NGAIHTUAH VE CHHIN TEH
January 22nd, 2007 9:45 pm | more than words | iago_a_beckett | 335 Views|
|
Entertainment khawvel hian Mizote min hneh hle tih hi pawmloh ngam a ni lo. Kan lawm a, kan ngaisang a, entertainer pawh kan ngah khawp mai, a bikin rimawi lamah kan kal nasa a, zaithiam pawh kan ngah, rimawi sumdawnna pawh kan population phu lohvin a lian a ni, mahse Mizote hian rimawi emaw entertainment kan nun a kan lakluh dan erawh hi chu ngaihtuah tham tak a ni.
Zaithiam kan ngaisang a, kan ngaihlu a, kan lunglen hnemtu atan kan duh, kan sawi fo. Mahse eng ang chen chiahin nge min entertain tute leh kan lunglen min hnemtute hi chawisan kan tum tih erawh ngaihtuah tham.
Kan lung a leng, zai kan ngaithla a, thil thar tem kan duh a, entertainer min entertain tu tur kan zawng a, kan hmu bawk. Mahse anni hian sum sengin mi lunglen hnem a, eizawnna kawng dap an tum a ni. Min entertain tute chawisan tum lem lovin a thlawna neih ringawt kan tum hi thil mak tak a ni.
Zaithiam kan tih, kan ngaihsan ngei ngei te pawhin album an han siam a, lei lova ngaihthlak tur kan dap chung a, thiante tan copy chhawn tur kan zawng a, CD blank tak ngial pawh intum lovin thenawmpa kan ring a, chutiang chu kan ngaihsante kan chawikan dan a ni!
Rimawi khawvela san kan duh a, zaithiamte thiam lehzual se kan ti a nih chuan heng zaithiam leh musician kan ngaihsante hi mahni ipte zenin i chawikang ngam ang u. I lunglen hnemtu leh entertain thintu che chu ngaisang la, i mi ngaihsante tan chuan i neih ang tawk hmang ngam ve teh.
May be related
- Chhanlet loh hmangaihna
- Nang erawh chu engkimah Fimkhur la…..
- Rap vs Rock
- JAZZ UP AIZAWL CONCERT
- Mizo nih ti nuamtute
January 22nd, 2007 at 10:22 pm
A dik lutuk tlat.
January 22nd, 2007 at 10:27 pm
a dik a.. mahse a khap theih loh nih hi… music industry in “copy control CD” te kha an han tichhuak uai a.. (international music scene ah nia ka sawi) mahse kha poh khan rei a daih lo ta a ni awm e.
January 22nd, 2007 at 10:30 pm
chu chu lawm….khap theih ringawt a ni hleinem…khap ringawt ila, a nuam kan ti tawlh tawlh emaw kha a ni anga…
January 23rd, 2007 at 10:12 am
CK my boy, i t key kha i hme\ fuh \hiam nange? Ka lo zir\ir dawn che monle