Zin loh bill la leh loan rul tha lo hruaitute hi!
August 6th, 2008 2:01 am | Politics, more than words | angry_youth | 256 views|
|
Rukru rualin mi hriat lohin pawisa rû se, an pawisa ruk chu miin an hriat chhuah ring lovin hlim takin nui var var se, chutih lai tak chuan vanduaithlak deuh maiin mi thahnemngaite’n man chhuak hlauh mai se, an chan chu chhe vawng vawng tak a ni ang.
Chung rukru rualte chu an chungthu an han ngaihtuah ta a, roreltute chuan a man chhuaktute chu koh pawh a ko ve lo va, a man chhuaktu mi tlawmngaite chuan mak an ti hle mai a, an han hriat chian chuan roreltute nen chuan hnathawhna hmun inang an lo ni a.
A tawpah phei chuan roreltute chuan rukrute chu thiam a chantir ta vek a, sawi zui theih a awm ta lova, rukrute chu an him ta. An pawisa ruk sak-ate chungah ngaihdam dil an tum lo. An zinga pakhat chuan a pawisa ruk chu a pe kir a, thiam changah a inngai bawk a ni.
Kan ramah pawh hetiang deuh chiah hi a thleng. Zin miah lovin roreltu rualin zin loh bill an la a, political party hrang hrang (MNF, Congress, MPC, ZNP) MLA-te an tel kim. An chunga roreltu hotu ber atan Congress MLA leh midangte ruat an ni a. Rorelnaah chuan zin loh bill an la a ni tih man chhuaktu chanchinbu mite koh an ni ve lo va, a tawpah chuan zin loh bill la tute chuan thiam an chang a.
Zin loh bill la ve tho pakhat chuan a pe let a, thiam changah a inngai hmiah a, a hote pawhin thiam changah an ngai a, an la fak bang thei lo. Zin loh bill lak hi sual lian tak, dan bawhchhiatna lianpui a ni a, MNF, Congress, ZNP leh MPC MLA-te hi mipui aiawh an nih avangin mipui chungah ngaihdam an dil tur a ni a, ban hial pawh an bang tur a ni a, mahse ngaihdam an dil lo va, hetiang hi chu political party tan pawh a hmingchhiat thlak theuh avangin ‘Zin Loh Bill’ la tute hi chu candidate lo ngam se a lawmawm khawp ang.
Zin Loh Bill la tute political party-te’n an la rawn candidate leh hram a nih chuan mipui zah lohna lian tak a ni dawn a ni. Hetianga ti dik lo in thiam chan an tum tlat vang hi a ni ngei ang thangtharte’n political party an dem em em nachhan hi?!
Hetiang bawk hi tunhnaiah Zozam Weekly khan a rawn hai chhuak leh a. MLA tam zawkin anmahni inenkawl na’n loan nuai nga theuh an la a, rul tha an awm mang lo.
Heng loan te hi interest tlem thei ang berin an siam a (5% vel zel), rul tha turin an intiam vek bawk a, an la rul tha duh ta chuang lo ani. Loan rulh that loh hi thil dik lo a ni tih chu kan hre tlang ngei awm si a. Hemi chungchangah pawh hian political party hrang hranga MLA-te an kim leh dial a (tlemte rul chu an awm), a thlang tlingtu mipuite hnenah ngaihdam dil pawh an tum leh chuang lo niin a lang.
MLA Dawt Bill la te, MLA loan la rul tha lote kan neih avang hian ka ngaih a tha thei tlat lova, anni ho hian mipuite hnenah ngaihdam min dil lo bawk a, ka ngaidam thei lo ani. Chuvang chuan 2008 MLA Election lo awm turah pawh hian political party zawng zawngte’n MLA dawt bill la leh loan rul tha lo chu candidate tawh lo hram tura ngen mai ka duh.
Thalai tam tak hian sual hi kan pawmzam dawn emni? Thil sual chu sual ani kan tih tlan a tul hle mai! Sual hi kan ram hian a pawmzam nasa tawh lutuk a, kohhran pawhin an chungah action a la duh bawk silova, hetiang anih zel chuan ka thenawmpa hi vawthlu tawp ila, min la thiam ve tho mai lawng maw?? Chutiang chu ka duh si loh avangin kei chuan heng ang dik lo taka ti te hi chu kan ensan a hun tawh ka ti ani.
Hei, kan inthlang leh dawn chu a ni a. Political party hrang hrangte’n dawt bill la leh loan rul tha lote chu an hre chiang a, chanchinbu lamah hmuh tur a awm bawk a, an la rawn candidate leh hram a nih chuan lo phawrh mualpho ve mai hi kei a tul ka ti tlat! Nang a lo chhiartu i ni bawk a, enge i ngaihdan? Sualah i pawm em? I pawm anih si chuan i awmna bialah rawn in candidate ta se i la vote tho ang em??
August 6th, 2008 at 7:53 am
Tuna kan dunhmuna lungawi hi kam la tam em ani. Anni dawt bill latute leh loan rul tha duh lo bawk hi ania kan thlan tlin leh dawn ni. Tunlai phei chuan ziaktu thenkhatten “mipui kan insiam that phawt loh chuan politician ho siam that theih anni lo” ti zawngin an ziak chiam chiam mai lehnghal a.
August 6th, 2008 at 11:42 am
Kan tuh rah kan seng fo thin, kan thlan an ni a, an that loh tak tak pawhin lungruala do tlang tur kan ni. Mahse, ram vei tak tak tu hi kan tlem em, kan chaw thleng em an ben buak loh chuan kan ngaimawh tak tak lo, hlawkna kan chhungkuaiin kan hmuhve dawn phei chuan, pawisak tak tak a awm lo. kan tawng tawng kan la tawng ang
August 6th, 2008 at 8:25 pm
what about Govt Employees who claim false MR bills?
August 16th, 2008 at 8:50 pm
Zin loh bil la zet a pe kirlehtu kha IPS officer hlui a ni a, a insawi danin thil pawi a ni tih a lo hre lo a ni awm e, a MLA pui ten an lak avangin a la ve mai ni awm tak a ni. heti zawng hian han chhut ta ila, IPS officer meuh, zin miah lohna bill lak pawh thil sual a ni tih hre lotu, ram hruaitu a tana neih hi a tha ang em, nge hre reng chungin a ti ve a, an thil sual tih an phawh takah khan chhuanlam a tan a hmang ta mai mai zawk, kei chuan a eng zawk zawk pawh kha lo ni ta sela ram hruaitu a tan chuan ka ring ngam toh lo hrim hrim. pe kir lo tute phei kha chu ka ring ngam lo lehzual.
August 16th, 2008 at 9:14 pm
Kan politician te chauh hi an ni lo ania aw… vawi khat phaiah ka nu kan hruaiin Education Deptt. ami credit kan pawm lo an ti bur. Advance payment thlap2 lo chuan treatment kan pe thei lo, Education deptt ami chu an ti, zahthlak khawp mai. Sawrkar hnathawk, a bikin Edu. Deptt hian MR bill dik lo an lo siam nasa tawh a, an lo buai nek tawh a lo nia.
Sawrkar hnathawk mai bakah, Kohhran rawngbawltu te pawh an bang chuang lo. Missionary thenkhat te phei chuan ‘Thehluh tur’ receipt leh ‘Theh luh loh tur’ receipt nei hrang pawh an awm. Pastor thenkhat a bikin vai ram ami pawh an bang chuang lo. Claim dik lo ni kher lem lo pawh Synod Ramthar board driver ho hian sawi duh seng chuan sawi tur an hre teuh ang
Chutiangin dawrkai market-a supply ti tlem rawih khawpa bungraw stock tang vaka, demand a san veleh a hleihluak taka toa hralh ching an awm.
Pathian mithmuhah khing ho khi thuhmun vek an ni.