Burma Mizo tawng, Manipur Mizo tawng , Hualngo tlangdung tawng leh Mizoram Tawng leh Lunglei lam tawng te hi an in ang lo ve thin a. A dik lo ka han i tih sak mai hi chu a fuh chiah lo. Uk English, USA English, Australia English , Kiwi English,etc.. an ti a a dik lo an in tih sak miah lo.
Mizoramin sap tawng leh vai tawng tam tak kan pawlh a, Burma lamin Kawl tawng leh kan unau dang te tawng kan pawl a. tute nge Mizo tih chiang i la, ka unauten an tawng fiah thei loh poh nuih khum leh hmusit mai loin.Mizo tawng a kan neih hi chu hmang hram hram i la. a ziahdan dik pawh zir hram hram i la. A HNUAI A KAN HMAN DIK LO LUTUK HI CHU FIMKHUR I LA.
1. A NGA.
A ‘nga’ hi thil lo la kal tur/tleng tur sawina/ suangtuahna a nia. Mi thenkhat chuan ‘ ka pi in ka naupan lai chuan zingah chhang min kan sak ziah thin a nga, ka school min thlah ziah ang.” tih ang chi hi dik lo hul hual a ni.
2. Tlawmngai
Hehi tlawmlak thlak tih na chi ang hian “tlawmngai thlak” ka ti chu a dik lo hulhual.
3. ‘Nghakuai’ hi sanga kan awk duh a nih chuan kan khai leh kam thin. Tun laiah nghakuai ka chiah ti tawk hi an awm leh a, keipawh ka nghakuai ngul hi ruain ka suih a a tlo nan luiah ka chiah thin, chu chuan sangha man nan ka chiah lo. Nghakuai chiah duh chuan mani inah pawh belpui, baltin-ah ten chiah mai tur, lui, beach a kal kher kher ngai lo.
4. “Lengkir” hi mi tamtak chuan tuikhawhthla, khawthla, an ti mai thin a, khawthla chu adik a, a nihna a nia, a hming a ni lo. Pu CHENGLUTA chu chal ngal tak a nia, mi in Chal Ngala an ti thin a, a dik ve tho, mahse a hming a ni lo a. “lengkir” pawh tui chu a KHAW tla chiang a lawm, mahse a hming a ni lo a, a nihna chu a ni.
5. Kuva hi a thial a thial chi ni in ka hria a, mi thenkhat chuan an ei a! A ei a ei chin chu a turu tawh ngawt ang hrawk cancer an nei tep tawh ani ka rin.
Leh kan mi thiam ho cho chuahna ka rawn ziak a nia. Kan Mizo tawng hma kan sawn deuh deuh nan i sawi ho ang u hmiang.
dik khawp mai
July 7th, 2008 at 5:27 pm
Aizawl veng 1 a nula poh kha c’long ah higher zir in a om a, thla 3 hnu a ron ho suan phengphehlep in pangpar zu dawt a hmu a ‘nu, so lai butterfly sawn nectar a suck a ni saw’ a ti!!
Thla 3 dang a om leh a an inbul step ah a kal thiamlo a a pa a in puak tir vel!!
Kum khat hnuah hnamdang fa a ron pai ho!!
k thianpa in an veng a mi cc min silh nia dawt nilo tur ah ngai phot mai ang!!
Report this comment
July 7th, 2008 at 6:12 pm
@ben, pls i e-mail kha check rawh, edit tur chu ka rawn thawn che kha.
Report this comment
July 7th, 2008 at 7:01 pm
Ka thlen vena china Mizo tawng hmang dik a ka hriat chu Kanan khua [Burma ram Khampat khaw kiang]ho hi an la Mizo tiah2 khawp mai.
Burma lam chuan “tel” tih hi Mizoram zin thang ho chuan an hria a nga, mi tam zawk chuan “Sahriak, hriak, chhitui” an ti thin. Sazuipui pawh hi “sabek” an ti a, “sazupui” chu sazu no chawm lai nei/no hruai lai hi “sazupui” an ti thin.
Aizawl bazaar leh Burma sumdawng ho nen a indawr ho khi chuan, Kawl tawng a an lak Burma Mizo tawng tam tak chu an hmang ve tho mai. e.g.”miat” hi hlep/lap tihna a nia. “sung” hi dawng/kiang/hleplo tihna a nia. Zokhawthar[Tiau] atang a Burma lam bungrua phur check gate a, a hranpa a phawrhdarh vek a check vek kher lo a, list a mi ang a tax pek a kal tlang mai ho motor hi “Pi Le kaa” an ti a. “pi le” hi Kawl tawng ania, “insawi rem/inhriatthiam tawnna” tihna a nia, “Kaa” hi motor reng2 hi Kawl-in “kaa” an ti a,”Insawi rem sa motor” tihna a ni ber a, Mizo tawnga sawi dawn chuan sawifiah har tak, sawi deuhduah a ngai a,” Pi Le Kaa” han tih mai hian tawi fel et mai tha ve tak a ni.
Hualngo tlangdung vel tawng dan khi ‘ch” aiah ‘s’ hi an hmang tam zawk a. e.g. chhak=sak, chhakchhuak=saksuak, chhul=sul, chhawhchhi=sawhsi,
etc..Tin, an tawng dan hi hrengai lo tan chuan hriat har angreng deuh mai a nia.
Pate deu chu ” ava piang lo teuh e” an ti a.
Ka fa tih ve mai awm hi ” ka sul suak” an ti a.
Enga tih hi “zanga” an ti a.
A vawt lutuk= durh ka teuh lov
Zuang sang = a in perh thei reuh.
Foot ball khelhna a zawi deuh chu= a mar lo ruai et.
Nula hmel che deuh= mut a kham awm et[hmanlai a nula hmeltha chu rimtu an ngah a mut an kham vak lo a, hmelche deuh hi chu rimtu an nei vak lo a mut an kham phian ni awm a ni.]sawi tur an tam mai, tumah huat awih lohah.
Lunglei lamin “kawm hnuai” an ti a , midang zawngin “in hnuai” ka ti deuh vek a ni lom ni khah?
Report this comment
July 7th, 2008 at 7:52 pm
Ka ngaihmawh zawng kan sawi ve teh ang. Aizawla kan print media-te hian nuai tih mai tur hi ‘Nuaih’ tiin an chhu thin a, hei hi a dik lo hulhualin ka hria a, mizotawngah nuaih a awm ka hre lova, ‘NUAI’ tih mai tur a ni.
Entirnan – Cheng nuai khat ka nei, “A va tla darh nei nuai ve”, “In tihnawk nei nuai em mai”, “Mipui ho chu a zi nuai nuai mai,” etc. a tam thei ang.
Report this comment
July 7th, 2008 at 8:18 pm
“hnap tla nuaih” ti lo in “hnap tla nuai” ti a ziah tur tihna ani maw
Report this comment
July 7th, 2008 at 9:50 pm
Sawi ve hlek teh ang.
1. No. 1. ami, A NGA tih khi ANG A tih zawk tur a ni em aw… te ka lo ti vel mai mai a.
2. Lakhuihthei ti kher lovin Lakhuih kan ti mai thin a. kan la nau deuh bawk nen, Lakuih tih hi ka lo la hre ngai miah lova. Lakuih leh Lakhuih chu a inang lo ngei ang le.
3. Nuhnun an tih na chhan tak chu ka hre lo nain, a pianhmangin nu hnute a an em vang chu a ni kher lovin ka hria.
4. T (a hnuaia full ishtawp awm) aia ‘tri’ hman hi chat-na velah bak hi chuan hman lo hram hram hi ka duh dan a ni. Mizo tawng ‘unique’-na pakhat a ni ka ti ve tlat.
5. @chepahakhata, hman deuh pawh khan ‘tuikhawhthla/khawhthla’ tih hi chher chawp, hmanni deuh lawk atanga hman tan angin i sawi tawh a. I dik love chu ka ti dawt lo nain VANTAWNG KHAWHTHLA tih hming angte hi chu a putna a rei tawh fu lo maw le? Bakah LENGKIR leh TUIKHAWHTHLA hi chu a inang chiah lo deuh em aw… te ka lo ti mai mai.
6. Sawi tur dang pawh ka la nei teuh a, mahse a sei tawh em mai duhtawk teh ang.
Report this comment
July 7th, 2008 at 10:07 pm
Pu Rokunga hla phuah “Hnuchham hla ah khan”
“Nuhnun tui ngai alo tap e
Zua luai thli tui ang alo hnam e”
ati ani lawm ni…a bak nuhnun han tih chhan tur awm hi a pian zia ah hian ka la hmu lo aniang ..ani ti tawh mai ang
Report this comment
July 7th, 2008 at 10:12 pm
Bengvar thlakin hlawkthlak khawp mai,lo inzir leh char char ila ni mai lawm.
Report this comment
July 7th, 2008 at 10:13 pm
Kan topic hi Tawng tiin a dah mai na a, mahse Dialect tia dah zawk tur a ni. Dialect chu a dik ber a awm thei lo. London leh Lancashire te pawh a inang chiah lo thin a, a bik takin a thluk. Tin, Germany ah te pawh hian khawpui tin hian dialect hran an nei deuh vek a. Mahse sawi tawh angin Tawng (Language) hnuaia awm mai a nih avangin Official ah chuan German pangngai (Standard) an hmang vek thung a.
Tin, Singapore ah chuan English an hmang a, Singlish an ti ve mai a. Mahse chu chu tawngah chauh an hmang na a, ziakah chuan English pangngai an hmang thung thinin ka hria.
Report this comment
July 7th, 2008 at 10:26 pm
pi buh deng kha i sa ho mai mai zawk teh ang u a….
Report this comment
July 7th, 2008 at 10:36 pm
Myself, i dik. Thingfanghma (fanghma a an loh nen!) ti lovin Nuhnun kan tih nachhan chu nu hnun(nu hnute)a an vang ni berin a lang.Tin, thil hming (proper noun) anih tawh avangin ziak zawm tur a ni a,Pu Rokung hla a ‘nu hnun’ tih erawh hi chu zawm loh tur anih hmel,a chhan chu i hrechiang zawk ang.English neitute(?) England ah pawh khuan an hman dan kalphung,tawng zia (accent) a inanglo thluah a,hmeichhia leh mipa ah a la dang zui bawk.Tin,Tawng hmang inang chiah lo,innuihzat a fiamthu nana hman hi a tha lo khawp mai.
Report this comment
July 7th, 2008 at 10:45 pm
Chepa, Tuikhawhthla anih chuan tui a awm a ngai a,a ‘tui’ kha a kawk bik.Lengkir anih chuan tui a awm leh awm loh lam a ni chuang lo. Lengkir – leng(lengngha)=sangha.
Report this comment
July 7th, 2008 at 10:50 pm
Inhan sawina eng atang chuan Mizo tawng ka lo thiam reng reng lo ani tih ka inhre chhuak a,Tawngdang engmah thiam ka nei bawk silova,MIDUM zinga a neite ber angmaiin ngawi hle hle mai teh ang.
Report this comment
July 7th, 2008 at 11:04 pm
Ziahzawm leh zawm loh tur pawh hi hriat tel chi tak a ni. Keipawh ka thiamlo hle a. Ka inzir ngial pawhin ka la thiam chuanglo va. Mahse keimah ang bawka harsatna nei erawh kan tam hle ngei ang.
Ziahzawm tura zawmloh te: Tun lai chu ka buai thei lu tuk a, mah se kan buai na hi changkanna an ti a ni lawm mi?
Dihdikna: Tunlai chu ka buai thei lutuka, mahse kan buaina hi changkanna an ti a ni lawm ni? (mi, hmang lo hian) buaina leh changkanna ah hian ‘na’ tih hi zawm ngei ngei tur a ni. damlo na a nih loh chuan thil sawina reng rengah zawm a ni tlangpui.
Report this comment
July 7th, 2008 at 11:13 pm
‘nu hnun’/'nuhnun’ chu a dik lohna ka hre hran lem lova.!! ka rawn sawi ve a,’nuhnun’ ti pawh in alo ziak mai thei ania, a manuscript ah chuan…..:)))
!!!an hun lai khan ‘proper noun’ tih vel ah an buai lo ani ange.. :))
Report this comment
July 7th, 2008 at 11:23 pm
@Val_brosky, comment-47na a ka sawi ang khian, edit miah lo ka post a nia, Puber Bena, a then chu a lo edit tawh a, edit ngai a la awm nual a,ka thu ziah a mi khi ziahsual a awm nual a nia.
Lengkir tih hi tun Dulian/Mizo tawng hmang ho zawng hi zawt ta ila hre lo an tam zawk mei thei a nia. Vantawng khawtla i tih hi ka rin dan chuan Pu CHENGLUTA a chal a ngalh vangin CHALNGALHA an tih ang deuh tho hi a nih ka ring a, tui lo khawhthla kha a sang em avangin , sawi uar nan van a tawng hial ang in an sawi a nga VANTAWNG KHAWHTLA a ti zawk a nih ka ring a,rinthu mai2 a nia.
Tawng hi mahni tawng mah nise hriat vek hi a har a, upa nazawng pawh hian an tawng hi an hre vek kher lo a. Sap ho pawh English zirtirtu-te ngei2 pawn scientific words, medical word, ran nung hming, thing, pangpar hming, sava hming , etc hriat loh an ngah lutuk. Chutiang deuh chuan keini Mizo pawh kan awmna a thil awm lo,kan hmuh ngai loh ho kan tawngah awm mahse a hriat loh theih khawp mai.e.g.TLAWR thing [TEAK] te pawh Mizoram-ah tunhmain a awm loh vangin a hming pawh in hre ngai
lo a, J.F.Laldailova pawn a hming a hre lo a, TEAK thing a ti ve mai a. Burma lamah chuan TEAK tih chuan Mizoram zin thang leh English hre deuh ho chohin an hria anga. Kan pi leh pute lo chenna Burma lam Chindwin lui kam, Kalay, Kabaw & Chin state zawng2 hi Burma ramah pawh TLAWR thing tamna ram a nia, hmakhawsang atang he hming chu lo awm tawh a nih ka ring a. Thlang tla hmasate kha an thi zo a, an tu leh fate khan an hmuh ngaih loh leh hriat ngai loh chu a hming chu hriat ngheihna awm hek lo le. Heng Mizo tawg ngei a ka neih ngat hi chu hnam dang tawng hmang lo hian hmang ve hrem2 i la, ka tawng hi a thi lo deuh ngei ang.
Phai leilet a an thilhman leh koh dan hote hi a hmu ngai lo tan chuan an hre lo viau in ka ring. Keipawh ka seilenna hi phai a nih vangin Thinglang a thil awm ramsa, sava, thing, lo vah a thil tih dan leh thil hming, etc.. hriat lo ka ngah lutuk. Ka in zir chawp ve zel a, hnam dang tawng hman ai chuan kan Zo hnahtlak zing a miten an tawng a an lo neih ho hi chu ka tawmpui ve zel a. Mi then khat hi chu Sap emaw, Vai emaw, Kawl emaw tawng han hman te hi changkang riau, dik bik riau a in ngaihna kan nei hi a nia ka chekin a milh loh em2 ni.
Report this comment
July 7th, 2008 at 11:29 pm
Ziahzawm leh zawm loh thuah chuan ‘tunlai’ tih loh tur, ‘tun lai’ tih zawk tur, tiin kan zir thin sia, @zorun. Ziah zawm tur zawk ami?
Tin, ‘lawm ni?” tih hi ‘lovem ni?” tih lamtawi a ni em le? anih chuan apostrophe dah (law’m ni?) tih tur a ni thei angem?
Report this comment
July 7th, 2008 at 11:39 pm
@zorun, “ah” pawh kha zawm tur ni in ka hria. ipte” ah” tihah erawh zawm loh tur[ ka ipte ah hi a te nan a rit fu a nia].”Chemin min ahna a thuk khawp mai” tah pawh zawm loh tur. Tawng dang hmun/khua hmingah erawh “-ah” tih thin ni in ka hria.[ Bangkok-ah ka kal dawn. Dehli-ah ka zin dawn.]
Report this comment
July 7th, 2008 at 11:41 pm
Kan thianpa sawi a nia, nula pakhat phaia rei vak lo awm paw’n “Ai! zawhte pawnah a lut” a ti ve tlat asin. He zawhte hi a lut nge a chhuak tun thlengin ka la hre thei lo.
Report this comment
July 7th, 2008 at 11:46 pm
@Val_brosky, a lo ni maw, in zirdan chu a dik zawk mai thei e. Amaherawhchu, tunlai tih ziahzawmlo hi ka lo hre tlem hle a. Entirnan Baibulah chuan hetiang hian kan hmu a:
Luka 11:50 ,51 chutichuan Abela thisen chhuah achin Zakaria, maicham leh biak in inkara thia thisen chhuak thleng khan ,zawlnei zawng zawng thisen , leilung pian tirh ata chhuak chu,tunlai chhuante chungah hian phuba an la thei ang,’ a tih kha.
Baibul hi tuna kan tawng dik leh diklo tehna awmchhun chu a ni rih mai a, mahse hei hian kan awmna theuh dialect hman thin erawh huam lo se, ziak leh tawng hi chu thuhmun a ni chiah loh avangin.
Tin, lawm ni? tih leh Ang em? tih pawh hi zawm loh tur niin ka hria.
Entirnan: Lawm ni’ tih hmanna pakhat hmanna chu:
Genesis 18:25 nang êm chuan i ti âwm êm si lo: lei chung zawng zawng Rorêltu chuan fel takin a ti dâwn lâwm ni?” a ti a. ( Hetah pawh hian Lawm ni? tih kan hmu a)
Tin, ‘Ang Em? : Tih hmanna pawh:
Isaia 64:5 tichuan chhandamin kan la awm thei ang êm?
Hetiang hian Baibul ah chuan ziahzawm leh zawm loh turah hian tam tak kan hmu a. Mahse, a chang tawi lai leh a remchang lai chauh ka han tarlang mai a. Mizo Baibul kan kawl remchang a nih chuan lo bih teh u khai.
Report this comment
July 7th, 2008 at 11:48 pm
@ chepahakhat i thil post chu a pawimawh hle mai,mi 500 chuang in an ensak tawh che a nia,mahse mizotawng hi nang pawh hian i zir a ngai tam hle mai,a thiam te zarah i lo hriatbelh teuh dawn avangin ka lawmpui a che
Report this comment
July 7th, 2008 at 11:48 pm
Ami/A mi .. tih hi “Em ni?” tih tur niin ka hre bawk..:)
Report this comment
July 7th, 2008 at 11:52 pm
@Zorun rual U deuh te chuan “Em ni” an ti thin,a dik zawk chek ang
Report this comment
July 7th, 2008 at 11:55 pm
“Tunlai” tih bawk hi Pu Buanga chuan hetiang hian a tarlang a:
engemaw tak ” ti a, (p. 126) [ engemaw tak " ti a, ] phrase something or other came over, went wrong with, or happened to (me, you, him, etc). Tunlai chuan engemaw tak ka ti a, ka chaw ei a tui hauh lo. (Same as engemaw ti a.)
Hetah pawh:
ṭhang-thar, (p. 448) [ ṭhang-thar, ] n the present generation, a new generation, a generation. (Tunlai ṭhangthar = the present generation. Ṭhangthar zawng zawng thlengin = unto all generations.)
Lovem ni? tih pawh hi, a dik lo va. “Lo Em Ni?” tih tur a ni.
entirnan: Number 12:2 Anni chuan, “Mosia hnenah chauh hian em ni LALPAN thu a sawi bik: Keini hnenah pawh hian a sawi ve lo em ni?”
Report this comment
July 8th, 2008 at 12:10 am
@amanda, i sawi dik e. Mizo tawng hi ka thiam ka in tih miah lo a nia. Ka zir ve pah zel a nia,mahse dik lo lutuk an sawi hi ka hriat tawkah hrilh fiah ve hi ka chak thin a. Kan hriat2 hi han sawi ho liam2 ila, kan tih dik lohnate hi in hrilh zel ila, hma kan sawn tlang ngei ang. Ka lawm e.
Report this comment
July 8th, 2008 at 12:16 am
Ziah dik loh tlangpui te; Thil ho mai mai or a tha vek mai e.. tihna turah “MEI” kan hmang thin a.. Mei chu Fire emaw Bawng/Bawk mei sawina a ni thei a. A hmanna a hrang daih a ni.
Paih leh Peih hi kan hmang diklo thin bawk a. Bawlhhlawh kan paih thin a. Hnathawh erawh kan peih vak lo..tihna turah kan hmang letling chawk.
Report this comment
July 8th, 2008 at 12:18 am
@Zorun: mizotawng hi ka rin aiin i thiam daih mai,kan naupan lai chuan ka Pa hian “Bible hi mizotawng zir nan a tha ber” a ti thin a,a lo dik khawp mai,mizotawng tamtak kan hriatchian em em lohte min hrilhfiah avangin ka lawm e.
Report this comment
July 8th, 2008 at 12:38 am
Ka lo ngaithla char char a. Ngaihnawm, a bikin Zorun!
Tawng tih loh a dialect thupuia hman ai chuan ‘tawng siper’ a tih theih em? Vawiin zan tih hi a awl tawh khawp a. ‘zanin’ tih hi hmang ngailo kan awm em?
Report this comment
July 8th, 2008 at 12:48 am
@amanda, thanks. Hriatchhun ang ang kan han thlasik maupuah chhuahpui ve tawp mai a nih hi.
@VaiVa, Thanks. Dialect aiah ‘tawng siper’ i tih hi a fuh hle mai. Hei aia tawi deuh hria kan awm em? Dailek te pawh ti ve ta mai ila?.
“Zanin” tih hmanna turah vawiin zan kan ti nulh thin a. “Tukin zingah” tih turah Vawiin zingah kan ti nulh fo. A diklo a ni.
Report this comment
July 8th, 2008 at 12:55 am
naktuk atang chuan zingchaw hi”tukthuan” ti tawh ila, tlai chaw kan tih pawh hi “zanriah” i ti vek tawh teh ang u khai:)
Report this comment
July 8th, 2008 at 1:17 am
amanda: zorun i ti muhil thei dawn ta miah lo mai…a case a serious riap riap hle mai a!
Report this comment
July 8th, 2008 at 1:29 am
@hahaihai..:)
@cinnamon_apple, a dik khawp mai. Mahse Tukthuan kan tih hi Sap tawnga breakfast an tih ang hi a ni lo va. An ni breakfast hi chu Mizo tawng chuan ‘Zingchaw’ a ni thoin ka ring. Mahse, keinin dar 9/10 vela Lunch ang reng pum taka kan ei hi chu ‘Tukthuan’ chu a ni ngei a. Mahse, hei kan lo changkang ve zel a.. Chhungkaw tam tak Breakfast (Zingchaw) ei te pawh an awm ve ta nuk mai. A bik takin Phai leh ram pawna awm te.
Report this comment
July 8th, 2008 at 1:57 am
Thumal pakhat lek kan contri ve ang e. Sap kan tih hi hmanlai chuan “sap” an ti lova…Zawngrang an ti mai thin. Zawngrang = zawng-var. Vaingalsin ho atanga sap tih hi hmang chauh kan ni awm e. Tin, thu kan ziahz hian, (ka ziak uluk ngai bik lo nang a!) a tawp nan, a ni tih tur ah “ani” ti a ziah kan ching fo…a ni tih zawk tur a ni ngai e
hairehai
Report this comment
July 8th, 2008 at 8:06 am
Thu thupui fun deuhah chuan Irre, mirage, bmw, ngawih kar tur. A ho pakhat rawn chhuah veleh puk hluai tur
Sawi loh ka tum a, mahse ka in sum zo ngang lo, min lo ngaidam mai teh u .. “Myself khian nuhnun, hnute” a va sawi ri zing em em ve.. an ti Thlawish group in.
Report this comment
July 8th, 2008 at 9:48 am
Kanidari chu min chhuah ‘zawkar’ vek alawm!! Thupui chu ka fun thiam vak lo,a buai nuaih zel….mahse tun atang chuan thupui fun hram hram ka tum maithei a ni.
Michael myself-a tui zawng hi keipawh ka sethiam lo, amah hi a sexy vang hrim hrim pawh ani thei tho mai. Thei arra pawh sawi miah loin pakhat zawk chiah a sawi vak vak…….
Report this comment
July 8th, 2008 at 10:12 am
Zawker love, fiamthu mai a ni e…
ehem.. Mizo tawng hi tawng azawnga ziah har ber pawl niin ka hria, chhiar phei chu ziah aiin a har lehzual emaw tih tur a ni lehnghal. A ziak sual tu aiin a chhiartuin dem kan hlawh zawk fo.
Kan tawng hi a thluk azira thumal inang reng pawh awmze hrang nei thei a ni fur mai a. Thumal pakhat ‘LEI’ tih pawh hi kan thluk dan a zirin awmze hrang 10 chuang a awm thei ang. A ziah dan erawh 1 ani. Chuvang chuan tawng har tak mai chu a ni phawt mai.
Ziah zawm leh zawm loh turah ka buai thin khawp ami, a formula sikula kan zir thin te khan limit neih chang a nei thin bawk nen, inhnial theih tak te pawh a ni ta ve ang. Chuvang chuan Bible leh Kristiana Vanram Kawng Zawh bu ami kha ka entawn deuh ber thin.
Irre: ka comment hi a ho em?
Report this comment
July 8th, 2008 at 10:38 am
Thupui fun tak i nih hmel achunga i thil ziah atang khi chuan. Tin,ka vawikhat hriatna che ni ta selang,ka be zui lem lo ang che!!Inti thupui fun lutuk ka ti zek maithei che a ni….
Tak takin,keipawh ziah zawm leh zawmloh turah hian ka buai fo mai.Bible leh Kristiana Vanram kawng zawh chu ka lo rawn ve tawh dawn nia. Thumal pakhat chauh kan zawn chuan Bible chul nel vak lo tan chuan hun a duh rei phian dawn anih hi.
Tin,thluk chungchangah khan tawng hran hran hian thluk(music) an nei vek a,a tawng neitute(native speaker) thluk anga kan thluk khan fluent takin hnamdang tawng kan thiam tihna alo ni.
Kanidar: Thupui chu la fun lo mah ila,thu te tal anih tawh ka beisei!!!
Report this comment
July 8th, 2008 at 10:51 am
Fun khawp mai, khal pawh a khal tha
“Thumal pakhat chauh kan zawn chuan Bible chul nel vak lo tan chuan hun a duh rei phian dawn anih hi”
Mizo eBible khan zawn phawt a, Bible keu leh theih. Bakah hei pawh hi a rintlak khawp mai https://dsal.uchicago.edu/dictionaries/lorrain/
Report this comment
July 8th, 2008 at 11:10 am
Lawmawm e,kanidari nge nge!!
Awitho,thu khal khi eng thil nge ni ta? Han sawichiang deuh teh…..
Report this comment
July 8th, 2008 at 12:00 pm
Helai chu tawng zirna hmun a ni ringawt alawm le, a manhla hle mai…
He thu hi in chhiar dik thei em..? “I Ipte chu a aha ah-ah a va itawm ve..”
Report this comment
July 8th, 2008 at 5:30 pm
Tin, ‘chhunchaw’ tih pawh hi a dik lo, ‘chawchhun’ tih zawk tur an ti.
Report this comment
July 8th, 2008 at 8:12 pm
In rawn thawh tha hlawm bawk a, abik takin zoruna, ka tleivar thak a lom. nilengin ka mu a class ka thulh. hna erawh ka kal hram.
Report this comment
April 16th, 2009 at 8:01 pm
Kan nu leh pa te rual meuh pawhin Lei leh Leilawn an sawipawlh fo mai hi a mak ka ti thin. kan Lehkhabu thianghlim lamah hian a diklo a an lo thailan vang em ni aw.
Leilawn chu Ladder hi a ni a
Lei erawh chu Bridge ang chi hi a ni ve thung. ui pum tiat emaw, phulraw pakhat lek emaw pawh kawrte mai mai kai nana an kham a nih pawhin Lei a ni tho tho.
Report this comment