A taksa pem hmutu leh a thih hma zana kawmtu ka kawm
November 23rd, 2007 2:03 am | more than words | LM RALTE | 1,113 views|
|
Thana Police lam hian suicide anga puan an tum tawh a, mahse DGP in ennawn leh a duh avangin an la puang lo mai a ni. Thudik hi hailang ta se an puang ngam a ngem???
Pastor Chanchinmawia khan mahnin intihhlum tum nita ang sela Chemte lian tak pahnih leh tuboh kha a lak khawm kher ka ring lova.
A helh chuan lo helh awl awl mai teh u. Pastor Chanchinmawia fam khaw lawi dan chungthuah ah hian keizawng ka lung a dam thei ngang lo a ni.
Thenkhat chuan in lo ning tawh pawh a ni ange, mahse a thih dan piah lama conspiracy rapthlak lutuk inphum hi hai lan loha a awm vaih chuan Zoram hi a ralmuang ngai tawh dawn lova, hailana a awm hlauh chuan inrinloh leh ngaihtuah phak bak lohten mualphona leh zahna tawpkhawk an khum mai pawh nilovin talchhuahna awm tawh lohna hmun lipui an hleuh ang.
Awle, ka ngaihdan tinghettu atan a tawp a tawpah chuan zingdar sariha a ruang hmuhmasa tu leh a bul tranga a tawp thleng Police Inquest tih lai pawh mita hmuhpuitu pa huaisen leh thudik tran avanga thih ngam, a thih hma zan pawha amah kawm hnuhnung bertu Pu Hlira nen kan Komiti na tlangpui thu hi unaute u lo thlir ve teh u.
1. Pastor Chanchinmawia nen khan 30.09.07 Sunday zan inkhawm ban hnu khan kan biakin pawnah kan in chibai a. Mi a ngaih thu leh ka leng har lutuk pawh min dem fiam thu pawh a sawi a.”Open Heart surgery ka ni a. La na thei deuh lai a la awm tlat mai a. Chu chu ka chhungte leh Doctorten rilru lamah min puh sak deuh a. A na a la awm si a, chu chu ka rilru lam anga an ngai hi tha ka ti lova. A na hi a la awm tlat mai a. Chu chu indim ngaihna lai tak a ni”, a ti. Minute 15 aia tam mah tur ding chungin kan titi dun a. A ngaihtuahn a fim tha a. Min hrilh chak tamtak a neih thu pawh a sawi. A tuka nileng Pathian thu sawia in kawm dun turin kan in mangtha ta a ni.
2. Synod aiawh leh a fapa message kha mak ka ti. Pastor Chanchinmawia fapa khan a thih tukah message rawn thawnin a pa kha depression nei mi a nih avangin mahni intihhlum duhna nei anga ngaih theih a rawn thawn kha pawm harsa ka ti. A fapa khan a pa abel chiang lo nge ni anga, thu a dawng sual tih chu ka zawhna a ni. Synod Office lama a chanchin sawi tuin depression a neih avanga mahni intih hlum hial duhna nei ni awm anga ngaih theiha an sawi pawh kha pawm harsa ka ti a, information an dawn sual vang a nih ka ring a ni.
3. A Hmanrua Kha a tam lutuk: Pastor Chanchinmawia khan mahnin intihhlum tum nita ang sela Chemte lian tak pahnih leh tuboh kha a lak khawm kher ka ring lova. Kha khan mahni intihlum anga an sawi kha a ti rinawm lo a ni. A hliam kha inquest an tih laiin Upa Lianhlira inah ka mit ngeiin a bul atranga a tawp tlengin ka hmu a. A hnute vei lam chunga zau tak leh thuk taka hmun hniha vihna leh a hrawka vihna kha thihpui tham thah pathum niin ka hria.
4. Police hoin inquest an tih lai khan mita hmuhpui tur khan heng hi kan awm a ni.
1. Khatla VC aiawh.
2. Khatla YMA aiawh.
3. Pu Lallianmawia SP.
4. Pastor nupui Vahpa.
5. MPS pakhat. Police arsi bel 2.
6. O/C.
7. Rela,Police officer.
8. Kutkawr buna ruang sawngbawltu Police pahnih leh midang kan awm.
A pem len zawng leh thuk zawng kha hmunphiah kuangin an teh zel a.Khata mit ngeia hmutute zingah pawh sawi nep tum tlat leh engemaw titaka sawi duh kha an awmin ka hre deuh.Mita hmu theuh theuh khan kan sawi chhuah duh dan a in anglo em em mai kha mak ka ti a ni.
A TAKSA PEM KA HMUH DAN:
i)Abek chunglam sangtakah vunpui chatin inch khat vel pem a awm. Chu chu Chemte hriam taka zai kak hlawih a ang a. Chumi velah chuan thuk vak lova pem dang pathum a awm bawk.
ii)A kiuah hmun khata chemte hriama zaina a awm a.Chu chu thuk tak a ni lo.
iii)A kaihzaah chemte hriama zaina a awm a.Chu chu thuk tak a ni lova, ngil taka a phei zawnga zai a ni.
iv)A laipawng chung deuhah khan thram paha kut zungpui tir hriam deuha ham pilhna ang tak kha a awm bawk.
v)A hrawk bawk velah khan chemte hriam taka vihna a awm a. A zau zawng chu inch khat aia zau hret niin a lawng. A thuk zawk pawh hmunphiah kuanga an han hawlh khan kut zungte chang hnih chen vel(inch khat vela thuk a ni).
vi)A hnute vei lam chungah khan inhnaih takin vawi 2 vihna a awm a.A hmuamhma chu a mam zaih lo deuh.Chu chu inch khat leh a chanve vela zau a ni.Hmunphiah kuanga thuk zawnga han teh khan inches li vel tur chu a tlum thei a. A hnute chung lam thova vihna pakhat zawk kha chu chem hriam taka vih ni ngeiin a lang. A tehna ngaia a thuk zawnga an teh khan inches 4 vel tho kha a tlum thei vek a.Kha aia sei kha tehna nei ta sela a aia thuk zawk a tlum ngei a rinawm.
Rev Chanchinmawia khan INQUEST an tih lai khan ngun takin ka en reng a.tuboha chhutna awm chu ka hmu lova.A hliam lian ho kha Chemtea vih leh zai zel niin ka hria. A laipawng chung deuha tham paha Kut zungpuia hamna ni awm tak khan a taka nawr beh paha tin hriam taka ham pilhna a awng ka ti khawp mai.
Pastor Chanchinmawia thih danah hian ka rilru a na em em a. Ka mi ngaihsan leh min ngaina tu tak mai a ni a.A hliam hrang hrang kha mithiam chuan chhui tha duh ngat sela chuan ama sulhnu a ni vek thei nganglo a ni. Pathian ropuinan THUDIK CHHUICHHUAH NGEI NI RAWH SE. A thihchhan hi chhui a harsa lovang. THu zawh fiah turin Police lam pawhin an awmpuinu ringawt ni lo deuh hi lak belh ngei se tih chu Pathian hmingin ka ngen a ni.
WHAT Lies Beneath??
Nizan khan he thuziaktu Pu Hlirpuia nen rei tak kan in kawm a. A chhuitu lam Police ten an huat zia leh a nunna pawh Thudik a tran tlat avanga a der thawnzia min hrilh asin!!!
Police in vawitam tak kovin, d awt sawi turin zuk vauva mawle. Kawngkapui a in kalh loh avanga zinga tap thawm hriat avanga Upa Lianhlira nupui pawhin a va nam hawn mai theih a sawi te chu police lam chhuitute chuan . “A in kalh tlat ti rawh’ I tih loh chuan a pawi zawk ang te zuk ti a mawle.
A kaihza a chemte a rinna awm te, a laipawnga thram pilhna te hi Police lam chuan sawi chhuak lo turin Pu Hlirpuia zuk vauva mawle!!!
Crime Scene lo ti reh veka, a thawmhnaw mai nilo a mah ngei pawh bualtu zingah hian Police lubawk naran maipawh nilo, SP pawh a awm ve nia!!!
Evidence awm thei tur chi heng thlalak te lak an phallo bur a. Inquest te pawh ziah pawh an phal lo nia!!! An awmpuinu kha Champhai lam khawi lai ah chiah emawni an thawn bo daih tawh.!!
Pu Hlirpuia hi ka va lainat tak em. Thudik trana min lo that ve ta anih pawhin ka thusawi dikzia hi lo hria ang che min ti. Thudik a tran tlat avang hian January thlathleng chauh dam tawh tur anga sawithaihna te a tawk tawh a.
Mizoram chanchinbu lar ten Pastor Chanchinmawia hi SUICIDE a nih leh nihloh chungchang Opinion Poll an lak thar berah 100% in mi thah a nih zuk ring a!!!
Thana Police lam hian suicide anga puan an tum tawh a, mahse DGP in ennawn leh a duh avangin an la puang lo mai a ni. Thudik hi hailang ta se an puang ngam a ngem???
May be related
- Pu C.Lalbiakliana thi thu lawrkhawm
- Youth Idol Roliana Ralte Nite hman zawh a ni ta
- Mary Ralte(updated)
- Khatla VC ngaihdan ni lo
- Zuanglut
November 23rd, 2007 at 2:09 am
A va pawi thin ve aw.
Ngaihdan pawh ka nei thiam lo e. A hmunah awm ila, mi titi leh eng emaw atang pawhin ngaihdan a neih theih anga, ti hi chuan a buaithlak rih deuh a ni. Dikna kan mamawh hle tih erawh kan hre theuh ang chu.
November 23rd, 2007 at 4:54 am
Ngaihthlak ava hre awm thin tak em..!!!
Pu Hlirpuian thudik a puang hi a ngaihsan awm khawp mai, chutih rualin hetianga rilru hreawm leh rilruna a awm reng hi thil tha ni lovin ka hria…Therapist te hmu se tha ka tihpui hle mai…Tin, misualho te pawh hian i tawngtaipui ang u. Mahni nunna la mai tur awm anga rilru neih reng mai chu a hreawm duh dawn em asin… “MISUALHOIN kan tihve theih chu TAWNGTAIPUI a ni”.
November 23rd, 2007 at 9:46 am
a van mak ve o!
November 23rd, 2007 at 10:16 am
rev ccmawia chungte hi chu attack tawh loh chi ka ti.. an tuar ve tawk toh viau in ka hria. therapy mamawh ber tur chu a nupui leh fanu hi alom… post-traumatic stress disorder neihna chance sang khop mei .
November 23rd, 2007 at 11:24 am
Kan Police ho chuan an chhui peih lo nge an coorupt ve hrim hrim?
November 23rd, 2007 at 11:25 am
Kan Police ho chuan an chhui peih lo nge an corrupt ve hrim hrim?
November 23rd, 2007 at 12:10 pm
Pu Hlira hi thiantha leh rinawm anih ngei dawn hi, a dinhmun hi tiang taka a derthawng anih ngat chuan YMA in a ven a ven pui chi a ni e. Vauna a tawh pawh lang taka puan atan a him ber ang…
A chhungte hi engemaw chenah chuan dem ve loh theilohin a tir lama an chet dan thlirin a awm ve bawk a, dem tawk an awm chuan kei ka thiam khawp mai. Mahni pasal / pa te mahni inthat anga an pawm thuai mai kha mak ka ti tawp theilo kei chuan..
A hlaim dan thlir hian mahni inthat anih chu kei engtikawng mahin ka ring theilo.. pastor nilo in mi pangngai pawh nise.. a hliam dan en atang hian mahni inthatah ka ngai theilo tawp a ni…
Mizoram police hi sawrakr hotuten rubber stamp ang maiin an hmang tih hi chu mi thil chik mi chuan kan hre theuh awm e, eptu party press release political game te pawh official in police lamin an chang elh elh mai a, press conference tepawh an ko bep bep mai anih fo hi.. hetiang hi khawi ramah nge a awm tawh le AWWWWW.. DGP thar hian tan han la sela kan van ti emmmm…
Mizoram hi a van NA ngawih ngawih emmmmm
November 23rd, 2007 at 1:44 pm
Kan Pastor duhawm tak thihna chungchang hi chu ka vei ve mawle ! Kan sawrkar dinglai hi chu an sincere lo riau chuan ka hria. Engemaw tak sual thuhruk hi chu a awm ngei ni hian ngaihna ka nei ve tlat ni a. A reng reng thu ah, an mahni inchhunga inkhat pa ber hliam tuara thi ta mai chu, a thih zana an mahni ina awm zawng zawng ngun taka thil awmzia police lamin an zawt turah ka lo ngai a ! mahsa beisei ang chuan an ti ta lo a ang.
Mizoram pawh hian kan chenna Manipur inhlat tawh loh viau in ka hria. Kan CM reuh pawh hi a tawngkam chang hi a ti tha hliau ringawt mai. A ramhnuai rilru a la chhawm zel a nih dawn hi !! A piangthar ang em aw ???
November 23rd, 2007 at 2:44 pm
Pu Hlirpuia hi , “SUICIDE” case in an thih tir ve mai ang ti a va hlauawm ve mo le, tunah phei chuan experiance an nei tha toh si a, thiam takin an in suicide tir mai ang tih a hlauhawm hle mai.
November 23rd, 2007 at 4:08 pm
A ruang silfaitu police SP leh tuna investigation teama an hotu ber hi man ve phawt mai se a tha ang.
CCma fanu-in kha mi tuk zinga an thenawm nuho te rawn tlan lut kha “side door” atang a tih hi enge a awmzia ni ta ang (thudik nge dawt).
November 23rd, 2007 at 5:26 pm
TuTe emaw MTV tih ang chi ho kha an chet a ngai ani… MIZO mipui lungdam nan han che leh teh u.. kan police te leh sorkar hi an rintlak toh loh em mai.. tute emaw khan rilru han hmang teh u.. hetiang ringawt chuan dot kan inhrilh chatuan mai don a va ang ve le… RIP Rev. Chanchinmawi……
November 23rd, 2007 at 5:46 pm
LYANA: Sawi tur i hria em le??????
November 23rd, 2007 at 5:47 pm
He thil hi chu mipui ho hian theih ang angin bengchheng siamin nawr zel ila, thu dik hai lan hun chu a la awm hrim hrim ang…! Mipui 100%-in mi kut tuara thi nia an rin hi chu engemaw chu a awm tih a chiang a lawm…
November 23rd, 2007 at 7:58 pm
Aw lalpa mizoram mipuite chungah hian zahngai hram ang che?
A va han mak ngai ve le,han puh tur chu ka hre ve miah lova mahse police ten chutianga an vau chuan chhan a om ani bok c,thudiklo chu a dam rei ngai lo….tunah langlo mahse pathianin hna a ron thoh hnuah meuh chuan a poi zo toh om c a aw…..i tongtai pui theuh ang u ..a chhungte chu thuhran thudik hria a puangchhuak ngam lo tute chu ani tongtraisak ngai jok chu ni………
November 23rd, 2007 at 9:12 pm
Zah a ngai rei tawh a, keinin sim kan tum si lo. Pathian hian Mizoram hi a hre tawh lo a ang, kei chuan k ti. Heti em ema mahni thawhchhuah dik tak nilova hausa thur thur an tam, heti khawpa hlepruk hmang hremna tawk lova an awm theih. Lalpa hriat ram a ang thlawt lo.
November 23rd, 2007 at 10:14 pm
MIZORAM(kristian ram) a kan sakhaw hotu neih len ber mahni inthat a puan anih chuan chunglam thinurna kan tuar ngam dawn emni ? Kan ram siamthat duh tu ataka thawktu hetiang mai mai a athihdan hi tawptir chi a nilo,alang a siamthat tum MAHNI INTHAT a an thih zel dawn chuan arukin tute nge tih hriatloh hian kan rinhlelh te hi kan MAHNI INTHAH tir ve theitho alawm, aa chhungte reng reng pawh hi mipui heti zozai hian mahni inthat anih an ringlo a,lo tan tlat hi an tihtur anilo.police ho pawh hian an chhui chhuak ngamlo tak tak anih chuan…..chhuichuak thei kan awm a lawm…..kan la rawn chhui let ve dawn ….hremna pawh an tih ang chiah hi a ni ang…
November 24th, 2007 at 5:53 am
Ka mizopui duhtakte u….tala apply ve ngai lo suka kawngkhar do thin Mirinawm leh tlawmngai te tual lenna zoram hi eng ZOram nge ni tale?? Ka rilru hi vih angin a na ngawih ngawih a….Aw..Dikna leh midangte tana mahni nunna hial pawh chan huam,’Mizo’ tia kan chhuan ve em em thin kha khawnge a awm tak???? A mak zia hi sawiin a siak lo..Pu Hlirpuia hi kan sawrkar uisathiamte hian Pastor Chancinmawia kaihza a chemte a thaikak na te kha thaikak a nilo ti rawh tiin zuk vau a maw le….Dikna…Dikna..Dikna..Khawnge a awm tak???? Pu Hlirpuia hian Dikna trana thih a in huam a….khawngaihtakin pathian hmingin Pu Hlirpuia hi i encourage ang u….
November 24th, 2007 at 7:50 am
Kristian, Pathian ringtu in ti Pathian thu awih lo ram kan ni ta ber a nih hi le. Tualthattu leh diklo taka phiarrutute hian Pathian nung hi an hlau lo bawk a, Pathian phuba lak hunah zawng an chak lo nasa dawn mange.
Ka sawi duh pakhat chu Pathian hi i zah deuh teh ang u, kan mit leh beng in phat rual lohin thudik leh diklo chu a hriat hi male.Pu chanchinmawia thih chungchang ah hian a tir a tang hian thil a saisa nuai mai hi a mak ka ti, kan police ten an hlawhlak chhan hi an thawk zo lo a mi ?. A nupui fanaute ngei poh hi engmah sawi ngam lo tur hian an rikrap an tawk ve a maw ni te a tih theih rum rum mai. Engpoh ni se Pathian in phuba min lak sak dawn kha maw, thudik leh saihlum a nget thei lo an tih kha. Let’s pray and hope that the thruth is revealed.
Mizoram ah hian Pathian thuawih mi huaisen, politics tuinu dai lo kan mamawh takzet ta e……
November 24th, 2007 at 11:44 am
Pu LM Ralte thusawi (comment) khi keima comment emaw ka lo ti mai a sin. Ka rilru chhungril, ka phawrhchhuah ve thiam loh a rawn sawi a nih khi. Za ah za kristian ramah hian dikna hi a fam ta em ni ????
November 24th, 2007 at 12:27 pm
Pastor em that duh hi chu keini mizo zingah hi chuan an tam lo ngawt ang. Chuti a nih chuan amah thah duhna khawp nei thei tur chu tute nge ni ta ang le. Hmelma a nei em? chu chu tunge?
Khawtlang nun siam thatna kawnga hma la thin inti kan NGO te hian thu chhuah an ve nei lo zawk em? MNF thalai te hi, an hmui an chip hmak mai a mi?
Kan Police officer retired thu sawi kha dik duh hmel hle mai, chutia a kaiza-ah te chemtea zai na te a awm chuan a thattu hi mi pakhat chauh chu a nih hmel loh.
Kan chanchin bu mite hian tan la sela mipui nen tangkawpin, tu emaw tal hi chu court lamah emaw hruai thlen theih an nei mai lo ang maw?
November 24th, 2007 at 5:33 pm
Kan zoram ah zawng eiruk thamna ten tlangtin leh mualtin a hrut e..Dikna leh Rinawmna Dairial a chang zo dawn ta..
November 24th, 2007 at 6:26 pm
Mizoram hi alo va rapthlak ta ve..
November 24th, 2007 at 9:07 pm
A mahin a in that lo tih chu Hindu pathian ban sawm nei ang a nih loh avang ngawt pawn a chiang lawm ni…common sense pawn mi mawl tawpkhawk tan pawh a hriat a ni kei mi mawl hian ka ti ve tlat a ni.
A that tu chu dan angin man se hrem mai se a ni mai alawm….a zahthlak em mai a….hnamdang in an hre riau riau ang e…thil kalphung hi…hnammualpho na a ni leh mai….
Zah pawh a zahthlak ching tam suh u….
November 24th, 2007 at 11:09 pm
A fapa pawh kha khatia suicide anilo atih khan vautu a awm an ti
November 25th, 2007 at 3:37 am
A va han rapthlak tak em!!!!!
November 25th, 2007 at 7:33 am
Hmanni zan chu in ka luahpui pakhat, ka thianpa hian zing dar thum vela kawngkhar rawn inhawnga mipakhat rawn lut them them hi a hmu a, a room kawngkhar te leh room dang kawngkhar pawh a rawn hawnga mahse a chhuah leh mai thu a sawi a. Ka ngaituahnaah chuan…thu hi ka ziak na theiin a dik nia ka hriat chu thal bekang puahpui ve phawng phawngmi ka nih avang hian Pastor Chanchinmawia dahthatute khan min dahthat an tum ve emaw ka ti hman deuh a!!!! Mahse USA lam daihah chuan an lo kal em lawng chu maw ka ti hnuhnawh leh deuh a..Lo kal ta pawh ni se tunlai chu thianpa H.Vangchhia hi silai kah a zir nasa bawk a.Tin, a awmna hi chilchhak phak lek a nih bawk avangin ka va pun mai ang chu ka ti deuh rawk a..ka thla a ti muang ta deuh viau a…..LOL
Chhiartu duhtakte u, zan pawh mu thei lova min siamtu…ka hun zawnga zawnga ka ngaihtuah, Piangthar tha leh rilru harhfim Pastor Chanchinmawia thattu hi mi pathum chiah hria an awm asin!! 1)Pathian.2)Amah Pastor CCmawia.3)A nupui.!!!
Bengsik meuhin han ngaihtuah ve vang vang mahteh…Ngawiteh an awmpuinu an kawmna atrang hian i chhui lawk teh ang..
Zawhna: I Pu thi i hmuh dan engtin nge??
Chhana: Zingdar sarih velah khan ka tho a. Kan choka chhuatah chuan mi pakhat hi a lo bawk a, a kut a phar bawk a. A tir chuan Drugs Addict in kan tukverh ti chhiain a rawn lut a nih ka ring a. Ka Pi te khum lamah ka ka pu thawh tawh leh thawh tawh loh ka va en a. Ka pu chu a lo thawh tawh avangin chhuata bawk chu ka va en chianga. Ka pu a lo ni reng mai a. Thi kha a lo luang kawi zuih mai mai a. Ka pi chu ka va hrilh a. Ka pi chu hmai khuhin a lo mu tung deuh a. Ka pi chuan ka pu thi a hmuh chuan ” U Mawi, Mi va han ti zak em em ve, mi va han ti mualpho ve,” tiin a tap a. Chumi thawm avang chuan thenawmte pawh an rawn lut nghe nghe a ni.
Zawhna: A nih leh kawngkhar leh tukverh chu in hawng a awm em??
Chhanna: Kawngkhar leh tukverh chu ka check veka, a vaiin a in kalh tha vek.
Zawhna:I Pu hi eng hun velah nge a thawh thin?
Chhana: Ka pi leh pute hi an tho hma thin a. Kei chu ka tho hma ngai lo.
A makna lai te….Zingakra tho hma thin nupa kha hemi zing hian an nu hi tho chhuak loin an awmpuinu murei mut chen zet a mu!!!..An room leh choka hi inhlat lo te a ni a..mahni pasal te thi tur chalchang leh an vih hrawih hrawih lai thawm te, a pasal na tuar leh thaw ri bawrh bawrh thawm te, nghet taka man beh a nih chunga an vih lai thawm te a hre lo mai pawh niloin a pasal, a bula mu ve ta lo chu ngaihthat lohna a nei lo!!!!!
Zinga an pa ruang a hmuh hmasak ber a a tah hla hian a ti mak zual e…U Mawi, Mi va han ti zak em em ve, mi va han ti mualpho ve,”…..A Pasal vih chik hrep hrup leh a kaihza chah sakna te a hmuh hnu hian maw he trah hla hi a chham theih a…I Nupui/Pasal hmangaih kha zingah chhuatah vih chik leh sawisak hrep in lo thi khawng der ta se….i rilru-a lo lang hmasa ber tur chu..tu thah nge??? Mahni inthat pawh lo nita se mahni inthatah kan ngai phal lo mai pawh ni loin Post mortem turin kan hmangaiha/hmangaihi ruang chu kan thawn nghal anga..Phuba lak chak nain kan khat nghal dawn lo em ni????
An awmpuinu in kawngkhar in kalh vek anga a sawi ti hi dawt a ni e. Kohhran Upa Nupui ngeiin a nam hawng ngei si a…Ngawiteh..thianpa H.Vangchhia, an awmpuinu hi an thawn bona zawng chhuak ila …CSI kan en thina an dawp ang hian i dawp ve ang hmiang..emaw a nupui thudik hre vek tu, post mortem pawh phal lotu hi darkar khat chauh i dawp teh ang hmiang..kan Sawrkar uisathiamte puan chhuah ngam loh leh hlauh em em hi i puang vek law law teh ang hiang..Keini chuan a titu hi akn hriat chian em kha maw..tiro!!!
November 25th, 2007 at 11:28 am
A nupui tha hla chu a va mak tak vele!!!! Lainatna au aw a nih loh tawp hi.
November 25th, 2007 at 7:21 pm
Nia MTV kha che leh se aw…BTW whois Pu Hlirpuia?? January thlathleng chauh dam tawh tur tih te kha?? A va mak ve.. January thla thleng chuah dam ta tak2 se, engtin tak awm zel ang maw?
November 25th, 2007 at 9:50 pm
Christian ramah chuan dikna hian ro a rel ngei turah ka ngai a, he thihna chungchangah pawh hian dikna hi hai lan ngei ne se a duhawm khawp mai,thunei tu lam hian an thu neih na hi dik takin hmang thei hram sela a duh aawm hle a ni.Pathian leh kan ram tan ti a au thin tu te hian heng hunah tak hian an au hla te hi hman hun tak a ni lawn ni tih hi kan sawi ve duh a ni.
November 26th, 2007 at 12:12 am
Uai.. Pu LM-a chu ngaihdan i nei tha hle mai, i awmna hlat nen, keini a hmuna awm pawh min dah nil trep lawm..
Thil tlem kan lo sawi lawk..
* A kaihza ah hliam a awmlo(Post morem report chhuah hunah kan la chiang ang) (i have extremely reliable source)
* A nupui chanah hian han indah ila… Thrawng lutukin, “Ka pi, ka pu hi a invit” ti in sawi sela.. Hmeichhia, thlabar lah mangang tan chuan kei ka rin dan chuan ka thiam.. Tuna, thrut hmun atanga ngaihdan lo sawi nen chuan a dang ngawtin ka ring.
* Ni e, tunah chuan, a hliam awmzia kan hre tawh a, kan ngaihdan in HOMICIDE ANI THEILO hrim hrim tih kan chiang tawha.. Mahse, tuna ka sawi ang chiah khi a nupui sawi lehdan ani si a.. Mahni a inti ani theilo hrim hrim a ti ngat (ZOZAM)
* A nupui hi, a thrawn dan leh a tawrh nat zia en chuan kei chuan Pu LM-a sawi ang khian ka dem tho na in.. Awm ka ti tho…
* Mahse, khitia a tih vang khian, a pasal thihdan hi a hria tih erawh chu ka pawmlo hmak..
* An nu hi hrechiang tan chuan (for eg kan veng ho -mission veng- and myself, because i’ve known their family since they were in vellore then while they were here in mission veng, which goes back to about 10 years), dem ai in ka khawngaih fe mai.. A pasal hi amah tluka hmangaih a neilo tih hi kan hrechiang a (ka sawi ringlo chuan zawt chhuak se, before pointing finger at the poor lady).. .. A pasal thihna ah hi chuan inhnamhnawihna A NEI MIAHLO ang tih ka ring.
November 26th, 2007 at 7:01 am
Khaih khaih khaih..Setmaxjet…Sawisak hlum Pastor Chanchinmawia chungah hian zah ngai ve deuh teh!!!!!!!!!!!!!!! A nupui hi Angel ang maia thianghlim leh pawisawi thei lo, thil ti sual thei lo anga i ngai hi chu a lutuk deuh lo maw??? An awmpuinu chhanna thenkhat atrang hian i lo en chiang leh zual teh ang..
Zawhna:A nih leh in hmuh lai chuan a thihna a rei tawh hmel em?
Chhanna:Kan hmuh tirha kan khawih kha chuan a zak kha a la lum deuh a. Ka Pi Pawhin A KAP VEL PAWH A LUM A TI !!!!! Khati taka an hliamna hnu hma mi dang lo thlen hma pawha lo bel chiang hman khan engvangin nge mahni inthata a puh tlat??? Police lamin Post Mortem an duh lai pawha tul a ti lo tlat hi enge a chhan??
Kum upa lam tawh anni a, an awmpuinu sawi ang chiah hian zing pawh an murei ngai lo reng a. Zan lamah pawh kum upa lam annih tawh angin keini thalaite angin nghet takin an hnar ve bawrh bawrh lo ang tih chu Doctor ni kher lo tan pawh thil chiangsa a ni a. Upa lam deuhtawh chu an muhil hi thil hote ah distract an awl em em a ni. An Bedroom leh Kitchen hi in hnaih taka awm nisi engti danin nge an pa thi tur chal chang leh na taka an vih hrawih hrawih thawm te hi a hriat miah loh theih?? Thlahrang or Ramhuai chuan kan Pastor hi thawm nei miah lova a thah ka ring lova..Tin, Pastor pawh hian tuna a thih dan hi a duh dan a nih a rinawm loh avangin a tha tawpin a lo trang ve ngei anga..an thawm pakhat mah engtin nge a hriat loh theih??
Zingah an awmpuinu a Pu room a va luhin khumah a lo mu thru tung harh tawh a..Zana a pasal a bula rawn mu ta lo chu ngaihthat lohna pakhat mah pawh a nei lo hi a makna lai pakhat chu a ni bawk??Setmaxjet rawn sawi anga a pasal hi a hmangaih leh thlahlel ngawih ngawih a nih chuan..a ni lungtha lo leh mi hrisello a bula rawn muta lo chu ngaihven awmtak..zankhua a a bula a rawn inthawlh tawh loh hnu pawha angaihven chuang reng reng silo hian a hmangaihna hi eng ang fakauva thuk nge ni ang tih ngaihdan min neih tir??
Pastor nupui hian engti kawngmahin a pasal sawisak hlum chungchangah hian kut hmawr pawh a thawh ka ring lova..a in rawlh ve pawh ka ring phal hek lo. A pasal pawh a sunin a ui em em tih chu 100% ka pawm thlap. Mahse tunhma pawha a pasal thaha lo vau thin tute, a rilru hahna zawng zawng te pawh Pastor hian an nu hi a hrilh ka ring a. Hemi zana thil thleng pawh hi a hre ngei ngei tur a ni ringawt… A pasal thih sual thawm leh an vit hrawih hrawih thawm te, chhuata a tlu thawm te erawh hi a hria tih hi 100% ka sawi ngam khawp mai.
A Pasal thattu te hian khami zan khan a nupui leh an awmpuinu thleng khan that ve ta se..inhnialna pawh a awm lo ang..mi thah an ni tih mipui vantlang leh sorkar in kan hre nghal ang. Mahse thuk taka inthup duh an nih avangin mahni in that anga sawi darh tu tur an zuah ngei ngei a ngai tlat!!!Tunge ni ta ang le? Hmeichhe awmnem leh chaklo, vau zam awlsam em em a nupui chu mahni inthat anga a sawi loh chuan thahah an vau emaw…engtin emaw tak anti ngei ngei ang.
A pasal a hmangaih tak tak a nih chuan hemi zana thil thleng diktak leh a pasal thattu te hi Zoram mipuite hmaa puang chhuak turin Pathian hmingin ka ngen a ni.
November 26th, 2007 at 7:49 am
“A nupui hi Angel ang maia thianghlim leh pawisawi thei lo, thil ti sual thei lo anga i ngai hi chu a lutuk deuh lo maw???”
Nia … chuti em em chuan ka ngai lo..
Ngaihdan siam tur chuan anmahni ka hre rei in ka hre chiang tawk e ka tihna mai ani e
November 26th, 2007 at 11:23 am
A fapa pawh kha khatia suicide anilo atih khan vautu a awm an ti.
‘An ti’ tih chu dawt ‘an ti’..lol.
thu hi a tam leh lutuk a, oih tur ber poh ka hre lo.
November 26th, 2007 at 11:29 am
Vau ngei mai
Lapin, enge i chanchin hriatna ve le??
November 26th, 2007 at 11:35 am
@thudika: i soi kha ni mai ka hriat na chu.
November 27th, 2007 at 2:33 am
I lum leh lum la, i vawh leh vawt rawh tih a nih kha…Mizo hi chu Pathian leh Ramhuai in kar a khawsa, Lal pakhat neilo…pahnih inkar a khawsa ( Pathian leh Setana) duh duh a kaih lek theih kan ni miau mai a… a chang leh kan inti Kristian viau anga, a chang leh kan rilru a kha hle a … belhchian pauh leh kan tenawm zia a lang chiang mai si a…. ram pum huap a Pathian ngaihdam kan dil a nih ngawt loh chuan ngaihdam tlak pawh kan ni tawh em ni le, te ka ti ve mai mai thin.
November 28th, 2007 at 8:05 pm
Hmunphhiah kuang a thuk zong teh nan te han hman re re…..
Thudik tak hriat a chakawm hle mai. Tuna a kalhmang han thlir erawh chuan ‘thudik tak’ hi kan hria ang emaw chu le…tih nek nek chhung ringawt pawhin a thla a thla a ral leh der tawh sia.
November 30th, 2007 at 11:34 am
keipawhin ka ringhlel hrim hrim mai. A thih danah hian rinhlelh awm chu a awm chiang mai a lawm. Khatiang zawng zawng kha a lo dik ngaia nih chuan a lo va han mak awm ve aw ka ti deuh a. Mahni han in that turin hmanrua a hmang tam lutuk tlat mai kha mak ka ti a ni. Bakah Mzoram ah hian buaina mak pui pui ka la tawk dawn chauh aih hmel khawp mai ka ti. Police chhui chhuah therih miah loh buaina ka latawk a nga kohhhran leh khawtlangin kan la buaipui mup muo anga ti nia, tunah pawh hei kohhran chu kan buai tawh nghal a ni mai a.He tiang em em a thihna mak hi chu khawvelah pawh a vangin a tam vak lo a sin. Thihna mak ka tih awmzia chu mi thah tih chiang nawih ngawih mahni a in that an ti hi a vang ve ngawt ang tihna mai a nia. Kaan tunlai Zoram khawvel lah hi a Zoram pawn atang pawhin a bawlhhlawh dan hi chu a va lo han langchiang thin tehreng em vele oo.Ka sawo peih-tawh lo reng reng.
December 1st, 2007 at 10:31 pm
A nupui hi kei chuan 100% in ka ring ka tih tawh kha! Min dem viau hlawm a ni lawm ni!
December 1st, 2007 at 10:55 pm
Thawm nei miah lovin an thah ka ring bawk hek lo, a nupui hian a hriatpui ngeiin ka ring, amaha in thatah eng vangin nge a nupui hian a pawm theih tlat le tih hi ka zawhna a ni! A tuar vak lo bawk! Ka rin ang reng a ni a ti bawk.
December 1st, 2007 at 11:28 pm
A nupui hi kei chuan 100% in ka ring LO