Update:
Mizoram sorkar chuan Pu Aichhinga hi ni thum chhung sunin naktuk atanga July 4 thleng hnam puanzar a ngul chanvea zar a ni anga, hemi hun chhung hian officiala intihhlimna chi reng reng khap anih bakah naktuk hi Aizawl khawpui chhungah holiday puan a ni bawk.
- Zotalk
- Sangzuala Hmar (via email)
Vawiin july 1,2008 chawhnu dar khat leh a chanve vel khan minister Aichhinga chu zunthlum natna avangin ama chenna in Dawrpui vengah a boral.
Urban Development and Poverty Alleviation ministe Aichhinga hian zunthlum natna hi hun rei tak a lo vei tawh a, phai lamah pawh vawi duailo he natna avang hian enkawl a lo ni tawh.
Lalhmachhuani (Mimi) rawngbawlnaah Inrinni zan khan rawngbawltu Mimi chuan a dam thu a puang a, hemi zan vek hian a Blood Group pawh A atangin B ah a inthlak tiin Mimi hian a puang nghe nghe. “Pathianin MNF minister zinga rawngbawltu tur atan a ruat che a, a tidam che a ni,”tiin Vanapa Hall-ah Inrinni zan hian Mimi hian a damthu a puang ani.
Hemi tukzan Pathianni zan khan Mimirawngbawlna hi Pu Aichhinga pawh hian a chhim a,damna a chan thu te hial a puang. Damna a puan hnuah hian dialysis hmanga amah an enkawlna pawh tihtawp nia sawi a ni.
Vawiin chawhma lam khan a chau deuh nia sawi a ni a, chumi hnu reiloteah a natna chuan zual lam panin a boral ta a ni.
BRIEF BIO OF AICHHINGA
Aichhinga
1 Father’s Name Chhunzika
2 Date & Place of Birth 18.07.1940 Zawlsei
3 Present Address Babutlang, Aizawl
4 Permanent Address Babutlang, Aizawl
5 Educational Qualification PUC
6 (a) Wife 
Children Lalruali 3 sons & 1 daughter
7 Political Party Affiliation Mizo National Front (MNF)
9 Hobby Welfare and development of Mizoram
10 Special Interest Welfare and development of Mizoram
11 Social Activities/Experience Politics
12 Favorite pastime & Recreation Football/hockey
13 Countries Visited Myanmar, Bangladesh
14 Date of Election and period 1987,1989, 1998,2003
Minister Aichhinga chuan Vanapa Hall-a Mimii rawngbawlna atangin damna a chang
– Zotalk
Similar Posts:
- Khua a var dawn tawh em?
- Commercial Page by Zotalk Network
- Lalhmingsanga rimna chance
- Pu H.Vanlalauva Ex-Minister a boral
- Zorama Cabinet Vs Hawla Cabinet
July 1st, 2008 at 4:15 pm
“Lalhmachhuani (Mimi) rawngbawlnaah Inrinni zan khan rawngbawltu Mimi chuan a dam thu a puang a, hemi zan vek hian a Blood Group pawh A atangin B ah a inthlak tiin Mimi hian a puang nghe nghe. “Pathianin MNF minister zinga rawngbawltu tur atan a ruat che a, a tidam che a ni,”tiin Vanapa Hall-ah Inrinni zan hian Mimi hian a damthu a puang ani.”
Risk huai khawp mai ka ti….Mimi chu.
July 1st, 2008 at 4:15 pm
a kalsantak a chhungte Pathianin thlamuan rawh se.
July 1st, 2008 at 4:18 pm
@ H.Vangchhia : Damna kim a changta zawk a nih hmel e
July 1st, 2008 at 4:18 pm
Van pawi ve aw… a chhungte Pathianin thlamuan mawlh rawh se
July 1st, 2008 at 4:25 pm
dultea: a dik alawm, thihna hi chu a tawp teh tawl lutuk a awww…A chhungte lalpan thlamuan rawh se….
Mahse, kalo huat sak ve tawp mai asin..Mimi kha. Rinna tluantling chu neise a dam pawh chu a dam tak tak ngei ang…(rinna antam chi tiat lek pawn tlang a sawn thei si a) Pathian in, mihring te keimah ni kan lo in enkawl ve nan tiin finna min pe a, chutianga in enkawl lai mek a, i dam tawh zirna pawh nei lovin a lo ti ve ngawt kha…tiang hi ching fo lo se ka ti ngawt mai. Mi rilru an convince thei si a, a thalo ngawt mai…ka nu nu (ka pi) pawh i dam an tia, a ring si a, dam angin a awm a, a thi tho.
July 1st, 2008 at 4:25 pm
abik tak in madini leh anu chu an khawngaihthlak hle mai,ka tuarpui tak zet che u a, In chhungkaw Pa ber ah Pathian lo tang molh roh se…
July 1st, 2008 at 4:43 pm
Mimi te rawngbawlnaah hian Siberia Hell kha an play-a Siberia rama hremhmun laihchhuah a nih dante an sawia mipui beng a verh hle a. Mahse thudik ziktluak ni lo hmanga in zirtir hi thain ka hriat loh avangin hemi chungchang hi internet atangte leh information ka hmuh theih dan hrang hrang atangin ka zir a, thil dik a nih loh thu ZALEN June 29 issue-ah ka ziak a, Mimi leh a thian thenkhatte’n min lo phone-in “internet-ah a awm” an rawn tiringawta internet-a awm Kristian website ami kha thudik tawk lo an thehdarha chu a ni a, a dik leh dik lo chhuitute’n ‘hoax’ a ni e an tia lawm tiin kan tan lam kan tang nasa ve khawp mai.
He thil chhuichianna website https://www.truthorfiction.com/.....tohell.htm chu ka thawn ta a, a reh ta hmak mai.
July 1st, 2008 at 4:44 pm
@H.Vangchhia
Pathian in kan lo inenkawl ve theih nan finna min pe tih hi k pawm zong tak a ni. Thok a phit hian t dam theihna k nei e hi an tia upa lam hian an awi daih jok thin bok cia…buaithlak ni hi
khohar chhungte Pathianin om pui se..
July 1st, 2008 at 4:59 pm
Mimi te chuan khawi Christian website nge an en?
hei hetah pawh hian ti hian a in ti
“Are you a sucker? Lots of Christians swallow anything they are told. Check this link for the background to this deliberate hoax — designed to fool Christians!”
https://christiannews.co.nz/200.....into-hell/
July 1st, 2008 at 6:08 pm
RIP Mr Aichhinga!
Mimi te pawl hi kaldan hi a fuh vaklo a nih hi!!! mizo zingah hian Pathian thu duh lutuk kal sual ta hi engzah tak awm tawh ang maw!!!!
July 1st, 2008 at 6:15 pm
mimi chu ka hre ve vak lo nain, kan threnawm nula hian an ei lo khawp ah. Pathian thu hril heti em em a thawm hnaw a duh tunlai leh duh huam huam hi ka ngei thei lo, a thil tih nen a in mil lo, a ti ve ziah. Kan thenawm nula chu puanthuina dawra thawk a nia, a thawhna ah mimi hian a dawr thin a ni awm e.
July 1st, 2008 at 6:17 pm
Ram hruaitute (mipui rawngbawltute) hnathawh kawr an hak lai ngei a an boral hi chu an uih om ka ti ve khop mai.
July 1st, 2008 at 6:18 pm
awi ka tihpalh lutuk.Min lo ngaidam ru. ka comment na hmuan a dik lo. Irreplaceable te inhnial na hmunah khan maw ka tia.
Pu Aichhinga chhungte chu an khawngaihthlak khawp mai. Pa ber han awmloh chu thil hrehawm tak a nia.
July 1st, 2008 at 6:39 pm
dialysis hi risky ang reng,eng type nge an hman chu ka hre chiah lo a,chihnih om a,bacterial infection om palh vaih chuan chuti hlauh a nimei,thatilo an om nual,nia mihring thiamna hi chu famkim tok thei chuang donlo a,Pathian thu thu nimei,chuvang chuan tumah va dem vakkha omzia omlo,bytheway,tinge madini te hi a biodata ah khian an ziah tel ve miahloh le,pasal a neivetoh em khah?
July 1st, 2008 at 6:44 pm
Pu Aichhinga boral chu a pawi hle mai. May his soul rest in peace. A kalsan a chhungte Pathianin awmpui reng rawh se.
Hetianga trawngtrai dam thei (tuna Mimi ang chi) in “I dam tawh” an ti a, nakin lawka thi leh ta mai hi ka hmu nual tawh a, chhuahchhal ang titih (fiamthu ang rengin) “I dam tawh i ti si a, a thi leh mai si a” tiin tihdamna neitute ka zawt ve tawh thrina, anni chuan “Kha damlo kha a taksa damna ka sawi lova, a thlarau damna a lom ka sawi zawk” an ti leh daih a, buaithlak ang reng.
July 1st, 2008 at 6:50 pm
thlarau damna hi poimoh ber lom le,he lei hreom hi la thlahlel viau mi?vanram kai kha chakom fe zok lom le,meidila tlak ai chuan:)))
July 1st, 2008 at 6:53 pm
“thlarau damna” means?
July 1st, 2008 at 6:56 pm
inhnial ka peih leuss
July 1st, 2008 at 6:56 pm
RDAC thlarau lam dam na an sawi daih hi chu ka awih lo bon top,tumahin kan thlarau lam a dam leh dam loh min sawi sak thei lo.in ti piangthar tam tak pawh hi an thlarau lam a dam leh dam loh tuman kan sawi thei lo,mimi kher lo pawh evan tam tak hi an over mah2 ,a damlo zawk khan pathian tihdam na changa a in hriat chuan claim zok se,lo puansak kha chu ka ngaihdan a ni bur lo mai,a damlo in a rinna kha a poimawh jok daih alawm.
July 1st, 2008 at 6:57 pm
misual.com is the best place to learn how to debate akekekek..
July 1st, 2008 at 7:03 pm
who knows alo dam tak2 poh nimeithei sin,WHATEVER..we r all good debaters akekekekek
July 1st, 2008 at 7:13 pm
amanda ka support…
July 1st, 2008 at 7:16 pm
ngatinge mi hi kan va judge vak2 thinle,anlo diklo nihpon ngoihve hle2 meiom,mi mit hmolhte va laksak tum aikhan mahni mita khan chhuk om hi i takecare hmasa phot ang uuuuuuu
July 1st, 2008 at 7:19 pm
FULLSTOP bye bye
July 1st, 2008 at 7:23 pm
my dear shawn mi kan judge a ni lo a, kan ngaihdan kan sawi ve mai2 alawm,misual.com hi a tha ngaihdan sawi nan,mi hmuh laia sawi ve ngam chiah lo te tan hian a tha zual,kei chu ka coment ve na a la rei lo a,in coment tam tak atang hian finna ka lo chhar asin,espicially samuelapa.mr.vangchhia etc….kanidari te hi a ngaihnawm thei, aneitupa Bena hlei2 hi,a tawk chauha coment thiam ka ti……l
July 1st, 2008 at 7:32 pm
Rev. K.Lalrinmawian KTP general conference-a a thusawi hi min hriatchhuah tir tlat mai… Thlarau mina hmanga thlemna a sawichhuah dan hi.
“Thlarau Thianghlim chang, harhna chang nih chak zawng hian kan in-el nasa lutuk palh a ni mai em? Chang mak bik nihte kan chak lutuk a ni palh mai em tih hi kan ngaihtuah tel ve a tha. Engpawhnise, he thlemna hi Thlarau mina hmanga thlemna, sakhuana hmanga thlemna, inpekna thuk hmanga thlemna te pawh kan ti thei ang. Thlarau mina hmanga thlemna hi Thlarau Thianghlim hruaia awm, Thlarau tihharha awm, harhna changte ngeiin an tawk thin.”
July 1st, 2008 at 7:45 pm
tawngtaidam thei ho hi ka hua ania. Hindu milem be ho nen thuhmun annia, puithuna leh rinna atthlak tak leh an mahni personal agenda (duhamna) chawh pawlh in mi mang ang te an bawl ki kawi a. Mi damlo khumbeta awmlai chuan damna tih chuan hmin awl tak tur anni asin.
Aichhinga pawh chu |Dialysis la chhun zawm chu ni se a thi kher lo ang. ******* i (mimi-i) chu damna SUAK tiam a mi mang ang te a tih kholoh man leh thihna a thlen man court a khina chawi tir trawk tlak ani.
Chubakah, Pathian in thiamna min pek medical science and technology hmang tang kai duh lo chu thi hmiah hmiah rawh se. An mawlna hian khawvel a ti changel hmun.
July 1st, 2008 at 7:49 pm
Blood group A atanga B a inthlak chu check ka va chak mai mai em!
A genetic constitution te pawh thawk leh khatah a inthlak vek tihna ani ang a!
July 1st, 2008 at 7:52 pm
eng ti zawng pawn ka ti dam e ti mahse mimi chuan Pathian remruat hi tuman an dan zawh loh zia a lang a ni, khawhar chhungte thlamuanin awm mawlh rawh se.
July 1st, 2008 at 7:56 pm
Ni e tiraw cinnamon, blood group awmzia leh composition pawh hre hauh lo a lo pawng paw pawt ve rik ngawt. Ka chhung te thih phah chu ni se he nu hmaiah hian chil ka chhak ang.
July 1st, 2008 at 8:27 pm
Hehe..Aryan,ka tan bon top ce..
Blood gp inthlak hi 1 ka hre toh asin..Damlo thisen pek ngai ania.B+ ka ni e, a tia kan thiante pe turin an va kal a,damlo thisen an han check chian cuan A+ a lo ni leh sia..”A damlo chian loh vang” mai2 kha a lo nia..Ho angreng khop mai..Hetiang hi ani ve mai lo maw?..te ka tia..
Dialysis kha titawp turin Pathian in a hrilh em ni?Hriat a chakawm khawp mai..
Khawhar chhungte Lalpa’n awmpui rawh se!
July 1st, 2008 at 8:29 pm
Aichhinga chu ka ui ve khawp mai, kan inkawm ve thin asin mawle.
July 1st, 2008 at 8:41 pm
a buaipui tu docter hming hriat chakom khop mai….blood group in thlak leh thlakloh cu a hre chiang ang
July 1st, 2008 at 8:42 pm
Mizoram= Land of Evilangelist
Buaithlak thing ngawt mai tunlai Evangelist thenkhat ho hi chu, publicity an lawm bawk si.Pathian leh Mihring inkara awm an nih hi hria sela hei ai hian fimkhur sela a tha ngawt mai, an tlin loh anih chuan mi pangai angin awm ve mai mai sela kan thatpui zawk ang duh aiin Milian/mihausa an lawm mah mah…
Pu Aichhinga chu khawngaihthlak hle mai ,dialysis chhunzawm zel se Pathian thu nen tangkawp sela a daih rei zawk mai lo mo!
May his soul rest in peace.
July 1st, 2008 at 8:44 pm
Pu Sainghaka nen khan an thih ni a inang chiah a nih hi.
Pu Sainghaka kha July 1, 2006-ah a thi a, a tuk July 2-ah vuiliam a ni.
https://www.zoram.com/index.php.....p;pid=1970
July 1st, 2008 at 9:07 pm
Aryan leh midangte: Pathian hnathawh ropui lanna mihringte a thil mak thleng thin hi mausam a milem betute nen angkhata in dah anih chuan in tisual ang tih ka hlau mang e.Pathian remruat hi mihringte hriat phak rual a ni lo asin. Pu Aichhinga chhungte thlamuanin awm mawlh rawh se. Boral tih erawh hi chu a dik hlel deuh mang e.Mizo tawng dikah chuan ‘thi’ tih zawk tur a ni.
July 1st, 2008 at 9:18 pm
Mimi i te ang hi chu milem bia ai pawn ka ngai nep zawk. Pathian mi ruat thuhril tu diktakin hetiang damna chung chang leh an hriat miah loh blood group chungchang ah an lo pawt zuah zuah lo ang. diktak chuan he nu hi Tualthat ani asin.
July 1st, 2008 at 9:51 pm
criminal negligence case neih tir se tha ang
July 1st, 2008 at 9:53 pm
hetianga blood group a thlak thei anih rau2 chuan AB ho hi thisen an mamoh hian a vang sia thlak vek lo2 se..hhaahahahahahahahahahahahah
July 1st, 2008 at 10:08 pm
Hei hi chhiar tel ve ta ila
Written by Administrator
Monday, 30 June 2008
Minister Aichhinga chuan Vanapa Hall-a Mimii rawngbawlna atangin a dam thu Pathianni zan khan Vanapa Hall-a an inkhawmnaah a puang.
Aichhinga sawi dan chuan a kal thatloh vangin nitin Dialysis vawi thum khai thin anih laiin tunah chuan a khai tawh lo tih a sawi. Zirtawpni kalta zan khan TV a lo en laiin Mimii chuan “Dialysis ti lai kha i dam” a ti a. Minister Aichhinga chhungte hian “Nangmah i nih chu” an tih laiin ani chuan “Ka ni lovang dialysis ti zawng an tam em mai” tiin chhungkua an lo inchhang ve a.
Inrinni kalta khan Dialysis an tih leh turah khawl an hmang thei ta lova. Hemi avang hian Minister Aichhinga pawh hi minute 5 vel lai chu nikhawhre lovin a awm a, thi tur ang maiin a mitmeng a buai vek niin an sawi a. Dialysis an tihzui ta tho a ni.
Hemi ni atang hian Minister Aichhinga chu a blood group A+ ni thin B+ ah a inthlak nghal daih bawk a, tunah chuan damdawi lam thlah nghalin a dam ta niin a insawi.
source: https://www.zotalk.com/index.ph.....;Itemid=45
- Heta tang a lan dan hi chuan,Mimi dem em em na chhan tur awm in ka hre lo a!
July 1st, 2008 at 10:18 pm
Aryan: 2nd degree murder a ni thei mai lawng maw, ka ti. Ramdang chu nise, an man chiang ngawt ang le.
July 1st, 2008 at 10:21 pm
muantea: Pathian remruat loh ang hian mihring hian thil kan ti thin alawm. Pathian remruat loh angin, drugs kan ti a kan thi hma, pathian ruat loh ang in, Mimi te angin thu an chhakchhuak huai (rinna tak nei si lovin). Rinna tak chu neise antam chi tiat pawh.a dam ngei ang. A tam mai…
Mihring hian lifespan kan nei a mahse, keimah ni vang leh hrisel loh vang te, accident vang te leh thil dang tam tak vang te in kan pawt tawi/a tawi thei.
July 1st, 2008 at 10:25 pm
Sekibuhchhuak Dialysis ti lai kha i dam a tih vang tak hian a lawm a demawm na chu,dyliasis ti ve tho dang te pawh an lo in ngaihbel bok ang a,mi in i dam ti a an claimed khum tlat chuan thinlung in pawm m2 lo mahse chhungte a dam thlahlel m2 an awm tih hriat bok si chuan ka dam tih mai awl viau long maw? emotion avang hian kan taksa hi a danglam thei ve m a,I agree wit H.Vangchhia
July 1st, 2008 at 10:32 pm
H.Vangchhia,thil chhiar a ngaihtuah chiang lovin in sawi mai em aw? C-40 kha han chhiar chiang leh teh.Mimi hi magistrate tuin emaw Murder case awrhtir ta mai se ka nuih a za viau ang.Pathian remruat hi ‘a then pawh kan hre thei lo,he lui kam atang hian’.Inti fing taka Pathian remruat dan tur han dictate mai duhte hi kan awm palh ang tih pawh ka hlau hlel love.Thil inthupte hi Pathian ropuizia tilangtu a ni.
July 1st, 2008 at 10:33 pm
Amanda: Ani khawp mai tiraw.Mahse,”…Dialysis ti lai kha i dam a tih vang tak hian a lawm a demawm na chu..” - a demawmna chhan tur ka van hre thiamlo e.I’m abit slow here
Pathian thil rel dan hi hriatthiam a har thin ngawt mai !
Pu Aichhinga,Natna leh hrehawmna awm tawh lohna hmunah chuan muangin chawl mawlh teh khai !
July 1st, 2008 at 10:51 pm
Mihringte hriatthiam phak baka che thin Pathian… A rorel dan hi Mihringte tan chuan hriatthiam rual loh a lo ni e. Mimi-i pawh eng angin nge a lungngaih anga, eng angin nge Pathian a auh nasat ang tih kan hre lo. Diriam zuizel duhna rilru chu ka rilru atang chuan a tla hlauh mai.
A hun a ti a, Pathianin Pu Aichhinga chu a la a ni maiah ka ngai. Kan Bible ngeiin Engkim tan hun ruat a ni tih min hrilh kha. Pu Aichhinga tana hun ruat lo thleng hi, hmeichhe thu dawn a lo tih ve vak vak pawh a tha ber lemin ka hre lo.
Pu Aichhingan a kalsan tak a chhungte ka khawngaihin ka tuarpui tak zet a ni.
Enghun pawha thi mai thei Mihring kan nihna a rawn tifiah ngawt mai. “Kum 100 dam turin hnathawk la, naktuka thi turin inpeih rawh”.
July 1st, 2008 at 11:03 pm
Thudang ka dawng leh ta tlat mai,ni e pathian remruat dan hi tuman kan hre lo,4days back ah khan Pi.Machhani w/o Rema Dr.Dennisa causin chu a nupui both kidney failure life and death matter tih ka dawng a,Chuan Sat zan khan mimi bawk hian ICU a awm kidney failure kha i dam tiin a puang a,hei tun mai ah khan Machhani passed away tih ka dawng leh ta,
July 1st, 2008 at 11:10 pm
a va mak mawlh2 ve….hehe
July 1st, 2008 at 11:51 pm
khai aw..in kaichhawn theih thil a va ang sawt ve..
July 2nd, 2008 at 12:03 am
dialysis tise a thi lo maithei hetiang khol hi Civil ah 2 Greenwood ah 1 a awm blood filterna ani regu taka tih loh chuan suicide ang ani mai. A continue loh chhan hi ….. May his soul RIP but let our people learn new lesson
July 2nd, 2008 at 1:16 am
Hemi thil thleng atang hian enge maw ‘message’ a awm a ang ka ti. A tha lam nge a chhe lam erawh ka hre lo. Hun in ala hril ka ring.
Engpawh nise, khawhar chhungte Pathian in awmpui mawlh rawh se. Tawngtaipui an mamawh lai tak a ni.
July 2nd, 2008 at 2:38 am
Aryan: He thil kher hi chu, ka amean/selah sak a che.
” Pathian in thiamna min pek medical science and technology hmang tang kai duh lo chu thi hmiah hmiah rawh se. An mawlna hian khawvel a ti changel hmun.”
July 2nd, 2008 at 2:38 am
Amen*
July 2nd, 2008 at 3:17 am
H.Vangchhia lo hre thiam lo palh te an awm ange bawrh bawrh a che u Aryan nen hian i pawt huai thei e mai, thlarau lam damna pawh an lo chang mai thei a hriat loh kan nunna te hi chung lam thu vek a ni e eng damdawi tha el tiang pawh ei i la kal hun a tih tawh chuan tuman an dang zo lo ( ka Pi a kal dawn a thu chah Lalpa remruat chu tuman an dang zo lo ) hei hian ka thinlung a hneh em em ani dan zawh a ni lo.
July 2nd, 2008 at 6:15 am
Mimi-te ang zawlneider hi ka ram tluchhe mek hian kan mamawh tawh lo. Zawlneider dang a larpui thin Faktea chuan thawm lian em em a nei tawh lova, he mi boruak atang hian Mimi hi Pathian mi hman anih loh zia mipuiin kan chian a ngai hle. Zawlnei dik chuan thu pakhat chauh pawh an sawilawk sual ngai lo.
Hetiang thusawi lo awi tawk kan awm leh thin pawh hi kan thiamlo hle. Zawlneider leh a bumate hi case thuhmun reng an ni.
Pu Aichhinga chu a uihawm hle a, a chhungte Pathianin awmpuiin hnem mawlh rawh se.
July 2nd, 2008 at 7:33 am
Mi an thi a, tuar pui lam aiin inhnial nan kan hmang thin hi chu Khawhar chhungte tan chuan a lawmawm lem loh in ka ring.
H.Vangchhia hian, Damna tih awmzia hi, Bible ah khan Ngun takin lo zir ve leh chhin ta che. Pathianin Damna a tih hi I hriat chian hun ah E… I ti ve thei mahna. Taksa damna ringawt hi Damna a ni lo tih hi hriat tel a tha..
July 2nd, 2008 at 8:33 am
Pu Aichhinga: May his soul rest in peace.
Pathian chuan engkim a ti thei, nunna a pe thei a, a la leh thei bawk. Chutiang tawk vek tur chu kan ni, khawi evangelist pakhat vanga Pathian thiltihtheihna question erawh a dik lovang.
Pathian hian mihringte hriatthiam ngei tur kherin ro a rel lo, a rel dawn bawk lo, A rel chu A rel a ni mai, He is What He is. Kan lei taksa a thiha, tih danglama kan awm hunah chauh kan hriatthiam tur thil tam tak a awm, Tirhkoh Paula pawn a sawi kha, a hlimthla mai a ni kan hmuh ni a ti chauh reng a ni. Christian rinna hi crystal-clear-faith a ni lo, blind faith a ni. “Hmu loa ringtu chu a nihlawh e” Lal Isuan a tih kha.
Mimi rawngbawlna pawh Pathianin a hmang ang, thlarau bo lak let kha kan Pathian biak interest ber a ni, taksa damna ngawr2 hi chhandamna a rawn thawh chhan a ni lo. Rawngbawltute rawngbawlnaah taksa damna mihring ten kan lawm em vang hian setana a inrawlh reng tih hriat tur. Medical science lam hnawl chia rawngbawlna hi chu kei pawh ka ngaisang lo khawp mai, mahse Pathian chuan med. science tel kher lo pawn a duh chuan a tidam thei.
Kei mimawl ngaihdan mai maiah chuan, Pathian thiltihtheihna hi mahni hmingthatna leh hlawkna um nana hman awlsam tak a lo ni nitur ani, a nghawng chu nasa tak a nih ka ring. Rawngbawltute pawh an fimkhur a ngai hlein ka hria. Tihdamna ngawr ngawr kan um lutuk te pawh hi setana’n hmaruaah a hmang thin. Setana pawhin tihdam theihna a nei, van atanga mei koh thlak theihna hial pawh a nei. I fimkhur ang u.
July 2nd, 2008 at 9:25 am
Khawhar chhungte Lalpan awmpuiin hnem zel mawlh rawh se!!
Ka thian duh tak te u, kan ngaihdan kan sawi tlang a, a tha viau, mahse Thlarau Thianghlim pawi hi kan sawi palh hlauh ang tih ka hlau, Bible ah khan Thlarau Thianghlim pawisawi chungchang vel kha chu a awm kha.. Tin, H.Vangchhia, Pathian remruat loh angin kan awm tih lai kha chu, Bible ah, “Chung lama mi remruat lovin ka chungah engmah a thleng lo” a tih kha maw.. inhnialna tamin drugs kan tih te pawh Pathian remruat a ni dawn em ni pawh kan ti thei, mahse kha lai chang te kha ka tan na ni teh se. Pathian relah dah zawk i la, khawhar chhungte tawngtai sak hi kan tih tur ah ngai zawk teh ang u, ka ti ve anih chuu..
July 2nd, 2008 at 12:32 pm
Camping leh Crusade ah kumtin kan piarthar nawn awn awn a. Tlema thawm na deuh leh Thusawi vung thiam deuh te chu Pathian thu aipawha pawimawh zawk nia hriain, kan bawr luih luih a, a huhang a reh a, ngai kan awh tlang leh dueh mai thin. Hnam dang ziarang leh Vai film eng emaw te kan uar hlut a, reilo teah kan ngaisang leh chuang hleilo.. chutiang chuan Mizo nun chu nghetlo tak mai. Tih zawng ti hlut, tih loh hunah hre leh lem chuang tawhlo. Ze nghetlo tak nei mi kan ni bik em ni chu aw tih theih turin kan tih lai chuan kan atchilh ngheng zel mai. Hei hi ze thalo tak, kan sim tur thil a ni.
Tawngtai dam thei tih te pawh tawngpawng rinloh tur phei zawng a ni lo. Mahse, kan ti lutuk thin. Pathian’in mihringte kutah damdawi leh thiamna hmangin tihdamna a pe a. Kan natna te hian eng emaw thlakchham leh mamawh a neih vang a ni. Thiamna hi Pathianin mihringte hnena a pek a ni zawk.
Chuvangin huai taka risk chiam chiam ai chuan a in tahtawl taka damna neih hi a hlu zawk. Mahse, tumah hian thih mai chu kan duh kher lo mai thei. Kan nunna chu Pathian kutah a awm a, tuman kan chelh ding zo lo. Chuvangin kan thih hunah chuan kan la thi tho tho dawn. Tu te mah hi he khawvelah kumhlun thei kan awm si lo va.
July 2nd, 2008 at 2:05 pm
Samuelapa Pics lam te voin vui na leh an chhungkaw Pics te kan va ngakhlel ve…
July 2nd, 2008 at 11:07 pm
Mimi leh!
July 3rd, 2008 at 3:47 am
Murder chu ni chiah love, duh reng vanga that anih loh avangin mahse manslaughter antih ang chi hi ani. Tum reng vang ni lova midang chunga thihna thlen. Entirnan driver mi chil hlum palh ang te. Doctor mi in fimkhur loh vanga thihna thlen te pawh murder ai a case nep zawk manslaughter anga an kal tir thin hi.
Kanidar, Thlarau damna hi taksa damna a an hlawhchham hnu hian tidam thei leh tawngtai damthei inti ho hian chhuanlamah an hmang ziah. I dam ta atih khan thlarau lam damna tih kha chiang takin hrilh se, taksa damna ni lovin, Taksa damna an thlen theih si loh chuan Doctor ten theihtawp chhuah a taksa damna tura an enkawlna ah khan Pathian thuhril ho hi lo inrawlh lo se ani mai. Doctor ten mi thlarau tihdam an tum ngai lo ang hian Thuhriltu ten mi taksa va tihdam tum suh se.
July 3rd, 2008 at 9:30 am
Blood Group inthlak hi kala hrengailo. Pathian chawl tawh tura ati nih chuan tuma dan rual anilo, mahse Mizoten thlaraulam damna aia tisa damna kanbuiapui dan hi chu inenchian angai ani,
July 3rd, 2008 at 12:12 pm
Mizoram leh a chhungte chuan Pu Aichhinga chu la ui viau mah ila ani chuan hrehawm leh natna a tuar ta lo va, a lawmpui awm e.
A damna chan chhung hi a rei lo deuh a, a poi hle mai.
Pathian atanga tih damna hi kei pawh ka chang tawh a, Aryan leh H.Vangchhiate rilru put dan tur hi ka hrethiam chiah lo na a, ngaihdan awmthei a ni ve e. Damdawi tel lovin damna hi a chan theih tlat mai.
July 4th, 2008 at 1:19 pm
Kan rawngbawltute hian “tihdamna” te hi an han puang thla rawk zel a, tun tumah pawh an sawi leh dan chuan “thlarau damna” alawm an ti leh jaih bok si. Damna duha tawngtai dam thei pan te hian an tum ber chu “taksa damna” hi ani! Ka sawi loh tur ka sawi palh anih pawhin ka ngaihdan ani miau si a….. Tin, internet hi ka search ve nasa a, blood group inthlak hi a awm thu khawiah mah documented and proven record a la awm lo! (a awm hria in awm chuan min han hrilh teh u, ka lawm khawp ang). Dialysis te pawh hi an rawn sawi angin chuti mai maia tawp ngawt chi ani lo…. ka chhungte zinga mi pawh vawi 1 a miss a, tlem tlemah kan chan trep mawle! Doctor te hi Pathian siam an ni a, an finna pawh hi Ama pek ani. Chutiangin khawvel thiamna hmanga damdawi te, khawl te, hmanraw hrang hrang te pawh Pathian siam vek an ni. Kan ring dawn lo anih chuan Pathian kan ring lo te pawh ani thei mai lo maw? Khawvel thiamna in a tih theih piah lam erawh Pathian kutah dah chiah ka ngai a, chu chu Miracle niah ka ngai nghet hle bawk!
July 5th, 2008 at 1:24 am
A vuina ah ka kal ve a, MNF leh India an inrem theihna tura hma a lak dan leh thawkhlawk ber te zing ami a nihdan an sawi nasa lo ka ti. Thawhlhok deuh te ka rating indawtin
1) Laldenga inrem hi a duh em avangin 2) Aichhinga -Laldenga duhdan a kalpui tlat avangin 3) Rochhinga leh MC Lalrinthanga 4)Lalduhawma a hna bansanin a bei vak mai Pu Hawla hel tep poh a kaiding 5)Lalkhama 6) Lalthanhawla 7) Sainghaka 8)MZP hruaitu ho 9)Ngurchhina 10) Brig T Sailo in surrender mai rawh Independent in sual tawh silo ti reng tu
July 5th, 2008 at 1:43 am
@islander, a bengvarthlak khawp mai. Tlemte han tuihnih ila, MNF leh India inremna thuah khan, a bik takin kum 1972 hnu lamah kha chuan MNF chhungah khan buaina a lian em em mai niin alang a. Entirnan; hotu lam an inringhlel thum tawh a. Laldenga duhlo tu leh duhtu an in er tham a. Khang avang khan mi tam tak chuan an ngaihsan pawh an sawi chhuak tha ngam mang tawhlo a nih kha. Chuvangin MNF Family chhungah vawi 5 vel ngawt hruaitu lian te man khawm an ni hial a. Entirnan; Lalnunmawia Pawl, Tlangchhuaka Pawl, Biakchhunga Pawl etc.. India nena inremna boruak chungchangah ngat phei chuan Pu Thena sawi ang deuh hian independence sual lam aiin MNF family chhung buaina kha rapthlak takin a puak keh palh thei tih R.Zamawia lehkhabuah khan chiang takin a lang niin a hriat theih.
July 6th, 2008 at 12:07 am
@Zorun Thuhlui ah hian tanlam a neihtheih khop mai, a chiang chu independent kan suala tunhunah chuan kan chawl ta rih ani. Rambuai thin khan kan buai ta lo. Kan buaina chu a dang ta daih.
Pu Denga’n a Peace duhluata a chess game-ah Zoramthanga leh Tawnluia te MC Lalrinthanga a rukchhuah tir. Tactic chu Arakanah kir leh turin, Pu Aichhinga poh kalpui nghal turin thu a pe. Heihi chess game tih hre lovin hreh tak chungin Arakan an pan, mahse an thlen hmain India in inbiakna a chhunzawm pui. Ka teh ber chu kan han bazara kan lei duh bargain nan kan han kal der vela koh beisei ru takin … this is life and that is how we got what we called Peace .. thudang poh a tam hengah hian Pu Aichhinga thawh hlawk dan hi chhinch
July 6th, 2008 at 12:09 am
contd: chhinchhiah tlak a tling. Hnam pasaltha Martar te kha Independent suala thi an tam ber.
July 6th, 2008 at 12:20 am
@islander, a ngaihnawm thin e, han chhunzawm zel teh khai.. Pu Aichhinga tak hi ka lo hriat hmaih palh a ang khawp mai. I zarah a pawimawhna kan hre dawn dek dek niin alang. MC Lalrinthanga chu a chenna in ah ka kawm ve tawh a. Bengvarna Office vela theih tawp a chhuah dan te pawh a sawi thin a. A ni phei chuan Pu Thena kha remna tithuamawptu berah a puh ve tlat a. Pu Thena erawh chuan MNF chhung buaina kha a fapa atangin a hrelo thei bik si lo va. Chuvangin sawrkar tlakah a ngai tlat lo a niiin ka hria. Tin, Laldenga’n sawrkar hrim hrima han CM hrim hrim a tumna chhan ber kha, engvanginnge? tih hi zawhna lian tak a ni. An mahni Party chhung buaina avanga POWER neih kha a ni thei ang em? tih te pawh zawhna lian tak a ni.
Tin, Zoramthanga leh Tawnluia te Delhi CID office atanga an tlan chhuak ru thei te leh Thlawhna nena Silchar an thleng leh thei tho te pawh khan ngaihtuahna a tithui hle mai. TLan chhuak tak tak nge, phalrukna nena tlan chhuak zawk? tih te pawh ngaihtuah chi tak a ni. Tlemin a cowboy film deuhin ka hria.
Engpawhnise, ka ngaihdanah chuan khatiang hunlaiah kher kha chuan tute mah kha, ngaihdan a inang vek thei tawh lo hrim hrim a. Ei tur, silh leh fen bakah Kohhran leh mipui ngenna kha a na lutuk tawh a. Tin, hruaitu lu tam zawk an in thawn hawng tawh a. A tira ramhnuai sawrkara hotu ho phei chu an awm tawh manglo a nih kha 1972 hnu kha chuan. Chuvangin Capt rank te pawh Army chief an ni a. President PA te pawh Vice president an ni ta hlawm a nih kha.
July 6th, 2008 at 12:59 am
MNF chu a tir atang khan mipui an bum/kawng nilo lam ah an hruai tih chu an hruaitu te zing a mi, John Manliana (Mankebaia) atang khan a hriat mai alawm. MNF ai awh a Assam hnuai a MLA a nih kha…an kal dik lo tih a sawi awn awn a, an pawm duh lova, a chhuah hmak mai kha. Laldeng an, Mizoram i awm chuan i chhungte nen kan that vek ang che u a tih vanga chhungte nunna tan a hlauhthawn vanga Shillong a pem ta a nih nghe nghe kha. Thlalai engzat in nge, Mizoram tan nunna pe, an lainat awm teh mai ania, bumna vanga thi an nih an hre der silo.
In ti ti na ah ka han belh ve a ni e. He thil hi ka hre chiang ve reuh em a, ka han sawi ve mai a ni.
July 7th, 2008 at 2:13 pm
E khai a Zorun chu thil i hre ril hle a! CID office atangin an tlan chhuak ru thei a? Va mak awm ve?