Pornography bawk
April 5th, 2007 8:40 am | more than words | Thinknice | 737 views|
|
Ka office bang ka mu chu muhil chuang miah lo in dar 8 bawr vel ah ka harh a. han tih vak tur a awm loh avang in ti in Oprah en mai mai teh ang ti in TV ham ah kan thu a. An subject sawi leh nimin mai a ka thu chhiar ( misual.com April 3 ) pornography chu a in chu kha viau mai.
Oprah hre lo chu tun lai ah chuan mi an vang viau in ka ring. Black Woman billionaire hmasa ber a nih mai bak ah, chanhai leh baihvai te nu, mi tin tan a malsawmna, a thil tih tawh a piang midangtan a hun hmang thin he nu hang hmeltha lemlo tak hi I lo la hre ve lo a nih chuan lo bel chiang ve ta che, I mittui pawh a tit la in a ti nui ngei ang che. A chanchin kimchang han ziah pawh chakawm tak a ni mahse khi a chung a thupui roh khian rilru ah thil dang a lan tir thei tlat lo.
Vawiin a host ah chuan American nu pakhat, ngo lian ang reng tak mai a lo kawm mek a, a ni mai lo pawh mi pathum pali vel lai mai pornograhy Public Awareness nei tur a a sawm te a kawm lai a lo nia. Chu nu lian chuan mittui tla teuh chung hian thu a lo sawi mek a, he nu hian eng dang sawi lo in a pasal a thah chhan a lo sawi mek chu niin! Chiang leh zual in kan en nghal ta a, chu nu chu court a district attorney in a thiamloh thu jury te hma a proof tum a thu a zawt lai video tape an rawn ti lang ta a, DA chuan a pasal chu a that ngei a ni tih chiang tak chuan an proof ta mai, mahse jury te an rawn let leh an Verdict ah chuan chu nu chuan thiam a chang ta daih mai! Lawm avang a mittui nen a Pa in a kuah lai chu an rawn ti lang a, chutiang a 2 degree murder case, a pasal pawh a that chiang a ni tih hriat tho si mahse thiam an chang ta tlat chu eng vang nge? Engdang vang a lo ni lo.
A pasal a lo hmangaih thin em em chuan a fanu naupang chu a ruk in a lo khuaikhem in, chu naupang te nun chu a lo tih chhiat sak vek a, a fanu mai bak ah a mah pawh chuan a lo tuar tel ve zel leh ta nghal chuan a tawp ah tihngaihna dang a hriat ngang loh avang a hreawm ti lutuk in silai in a pasal chu a kap hlum ta! Chu mi hnu lawk ah pawh chuan mi dang dang kawm in mipui te lo hriat theih nan leh lo in ven lawk theih nan an pasal ten an mahni fanu ngei mai emaw an step daughter te e maw lo khuaikhem an awm pawh a, an lo in defense theih nan an chanchin rapthlak tak tak te chu an rawn share a. Nu pakhat pasal phei kha chu che rapthlak tak a ni.
A nupui nen in hmangaih tak a innei in kum sarih chhung an fanu ten en chuan an lo khaw sa ho tawh a, mahse ni khat thilthu mai ah an in ah chuan FBI Agent 15 rual zet mai in an rawn thawng thut a, a pasal leh a mah pawh chu an man ta nghal a, lak hran in an awm a, a nupui chuan an chung a thil lo thleng ta chu enge tih pawh hre lo in mangang tak in a hawi vel ruai a. A chhan a han hriat meuh chuan awih har a ti ngei mai. A pasal a hmangaih a ni pawn hmangaih ve em em a hriat chuan an fanu naupangte mai chu lo khuaikhem in chu mai chu duhtawk lo in a thian pakhat nen a tape in a fanu a sawngbawl lai chu thla a lo lak tir thin a, chu chu internet ah a lo zuar thin chu lo ni in! He naupangte nun tur kan dawn hian tuar har ka ti ngei mai! Kei pawh ni I la, ka that hreh miah lo ang! A chhan chu inpawngsual hi khawvel a ka thil ten ber a ni tlat!
Engvang a hetiang a an pasal te lo che ta mai nge an nih? An zing a pakhat chuan a pasal chuan an inneih hnu rei vak lo atang in, mahni a in khar khum in, internet a porn site a lo tlawh thin thu a sawi mauh mai! Chumi a hmuh atang a a nun in thlak danglam dan thleng te chuan a rawn phawrh a. Misual.com ah kan en chuan tunlai in pornography CD a ruk a nei a, chhungte hriat loh a lo en thin thalai leh nu leh pa an awm fur thu a lo awm ta tlat mai hian rilru a kap khawp mai. Statistics a tang a a landan chuan second tin 3,075.64 lai mai porn site visit nan hian hman ni in , second tin mi 28,258 lai in porn site hrang hrang te hi tlawh ang an nih chu!(source misual.com)
Chung zing ah chuan kan fa te leh kan nu leh pa te an lo tel ve reng a nih si chuan Oprah in a interview a neih pui ho ang khian kan chung ah thil thleng te hi a lo awm ve tawh reng em? Nikum lam nge kum hmasa lam pawh khan Lunglei Rahsiveng a mi pawh kha child molestation case vang in a tan tawh kha. Kan Mizoram a thil thleng te hi ngun tak a han ngaihtuah chuan, thil ho te emaw kan tih atang a thil lian tham a ram pumpui in kan buaipui tak luai luai, heng AIDS te, nawhchizawrhna te, drugs te leh thil dang tam tak te pawh hi an lo in tan na chu thil te tak atang in a ni thin tlat. Sex hi he khawvel hmasawnna hian a ken tel ve a ni tlat. Ram ropui hrang hrang a tang te hian chiang tak in a hriat theih tlat.
Ka la hre reng, kan U te zing a pakhat thi tawh hian 1992 kum khan pawlsawm an zir kum, table tennis kan veng hall a kan khelh tan tirh khan vawikhat chu in chiu na syringe leh proxyvon kha in ti thei tak khan mi zing ah min hmuh tlat, mi lah chuan an la ngaisang phian emaw tih tur in kan ngai thu tak lemlo! In tih pa na lawm an tih kha ka la hre reng ( rilru a na) .
Tun a kan thalai tam tak te hi min an sawidan tak ah tunlai kan nula tlangval te chu an fel toh ruihtheihthil ti pawh an vang ta chu vang chuan a len pawh an lian in a ngo pawh an ngo a, hna hram thawk ngailo an ni bawk a, a no pawh an no nalh mahse an HUR tih hi fiamthu a ka hriatna a rei tawh tlat mai! A dik reng bawk in ka ring. Mi hring hrisel pangngai fit tha teng tawng eng thil sual mah ti lo tan chuan insum har tak a ni.
Kan pu Vanneihtluanga thuziah atang hian a chiang reng mai, ani helam a expart ani bawk a, a bupui meuh pawn a lo ziah tawh kha! Chuvang chuan heng thil te hi ho tee maw kan tih mek lai in kan ram ah ril tak in bu a lo khuar tawh reng mai lo ang maw tih hi ngaihtuah tham deuh niin ka hria. Tunlai ah sex tape tih ri te kan hria kan hre ta mai te hian ngaihtuahna a pawt khawp mai. Heng porn VCD/DVD te hian kan thingtlang ram pawh an luah nual tawh a sawi te pawh a ni nawk ta mai! Khawpui thil thleng chu thingtlang ah a thleng ve nghal zel tawh tun lai ah chuan.
Chuvang in kan in ngaihtuah ngun chu a ngai ta. Kan fate thil en hi kan lo ngaihtuah ngun ngai em? Internet an hman te hian eng atan nge an hman tih te I hria em? Pa ho in a Fashion channel nileng leng a an en peih anih phawt chuan an ni ai a tha za zawk thalai te hian heng an thil en atang hian rilru ah piansualna a thlen phah thei in tih loh loh tih te hi an lo ching reng lo ang tih a sawi theih loh.Thil thleng theilo tak tak pawh a awm toh loh hi he khawvel ah hian, sualna hi a chak em mai!
Lalremliana Pachuau
Infosys Campus, Bangalore
April 5th, 2007 at 9:03 am
keini ang MISUAL tan chuan thuziak seipui pui chhiar hi a ninom tlat
April 5th, 2007 at 9:05 am
@Moonlight: Marema article 2 hi queue ah a awm mek a. Brief rawh ka tia. Hei pawh hi lo ti tawi deuh rawh ti ka tum zet ti leh ta lo a ni.
Chhiar awlnam paragraph hi ka split zawk a ni.
April 5th, 2007 at 9:29 am
Sorry to hear about your brother
kei poh a mak hi ka ti thin…pa ina an fanu te an khuaikhem thin hi chu, rapthlak em mai. An mahni laka an fanu te ber an him loh chuan, an fanu te tan chuan a pik mange.
April 5th, 2007 at 2:08 pm
Nia, keipawh sei kati LUTUK khi tiang chu ka chhiar peih teuhlo mai.a seiberah line 30/3para. te hi nithei seee.lawmawm ngawt ang
April 5th, 2007 at 4:14 pm
in soi ang deuh chiah ka ni e, ka chhiar tha peih lo, mit a vai duh si, sei si, a te bawk si… hihihi
April 6th, 2007 at 10:35 am
ka chhiar chhuak veka, ziak tha khawp mai. tunlai-a kan mamawh hriattur tha tak tak a ni e.
May 10th, 2007 at 11:02 am
porn tih vel hi chu, endan tok thiam a tha..lol.. khawvelah hian mi mak tak2 kan tam a.. kawng engkimah hian.. pawimoh ber zok chu, mahni in ven a ni mai..