Rap-thlak tih tawngkam hi thawk khat lai khan kan uar viau a. ‘At thlak’ tih tawngkam hi chu a dik thlap a. “A rap thlak” tih nge dik zawk “A rap awm”. (Heta ‘thlak’ tih hi thil kan han thlak thla ang hi em ni le?)
A nih leh “A rapawm rap thlak” tih hian enge sawi a tum ang? Thu uarna a tan ni tase, i bengah khawi hi nge fiah zawk ang: khawngaihthlak, khawngaihthlakawm.
Similar Posts:
- Vote thlak loh hi
- Mizo tawng tlem i zir lawk ang
- Vote thlak chungchang
- Zawhna pathum
- Chile ah lingnghing rapthlak a tleng leh ta.
November 7th, 2007 at 10:59 pm
Tawng humhalh lam sawi takah chuan Kohhran hi a hnarkaitu pawimawh tak leh thawhhlawk ber pawh niin ka hria.
Chutih laiin kohhran thupuangtu thenkhatin “thawhlawm khawnna i lo nei ang u, inkhawm banah thingpui in hona kan nei ang” tih ang reng te hi, kan sim hleithei lo khawp mai niin ka hria.
Report this comment
November 8th, 2007 at 8:54 am
He topic discussion hi a bengvarthlak in a puitling khawp mai…ngaihdan in ang lote awm nual mahse, in discuss dan hi tupawh in entawn tlak in, nidang a in hnial biai biai na te nen a teh chuan kan thrang chho khawp mai
Report this comment
November 8th, 2007 at 5:49 pm
kan vatawk chuan a ring a rawn fan lut a ni maw…:)
YMA mike in an han tlangau a,” tlangval tlawmngai te kha lo chhuak tawh ru khai”, tih ang vel a an han au hi chu a zialo hle hian ka hre thin. Ka hriat ve dan chuan tlawmngai chu tuma koh ngai lovin mi zawng zawng aia hma akal a tum ngei ang. Tlawmngai tura han in auh chhuah chu a tlawmngaih loh thlak mang e te ka ti mai mai thin:)
Report this comment
November 8th, 2007 at 8:14 pm
He topic-a comment chhiartute chuan ‘A tlawngaih loh thlak awm’ chu an ti tulh tulh tawh lo em ang chu. An la tih cheu chuan ‘A atthlak awm mange’… he he.
Report this comment
November 9th, 2007 at 3:42 pm
H. Vangchhia i ti lawmawm e, i sawi ang chiah hian ziah pawh uluk chu a ngai khawp mai. Hei tuna ka type mek lai pawh hian ka hman thin ang ka hmang ngam ta lo, he topic hi chu a tha ani awm e a… Ka sms thawn te pawh a khawih chho mek zuk nia…
Report this comment
November 10th, 2007 at 1:17 am
Internet tangkaina chikhat a ni, hetianga kan tawng ziahdan leh hmandan kan zirho thei hi. A bik takin thangthar deuh naupan deuh laia ramdang emaw mizo awm lohna hmuna khawsa ta te tan a tha lehzual ang. Kei ngei pawhin internet kaltlangin ka zir nasa a, hma pawh ka sawn phah ve nasa viauin ka hria. Kum 16 ka nih atangin ka kal chhuak a, pianpui tawng mah ni se, a ziah ber hi a lo awlsam bik awzawng lo mai a. Kan tawng chhuah ang anga han ziah ngawt te pawh hi a lo dik mawh khawp mai a. Linguistic takin Mizo tawng hi chu Tonal Language an tih ang chi hi a lo ni ve bawk nen, thumal pakhat ringawt pawhin chhan/kawhtum tam tak a lo nei thei a, ‘Tui’ tih ringawt te hi kan lo hmang hnem hle mai a. Chutiang zelin ‘Lei’ tih te pawh. Kum 20 vel ka nih laia ka lehkhathawn ziah ka han chhiar leh mai chu, ka zak hnuhnawh leh khawp mai.
Mizo kan nih chuan kan tawng kan thiam tur a ni a, kan ziak thiam ngei tur a ni tih hi ka ngaihdan thar a ni ta deuh tlat pek a. Hman kumah Dalai Lama pawh khan Tibetan mi pakhat Tibet tawng thiamlo pakhat hi a be fuh pek a, heti hian a tia lawm, Tibet mi i nih chuan Tibet tawng i thiam tur a ni. Tibet mi awm lohna hmuna i awm a nih chuan i theih ang angin i zir tur a ni. Tawng hi identity(nihna) pawimawh berte zinga mi a ni tih lo hre tawh ang che, a ti e, an tia. Dik ka ti khawp mai. Hmel ringawt hian hnamah min tichiang lo va, thisen pawh hmuh theih a ni bawk lo va, kan identity kan pholan theihna awmchhun te zinga langsar ber chu TAWNG khat hmanga kan in biakna hi a ni. (Zohnahthlak diallect hrang chu Tawng hrangah ka dah hauhlo thung)
Mizo tlangval leh nula zingah in tichangkang deuh deuh mahse, Mizo hla hlui deuh emaw hla un deuh maw hrethiam mang lo hi kan tam ta hle mai. Tawng upa phei chu kan hre ta lo lutuk a, hei hian literature lamah min la hnukfual hle dawn a ni. Chuvangin kan theihna kawng theuhah kan tawng hi kan thiam deuh deuh theih nan, tan kan lak a ngai a, mahni tawng pawh thiam lo chu hnambo a ni ringawt mai a ni. Hetih lai hian tumah kan thiam sa lo va, kan chenna ram leh hmun a zirin kan thiam map lo pawh a ni thei. Tumah ka dem lem lo. Mahse, kan thiamlo a ni tih kan hriatchhuah a, zir theihna chance kan neih phawt chuan kan zir ang a, kan thiam hle tur a ni.
English te, Hindi te leh tawng dang te pawh a pawimawh em em, mahse mahni tawng hi thiam nal hle mahse ila, hnam dang pawh kan thiam nal hle thei chauh ang. Tin, kan hnam pui te tan pawh kawng hrang hrangah kan tangkai phah ngeiin ka ring tlat a ni.
Report this comment
November 10th, 2007 at 6:49 am
E khai! a va han ngaihnawm thei ve a.
‘Khawngaihthlakawm’ leh ‘khawngaihthlak awm’ chungchang hi ka’n sawi ve leh lawk ang e. ‘Khawngaihthlakawm’ tiha ‘awm’ tih lai tak hi “In awm em?” “awm e” emaw hming lamnaah kan hming an ham lam a “Awm” kan tih angtea thluk anih chuan thu awmze nei lo, a tira ka sawi, tute emaw thu uar tum lutukna mai mai niin ka hria. Amaherawhchu, “In hotute thu in zawm tur a ni” tih laia ‘zawm’ thluk a thluk a nih chuan awmzia a nei.
“He pa chu ka khawngaih ngawt mai, mahse a ni ai hian tuna piangsual kal liam ta te kha an khawngaihthlak HMEL zawkin ka hria.”
– He sentence ah hian HMEL or AWM tello hian a fiah tawk viau in ti ve tho lo ami?
Report this comment
November 11th, 2007 at 1:05 am
Mizo tawngah hian “Tel” tih hi kan pipute khan an lo hmang ve reng em? Hriak an ti mai lo maw? Vai tawng atang kan lak nge maw ni le?
Report this comment
November 11th, 2007 at 7:54 am
Aw, “Tel” tih chu vai tawng (Hindi) a ni e, ‘atanga lak’ pawh ni lovin, Hindi a ni ve hrim hrim.
Thil pakhat ka hrechhuak, Gospel Centenary lai vela a drama chan pakhat, hman lai Mizo ringtharte inkhawm, etc., vel an chan thin zing ami pa pakhatin “Tel” tih hmanga sermon a thlak kha in hre ve em? “‘Tel’ hi chi hrang hrang a awm a, antam telte, maian telte, behlawi hnah telte, Jentel te, mau tak tel te. Aw, ka unau! a eng tel berah hian nge i awm le?” a’n ti pap pap mai a, nu ho chu an lo halelui tuar tuar tho!
Report this comment
November 11th, 2007 at 9:45 pm
Val_brosky : a ho roh mange a hairehai
Report this comment