Rimawi khawvela pa hrat khawkheng leh khawvel zaithiam lar tak takte’n an rimawi siamsak tura an duhthusam rimawi tumthiam hmingthang rual Scott Kinsey’s Group chuan Aizawl Vanapa Hall-ah January 24 khian Jazz Up Aizawl concert an nei dawn.
Scott Kinsey Group hian Dalhousie Institute, Kolkata-ah Jan 22, 2007 khian show an nei dawn a, Mizorama rimawi ngaisangtute’n tun bak hi heng mi ropuite hmuhna hun remchang kan nei dawn lo tih hriain Zoram rimawi khawvela mi thahnemngaite chuan Aizawla koh luh ve hram dan an ngaihtuah a, thiam taka dawrin Mizote’n hetianga rimawi khawvela mi ropuite kan hmuh chakzia sawiin an hun chep tak karah Mizoram a rawn luh chu an pawm ta a ni.
Scott Kinsey hi khawvela rimawi tum thiam hmingthang berte zinga sawi hmaih phal chi loh khawpa pa ropui a ni a, Hollywood film lar tak tak Ocean’s Eleven, Ocean’s Twelve, Code 46, Confessions of a Dangerous Mind, Brown Sugar, Smokin’ Aces leh Analyze That! soundtrack te siamtupa ber a ni.
Mizote’n kan hriatthiam theih dan tur chuan amah hian Hollywod PB Lianhminga ang vel a nih chu! Rimawi tum thiam, music siamtu a ni. Zaithiam tam takte phena awm tlat, a tello hian khawvel zaithiam tam takte hian zaina tur rimawi an nei lovang tih hial ngam a ni.
Scott Kinsey hian rimawi tum thiam hmingthang rual khat a rawn thurualpui dawn a, Seamus Blake, Sax Player of the Year 2006, Thelonius Institute, USA chuan saxaphone a tum ang a,
khawvela tingtang tum thiam hmingthang Allan Holdsworth-a sangawi zawnpui Matt Garrison, leh khawvela rimawi zirna sikul hmingthang leh tha ber Berklee College of Music, Boston a zirtirtu ni mek leh Tribal Tech-a an drummer Kirk Covington te an ni dawn a ni, he sikul hi khawvela tingtang tum thiam hmingthang Al Di Meola leh Pat Metheny te lo zirchhuahna a ni.
Aizawl khawpui hian hetianga rimawi tumthiam ropui hi engtik ni ah nge kan hmuh leh ang tih hi a hriat tawh loh. Zoram rimawi khawvela liluh thuk tak Project Mengmawii album siamtu Nono-a chuan “Rimawi ah kher kher chuan he planet hian hetiang mihring bak hi chu a nei chuangin ka ring lo,” tiin a sawi hial a ni.
Dreamhunter lead guitarist David Z Hmar chuan Scott Kinsey-a band Tribal Tech a ngaihthlak nasat thin thu a sawi a. “Khawvela a ber kaia ka ngaih Mizoram an rawn thleng tur hi a mak ka ti zawk a, Mizote’n kan la hre chiang viau lo mai thei, mahse rimawi ngaina tan chuan he show hi hmaih chi loh ka ti tawp,” tiin David Z Hmar chuan a sawi.
Mizo zinga tingtang tum thiam hmingthang tak Bad Combination guitarist thin leh Mizo audio album tam taka tingtang tumtu Malsawma chuan: “Mumang ramah pawh ka hmuh phak ngai loh, kan tual zawl ngeia ka’n hmu tur hi a mak ka ti zawk a, nghakhlel takin ka thlir reng tawh a ni,” tiin a sawi.
Similar Posts:
- Scott Kinsey: A Par Tlan Lo Chu Lenlai Chan
- Par Khat Tlan VCD chu!
- Mizo pa lârte lai-ah hming-II
- NGAIHTUAH VE CHHIN TEH
- August Rush
January 11th, 2007 at 3:10 pm
iago_a_beckett , many thanks for thew news.
Report this comment
January 11th, 2007 at 3:16 pm
Aizawl ho chu an va han vannei leh lil lel ve mo le
Report this comment
January 11th, 2007 at 3:30 pm
Zofate zinga music lama kal thuk tak leh ngaithla ring thei tak Virgochhas pawhin he band lar tak lokal tur thu a hriat hian “Tunge Scott Kinsey!” a tih duh hmel.
Mizo rimawi khawvela hmingthang, mi zawng zawng lawm hlawh leh tunlaia lar em em Vanlalpianga pawhin “Va nuam dawn ehhm!” a ti.
Report this comment
January 11th, 2007 at 3:31 pm
consat tih vel hi, a rau lo tlat
Report this comment
January 11th, 2007 at 3:34 pm
CM Pu Zoramthanga pawhin an band hun chep tak karah Mizoram mamawhte sawipui hram a tum thu press mite a hrilh.
Report this comment
January 11th, 2007 at 3:37 pm
https://newdelhi.usembassy.gov/pr010907.html
kha kha en tum mai roh superstarr…
Report this comment
January 11th, 2007 at 3:42 pm
virgo…min duat lo si
Report this comment
January 11th, 2007 at 3:47 pm
Free pass ka nei thei maithei…i duh em….
ka duat lutuk che a..kha ka lo zon hmuh sak che nih kha…
Report this comment
January 11th, 2007 at 4:07 pm
kan hriat theih dan tur chuan…. dream theater guitarist leh Mr. Big guitarist ‘D’ Key hmeh dan zirtirtute an ni e…
Report this comment
January 11th, 2007 at 7:42 pm
Shawn Lane… EM Trio etc… te poh kha a hmuhnawm khawp mai, tuna mi poh hi ropui viau ang.
Report this comment
January 11th, 2007 at 8:06 pm
jazz tih khia ajax ti a chhiar phet ka tum chu le..shalllla..ephraim malsawma …hmmmm va jazz i la ni mai
Report this comment
January 11th, 2007 at 8:09 pm
CKa font khi chhiar a har eee…..ka complain e. Ben, lo hau teh!
Chuan kchu jazz music hi ka ngaina ve thlot lo
Report this comment
January 11th, 2007 at 8:45 pm
JAZZ hi chu mi tam takin an hre thiam lo mai thei.
But Jazz is not music, Its an ART.
Report this comment
January 11th, 2007 at 9:10 pm
Jazz is essentially city music. For most Mizos who live in a countrified environment, it’s a pretty alien genre of music.
Report this comment
January 11th, 2007 at 11:52 pm
@J
Norah Jones i tal chu an hre ve ang a.
Report this comment
January 12th, 2007 at 1:20 am
Mumanga va ang ve aw. An lo kal tak tak dawn chu ania. J eng music tak chu i tui ang maw? Rock music,metal, progressive etc te hi a bulpui ber, a basic chu jazz te, blues te hi zu han ni tlat a. Jazz musician te hi band hran a an tel na ah pawh a thiam filawr an ni tlangpui. Jazz leh blues vel thiam tak chuan metal etc. ho hi chu an awlsam em em zel a lo ni. In pawm loh pawn kei chuan ka pawm tlat a ni. Eng pawh ni se music dik tak kan ngaithla leh dawn chu a nia live in Pathian in rema tih chuan. Kal ve ngei tum teh ang.
Report this comment
January 12th, 2007 at 8:20 am
My dear Technical^Punk, i pian hma daih toh khan music hi chu radio atangin ka lo ngaithla reng toh thin asin….Radio Australia a Glynis Dickson-i Countdown te, BBC a Noel Edmonds te, John Peel, Brian Matthew te ho hian ka taste hi min hrual hrep toh. Kchu classic rock hi ka ngaina. Jazz leh blues pohin a influence tih ka hria a…Janis Joplin te, tunlai Norah Jones te poh jazz-influenced chu an ni khop mai. Mahse anni hi chu pure jazz ni lo in, hybrids an ni zok. Pure jazz tui pui tak tak hi Mizo zingah an tam poh ka ring lo. 70s atang daih toh khan India ram khawpui hrang2ah kumtinin Jazz Yatra an neih thin a, chungah te chuan Mizo tel ve emo kal ve an om ngai poh ka hre hauh lo.
Report this comment
January 12th, 2007 at 8:42 am
het het het…………. Country leh slow rock ho hi ngaihthlak an nuam ber…..POP tihvel hi chu music a tling ve lo
Report this comment
January 12th, 2007 at 8:58 am
eksek…jazz music anih hi kan sawi ni…..
Report this comment
January 12th, 2007 at 9:33 am
vannei hle mai, nia jazz leh Blues te hi kan Zorimawiah hian rawn inrawlh ve tawh se ka ti ania.. Heng mite hian rawn influence ngei lo beisei phawt mai ang … a lar lar bawh huk policy uar hnam kan nih kha maw!!
Report this comment
January 13th, 2007 at 12:33 am
Dearest J, ka pian hma a lo ngaithla tawh chuan kei ai chuan i hre ril ngei ang, a thiam pawh i thiam daih zawk ngei ang. amaherawhchu, khang a jazz music chinchang hre si khan “Jazz music hi ka ngaina ve thlot lo” i ti kha mak ka ti mai mai mawle. Mizo hi chuana ler a tang hian kan thuai thin a ni. A dik, kan la tuipui pha lo a ni e. Jazz yatra tel tur chuan kan la luhchilh ve tawk lo a ni. “But Jazz is not music, Its an ART.” 3d-lover. analh ka ti lutuk. Music ril kan tih ho hi chhui chian neuh neuh chuan a root chu heng ho hi a ni ti hi ka la pawm nghet bur. Mah reng reng se an lo kal tur hi min lawmpui ve phawt mai teh un.
Report this comment
January 13th, 2007 at 7:31 am
ka hming poh chu in va lam par nasa chhuaih ve a
Report this comment
January 13th, 2007 at 7:58 am
b’coz jazz te chu Aizawl vanapa hall ah a che dawn alom
Report this comment