram future hriltu tur a ni. India ram hi hnam hrang hrang chengte’n an siam a ni a, kan sawi tawh angin tumah ‘Central mi’ han tihtur bik an awm lo reng reng, a inti neitu thiam thiam, a paurau apiang dinchanna a ni mai.
Tin a inkiltawih deuh te chan pawh “A ruh no no chhuakah” tih ang chauh a ni. Chuvangin kan sorkar-in mipuite tana hlawk taka hna a thawh theih nan leh Mel Lung an phun theih nan hetianga ngaihtuahna hrang hrang kan neih te hmanga sorkar finchhuah hi thalai te leh mithiam zawkte mawhphurhna a ni. Idea kan pek tawh chuan a tihlawhtling theitu chu sorkar a ni a, a tih duh leh duh loh chu ram an hmangaih tak tak leh tak tak lohah a innghat bawk a ni.
March 24th, 2009 at 1:30 am
1st ange. A sei tha hle mai. Ka chhiar chhuak hman lo. Amaherawhchu IPL India atanga an sawn chhan tur tun tum Lok sabha in thlan hi chu ngaihven a hlawh dawn hle tih chu hriat sa ani.
March 24th, 2009 at 1:34 am
Member of Parliament (Lok Sabha) ni thin tawh te kan mitthla kir lo thei lo. Lalduhoma meuh pawh, H. Lungmuana hlei hlei, Vanlalzawma … Tualto Party an rawn zikchhuahnaten duhthalin an pawt-kawi thei lutuk deuh … mahni rilru puitling hmang tur khan an khawsa thiam lo viau. Thlangtu mipui zah zui ngai lo MP pawh kan nei tlat.
A thente lahin —inthlahrunna tur apui an ngah thei em em mai lehnghal a! MP hlui kan neih tawhte khan anmahni ngei an inchhuikir ve chiah pawhin — “hmeichhe buanchaklo” ang an inti ve deuh thin chuan a rinawm! An inchhir ve deuh thin ang em aw?
Congress MP candidate tur pawh hi a aia trha awm ngang lo chu ni se — a trha ber tur chu a ni mai a!
MP ang chuan kan la inhrawn hauh lo va; Mizoram Assembly ang ngawt kha chu a nih dawn loh avangin —hmui themthiam, kawlhrawn hun hria —thothang pawh la zuanzang veh vawh chu Zoram hian kutdawh thiam atan pawh kan mamawh viau asin le! H. Lungmuana pawh —Lalduhoma khan a kuai fal ta daih mai kha a nia; a zia lo ti pawl an tam hle kha. Teaching line nen a inan lohzia pawh a hre chiangtu a ni ngawt ang le!
Tun boruakah lah ZNP a’n hai leh lailawk vel te hi AWMZIA nei zawk turah an inngai a nih chuan menah thlak ve thiam mai ila —Zoram Loneitu, ZNP, MPC insuihkhawm pawh eng ual an lo ni hran chuang lo va … MNF chalchang lah a hahum kual ve ruai ta mai bawk si … eng tak chu kan hmaah hian thil thleng dawn chu ni maw?
Doctorate kan neih zozai hote pawh hi … zuang chhuak ngam an vang pharh mai ni te hian a lang a … mahni subject kilkhawr ringawta arkeziak kan lo dawng ve te hi kan inzahpui ru leh chu a ni em lo’ng chu!
Mi fate zawng an kawlhrawng deuh zel a lo ni —trawng (language) mawlh hi ngampat theih nan chuan hmanraw pawimawh a tling a ni. A thei-fa, thiam tak tak chu kan awm ve mawlh tawh chuan ka ring. Mi inthukru atangin sportsman pawh kan melh ru tho alawm; nupui duhzawng pawh kan melh ru fo a ni lawm ni?
MP tur atan pawh hian —Party duhthlan mai ni lo; a mipui mimirte hian kan mit fukna riau kan neih chian hun a la inherchhuak ve mai ang … hruaitu trha nei tur chuan mipui rilru pawh hi NGIL ve tawh se … chu chu thil trul tak a tling ta.
C. L. Ruala pawh … a lo tling a nih pawhin —theihtawp chhuah se; a hmaa mite khum dan tur pawh patling meuh chuan a hai lo vang a; mipuiten ama laka an beisei pawh fing leh huai taka kalpui tum se … a tha rih mai ang e.
March 24th, 2009 at 1:52 am
Mizote hi hnam dangte ngaihtuah chuan kan kawlhrawng lo deuh zawng a ni. Kan ram hi nuam kan ti lutuk a,kan khawhawi a zim phahin ka hria. I article hi a thrat hle rualin i suggestion rawn pek khi chu tihhlawhtlin a har viau ang, duhthusam ang mai a nih rih hmel e. Kan politician zingah chuan fam ta R.Vanlawma kha ram vei taktak tu niin ka hmu…A.Thanglura kha a thlengsang pawl a ni bawk ang….
March 24th, 2009 at 2:28 am
Democracy ramah chuan Number a pawimawh a. Member 500 chuang zinga pakhat kha kan hauh ve chauh mai a. Voice han nei tham tak tak chu kan ni lo hrim hrim mai a, a tu a pawh hi tling ta sela. Pu Sila te anga Union Minister te han ni dawt thei tur awm ang a chance nei chu awmse, chu chu kan State tan chuan kan thratpui ber ang. Mizoram State chhung Politics MP atan hi chuan kan thlir pelh a ngai a. Centralah hi chuan Congress hi an Secular ber a a lan avang hian, keini Kristian ram tereuh te, Minority ah pawh Minority tak meuh meuh tan hi chuan Congress hi an thrat ber ka ring.
March 24th, 2009 at 4:11 am
A va thui ve…
7 paragraphs
2,003 words
8,405 characters
March 24th, 2009 at 6:32 am
BJP tling se ka ti ngei mai, Congress hi chu ram an ti thruan awp takzet ani.
March 24th, 2009 at 6:37 am
hun kal tawh ngaihtuah chuan congress sawrkar ah hian India in hma a sawn nasa thin zawk.
March 24th, 2009 at 6:49 am
funny -chu chhiah an fel zawk mah mah in ka hria,,,
March 24th, 2009 at 6:51 am
Eng pawh sorkar se, tu pawh tling se a tha tho. Mahse pawi ka tih tak em em mai chu Mizo te bakah hnamdang pawhin a an ngaihsan em em mai, Dikna ngainatu Pu HT Sangliana, ama miten kan ngaisang lova, dik taka kan rama hna a thawh theihna tur kan siamsak lo hi a ni..
March 24th, 2009 at 6:51 am
funny- lo gtalk lawk la, ka ma mawh che..
March 24th, 2009 at 8:19 am
Tu pawh ni se - let him/ her at least open their mouths and speak up at least once during those 5 years as MP. Does anyone know if the present MP from Mizoram even said anything relevant these past 5 years?
March 24th, 2009 at 8:19 am
Tu pawh ni se - let him/ her at least open their mouths and speak up at least once during those 5 years as MP. Does anyone know if the present MP from Mizoram even said anything these past 5 years?
March 24th, 2009 at 9:17 am
Mizoram MP ve te chu an chicken thei em mai!! nutral vote dededede zahpui om lutk!! hnam huai iti ve si! strategy khir thei em mai!!
parliament a tawng ve zot2 kan mamoh! dawhkan te poh han chum borh2 mai se! Man veau dawn nia! chuti lova engmah care neilo ang mai a ngoih reng thin zong! vai ho hian a hmusit ngot ag!!
March 24th, 2009 at 9:31 am
Kutdawhin duh a thlang thei em ni
March 24th, 2009 at 10:01 am
Thiltha ti thei turah ngai ang; Sawi daih ila HTSangliana hi B,lore a thlan tlin anih leh chuan MP 2 nei tur kan ni ve mai a, Mizoram atang a MP nih kher hi eng e a tulna? Amahlo hnamdang zingah tling mai thei kan awm rih silova.
March 24th, 2009 at 10:12 am
thaiboy leh!! HTsangliana B.lore a a tlin te chuan Banglore mp a ni anga! mozoram te chu engatan mah a ti nangmale!!
March 24th, 2009 at 10:49 am
Ka sawi nve peih lo, kan Politician te hi sibut ti khawp a pet per chuai chuai ka chak na hi a rei tawh top
March 24th, 2009 at 11:43 am
@fatjo, HT Sangliana hi mizopa dik tak a ni a,a ram chu a theihnghilh lul lovang tihlo hre ve mai mai dawn nia, bangalore mp pawh ni se, mizoram atranga mp chu ni se la,nia, kan thratpui zawk phei chu a rinawm.
March 24th, 2009 at 12:09 pm
mahni ram te chu tuman kan theihnglh tak2 ngai hleinem!!
reng2 ah Khelawks Pu HTsanglian hi enge a dinhmun tuna hian! party in ban tih vel kha?? tun inthlan ah te hian a tel ve dawn em??
March 24th, 2009 at 12:33 pm
Apoi mawh ber a ka hriat ve chu…mizo te hi hnamdang hma a huaisen turin kan thiamna hian min delh lo ani.Pu Sangliana hu eng nga ti nge tiang hi anih theih a thiamna in a tlin em ani.Hetiang mi mizoram tan an din hun ah chuan voice chu sawi ngai loin kan nei em em ang.Zoram hian mithiam kan ngai ani kan ram tan..thangthar mithiam tak tak lo chhuak thar te hi hman dan an om lo em ni le o….
March 24th, 2009 at 12:46 pm
@ crush gal!! mi thiam chu kan omve a lawm mase Mizo in a kan political perspective hi kan thlak phot loh chuan… politik a lut duh om hek lo!!
tun trum poh Tkp. in MLA nih chuan tkp. hruaitu nihna bansan a ngai ang tih lampang ro an rel in ka lo hria a??!! whyyy!! te ka tia.. tkp. hruaitu ni pah khan Minister fel tak nih theih loh kan ring tlat pek hi lom!!!buai thlak
March 24th, 2009 at 1:18 pm
In duhzawk thlang rawh u, Kei chu Communist Party ka vote dawn:)
BJP leh Hindu Temple sak…
Congress leh Chakma/Tuikuk refugee…
March 24th, 2009 at 2:02 pm
Congress-in Pu C.L. Ruala an han vawrh chhuak mauh mai hi chuan min surprise deuh tlang zawng a ni e.
Engpawhnise kan MP-te kan beisei dan hi ngun deuh hleka ngaihtuah chu a ngai. Parlianment a an ngawih satliah ringawt hi ngaih theih loh viau tur pawh niin ka hre lova. An sawi awm tak eng emaw issue an khel laia an ngawih tlat chuan an tidik lo chu a ni ngei mai. India rama MP te hi a zatve aia tam daih hi Parliament-ah hian vahui man beh ang hmiaha ngawi ve reng mai an ni hlawm. Chuvangin ngawi reng pawh nise MP vantlang chu an tling ve tho alawm.
Mizoram atanga MP lo ni tawhte kha MP fund hman chung changah a tlangpui thuin Inia ram MP-ah hian a titha pawl an ni tih hria ila a tha bawk ange. Chuvangin kan MP neih tawhte ar chuk tui lo khawpa chhuah hi mahni mawng hlimte pawh kan ni ve bawk a nia.
Mizo hi kan kawlhrawng lo tih hi a dik em aw? Kawng thenkhatah chuan a dik maithei. Mahse kan vela kan North East puite nen kan intehkhina politics-ah hniam riau angin kan inngaia. A dikna chen awm bawk mahse Meghalaya, Manipur leh Assam angte hi chu kan hma feah khan Central politics-ah hian an lo liluh tawha, an state amwna location leh an populationin a lo zir bawk nen, han pha tur hi kan ni meuh lo. Anni angin advantage nei ila kan thleng sang tho ang. Tih tak takah chuan Union Minister la nei ve ngai lo state NE-ah hian an tam hi maw.
Pu Sangliana kan sawi kai ta rau rau. Ani hi Mizo pa chhuanawm a va ni teh lul em. A huaisenna hi ka hmu langsar deuh ber thina mahse a finna pawh hi a lo thuk viau a ni tih a lang zel mai. Bangalore Central-ah Congress ticket-in tun tumah hian a contest dawn ta tih a chiang ta. He bial hi a ram leilung chhul chhuak politician hlunte pawhin an inchuh luih luih a ni a, CM hlui Krishna leh MP term 7 tling tawh Sharif tih ang rengte karah a rawn dawk leh nalh mai. Sharif-a phei hi chu a lung awi lo viaua JD a zawm dawn ni awm tak a ni. Muslim leh Kristian tamna bial a ni a tling ngei tura ngaih a ni. Sonia leh Rahul-a te nufain an ngaisangin an duhsak viau a ni awm e. Mizoram atanga MP nih ai mahin Karnataka atanga MP a nih hian Parliamentah chuan voice a nei ring zawkin ka ring.
March 24th, 2009 at 2:05 pm
Campaign tan nghal mai dawn mi?Sawi ang khian thalai lam kan tawmim chuan old guard ho an pen chhuah a ngai a,MLA seat ai ah MP pekna remchang ni fahmiang,politics a in rawlh tlatin ka hria,he!he!he! ka duh bau lo!!!
March 24th, 2009 at 2:18 pm
Pu. Sangliana duhsakna ka hlan a. Kan MP Candidate tur hi chu duhkhawp awm loh deuh chuan ka hria. A thluak a tha ang, Politics ah phei chuan daihriat nei teuh tawh ani, mahse duhai chuan a upa lam ani. Mizoram in Lok sabha MP -1 chuah kan nei, midang 4/5 te nei ila, chung ho huikhawm tu a tan chuan tuna mi hi tha viau tur ah ka ngai. Mahse mal vuih ngawih tur kan nih avangin thalai viak tha deuh chu ni thei se chuan a tha tur. chuti chung chuan Cong MP Candidate hi duhsakna ka hlan ve tho e.
March 24th, 2009 at 2:33 pm
Patriot : “Mizoram atanga MP nih ai mahin Karnataka atanga MP a nih hian Parliamentah chuan voice a nei ring zawkin ka ring.”
A dik ngawt ang. Mizoram tan pawh tangkaina tam tak a nei thei bawk ang. Vai rama awm pawh nise, mahni ram leh hnampuite chu a thinlung tak chuan a duhsakin a rinawm.
March 24th, 2009 at 2:42 pm
A kum upat lamah ringawt hi chuan iai em em tur ni pawhin ka hre lem lo va. Amaherawhchu, tunlai thiamna hrang hrang hmanrua chhawr tangkai thiam chin deuh, entirnan internet lam thil te thlenga chawk let thei par par hi MP atan chuan an fit ka ring a. Tin, Ţhalai lam deuh erawh ni thei se la, ţhangtharte tan chuan a duhawm zawk mai thei e.
March 24th, 2009 at 2:54 pm
@Sillyboy, kan state hmuh hniamna pawh ni chuang lovin, heti zawng hian han zeldin ve mah teh: Vaiho hian North East tribal belt atanga MP lo kal ai chuan state lian represent tu MP te chu an zah daih zawkin a rinawm. Tin Mizoram MP chu an mal tlat deuh lo thei lova, Karnataka atang chuan a congress MP puite nen an in team up ve thei ang chu.
Mizoram tan pawh a tangkai thei viau ang. A bik takin Cangress Mizorama an sawrkar lai nen a innang dawna Mizoram chung chang agenda pawh ani thlawpna nen chuan a tlang chak deuh ang chu. Mizoram leh hnam chu a hmangaih teh meuh mai. Bangalore-ah Mizo hall an sa dawna (inkhawmna atan pawh hman nghal tur), MP a tlin leh hlauh chuan chak zawkin kan kalpui thei ang chu.
March 24th, 2009 at 4:35 pm
Mizoram MP tur chuan a ngaihna hria hi an ngai.Pu CL Ruala hi chu a tar lutuk mah mah a ni.Mahse Central ah access a nei lian viau thei bok a.Pu Vanlalzawma hi a lo tha berin ka hria MP kan neih tawhah chuan.Duhthu erawh chu a sam chuang lo.Pu HT hi vawrh ta ila,Congress policy pakhat ka duh lo tih chhuanlamin a side a switch leh ang tih a hlauhawm bok si.Mi rilru nghet leh vai ho bula pawng zahtheih loh ni lo a,a ngaihna hria an pawimawh.
March 24th, 2009 at 4:50 pm
# 29 : “Pu HT hi vawrh ta ila,Congress policy pakhat ka duh lo tih chhuanlamin a side a switch leh ang tih a hlauhawm bok si.”
123 Agreement Nuclear Deal chungchanga Pu HT-an BJP lam a support lohna kha rilru ngheh loh vangah i ngai deuh a ni mai thei. Ram tana thil tha turah chuan huaisen ngam a ngai, mahni party thu leh hla a nih vang ringawta ‘Yes man’ nih hi a zahthlak zawk lo maw…!
March 24th, 2009 at 4:54 pm
A hmasain Pu HT Sangliana duhsakna ka hlan e, Pathian zarah a tlin ngei pawh ka ring. Pu CL Ruala pawh a tling ngeiin ka ringa, politic-a a daihriat kan ram tana chhawrnahawm tak anih beisei phawt ila. Central-ah Congress-in Sorkarna an vawn leh hlauh chuan Mizo MP 2 nei turah inngai ila, kan ram tan hmasawnna tam tak an pawchhuak ngei turah ngai bawk ang u. Pu Hawltea hovin theihtawp chhuah turah ngai bawk ila, kan ram politic hmathlir pawh eng deuh turah lo beisei chhin phawt ila…buan a hmaa kherh ngawt lovin i han thlir chhin phawt ang u hmiang.
March 24th, 2009 at 7:48 pm
“Amaherawhchu Mizo hi kan han sual khawp a, tu emaw aia a ropui dawna kan hriat chuan a dal theih dan kawng kan zawng ru tlat zel a, chutiang mite chu hnam hmelma an ni. Pu Haukhuma Hauzel chu Mizoram Chief Secretary atanga a chhuah khan DoNER Secretary ni mai tura sawi a awm a, han ni ta chiah sela Noerth East Development atana din Ministry-ah Minister tih lohah chuan thiltithei ber tur a ni mai dawn a, Mizote tan a tangkai dawn tehreng nen, a Mizo puite ngeiin DoNER Secretary a nih lohna turin an lo bei ngat ngat mai tih sawi a han awm leh tlat a, DoNER Secretary pawh chu a ni ta lo reng a ni” tih lai tak hi thil hre deuh titi kan reproduce loks:
1)Secretary GoI ni tur hian panel an siam chutah chuan HK-a hi a tel lo.
2) Tunah hian Addl Secy leh Joint Secy ni tura Panel Mizo ISA pakhat mah an awm lo
3)Panel a awm lo hi Secy GoI Ministry an chelhtir ngai lo a equivalent post erawh thudang. DoNER hi GoI Minitry puitling a ni Secy panel mai bakah MHA i/c Border Mgmnt ni mek bok Jarnail Singh chu dah a ni ta a ni.
Duhthusam: CENTRAL-a TLATLUM DEUH TUR MP 2 NEI THEI ILA RULING LAM MI NGEI
March 24th, 2009 at 7:50 pm
Correction
2) Tunah hian Addl Secy leh Joint Secy ni tura Panel Mizo IAS pakhat mah an awm lo.
Note: Joint Secy level-a Panel kan neih loh chuan Secy level chu kahase a ni mai lo maw
March 24th, 2009 at 10:51 pm
A va sei deu duah ve.. LOL
March 25th, 2009 at 12:17 am
Van Lal Dinkawng i va ziak tha ve.i Governor hmuh chungchang te pawh kha han sawi la mawle…
March 25th, 2009 at 6:31 am
Thalaite Kawvelah kan cheng tawh tih hi Pu Hawla hian atheihnghilh emaw nile ? Kum 73 mi hi chuan ram ropui min thlen lovang. Delhi a thlengzo angem aw kati….Hmanni deuh pawh khan Affidavit file tura Bawrhsap pisa alo thleng phei kha ka pisa dawr lai nen kan in tawka, a kal tawk tawk niin ka hria. Amah hrim hrim hi chu a thatlohna em em pawh ka hrelo mahse Parliament In lian zawka kan state ai han awh tur chuan a iai awm lu lai deuh ani. Tin, Congress party hian MLA election a an chak viau chhan kha mipuiin an party kan duh hrim hrim lam aiin MNF lal hrawt lutuk kan chhangkham vang chauh ani. Party dangte candidate a zirin Pu C.L.Ruala hi a tling ngei ang tih theih ngawt anilo. Tin, Pu H.T.Sangliana hi chuti em ema han fak tur chu ani bik lem emawni le ?? Nupui fanau nei chunga sawn thlak thei ve tho kha ani lawm ni ?? Ka hre sual em aw ?? A bak chu Pu Manzuala’n open letter ah a ziak tawh awm kha. MP tur chuan hnamdang zinga Hindi & English a tawng thiam leh tawng ngam kan mamawh…..in UPA SA KAH tir mai mai chi niin alanglo. Tin, Politician kum 70 chunglamho hi chu sawi sawi ngailo hian ram tan lo inthiar fihlim zel teh un…..Computer world ah kan awm tawh hi…
March 25th, 2009 at 6:57 am
Grammar-a thu sawi tum tlat … thiam zeng si lo, thu sawi dawn pianga IT IS ti-faan ruai mai… Hindi-a an biak hnem poh leh a aa ting mai ang tih hi a hlauhthawnawm e.
An hun laia MLA —F. Hrangvela pawh kha, “Kob ayaa?” tiin Sipai Officer-in a lo be ve fe a, “Ha ha, Kob ayaaaa,” tiin a chhanglet ve ringawt! Sipai Officer dar beng thek thek pahin! An kianga ding Mizo-hote kha chuan thiam ve hle turah an ngai ang le. Mahse, Sipai Officer khan biak zui chi-ah a dah tawh nguar ang!
MP thar tur chuan Hindi Class la thra se —mi nuih ruala an nuih theih loh te hi an lainatawm ve teh a nia!
March 25th, 2009 at 9:09 am
IAS leh IPS hi an tha lo politician turin.Pu Liansailova pawh hi MCS a ni hmasa a,IAS a tir atangin ni ta se chu mipui,rethei te dinhmun a hre chiang bik lo ang.Chuvangin IAS emaw IPS emaw hi chu an retire hnu ah politics khel mahse vote loh hram ka tum.An lal thang bur bur lutuk a,an hnuaia mi te emaw an ti reng fo thin.
March 25th, 2009 at 9:15 am
Kei chu ka sawi zing tawh lutuk a ka sawi nawn peih tawh lo mai Pu.chawngchilh ngaihdan sl.no.37 khi ka pawmpui e.
March 25th, 2009 at 9:16 am
Pu Manzuala hi a tha tak a ang a.
March 25th, 2009 at 11:17 pm
burgerstud2005 comment 38 ah hian IAS/IPS retire tawh chu thlan loh tura i duh thu i rawn sawi a, Pu Manzuala i rawn thlawh leh si comment 40 ah hian. Pu Manzuala hi IAS retire ani tih i hre lo nge i ngaih dan i thlak leh ??? A va inthlak rang teh vut vut ve mawle !!!!!
March 25th, 2009 at 11:22 pm
beaurocrats ho hi chu politician hnuai ah zum ze in hna thawk sela an inhmeh tawk chiah.
March 25th, 2009 at 11:23 pm
MNF-MPC MP candidate tur kha Dr.Lallungmuana a nih kha.Novel Hmangaih Kawlramthangi tih ziak tu kha.haha..aaaa..a ngaihdan hi pa ka ti tlat.Ka duh chi.Ka rilru nen a in mil chiah.#4o na khi chu fiamthu pah deuh.Anni poh tih tak takah chuan a lal nghut ang.
March 25th, 2009 at 11:24 pm
“beaurocrats ho hi chu politician hnuai ah zum ze in hna thawk sela an inhmeh tawk chiah.”
I ti duhdah thei khop mai.Zanin hi enge i hriat a,i tawngkam a dengkhawng thei ee..lolz
March 25th, 2009 at 11:27 pm
hahaha. burgerstud. han fiamthu ve te pawh hi a tha alawm,
chutiang a midang ti duhdah chi phei zawng ka nilo ania thutak sawi hi chuan
March 25th, 2009 at 11:29 pm
Zum ze tih khi ka lawm khop mai.Mahse beaurocrats nih hi mitin deuh thaw hian a duh in ka hria.i tel ve mial mai thei bok.