Art & Culture Deptt. a Joint Director Pu RS Rosangluaia chu tukin zing khan Guwahati Mizoram House Compound-ah thi-a chhar a ni. Thu kan dawn danin Pu Rosangluaia hian nizan khan Delhi atangin Guwahati hi a rawn thleng a, Guwahati GS Road, Christian Basti-a VIP room pakhat ‘Clivia’ ah a thleng a, tukin zing khan Mizoram House a hnathawk vai tho hmaten House tualah thisen nena inchiahpiah nuaihin an hmu ta a ni.Pu Rosangluaia lu-ah hian hliam a awm a, a hmai a chiam deuh nia hriat a ni a, a kut lehlam lehlam zungtangah thil hriama ahna niawm tak a awm a, Jeans kekawr a ha a, kawr a ha bawk a, pheikhawk erawhchu a bun lo a. A thih danah hian thil rinhlelhawm a awm avangin a ruang chu laksawn lohvin Forensic Expert te an thlen hma chu dah a ni a, vawiin khan post mortem a niin tlai dar 4 vel khan Mizorama rawn thawn chhoh tura buatsaih a ni.
Pu Rosangluaia hi room atanga zuang thla ani thei angem tih ngaihdan a awm laiin thil ni thei niin a lang lova, a room hi chhawng khatna a ni a, a tukverh leh a ruang awmna hi a inzawn loh bakah tukverhte hi bar tha tak a awm a. Hetihlai hian a room-ah hian a pheikhawk leh thawmhnaw dangte fel thlapin a awm nia sawi a ni a, slipper chhe tawh tak, a dinglam hruia zawm chawp a awm a, hei hi ama slipper a nilo nia sawi a ni bawk a, a wallet-ah hian pawisa Rs. 1188, Photo ID, Train leh Air ticket te ala ak a, a hmai leh kuta hliam bak chu hliam dang a taksaah a awm hriat a ni lo a. Hetiang anih avang hian mi kut tuar ngeia thi anih rin a ni.
Pu Rosangluaia, kum 54 mi hi zaithiam Laltlanthangi Pachuau pasal niin Mizo nun ngaisang leh Mizotawng pawh humhalh duh mi a ni a, fapa pakhat leh fanu pahnih neiin Venghnuaiah an cheng mek a ni.
Source: zotalk.com
Similar Posts:
- A Mizo student disappeared from train in AP
- Rev CCmawia thih chungchanga thil mak 13
- Guwahati ah Mizo hmeichhia!
- Uite Vulh Leh Pheikhawk Bo!
- Mizo hmeichhe ruang chhar!
a tha khawp mai
November 3rd, 2007 at 1:48 pm
Post hi nizan lama a chhuah hman tak loh avangin a tawngkam tihdanglam hret a ngai a. ‘Tukin zing’ tih hi ‘nimin zing,’ ‘vawiin’ tih hi ‘nimin’ tia chhiar tur a ni tawh awm e.
Pu Rosangluaia thihdan hi a runthlak hle mai. A chhungte Pathianin thlamuan se la, a thlarau muang takin chawl hahdam mawlh rawh se.
Report this comment
November 3rd, 2007 at 1:59 pm
Assam ram khu tualthahna a tam hle in ka hria. An police te lah khu an Keystone ve si a. Homicide aih chuan ngun taka chhui ngei ngei tur ani ang. Mizoram police inrawlh vak theih ka ring lo, a victim Mizoram sorkar officer ni mahse.
Report this comment
November 3rd, 2007 at 2:19 pm
A va runthlak thin ve!! Hetia kan mi pawimawh tak takte an han tual thi tawp tawp mai hi chu eng kan ti zo ta nge ni le??? Mizorama thi mah kan police ten a titu an chhui chhuak hlei thei lo a ni a, Vai ramah phei chuan beisei a va sang lo ve le…
Report this comment
November 3rd, 2007 at 2:22 pm
Belh leh lawk..a titu(te) hi Vai ho an ni kher lo thei mai awm mang e tih ka ngaihtuah…a chhan chu a wallet-a pawisa cheng sang chuang lai hi Vai ho chuan an hmuh hmaih ka ring lo…kan Mizo pui te bawk an ni thei ang em le…???
Report this comment
November 3rd, 2007 at 2:48 pm
A ruang an chhar na lai tak hi Building hlui leh thar in kar ah an ti mi kha? Hre chiang deuh in om lo mo?? Compound zim te a ni si a hetiang thawm lo hria pawh tu mah an awm lo a ni mo???
Report this comment
November 3rd, 2007 at 3:08 pm
A thlenna hi Mizoram House sak belh a VIP room pakhat a ni a. A thlenna room hi chhawng khatna (first floor) a ni. A tlakna niawma lang hi a room zawn sir deuh leiah (ground floor) a ni awm e. A inkar chu a nih hmelin ka hria.
Report this comment
November 3rd, 2007 at 4:37 pm
Hetiang chanchin hriat reng mai hi aw!!!!!!!! Kan khawvel tawn tur a nih reng hmel ta si a!!!! Vai ho thah a nih chu ka ring lo nghal ringawt mai ah! Chhuichhuah theih loh tualthahna a ni leh dawn a nih hi.
Report this comment
November 3rd, 2007 at 7:59 pm
Chhuichhuak thei ngese, mizoram house a thawk officer ho kha han man piatphot se thu zawhfiah a tan a chiang thei em em ang.
Vaipawh an ni thei ni lo thei ve tho tlat bawk, tin mizoram house Vengtu te hi Vai anih tlangpui a vang hian dawt sawi an hrehsi lo va, Vai an nih chuan zawnchhuah harsa leh ngawt ang le. A pawi e, pakhat na a thlenna te Receptionalist, or Reception a thawkte fel loh pakhat a chhuak thei, mikhual thleng hming List a trang in leh staff ten tu tu nge luh he hun chhung darkar ah hian ti in sawithei in Investigation Team ten dap chhuak thei nge se a thra ngawt ang.
Report this comment
November 3rd, 2007 at 9:28 pm
Pu Rosanga chu ka va han ui tak em vele aw…Guwahati Mizoram House chu balcony atang lo chuan zuanthlak a theih loh…engvang tak ni ang chu maw aw.
Report this comment
November 3rd, 2007 at 10:22 pm
A va thinrim thlak thin ve aw! A titu an chhuichhuah hi 100% in ka ring leh pek lo a nih chu! Rev. Chanchinmawia pawh kha a nupui thah tur a nih 100% ring hmasa bertu ka ni reng a, rinthu sawi huai ber min ti luai2 reng a nih kha! An chhuichhuak lo chiang kher mai. An awmpuinu police in an vuak nasat ang hian a nupui hi vaw ve se chuan thudik kan hre mai tur! Pu Rosanga tual thihna pawh hi pawisa duh vanga tih a nih a rinawm loh ta tlat mai! Hel ho tih ngei ni ang aw? Tualchhung mi ai mahin hel ho an ni thei mai lo’ng maw? Zo hnahthlak hel an tam si a
Report this comment
November 4th, 2007 at 2:27 pm
Chhan hriat lohva thihna bawk maw!!! a va pawi thin ve aw…a kalsan a nupui fanau leh amah ngaitute kan lo tawngtai sak e. A va lainatawm ve aw…May his soul rest in peace.
Report this comment
November 4th, 2007 at 3:20 pm
ka va lainat reuh e
Report this comment
November 4th, 2007 at 3:30 pm
a lungawi loh thlak duh kher mai kan mizo pui te hetiang rawng taka an han thi mai hi an chhungte ka tuarpui in ka khongaih tak zet mai.
Report this comment
November 4th, 2007 at 6:30 pm
Mizo awficer kan chan leh ta….!he khawvel hi zong….ral muana hmun reng a om ta lo..
Report this comment
November 5th, 2007 at 3:02 pm
a chengte hian kan tiralmuang lo em alawm mawleee…kan siamchawp thil vek hian min tiralmuang lo mai zawk niten ka ngaigtuah thin…
Report this comment
November 5th, 2007 at 4:54 pm
Tunah hrih chuan investigation kal lai mek a ni a, sawi thiam a har khawp mai..ccthar awm chuan kan rawn update zel dawn nia
Report this comment
November 5th, 2007 at 5:41 pm
NEWS a la awmlo a mi?
Report this comment
November 5th, 2007 at 6:01 pm
“A thih dan chungchangah hian Guwahati Mizo Welfare chuan midang kuta thi ni lovin ama chesual ngeiah kan ngai a, kan rilru pawh a dam, an ti.
Guwahati Mizo Welfare hruaitu pakhat chuan a room atang chuan han tlakna tur a awm lova, in chung lamah a han lawn a nih erawh chuan tlak theihna a ni a, a ruang awmna nen pawh a inzawn a ni. In chung zawla han lawn a nih chuan luhai vang pawhin a tlak palh thei a, building pakhat nen inngheng hnai tak a ni bawk a, han kar vaka lehlama per kai mai theih pawh a ni a, building lehlama perkai tuma chesual pawh a ni thei. A luruh a kehchhiat dan atang te khan inchung sang atanga tla a ang riau a. Tin, police uifing te pawhin a room leh a ruang inkar bak chhui tur an hre lo a ni, a ti.”
- The Aizawl Post via zawlbuk.net
Report this comment
November 5th, 2007 at 6:41 pm
Rev.Chanchinmawia case a va ang tan ve
Report this comment
November 5th, 2007 at 11:05 pm
Guwahati Mizoram House a kum engemaw zat khawsa ka ni a ( han ti ve teh ang) GS Road a Mizoram House te hi luah luh hma atanga ka lo talna ve hrep tawh a nih avang in ka rindan kan sawi ve mai mai ang e.
Mizoram House (GS Road) in chung zawl atang in luhai mahni a tlak theihna a awm ka hrelo lo reng reng. Concrete pal in in chung zawl hi hung vek a ni a, feet khat vel lai a chhah a ni ang a pal chung zai zai hi….tin luhai a tlak na chi a nilo bawk….mi pangai awm chen lai a sang a niua hungna hi. Khami ah khan a han lawn leh kher te a nih loh chuan kei chuan a ma tla a nih ka awih lo tawp. Khata han lawn ur ur tur chuan a nihna nen pawh a in mil lova a tih pawh ka ring hek lo….khata tanga a tla ani ngei te a nih tho si chuan namthlak/paihthlak emaw a ni thei ang ka ring. In chung zawl atang hian a chung leh tanky awmna hi laihlawn in a lawn chhoh leh theih a mahse, chuta tanga tla a nih chuan kawngpui ah a tlak tlang theih bawk silo…!!!!
Report this comment
November 5th, 2007 at 11:41 pm
Ui-sathiam anga hnu chhui thiam ka ni lova, kalo awm ve hrep tawhna thin anih avangin, ka ngaihruat na leh thlir ve dan ka han sawi mai a nih kha:) A tum ve reng a zuangthla a ang lemlo em bawk nen!!
Report this comment
November 6th, 2007 at 2:27 am
Hmmm, VIP lam CM room kan tih mai bathlar atang kha chuan building piah kha chu kan zuang kai fo mahse, a ni ang rual tan chuan tum chi ah ka ngailo tho tho mai..a at thlak em mai…officer puitling tan chuan tih chi ah pawh ka ngai love a.
Report this comment
November 6th, 2007 at 3:29 pm
Guwahati Mizoram house VIP building chung hi sak belh (nikum kum tawp lam ni ta in ka hria) a niin room pawh hawn belh a ni a, mizopa chhiar chuan chhawng thum lai a ni ve tawh tihna a nih chu. Tuna inchung lo ni ta ah hi chuan a hungna a awm lo a, tlak nan chuan a sang ve angreng khawp mai..building 3rd floor ang vel a ni tihna anih chu.
Investigation kal lai anih avangin han sawi chiam pawh a inthlahrun awm duh viau. Mahse ka hmuh ve danah chuan accident anih theihna chance a tam berin ka hria..a ni lo thei tho bawk..
Report this comment
November 6th, 2007 at 5:52 pm
lulian: VIP building chung ah khan an sak belh e a…a remchang awm lo bir ber…chu chu ka hre hman lo tawp mai. A nih chuan chumi ah chuan a mi a room a awm?
Balcony atanga building lehlam kai theihna kha chu CM room balcony..inhnuai office luhna chung bak kha a awm ka hre lo?!! khata tanga tla angah khan ngai angiin a hmasa lam ah ziah a ni bawk sia? In chung atanga lehlam kalkai tum a nih an ring deuh ang te khan an sawi a…an chhui thiam loh hmel hlawm roh..Nge mipui hma ah an sawi tha duhlo zawk?…..
Report this comment
November 7th, 2007 at 6:43 pm
a fapa te nen hian roorkee ah kan lut ho thin..ka tuar pui hle mai..
Report this comment
November 7th, 2007 at 6:46 pm
A chesual palh a nih ka ring ber. Kan ring phal lo thin mai pawha, thil hi a punlun zawng hian kan la ve bawk thin a ni. Thihna hi kan pumpelh theih loh thil a ni a. A tuar dan zawka hi kan thiam a ngaiin ka hria.
Report this comment
November 7th, 2007 at 8:49 pm
@H.Vangchhia : aw ni e..building 1(VIP) leh 2 kha an sak belh ve2 a, VIP building chung ber room ah a thleng. Building 2 ah LO office pawh an sawn tawh.. a chung atanga han zuan deuh zauh chuan building 2 ah chuan pakai theih mai na chu a nia..chu bak chuan ka sawi thiam vak lo, nangma mit ngei khan rawn hmu ve ta lang chuan a fiah mai ka ring..Balcony nilovin in chung ber atanga tla angah han ngai ta bawk ila..
Report this comment
November 7th, 2007 at 10:56 pm
lulian: awle….ka awm lai nen chuan hmuh leh pawn a dang hle tawh dawn anih chu mawle. Tukverh, leh bathlar ah te hungna an dah lemlo tihna em ni le aw?
Report this comment
November 8th, 2007 at 6:35 pm
“Mizoram House, Guwahati-a hliam tuar leh thia chhar RS Rosangluaia chu mi kut tuar ngei nia hriat a nih thu a chhung te’n The Aizawl Post an hrilh. Art & Culture joint director thih chungchang chhuitu, case IO leh Guwahati additional SP te pawhin mi kut tuara thi ni ngeiah an ngai niin a chhungte chuan The Aizawl Post an hrilh a ni. Rosangluaia thih chungchangah hian The Aizawl Post chuan Guwahati Mizo Welfare Association hruaitute a biakpawhnaah police te pawh a chhui zui kawngah an bo hle nia an hriatthu leh vanduai vang liau liaua hetiang tawk ni mai awm a an rin tawh thu an sawi a lo tarlang tawh a ni.”
-The Aizawl Post via zawlbuk.net
Report this comment
November 10th, 2007 at 4:04 am
Ka rin kha a dik maithei a ni. Namthlak kha ka ring tlat nia mawle.
Report this comment
November 11th, 2007 at 8:55 pm
Amaha tla e chu nise a hliam atang hian a hriat theih vek ang chu maw le! Tual thih chungchang hi MNF Sawrkar hian a chhui chhhuak thei miah lo mai hi ngaihtuah ti thuitu a ni e. Han chhui chhuak hram te se. Mizoram House Security pawh hi uluk ni thei se. Misual luh theih lohna tura hung vek nise.
Report this comment
November 11th, 2007 at 9:00 pm
Ni khawp mai, politician tualthi te an awm nual tawh in an sawia, a dik a nih chuan thil pawi tak a ni. Mizo chhungkaw tlemte ah hian tualthahna hi chuan hmun khuar lo se ka ti hle mai. Kei chuan tho leh thosi bak thah ka tum tawh silo:D
Report this comment
November 15th, 2007 at 11:37 pm
a va poi lehzel thin ve o pathian hian engtin tak ngai ang maw o XORAM KAN RAM harh la tho ta che i hringnun simple tak leh thianghlim tak kha ron hruati kir leh molh roh
Report this comment
February 16th, 2008 at 6:43 am
how good are debt management plans
executive.crack revolts Nubian
Report this comment
February 18th, 2008 at 12:24 am
spela gratis slots
plume?disarms intransitive.impostors apologia Anna
Report this comment
February 20th, 2008 at 5:41 pm
abc13 com bingo cards
spurn embracing braining Uniroyal,coacher discernment
Report this comment
February 21st, 2008 at 6:11 pm
888 póquer
position:shadily dyad:Bloch,prejudge
Report this comment
July 20th, 2008 at 9:20 am
nyc casino…
surrounding exhaling.condoning axiomatized subgraph maid …
Report this comment
October 3rd, 2008 at 2:29 am
pocker runs…
autocrat dignity encumbered:captures bold!…
Report this comment
October 4th, 2008 at 8:15 pm
health care plan arnold…
Sisyphean frosty:analytical formations …
Report this comment
October 5th, 2008 at 8:00 am
win our cash online…
insurer rubbing mountainously canonicalizes hallmark …
Report this comment
October 8th, 2008 at 8:30 am
california car insurance online quote…
widener inaugurated secondhand hordes?uncanny …
Report this comment
October 28th, 2008 at 4:19 am
betting structure…
deliverable aggregates industriously.godly roomed!…
Report this comment
January 23rd, 2009 at 9:13 am
revues casino en ligne…
pleasingly basket meteoritic proliferating …
Report this comment