Mizoram hi i hmangaih ang u aw
July 6th, 2008 2:01 am | more than words | thevizos | 736 views|
|
Mizoram inthlanpui neih turah hian tu nge Sawrkar-na siam anga, tu hian nge Mizoram Budget vaibelchhe sangkhat vel hi chawklet ang aw?
Hmanni chu Cable TV pakhatah MNF unaute Arakan atanga an lo hawng Video an pechhuak a, ka thlir reng mai a. Mipuiten nasa takin MNF rammu lo hawngte kha an lo hmuak a. A hnung lamah chuan tuna kan Chief Minister ni mek Pu Zoramthanga leh Pu Lalrinchhana bakah an hruaitu dangte an rawn kal hnak hnak mai a, anla thau mum nelh nawlh bik lo hle. Pangparthi nena lo hmuakin mipuiten nasa takin anlo chawimawi a ni.
Tichuan, kum 20 liam ta a, an dinhmun leh tuna kan ram hruaitute dinhmun hi ngun takin ka ngaihtuah zui ta neuh neuh a, MNF unauten Sawrkar-na an siam tirh khan ‘an tha viau ang a’ tiin ka lo thlir a, India sawrkar ropui tak hausakna zar zovin Mizoram Budget aia tam fe sum kan Pu te hian an han chinglet ta a, an in leh lo han thlir hian kum 20 hma lam nena khaikhin chuan an lawmpui awm khawp mai. Mahse, anmahni zuitu an thih aia thih huam leh eitur anneih lova pe thin tu Mizo mipui za tam takten eizawnna mumal kan la neilo hi chu pawi ka ti khawp mai. Kan Pute hian min ngaihtuah deuh teh se.
Mizoram a rethei leh hausate inkar zau lutuk tizim tur hian tu Party mah hi an tha tawkin kei chuan ka hre lova, an that tawk lohna pawh ka hre lem lo. Mizoramah hian Income Tax hi lak ni ve tase, mi hausa ber atanga mi rethei ber thleng hian kan sum lakluh atang hian sawrkar-ah chhiah pe ve ta ila a tha ngawt lo’ng maw? Tichuan an sum lakluh phu lova che milian zingah an awm a nih chuan kan Police ten an chhuizui anga (mahse Separation of Judiciary a ngai leh tlat), a tha mai lo maw ?
Sawi sawi dawn chuan thin a rim. Tah a chhuak bawk. Mizoram hi kan tu leh fate nena kan la chen zel na tur a ni si a…
I hmangaih ang u.
May be related
- Mizoram Tam Nasa
- Mizoram ah hian hna a tam tawk
- Mizoram ah VUR a tla!
- Pasal neih chungchangah Ngengpuii a beidawng?
- Chhanlet loh hmangaihna
July 6th, 2008 at 4:35 am
ka hmangaih ve thokaht chuan ka hria
July 6th, 2008 at 7:10 am
Hmanni deuh tawh khan ka thian MNF Returnee Pakhat chuan “Kan pute eitur zawng hian thihpawh huamin hreh chung chungin, AOte BDOte leh Vai then khatte hnenah leh kan hnampuite hnenah ngei Donation kan khawn thin kanduhloh thil pawh tih angaifo, kan damchhung a kan theihnghilh leh tawh loh tur thilte pawh kanti, an eitur zawng tute kha riltamin kan awm a min ngaihsak lehtawhsilo” ati. A tidik mai thei ani, kan pute ho hian ropuina hi sumlehpai ah an teh tlat hian kathaw atipik thin, sum ansiam theihna anih chuan engtihmah an hrehlo, anzak bawk heklo. Manganthlak tak chu ani. Remna kan neih lai khan naupang mai kanla ni mahse khami zana Aizawl khawpui hlim ziate Pu Zorama te Lohaw ni a ahmuaktute hlimziate kha!. Tunah zawng min tihlim tute kha minti lungngai tuah an chang zota anih hi.
July 6th, 2008 at 7:58 am
Mizoram hi ka hmangaih ve hle chuan ka inhria, mahse bengsika ka inngaihtuah vang vangin Mizoram-a awm aiin tuna ka awmna hmuna awm hi ka thlang ta a ni. Engdang vang a ni lo….tuna ka awmna hmun America-a ka awm ai hian Mizorama ka awm lai khan Pathian zarah saving pawh ka nei tam thei zawka, mahse ngun lehzualin ka ngaihtuaha Mizoram-ah khi ka tu leh fa-te awm chhunzawm zelna atan chuan ka thlang lo a ni. Diknain hmun a chang tlem ta hle a, a te ber atanga a lian ber thleng khian kut tling lova sum lakluh kan hreh lo tulh tulh ni khian ka hmu a, ka ram Mizoram khi hmangaihin vei ve hle mah ila, a vawnfung chelhtua kan tan theih chuan si loh chuan ram siamtha turin tih theih kan nei tlem hle si a ni. Chuvang chuan hreh hle chungin America-ah hian awmhmun bengbel turin thutihtlukna ka siam ta a ni.
July 6th, 2008 at 8:28 am
Kei chu Ka RAM hi engang paw’n chhe mah se, ka chhuahsan ve dawn lo. America-ah chuan hlawh that vang chuan hna ka thawk mai thei, ka haw leh tho ang. Tin, chuti em ema kan ram a chhiat ka hre lo. Media ho thu thehdarh khawloh vang mai mai. Vanglaini leh a sangawizawnpuite thawm hi a ring a nih hi!
MNF hi dem vak zel s’u. Thih huama chaw zawnsak na na na chu an sawrkar chhung hian an len em hi maw?
July 6th, 2008 at 8:33 am
ThaiBoy, i returnee hriat ve chu kan Kristian nun rama Pathian hria leh Pathian hriat inthlauhna dinhmun nen hian a inang fuin a nia ka rin. Thil tha kan va tihsakte hian kan tihsak tih an hriat si loh a, a let leh lam kan phut tho si chuan buaithlak ve deuh a nia. Bakah inchhungah pawh, lungawi thawm ai chuan titau leh lungawi lo thawm chu thenawmte tan chuan a ring daih zawk.
July 6th, 2008 at 10:02 am
winning: I han sawi hmangah chuan mizoram chu i tu leh fate omnaah i duh lo a chuan USA ah om i thlang ta a mo? hehe nui mai ang Burma asylum in a mi i om USA ah chuan?
July 6th, 2008 at 11:48 am
Editor-a: Thih huama chaw zawnsak tute len leh len loh chu Thingtlang khua ah kal la in khuaah returnee an awm em? tila, chumi te din hmun chu en rawh MNF Sawrkhar hnuai a lian chak ho zingah hian Underground tawh 2%(zaah pahnih)pawh an tlin ka ringlo.
July 6th, 2008 at 12:20 pm
Kekawrte mawngpawp nen kanlo haw, Pathian leh kan Ram tan , cheng khat mah ka ei ru lovang, an tih laite kha ava la rei lo em!!!!!!
Tunah chuan, Grand Vitara khalh chhuah ngam loh,Aii Puk, Building ropui tak tak,tuirial hydel project compensation, 3% party fund.. KA SAWI KA UMPHAK TEN VISION ANI NANG…Uush shandara khandarabare…Khiaa shandara bamba uush uussh
July 6th, 2008 at 12:48 pm
To set the record straight.
MNF hruaitu lu berber Laldenga, Zoramthanga leh Tawnlui te kha rei vak an rammu hlei nem. 1975 te kha chuan Delhi leh London ah R&AW chawmhlawmin in nuam tawkah an awm a. A hnu daih ah ania MNF dangte kha an in surrender.
July 6th, 2008 at 12:59 pm
MNF lo chhuah lai kha H/S ka la kal lai a nia.Chhe pawr phing pheng,’mautuai haka thi’ mai hmel pu! te pawh an ang viau,mahse kan lo lawm em em a,kawlhawk thla khum ngei kha thla kan lakpui.Kan ngaisanga, kan lawm hle a ni.Anmahni ho pawh khan nuam an ti a,an luck bok.Bialnute hian min chuhpui thut thut a ni.Tunah chuan an lo thau mum ta kang hlawm a,kan ram a lo changkang zel a ni tih pawh an tilang e.Mahse pawi deuh ka tih chu,an thau rual lo hi a ni.Returnee ho tun thlenga Pawl indin ngai khawp an lung la awi lo hi an lainatawm ka ti.Zoram hi ka ram a ni.
July 6th, 2008 at 1:30 pm
Mizoram hi ka HMANGAIH e,ka hmangaihna hi ka theihtawkin ka phak tawk chuan ka tilang ve thin.hman atang khan ka lo ngaihtuah ve thin chu income tax pek hi a ni,mizoram hmangaih tak2 tu chuan tax pek a hreh tur a ni lo ang,i ram tana hman let leh tur a ni tlat alawm, MNF leh party dang ho pawh hi an in ang vekin ka hria kan ram thatna tak2 ai chuan in tih LAL leh mahni ih haivur leh in thlan leh huna an chak theih dan tur ngaihtuah ringawt hi an buaipui vekin ka hria,kan ram hi hmangaih tak2 theuh ila chuan a zim si mi kan tlem si,siam that hi a har ka ring lo,mahni hmasial lutk na avangin KAN RAM kan hmangaih thei hlawm lo nih hi,kan hna zawn dan,kan contract thawh duhdan,kan sorkar hnathawh dan awi22 sawi tur a tam lutk,ka ngaituah apiang hian ka ka thaw ipik thin.
July 6th, 2008 at 2:14 pm
Hmanni chu Cable TV pakhatah MNF unaute Arakan atanga an lo hawng Video an pechhuak a, ka thlir reng mai a.
……………………………………….
“Farewell to Arms” tih kha em ni? kan naupan laiin mi in kawt ah an chhuah a, kan en ve thap tak asin!! A lo rei ta hle mai. middle sikul kal tan tirh vel ani ta in ka hria!
Income-tax lak chu nimahse mizoram sawrkar ah direct in a lut nghal dawn chuang em ni? central sawrkar khawn ani lawm ni income-tax te chu!! ……TUi man te, electric man te, hei hi sawrkar in a tih pun hian lungawi tak in pe mai ila, chuan sawrkar chuan pawisa hman tur chu angah deuh zawk chuan in a rinawm!!
July 6th, 2008 at 5:49 pm
Income tax te chu a pek theih reng loh a mi a duh tan? He he… fiamthu! Mizoram hi i hmangaih ang u, a dik reng.
@winning; mi ramah pawh hian dikna te hian hmun a chang bik em ni? Khawvel kal phung ah khan inhnem mai teh. Kei pawh america tih loh khamualpui dang chu ka tlawh ve tawh a. An dik em em bik em ni? I ngaihtuah thui lutuk. Tu leh fa i neih hma khan i pianna ramah kir leh vat rawh. Chuan mirinawm 1 kan neih belh anga a hlawk dawn e mai.
July 6th, 2008 at 8:56 pm
Khuangdailova : Mizoram-ah khan Kum 20 vel keima mimal private-in sumdawnna ka khawih ve tawh thina, tunah pawh hian Business chi 3 ka run mek bawk. America ka kal dan i hre duh anih chuan ka’n hrilh ang che. Kolkata US Consulate-ah US VISA pek ka ni a, Visitor VISA ang mai a pek ni lovin Business VISA pek ka ni, chutiang anga i lo kal ve duh anih chuan a kawng ka kawhhmuh thei ang che, mahse i Bank A/c.-ah a tlem berah Kum 1 chhungin Rs. 10 Million vel tal transaction i neih a ngai ang.
A reng reng thuah America-ah chuan Mizoram atanga Mizo kal chu tlete kan awma, Burma rama Mizo erawh awm an tam khawp mai, mahse Mizorama Burma Mizo kan hmuhsit thin ang khan America-a Burma Mizo ho hian min hmusit ve ngai lo. Burma Mizo, India Mizo tiin ramri kan thenhrang ve ngai lova, Mizo kan nihnaah kan chiang tlanga, inngeih takin kan khawsa ho thin. I awihlo anih chuan H. Vangchhia hi zawt la, i duh aia tam a hrilh thei ang che.
July 6th, 2008 at 9:03 pm
Ram hmangaih kan tih hian Mizoram Budget dik lo taka tlana a theih chin china eirua, mahni thawhchhuah phu lova In leh Lo ropui neiha Thlam manto tak tak saka, Fate School man to tak taka dah hi nge Ram hmangaih kan tih Mizoram Sorkar Budjet hmanpui lova mahni theih ang tawk tawka lunglen hreawm tuar chunga then leh rualte kawm phak lova awma, a theih ang anga theih ang tawk tawka Ram pawna rinawm taka hna thawha kan thawhchhuah Mizorama thawn thin hi?
July 6th, 2008 at 9:03 pm
khuangdailova: Mizo USA a awm te hi Asylee an ni kher lo. Keipawh ka nilo. Asylum in a awm theih loh bawk
hairehai….
Vaiva: Mi ram a dik bik a tih ka ring lo, winning khan amaherawh chu population a chhiar chuan Mizoram angin kawrapsawn tamna hi chhiar tham lek a nih ka ring. A tam ka ringlo khawp mai. Mizoram anga dan palzut na hmun hi kei chuan ka la hre miah lo….
MNF hi a tha hlawl lo ka ti bawng bawng e. MNA (EX) ho tam zawk kha ram hmangaih tu te an ni erawh ka ti ngam thung.
July 6th, 2008 at 9:40 pm
Mr.H.Vangchhia says: “Mizoram anga dan palzut na hmun hi kei chuan ka la hre miah lo”
Kei pawn ka hmu bik lo. Mizoram anga sorkar lalna leh pawimawh tukna hi ka hmu lo bawk. ….
July 6th, 2008 at 9:47 pm
Borat: yup…. it’s worst then the wild west, regarding ‘em taking laws into their own hands.
July 6th, 2008 at 10:53 pm
Scientist pakhat chuan ti hian a sawi ” Mi tuin emaw vaimim kawm khat rahnaah pahnih a tih rah theih chuan Politicians rual awm khawm aiin a tang kai zawk”. Mizoram ah chuan dik hmel beu beu khop mai
July 6th, 2008 at 10:55 pm
Borat & H.Vangchhia: “Mizoram anga dan pal zutna hmun ka la hre ngai lo” -in tang na mah mah lo maw?! A ang chu a ni lo maithei, a aia nasa pawh a awm ngei tur a ni.Dan palzut in tih hi in chiang meuh em aw? ka ti deuh.
July 6th, 2008 at 10:57 pm
Dan palzutna chu Bihar leh UP.
#Returnee ho kha: lungawi lo thawm hi a ring mai mai a ni.
July 6th, 2008 at 11:03 pm
A tlangpuia lakin MNF sawrkar chu Myanmar leh Manipur lam origin deuh, hehe… hetiang lam kaihhnawih deuh ho hian an haw zual…hihi… ka ti ve mai2
July 6th, 2008 at 11:43 pm
Myanmar leh Manipur lam Origin lo Mizo chu eng Origin tak ni ang maw? an thlahtute hriat a va chakawm ve pu Editor-a? Hnar zum rit ret.. hang deuh tak, ngal sang tak an ni mai lovang maw?
July 6th, 2008 at 11:48 pm
Khawi hmunah pawh awmin eng hna pawh thawk ila, Mizoram bak ‘KA RAM’ tih tur ka nei dawn chuang lo..ka hmangaih nawn awn2 e..hehe
July 7th, 2008 at 12:00 am
Israel fate chuan kum sanghnih (2000) dawn lai an ram chhuahsanin mi ram hrang hrangah an khawsa a. Mahse zion tlang chuan an lung a tileng satliah mai lo va, mamawh ngawih ngawihin an inhria a. Kum sanghnih teh meuh an thangbo hnuah pawh Hnam hlawm lian tak angin Jerusalem tlu chhe tawh chu an tungding leh a. Keini Mizo tlem te hmanni lawka lo chawr chhuak fe te hian kan ram leh kan hnam hmangaihna kan tibo mai ang tih chu a hlauhawm khawp mai. Hmasawnna hian Ram leh Hnam hmangaihna thinlung min puttir thin ngei teh se.
July 7th, 2008 at 2:28 am
muantea: NGO, YMA ang te hian an duh dan ang angin ro an rel a ni ber lawm ni. Taul ah thah pawn, an tan thu ka hre lem lo. An man chhun te pawh court hruai an nih ni hian judge emaw tan a hlauhawm thei tur khawp in vengchhung mipui an kal khawm tuk tuk thin a ni lawm ni. Hetianb hi ka la hre ngailo ram dang ah. Officer fa emaw minister fa emaw te hi mihring nawl pui ang hian police emaw excise emaw te hian an man ngam ve em? Lunglei ah emaw ni pawh minister chhung te pawngsual a puh pawh a tan hleihtheih der loh kha…Office tan hun a kal engzat nge awm? Tawngpawng chawlh hi mi engzat in nge la tawh? Office hun laiin mahni thil tul kan tih te hi dan pawn a ni lawm ni? Dan behchhan nei si lova, fa te emaw police lock up a kan dah te hi dan pawn a ni lawm ni? A tam lutuk. Hei bak a awm leh dawn chuang em ni. Awm a lo awm pawn, Mizoram sual thup nan pho lan kher pawh a tul hek lovang. Khing te leh thil dang tam tak vang in, Mizoram hi dan palzut nasa tak ah ka puh a ni.
July 7th, 2008 at 2:30 am
Zorun: Israel ho in ram an nei a mi? Mi ram an chhuhsak mai a nih khu…An chhuhsak a te pawn an la do char char reng khu.
July 7th, 2008 at 5:05 am
winning: USA ah mizo in bussiness pakhat mai poh nilo pathum lai in run mek hi ropui hle, kan chhuang khop mai che.Mizo hna neilo te poh i chhawr ve thieh nual dawn hi.USA a i kal dan hi ka zawt lem lo che a i rawn sawi a a bengvarthlak khawp mai.Tin visitor visa mai nilo Business Visa (Omhlen theihna a niang chu ka ti mai) i nei hi lompui om bawk.
H.Vangchhia:Asylum in a awm theih loh a asylee in a om theih a mo? zirsanglo tih takah saptawng a tel hi chuan ka buai deuh nak zel a nia.Burma ramah i kal ve tawh rere em?
July 7th, 2008 at 7:29 am
lolzzzzzzzzzzzzz…. Khuangtea hi nula lam sawi loh pawh a lo hneh hle mai!!..lol
July 7th, 2008 at 7:37 am
sap ram-a awm hi a big deal lo em mai. Inchhuan na chi poh a nih loh hi. Mizoram fapa/fanu ka ni ngai a nih chuan ka ram hian eng ang pawhin beihna leh eirukna, hlemhletna, chhiatna tinreng tawk mahsele keizawng luchhum banchhum huamin a ni ka ram Mizoram tan hian ka beih dawn. A siamtha turin ka thisen far tawp thlengin ka bei dawn a, ka ram tan hian ka nunna ka chan ngam a ni. Inti engemaw vela..zoram ah ka awm duh lo, sapramah ka awm e, ek e bal e tih hi a va tenawm kher em?Harsatna leh manganna, tram namen lo Zoramin a tuar mek lai a Mahni ram leh hnam phatsan a, Zorama ah ka awm duh lo, sap ramah ka awm e, ek e bal e..I ram hian a ko che asin…YMM..thats me babe…
July 7th, 2008 at 8:11 am
“.Zoramin a tuar mek lai a Mahni ram leh hnam phatsan a, Zorama ah ka awm duh lo”.
Tu te mah hian kan ram kan hmangaih em em hi kan phatsan kher ka ring chiah lo. Dike, ram thra leh hmasawn ram ah te khawsa tam tial tial zawk i la kan ram kan hmangaih em em hi kan la siam thra mai dawn zawk ani.
July 7th, 2008 at 10:12 am
Suahsualna tin reng in a ei chhiat mek ka ram, Kan Mizoram, ka hmangaih ber leh min hmangaih ber tu te lenna khi ka hmangaih a, a dik lohna leh tlin lohna te chu ka hmangaihna ti zualtu anni zel zawk si, ka hmangaih Zoram ABC leh A AW B min zirtirtu hian a mah atanga kan thiamna neih te hi tunah a mah chhanchhuah nan min phut let ni hian ka hre thin Zofa zawng zawng te hi…
July 7th, 2008 at 11:06 am
Hmm.. Keichuan a hmuna hmuhloh chuan a dik ka ti ngam sak ngai tlat lo… Media atanga thil hmuh zawng2 hi ka ring bur lemlo bawk… Zoram a chhetawh tih zawng ka pawm e… mahse zoram tluk a dan palzutna….ka pawm theibik lo… haw changa hmaichhan ngeia zoram kan unaute leh thilthleng ka hmuh leh hriat thenkhat te hi media report nen a in ang ltk lemlo hi ka hre ve fo thin… tin ka ram a chhiat vang a awm duhloh phah chi zawng ka nilo ve.. “ZORAM IN MIN KOHNA HI HAIDER HAR KATI; A NA TUAR AU THOM A RIN ZAWH POH LEH ZORAM NGAIH A NA IN KA LO HRIA ASIN”. A chhiat leh a tuar vangin ka awm duhloh phah dawnlo hrim2..
Awle…kan sap ram unaute kan chhuang che u a; zoram in hmangaihna ah pawh kan lawm e.. Mahse thenkhatin (a zawng2in ka ti lo) zoram thlir dan hi chu pawm har kan ti ve deuh thin.. “Ka tu leh fate seilennan ka duhlo tilovin; kan ramin a mamawh che u a, rum a akoh lai che u hian lo hnai ta che u” Kan ram thisen chhuak mek hi inthiamna ropui tak2 hmang khan thawihdamna min han zawn pui ta che u.. Zoramin hliam a tuar hi atakin han tuar pui ve thin teh u; media leh tlangthu lengvel a inhnim ltk lo hian… Tamtakin an hmangaihna an tarlang tawh tih kan hai lo kan lawm e… mahse a ai nasa hi kan phut… in unaute hian…. hhhmmmm duh tawk teh ang…
“Hnam lal ropui Bengkhuai a chuan”
Lal ram chhannan mi lu a la
Hnamte lalnu Ropuilianin
Thihthlengin hnam tan a nun a hlan’
“I ram tan hian engnge i thawh ve dawnle aw thangthar”
July 7th, 2008 at 12:19 pm
Pu Vanga thin hi a.. Israel te ram chin leh ram awmdan te chu Lehkhabu a zawnga lehkhabu hlui ber Baibul kha chhiar la, sawi belh a ngai lo.
July 7th, 2008 at 2:50 pm
Valbuanga@ ka support khop mai i thusoi khi
July 7th, 2008 at 4:19 pm
Mak deuh lom tiraw littlerascal… “Zoram ka hmangaih” tamtakin kan tia… inhnial nan tak kan hmang a.. hmangaih vang a a diklohna leh dikna sawilan hlawl hlawl chang a tam… “MIZO, ZORAM FATE” kan nih avang hian… Mahse a damna tur a ke pen leh thlantui farkhat pawh senglo (kan sen huamloh vang nge ka hrelo) hian kan sawichhe nasa ltk thin mah2.. Zoram anga dan palzutna/…fate seilennan ka duhlo tih vel kha chu ngaihthiam har ka ti lom… “RAWN SAWICHHE BAWRH2 RAWH SE, HMANGAIHNA NEN A A THATNA KAN THLIR TEL ANIH CHUAN”…. Mahse, “SAWICHHIATNA SATLIAH RINGAWT HIAN MIHRING A SIAMTHA LO” tih erawh chu hre ve teh ang u
July 7th, 2008 at 4:29 pm
Zorun: Pathian in a ramtiam angah kan ngaih pui fo hi ka pawm ta vak miah lo mai kei zawng. Pathian hian mihring te hi a siam kan nih si chuan, hnam thlan bik pawh lo nei teh reng se, a siam te tho (mihring) ram lo awp sa hi pek turin a tiam hi ka rin harsa ka ti em a ni e. Pathian meuh in a mi thlan te ram tiam sak atan chuan a ram khu a chhe lulai reng reng…thlaler eng thlai vak mah that tak tak theih lohna thlaler, an hmun nuam lai ber pawl pawh tel Aviv kiang beach vel khu a ni mai a… Universe Zawng2 Lal ropui berin a mi thlan te a tiam atan chuan ka pawm thei lo a ni. Khang thu kha an mahni ho ziah ania, an in sawi thiamna tawngkam mai ah ka ngaih sak hmak.
July 7th, 2008 at 4:34 pm
khuangdailova: Burma ram kal tawh chiang e a, in khaw hlui pawh ka tlawh nghe nghe kha …hairehai…..fiamthu.
Nia, mi tam tak Burma sipai sawrkar sual avangin US ah leh ram dang tam tak hnen ah asylum ( hlauhawm lak a ven himna) an hmu a ni. A hmu tu te hi Asylee chu an ni. I veng uar em? ha ha haiii tra la la la la.
July 7th, 2008 at 4:35 pm
Umm, hetiang zawng hian ngaihtuah ila a dik thei ang em? Mizoram kan tih ngei pawh hi kum 1560 vel hma zawng khan Mizoram a ni sa reng reng lo ang chiah hian, ram dang tam tak te pawh ni chutianga lo awm chu a ni. Tehkhinna tha tak chu America rama USA lo piang te hi kan ngaihtuah tel tur a ni. Chutiang zelin Australia te, New Zealand te pawh. Sawi tur atam.. Chutiang chuan Ram (nationa) hi a lo piang thin a.
Tin, Baibul hi kan pawm a nih chuan Nova huna Tuilet avanga khawvel ram zawng zawng chu a ruak vek ngei ang. Tuilet hnua mihringte he khawvel an lo luah khah leh dan te pawh ngaihtuah ta ila.. a tha awm e.
July 7th, 2008 at 4:41 pm
Zorun: Mizoram ah khan thlangtla hmasa te khan mihring lo awm an awm reng an sawi ka hrelo. Ram ruak a ni mai dawn lawm ni. Australia leh America chu tunhma chuan English prisoners sual tawlawl ho hremna/an tanna hmun a ni.
An history kan hriat atanga mi ram leh mi khua ti buai reng reng a khawsa, ram pawh nei lo, mi run ringawt a khawsa ni awm zawk tak te in sawi thiamna tawngkam hi ka pawm miah lo.
July 7th, 2008 at 4:56 pm
Tuna an awmna khi an ram chu a ni a. An ram thenawm lal chak tak tak te an hneh loh avangin an ral tlan a. Kum 2000 lai a lo nih meuh chuan hmanlai kum eng emaw zata rawng taka sawrkar thin te kha an lo ziaawm ta a, an ram chu an luah leh thei chauh a ni. Tin, Nova chanchin ka sawi ang hian Tuilet hnuah ngat phei chuan khawi chin nge Ramri ti pawh tuin nge hre thei ang?
Tin, an ram thenawm te hi Muslim ram a nih hlawm avangin Israel tan chuan buaithlak tak tur a ni ve bawk. Engkimah an dik vek e tihna lam ni lovin, heng avang hian ram dang ngaihsak leh tanpui pawh an hlawh narawh.
Khawi ram mah hi a neitu awm sa reng a awm lo va. A luah hmasatute ram chu a ni mai. Mizote ngei pawh China rama Chhinlung vela an awm lai ngaihtuah chuan ram neihsa chu an nei lo tih a chiang a. Tuna Mizoram te, Chin hills te pawh hi ram awl, tu ta mah ni lo, a ni sa ngawt chuang lo va, a awm tawh hnam dang tlem zawk te chu an chimral a, an hnawkchhuak mai thin tih thawnthu ah kan hmu thin a.
Chutiang zelin Europe ram te pawh hi a ni deuh vek a. Ram (nation) awm sa reng a awm lo va. An thenawm te nen inlungrualin Nation an din mai thin. USA, Australia, Singapore,New Zealand etc..te example kan tih tawh ang khan, ram chu mipui hlawm lian deuh awm ten, an din mai thei. An lungrual loh erawh chuan hnam dang or ram dang bawih( sal) ah an awm mai thin bawk a.
Baibul hi kan pawm a nih chuan Israel ram chin leh dinhmun chu chiang takin kan hria ang. Baibul hi a then zawm a, a then zawm loh hi Pathian duhdan a ni kher lo thei bawk. History tha tak a ni si a.
July 7th, 2008 at 5:02 pm
Hmanlai in Muslim an awm leu
July 7th, 2008 at 5:07 pm
Hmanlaiin Krisitian an awm chuang em ni?
Baibula ziak i pawmlo anih chuan hei hi ka chhanna hnuhnung ber ni teh se.. Ka lawm e.
July 7th, 2008 at 6:17 pm
Baibul a Pathian thu ziak ka pawm mahse, Israel ho in Pathian ram tiam anga an in ziah thiamchan chawp hi ka pawm lo thung. Hmanlaiin Kriatian an awm tih lam kan sawi lo Val -a. I duh angin i thusawi ka pawmpui lo che a i thinrim ta mai e lo maw
July 7th, 2008 at 6:30 pm
hehe, rim lah lo ve.. a dum pawh hi a var titlat tan chuan hnial theih viau tur chu a lo ni. A mit ah a dum chu a lan var tlat te chuan tiraw..
harehai
July 7th, 2008 at 8:47 pm
Zorun: mak ve mai mai ka tih chu maw, nang meuh in Isirael thu hla ah Americate Australia te i tehkhin kha a ni…Mizoram pawh a ni thei tho ang chu. Kum 2000 hnu ah an ram hlui an rawn chuh leh a nih chuan a rei deng deng hle mai maw. A nih chuan a aia la reilo, claim pawh a la mawihnai tur zawk….America hi zawngrang ho hian vun-sen (American Indian) te hnen ah hian an hlan leh tur i tihna ang tho ah ka ngai…i ti ti kalphung atang chuan….Australia pawh Aborigin ho hnen ah, Mizoram Chitagong Hill track te leh Chin Hills pawh Mizo hnahthlak kut ah…dik em
Kum 2000 ral hnu a ka ram va tih thar leh chu tumah an mahni hrechiang ten an pawm loh reng hi. Anyways, what the heck..i don’t give a ….. 
July 7th, 2008 at 9:37 pm
Ka’n sawi ve tawh teh ang… Mizoram hi chenna tlakah thangtharte hian kan siam tur a ni ang… India ram economics khawvela a san chhan chu khawvel ram hrang hrangah India mi nuai tam tak inhlawhin an chhuak a. Hlawh tha tak tak an hlawh avangin an sum lakluh a tam a, India rama an chhungten a hlawkna telin an zar an zova… Income Tax an pe tha bawk a. Chumi tlingkhawm chuan Indian Economy hi a chawisang a ni.
Chutiang bawk chuan Mizoram mai nilo India ram pawna awmte khan nasa lehzualin tan la thar thei ta ula.. kei pawh India ram pawna inhlawh chakin ka tar thi dawn a nih hi… a kawng ka hre ve silo… Chuan, Mizoram theihnghilh lovin kan hna theuhah taima takin thawk ila.. dikna leh rinawmna vawng nung zelin Mizoram tan enge kan tih ve ang tih ngaihtuah chungin mahni hmun theuhah tan ila tlang teh ang u…
July 7th, 2008 at 10:20 pm
thevizos: i ngaihdan hi ka tawmpui hle mai che. Mi thenkhat chuan engtia sap ram a awm nge tih hriat tum in an phi sek emaw tih tur ania, an hriat duhna chhan pawh a negative zawng a la ni fo zui. Comment thenkhat a kan hmuh ang khan Asylee te hmuhsit ching kan awm. Mi in thil a tih leh tih tum ah hian tinge maw kan lo in rawlh sek mai ni ka ti thin. Ram pawn atang hian kan theih ang ang in kan ram Mizoram ah sum te kan lo thawn ve in thiante leh chhungte kan pui ve nasa viau in kan in hriat lai hian, sawisel theih na kawng zawng hi an la awm fo mai. Mizoram hi kan ram a ni a, ramdanga awm sawisel tu tam tak ai hian kei ngat phei chuan ka hmangaih zawk in ka ring fo si a!
July 8th, 2008 at 1:05 am
H.Vangchhia : Ka var ta uar e, hetiang lam panghi i va hre roh ve a, a nih leh India/Mizoram a tanga kal asylum dil ho zawng zawng hian an dil naah India/Mizoram hek zawngin tihduhdah leh hmusit kan ni tiin paper an file thin an tih hi a dik em? hetiang hi a lo nih takzet chuan a ram neitu tan chuan ngaihthlak nuam vak a ni lo ang, nang thil hre deuhah min han hrilhfaih theih chuan kan lawm hle ang.
July 8th, 2008 at 1:14 am
khuangdailova: Chutiang Mizoram an hek leh hek loh chu ka sawi theih a awm lovang. Hek an awm a nih chuan kei tak mai pawh hi ka rilru a na ngawt ang…mahni ram phatsan an ni dawn si a. Anyways, India atanga USA emaw Europe ram dang emaw, Australia ang te a lut ho hi a tlem zawk an nih ngei ka ring, kan Mizo unau te ah hian. Japan atang te, Malaysia, Guam, Thailand, Singapore etc atanga lut an tam ber ang. Chung te chuan Mizoram an hek chhe thei miah in ka ringlo thung. India atanga kal te erawh chu ka sawi thei lo…mahse, ka chah duh che erawh chu, mi thu sawi (rumor) apiang lo awih suh ang che. Tin, helam ah chuan Mizoram Mizo, Burma Mizo, Khawiram Mizo pawh thuhmun unau ang vekin kan khawsa e….chhiatni that ni ah te pawh….kan hlim tlang phian