mi(sual).com

My-post may seems obsolete, as the incident took place on the night of 27th Dec. 2006. But the Gospel of Jesus Christ never gets obsolete. So, may I share few of the vision seen and narrated by Dr. F.Laltanpuia (patea), whom I though to be a Heaven’s son!, as judging from his behavior!(LOL). But, nobody knows God`s way and how He sees. Since he is one of my father’s colleagues, I happened to saw him and heard his vision quite often. I thought that I may regret it later, if I didn’t share it for someone’s favor.

Dated 27th Dec. 2006:
Kan nitin nunphung pangngai anga mitin thlamuang taka hun kan hman laiin thawklehkhatah khawvel hi alo danglam thut a.Tichuan han hawia han hmuh mai turin boruak lawng(thirphek hlai tak ang) leh pianhmang dang dang a chuang sipai ang tak tak ralthuam famkim nena inthuamin an rawn thlawk nghal sup sup a,indona hmachhawn tur tih hriat takin,a then ah pathum an chuang a,a then pathumah ,pali te an chuang a.

A ngaihna pawh hre lovin ka thlir renga,mite chu an lo mangang em em mai a,kei pawh manganna leh thlaphanna ril takin min rawn tuam chawpchilh a, tichuan ka awmna atanga chhim lam kan han hawi chuan tlang lian fal tak, kan awmna vel zawng zawng rawn hnuaichhuahtu ka hmu a, tlang chhip ah chuan tlang chhung atanga meialh sa sen ling vur mai rawn luangchhuak mai tur ka hmuh chuan rapthlak ka ti em em a,meiling chu a rawn luan chhuah tak tak hunah chuan a hnuaia chengte tan damchhuah ngaihna a awmlo tih ka hrechiang hle bawk a, mangang em em leh thlabar em em in kan awm ta a.

Mahni himna theuh zawngin hmun him tura kan ngaih hmun sang lai lai te kan pan ta chum chum mai a.A then inchung sangah te an lawn a,a then thingkungah an lawn a,keini pafa pawh chu thingkungah kan lawn kai ta a.Thingler atang chuan ka hma lam ka han thlir a, tlang leh mual te chu an khur hluk hluk a,a in sawi dual dual a, lirnghing rapthlak tak ang maiin.Tlang ka hmuh reng lai te chu ruam ah an lo chang a,ruam ka en reng laite chu tlangah an lo chang a, nasa takin ka thil hmuhte chu an che vel a, thawm ri hulh hulh nen , rapthlak tak ani.

Chung thil ka thlir reng lai chuan thawm rapthlak eltiang khawpui ri ring lutuk mai leh tek rapthlak tak leh thawngaleivir nasa tak mai hi a rualin van atangin a rawn tla thla a, tichuan kan awmna lam panin a rawn thawk phei a,a thil tihchhiat dan chu rapthlak tak ani.Tichuan kan lam panin a rawn thawk phei zel a,thlaphang em emin min rawn nuai ve dawn anih hi tiin ka thlir reng a, tichuan kan awmna a rawn thlen dawn chuan maimichhingin, ring takin ka auva “Lalpa I ta ka ni”,tiin.Tichuan ka han meng a,chu thil rapthlak tak chuan min rawn kal pel a.Tichuan, kan pafa ho chuan thingkung atang chuan kan chhuk ta a.

Tichuan thawklehkhatah hmun dangah ka lo awm leh ta daih a, kan awmna chu awih pang ah rap in chhete, a bang poh dap tah leh a chung di ah kan lo awm a.Ka nupui leh ka fate nen kan in atang chuan ral lehlam mual chu ka thlir a, thlanmual zau tak alo ni a,thlanlungte poh ka hmu nghe nghe a.Thlanmualah chuan boruak lawng engemawzat thlawk lut leh thlawk chhuak lai ka hmu a, thlan atanga mihringlo chuak te poh ka hmu bawk a, mangang em emin thinlunga thlaphanna nasa tak neiin kan awm a….

Kan in thlang ruam thuk tak atang chuan thlarau sual ni ngei a ka hriat te chuan min rawn ban zuau zuau a,min rawn hnuk thla ang tih ka hlau hle bawk ani. Chutia hlauthawng taka ka awmlai chuan ka nupui chu tihdanglamin a awm ta thut mai a,a mitmeng te poh paw eng no nalh tak mai a rawn put bakah a bek tawn tawnah arawn chang ang deuh mawi em em in alo invuah a.Tichuan a nu awm ang chuan ka fate pahnih chu anlo awm ve ta a. Chutih lai chuan kei chu ka danglam ve thei dawnlo emaw tiin zam ru takin ka lo awm a,mahse a hnuhnung berah kei pawh tihdanglamin ka lo awm ve ta a,ka lawm hle bawk a.

Tichuan vantirhkoh pali vel var veka inthuam kan inah chuan an rawn lut ta a, ka nupui chu la ringvelote hnena rawngbawlna hnuhnung nei turin an rawn sawm a,changsang ka tiin ka lo awt ve em em mai a.Ka dinhmun chu hlauhthawnna in a khat lehzuala.Ka nupui chuan min rawn ngaihtuah zui hmel pawh a pu lova,tichuan an ruala kal chu ka dil ta ringawt a.Anni poh chuan anlo rem ti ve mai a.Vantirhkoh ho chuan an karcheh a,an hnungah chuan ka zui ve bawk a.Kan fate poh chu kan hre zui toh lem lova, anni pohin min ngen bik hek lo. Lei hnuaiah chuan kan in khai thla a, lei hnuai ah chuan inchhawng engemaw zat kan hmu thla zut zut a,tichuan kan nu nen pawh chuan kan in bo zui ta a.

Hmun hran daihah ka lo chhuak ta hlawl a, in lian leh zau deuh hi ka lo thleng hlawl mai ani.Mi an lo tei sup sup a, chung zingah chuan vantirhkoh pawh an lo awm nual a.Ka va hnaih chilh a, darthlalang kawngkhar chu ka hawng a, room 10ft. bial vel thianghlim tak , a bang leh chhuat poh hnum tha tak engemawzat pindan alo awm a.Tichuan vantirhkoh pakhat hnenah chuan,”Ka tan hun ala in hawng em”, ka ti a.Mi hriat hmel tak ,mi biakchhiat hreh si, mahse min lawm vak silo tih hriat takin,”Nang chu thil ho te te ah I Lalpa i hralh duh zela,Pate”,tiin minlo chhang a.”sawlai ah sawn va in en ve phawt roh”, min ti a, tichuan a piah lawkah chuan lunglehkha tiat vel (flat T.V ang) chu min kawh hmuh a.Chutih lai chuan ka piah mai ah mi pakhat chu T.V screen ang mai chu alo thlek vawng vawng a,midang tam tak te pohin anlo thlek ve bawk a.Kha pindan hrang hrang kha chutiang atan chuana ruahman alo ni a.

Tichuan chu screen chu ka han en ve a,Pathian duhloh zawnga ka hun kal ta te chu a mal te tein alo awm kim biai a.Ka han enchiang thian a, hun kalta a keimah ngei kha ka ni si a,hun tha ka neih tur leh tur loh chu ka chiang thei ta lova.Thil ho te te,pawi em em tura ka ngaih lem loh te chuan Pathian a ti lungngai thin ani tih ka hre ta a.Khawvela thil ka lo ngaihhlut em em thin te kha engmah lo mai anih zia chiang takin ka hre ta a.Vana ro khawlkhawn tulzia te chu ka hria a,mahse tihtheih ka nei tawh silo!. Ka theihtawkin Pathian ka auva, mahse chhanna reng reng ka dawng thei toh silo. Ka mang a ang em em a,huntha inlamletna hun tlem tal nei ila tiin ka rum vawng vawng a,mahse a tlai toh si. Ka dinhmun ang a ding mi tamtak ka bulah an awm ve ani tih chiang takin ka hria a.Mahni intih hluma tlan bo theih ni ngat sela chuan, chawp leh chilhin ka intihlum duh ang. Lei leh Van in do chu tan ani chawpchilh ta a. Kum 2006 tih inziak ka hmu a, ka thangharh ta a…

Heta ka thil hmuh, hriat leh tawn te hi a chiang hlea, mihring taksa(tisa) a, kan hmuh leh hriat aia chiang mah vek ani.Pathian fate chu kan dah ropui em em a, kan ngai ropui em em bawk,leia ropui kan tih let fe ani. Chutiang bawkin, hrehawm, mawi leh nuamte pawh tisa khawvel a kan dawnsawn let fe ani.Vanram nawm tur zia pawh, va hmu chiahlo mah ila, ka hrechiang hle a, hremhmun hrehawm turzia poh chiang takin ka va hriatpui ani. Vanram kai tur tan chuan leia kir leh chakna chhan tur pakhatmah a awm lo.

He, ka thil hmuh atang hian Pathianin min hmangaih em avang leh hun tha min la pek leh avangin Atana rinawm taka nung tawh turin,ka tisa leh thlarau A hnenah ka hlan ta ani.Chatuana nunna ka neih ve theih nana,A nunna hlantu Lalpa chu fakin awm rawh se.

“Tihborala ka awmlo hi Lalpa zahngaihna alo ni” Jeremia Tah Hla 3:22

Could be related:

• Khawvel a ka thil hmuh mak..
• Wishing All Da Best
• Vanlalperfect-i
• Mautam?
• Zo call girl inpuanna

Recent entries

• Nuam bon(bottle) top
• Bluepumpkin in doubt
• Hnaruak hnawhkhah loh 2850
• My New Workplace
• Iron Maiden | Somewhere in Bangalore
• Living in Vacuum
• CM Hausa Zorama Sum X-Ray
• Apple’s next products?
• O Come All Ye Gamers
• Music Chart : ZONET Top 20 Countdown (Fakna Hla)

This entry was posted on Monday, January 22nd, 2007 at 9:40 pm and is filed under more than words. You can follow any responses to this entry through the RSS 2.0 feed. You can leave a response, or trackback from your own site.