Zoramah hian eizawn dan kawng hrang hrang kan tih peih dan a zirin a awm ve nual a, kan vannei khawp mai, kan tih peih erawh chu a ngai thin a ni. Eizawnna tur tam ringawt mahse, kan thawh peih chuan si loh chuan engmah a ni dawn chuang lo va, eizawnna kawng hrang hrang zawh mektuteah hian fak duh leh fak phu an awm in ka hria a, chu chu kan a DRIVER-te hi an ni.
Zoramin Driver kan neihte hi an huaisen em em a, thenkhahte chu an tlawmngai em em leh nghal, an eizawnnaah hian an chiang a, an chhungte leh an fate chawm nana an eizawnna hi thih ngamin an thawk a ni. Kawng chhia leh hmelhriat loh karah pawh nise, an hmangaihten mi neih ang an nei ve lo ang tih hlauin an tlan hram hram a, a chang chuan an pute’n Mizo tawng thiam awm mang lohna vai ramahte load la turin an tir thin a, an thiam ang ang leh theih ang angin an zuin hai chawp ve fo thin, an mahni avang hian Zoram mipuite’n kan duh leh chakkhai tam tak kan neih phah thin a ni.
Driver-te nundan mawi tam tak zinga tha tak pakhat nia ka hriat chu, kawng lakah eng Motor pawh lo chhia se, tlanpel nghal mai lovin an ding a, a that loh dante an in zawt a, a theih ang anga an in tanpui thin hi a ni. Fak tlak an va ni teh lul em.
Eizawnna kawng dang dang daptute pawh hian kan eizawnna kawng hi chu a tul phawt chuan thihpui ngam khawpin bei ngam ila, thil tha tak a nih ka ring. Chutiang bawkin sawrkar hnathawk hote pawh kan eizawnna kawngah hian thiante tana ninawm khawpin rinawm ngam ila, ka thawh that avanga leh kan rinawm avanga min mil lotute an lo awm a nih pawhin pawi tilo ngam ang u. Kan ram tan thiltha a ni tlat. Kut hnathawktute pawhin a sur a sa hnuaiah theihtawpin hna an thawk a, keini sawrkar hnathawk-tute pawh hian kan Officete hi kan hours angte hian kan luah ngam ve tur a ni. Hlawh hmu tlak lo khawpte hian kan hna hi kan lo thawk thin ang tihte pawh hi a hlauhawm a, chuvangin mahni kan in adjust ve thin tur a ni.
Mahni eizawnna pawh thihpui ngam lo khawpa hna thawktu chu eng hnaah mah chhawr tlak a ni lovin, hlawhtling tlak a ni lovang. Driverte u, kan mamawh leh chakkhai min lam saktute in nih a vangin in eizawnnaah hian in hlawhtlin ngei ka beiseiin duhsakna ka hlan a che u.
MAHMINGA, LUNGLEI
CONTACT : 9863177868
Similar Posts:
- Eizawnna
- Kan buaina leh Inkhawm hi!!
- Mizoram ah hian zai hi eizawnna tlak a ni em?
- Mizoramah hian hna a vang tak tak em?
- Hnaa rinawm!
September 30th, 2008 at 4:02 am
Rawn ziak tha tho mai. He hna hi pawimawh tak a ni, an kutah hian mi nunna tamtak a awm pawh a tihtheih awm e. Chuvangin zurui chunga motor khalh thinte hi chuan fak an phu thlat lo, an nun fimkhur loh vang leh dawngdah vangin an nunna mai nilo midang nunna hial pawhin a va tuar phah nasa tak em!!
Report this comment
September 30th, 2008 at 8:14 am
Tun hma atangin drivers ho hian work culture tha tak an nei a, an zingah rinawm chiah lo awm zauh thin mah se. Mahminga chu a chhuah tha hle mai. Anni driver ho vanga tlang chhengchhe kara awm kan la neuih ve sung thin hi. (Computer main frame) driver ngawt ai chuan an tangkai awm e.
Report this comment
September 30th, 2008 at 8:20 am
@Mahming i ziak thra khawp mai,mahse @Burbura sawi hi ka rilru ah a lo awm ve chiah nih chu,zurui chunga motor khalh ,meizial zu chunga motor khalh ching,an passenger te ngaihtuah miah lo te pawh hi an awm ve bawk a,bakah tawng pawhraw deuh deuh a tawng ching tepawh hi,hmanah Aizawl leh Lunglei inkar ah Sumo kan chuang ve a,Driver ber khan meizial a zu zel a,kawng a thui si a kual bawk si,a va han hreawm tak em!! Driver tha tak tak an tam tih erawh chu a hriata a lawmawm e.
Report this comment
September 30th, 2008 at 10:13 am
Deuh thlap thlap a, hming bakah khua leh Mobile no thleng tilang thlap a, i chut deuh roh a nih loh vek chuan i fel fe reuh te pawh a ni mahna. 70s leh 80s vel te kha chuan “Driver Sap” ngat mawle an nih. Driver fel leh hawihhawm tak tak an tam laiin, mawl leh thing fe fe lo awm ve ho hi ka tawng thei phian a, kei pawh, ben hrep pawh ka nei tawh, na vak lovin (ha ha).
Driver (abikin truck driver) ho hi AIDS thehdarhtu thawhhlawk ber te zinga mi a ni tlat nia mawle.
Report this comment
September 30th, 2008 at 10:17 am
Mizorama motor khalhtu motor dang leh mihring kawng kian thin zawng zawng khi an fakawm ka ti hluah hluah.Tin,hmelhriat miah loh motor a lo chhiat palha tanpui duhna thinlung neia motor dang an ding fo hmuh chang hian Mizo nih a nuam ka ti zual thin.
Report this comment
September 30th, 2008 at 11:47 am
c.5 a dik ngawt in ka hria i sawi khi .Mizo driver te hi Mizo nih tinuamtu chu an ni ve riau alawm
Report this comment
September 30th, 2008 at 12:00 pm
Upa ten an sawi dan chuan kum 1980 hmalam a Driver te kha chu mifel leh changkang tak tak anni a.. hawihawm leh tlawmngai tak tak anni hlawm a..1990’s hnu lam kha chuan an pha tawh lo hle a…hawihawmlo leh midang tana hnawksak tak tak an lo tam ta hle niin an sawi… hei hi ka awih zawng tak a ni… tun dinhmunah khian Mizoram Driver ho khi a tlangpui thuah an hawihawm lemlo in PUBLIC BUS, TAXI leh TRUCK khalhtu te meuh pawh khi an phurh a te ngaihtuah lek lova an duh duh a tal mai mai leh hawihhawmna tlachham tak tak an tam zawk in ka hria!!!
Report this comment
September 30th, 2008 at 1:26 pm
High School zirlaibu-ah Fakhlawh lo Valrual tih Vanneihtluanga ziak kha an zir thin kha, Driver chanchin a sawina a nia, a tha mai mai reuh lutuk…
Kan Mizoram kawng-a him taka motor an khalh thei hi chu fak tlak chu an ni chiang alawm
A lehlamah chuan thil reng reng hi lehlam nei vek ania, driver pawh ver lo pawh atha leh tha lo hi chu khawvel tawp thleng pawhin a kal kawp reng dawn a, khawvel tawpa rorelpui huna inthen tur chauh a nih hmel e…
Report this comment
September 30th, 2008 at 1:53 pm
Amanda sawi khi, ka khawngaih lutuk che lol. Complain dawn in driver a ti tau ang tih a hlauhawm si, sawisel lohvin motor ruih deuh hlek nen, meizial rimchhe bawk si nen, sumo seat nghenchhan a lu ngahna awmlo mutthluk dawn pawh a lu buk luk luk ngai, nghawng leh hnungzang kham duh bawksi, hrehawm tak ani ringawt.
Report this comment
September 30th, 2008 at 2:40 pm
Chhurliana teh hrep chu leh,a duh leh mobile number te chu hawrawp pui pawhin lo dah ang hmiang,i chut deuh reuh te han intih chu leh.Nang pui pawh hi driver mawl an sawi ang lek hi i ni ang ka ti. Hei a article ziah te chu a that em hi,mitin hian kan hnathawhna leh eizawnna kawng hrang hrang rinawm tak leh taima takin thawk ila tih te chu miril tak atanga chhuak tih hriat reng reng alawm..chut tak chu ani em loang
Report this comment
September 30th, 2008 at 2:52 pm
Sumo back seat a mut a han chhuak tak tak hi chu ka thi dawn. Nuam lo tak a ni. Aryan ( Ei-ri-an) sawi ang khian sil thum hi hmabak awm chhun a ni mai.
Driver fel deuh motora chuan chu nuam dangdai ltk. sawitur ngaihnawm deuh deuh hi nei ngei bawk sela.
Last year, phaia chhuk thlak leh dawna kan sumo driver mawlh kha. A mawwwl tawp. Mobile kan sawikaia ” Driver leh mobile chu a in rem lo em a, ka nei talo mai”, te kha a ti vela.
” In hmang tangkai thei ngawt ang chu, kawngchhiat ilo leh tawhsual tawh palh changin, a pawimawh alawm” kan han tih pawh khan a in ngaitlawm der vel hram a. Inla fel vel lutuk.
Kan chuanpuite kan thlah kuala, kei leh kan chuanpui nula leh a nau tleirawlte 2 chiah kan bang tawha, ” Zanin chu in inah kalo thleng teh anga” te a ti vel. A la ti tak em em mai leh nghal. Nula kha senior deuh lam hi a nia, polite tak khauh tak siin a hnial ta a lawm. Thing kalo ti mai mai khawpa.
Aizawl pawh chu a lo hrechhiang mang derlo, Upper Republic kan han ti chu Mission Vengthlang lamah min liampui ta daih mai. Kanlo tawngtui ltk kha kan lo hre hman hauhlo chu niin, kan nui tawp. Oneway ah a way lo zawngin a tlat puat maia, hlau deuh nuihza bawk si, va hah thlak tak e aw. Ka nui hawk hawk ta ringawt a nih kha.
Report this comment
September 30th, 2008 at 2:59 pm
Aryan chu ngatinge sumo travels ah te i chuan ve a, i in sawi hausak sak nen, va tlachhe tawh awm ve
Report this comment
September 30th, 2008 at 3:04 pm
@Wish_Bone, i comment ziah lai pawh hian i la nui tut tut lo maw?
Keipawh ka chhiar lai hian ka lo nui ve suk ha ha.
Report this comment
September 30th, 2008 at 3:16 pm
Deuh tut tut e. Kha a man khawp mai, a sumo a chuan chu. Experience tha tak a ni.
Report this comment
September 30th, 2008 at 4:03 pm
Lunglei leh Aizawl inkara Maxi cab driver ho hi,Mizorama route hrang2 a tlan ho zingah an fel ber, champhai -Aizawl an bawr ber a,Tlabung-Lunglei a uih ber an ti. Chhurliana chuan a chhur zia a tilang leh ta a ni maw!!
Report this comment
September 30th, 2008 at 4:12 pm
Awi,ku Muante, a sumo/maxi cab chu nge bawr a driver?
Ngatinge Tlabung to Lunglei driver/maxi cab chu a uih a?
Report this comment
September 30th, 2008 at 4:24 pm
Tlabung-Lunglei chu chuan loh hram tum tur anih chu.Kawng tluana uih rim hriat reng chu kan kai chhaks ang tih pawh hlauhawm e.Muantea chu hre mak em mai..nge driver ho ilo hnim hnai viau tawh zawk!!!!!!!!!
Report this comment
September 30th, 2008 at 4:25 pm
Dangpuithu an phur nasa a ni mai lo maw?? Chu lo chu a chhan tur a vang e
Report this comment
September 30th, 2008 at 4:42 pm
Driver hna te, doctor leh nurse hna te hi chu a hahthlak dan a dang. Hna thawhna a an la polite viau thei chu an fakawm ngawt alawm.
Report this comment
September 30th, 2008 at 4:43 pm
sillyBoy: A chhan tur awm ang ka sethiam lo keipawh,ka ngaihtuah nasa,dangpuithu ai chuan a uih ka lo ring deuh tawp a!!
Au Muantea lah a aia thu zawkin login a phal lo ani ngei ngei ang,a reh tlat bawk si
Report this comment
September 30th, 2008 at 4:49 pm
Ani hi tlabung lam chu lo kal thang hle anga,sawi tha leh duh lo aning e. @Irreplaceable Says:dangpuithu ai chuan a uih ka lo ring deuh tawp a!!
Dangpuithu ai pawha uih chu va uih awm em em ve.
Report this comment
September 30th, 2008 at 4:54 pm
@ Eli: Au Muantea sawi anih vangin a uih em em ka ring ve tawp,ani hi thil a hre rilin a hre thuk em a
Report this comment
September 30th, 2008 at 5:02 pm
Lunglei lam hi chu chut deuh deuh hi an tam ve reng reng, an thil lamdan in rawn sawi reng mai hi mak hlawm em alawm.
Nia Lunglei leh Aizawl inkar cab driver ho hi an fel khawp mai, mahse an fel leh lutuk avangin Passenger te tan harsatna an thlen, kan sawi ang e.
Aizawl atangin Lunglei ah ka phei a, Nitin hi 15 vel bawr kal a awm a, Maxi Cab pakhat hi a wheel chhungril deuh hlekah hian a chhia a, kha cab kha a hmasa ber pawla tlan a ni a, ava nangching apiang kha an ding nghal zel a, cab thenkhat phei chu kawng dal lek lek ten a ding a, cab ho zawng zawng kha an ding khawm ta vek a, a cab chhe ber kha mi pahnih pathum vel bakin han bawr vak hleihtheih pawh a ni chuang lova, darkar khat chuang fe an siam hnu ah kan kal a, kan tlai phah fu a ni. Hnahthial ah, Cab pakhat kha a chhe veleh a, a part thlakna te an han lei a, darkar 1 chuang zanin kan han innghakkhawm leh vek a. Passenger tam tak thlen veleha thil tih tur pawimawh tak nei te kha, min hre chang tawh miah lo, hemi ni hian kan thlen tur aia darkar 3 in kan thleng tlai ta a. Innghah khawm vek kha a mawl thlakin a thing khawp mai. Hetiang hi Aizawl lam service ah hi chuan a awm lovin ka hria. Pahnih khat kha innghak mai se, a zavaia han intawngpawng nghah ngawt kha chu a zialo deuh a ni.
An fel dan leh an hawihhawm dan hian mi dangte tan harsatna leh remchanlohna a siam tlat. Sim vat se a tha ang. MUANTEA hian hma han la teh, in khua te hi an changkang lo vah vah e mai.
Report this comment
September 30th, 2008 at 5:23 pm
“chhurliana Says:MUANTEA hian hma han la teh, in khua te hi an changkang lo vah vah e mai”….
Chu lunglei to aizawl driver ho chu lunglei khua ni vek turah i ngai tihna ani maw… Aizawl lamah lunglei service cab nei an awm lo tihna ami?? Hmana ka chuanna cab driver kha chu inla aizawl khua hle si,kawng tluan mai khan lunglei ho chu a ti sek mai a,mahse lunglei lama sunday cham a,nula rim te nuam a tih thu sawi hlut asin.Aizawl khua pawhin an lo khalh ve tho aniang..chuang tam deuh la i hre mai ang
Report this comment
September 30th, 2008 at 5:33 pm
sixt leh hertz te awmve se chuan kan han hire mai tur ania, mahse Mizoramah Sumo bak hmantur a awmlo a tin lawm. Chuan sumo ah hian mirethei chauh ami chuang thin a?
Report this comment
September 30th, 2008 at 5:34 pm
Hnahthial ai chuan Lunglei hi Dist Hqtr nei hmasa zawk feeee sia,an changkang zawk daih lo maw Pu.Chhurlian???
nang Hnahthial bial tu tur i ni sia(nangma insawi dan a nia) 
Nia Eli Azl-Lunglei service chu Aizawl lam hi mihring an tam zawk deuh sia Cab neitu leh Drivr hi Aizawl mi an tam zawk hmel keipawh ka ti
Report this comment
September 30th, 2008 at 5:52 pm
Awi amanda, ‘Pu Chhurlian nang nen’ tih hla i phuah mek ang chu ka lo ti rilru deuh ngawt a,ka ring dik chiah lo em ni?
Sumo ah chuan duh duh chuan theih,rethei pawh,hausa pawh kan khuaah chuan an thliar ve lem lo,ticket nei apiang an chuang mai!!!
Report this comment
September 30th, 2008 at 6:12 pm
Tehreng mai amanda…mihring tam zawk mai bakah aizawl chu mi hausa ho awmkhawmna ania,cab service tur nei chu an tam zawk ngei ang.Chuan aizawl mi hausa chuan lunglei lamah driver a rawn zawng duk duk lo bawk ang.Chuvang chuan aizawl-lunglei driver chu an mawl chuan aizawl ho chu mimawl an tam tihna ani mai…
Report this comment
September 30th, 2008 at 6:29 pm
Driver pakhat sawi ka la hre reng… Keini driver te chu mawl lo chi kan ni hlei nem. Mahni aia mawl handyman kan han duh ngei a, chung handyman te chu an lo driver a, an aia mawl an rawn duh ve leh a. A inzawm thui poh leh kan mawl tulh tulh mai a ni, a tia lawm
Mawl leh mawl loh hi chu Lunglei emaw Aizawl emaw nih vang lam a nih hmel lem loh ve 
Hetia driving school te kan lo neih tak nual hnuah hian kan driving quality hrim hrim leh kan driver te hawihhawmna hi a tlahniam ta zawk mah em aw, te ka ti mai mai. Mi tha leh hawihhawm tam tak chu awm bawk mahse…
Report this comment
September 30th, 2008 at 6:42 pm
Pu h.v a fiamthu sawi ‘driver in a aia mawl handymanah a chhawr a, driverah a kaisen velah a aia mawl handyman atan a chhawr ve leh a…fing ngaihna hi a awm lo re2’ a tih ang deuh khan a ni.
te pawh hian sumo travel chu an neih hi..
Lengzem a ‘driver sap leh sap driver’ te hi chhiar a manhla khop mai.
Lunglei-aizawl ah chuan savari tih a maw ni kha a la tlan em aw? Kha mi driver kha chu a fel khop mai. Tin, Pu Ellis
Report this comment
September 30th, 2008 at 6:44 pm
@adelfos min sawi khalh
Report this comment
September 30th, 2008 at 6:51 pm
sawi zau ta zel ila, mizoramah hian driving test a awm em, written test nge actual driving chauh an test thin le? ka zawhna chhan chu signal dan hi. Motor tlan muang deuh ten midang an in lehpelh tir dawn hian an dinglam driver side an signal daih zel a, ramdangah chuan dinglam side i signal chuan dinglamah i kal dawn emaw, i ding dawn emaw tihna ania. Kan tlanmuang duh a, midang kan in lehpelh tir duh chuan veilam pang, kawngsir lamah khan kan signal ve thung thin a.
Report this comment
September 30th, 2008 at 7:02 pm
keicu Guw-Azl sumo driver zu in nasa hi k soi ve lok duh..hmana kan chuanna phei chu cholh apiang khan a lo thli sen zuai2 hman ziah mai a..mizoram kan luh atang phei chuan a den toh khp mai..chetsualna poh Guw -azl inkarah hian a tam berin k hria..maxicab ah rau2 chuan..
Chhurliana soi ang deuh khi keiph k tng th Aizol-Champhai ah..champhai lam phei chu khualzin an tam em2 leh nghal a.kan driver soi dan khan maxicab 60 vel an tlan a t..sumdawng an tam aniang chu k t mai a..sumo 1 ke a cia a a hnung a mi zng2 an ding ve vek mai a..kawng thui nen,ruih deuh lehnghal phei chuan ninawm tk a ni..
Report this comment
September 30th, 2008 at 10:38 pm
@irre; Ka phuah hman trep thrin a,but @Chhurliana hi a lo chhur leh thut thrin alawm maw le
Ku Muantea hi a ti thinrim dawn thin a 
Driver ho chu sawi belh leh lawk ta ila,Taxi han chuan vel a,khawiah nge i awm?? enge i tih thin tih vel mai mai min zawh an ching hi a ninawm deuh thrin,@ irre sawi ang in kawngpui kan tur an ngaipawimawh thin erawh hi chu an fel khawp mai.
Report this comment
September 30th, 2008 at 10:46 pm
amanda: Kan tleirawl chhuahtirh vel kha chuan taxi driver leh sa zuar ho hian mi chhaih an hrat ka tia,ka ngei thei lituk.Mahse vai(ngalsin?) driver ai chuan an hawihhawmin an fel zawk ka la ti tho tho
Pu Chhurlian,nang nen tih i phuah hunah chuan a slur(silar) lai zawng ka lo sakpui ang che
Report this comment
September 30th, 2008 at 10:56 pm
@Irre:Hehe…keipoh dik tak chuan duhtawh thilah a fel lo ho ka rawn thur chhuak mai mai a,mi ngaihdan hriat nan
Vaingalsin DRIVER ho ka ninzia hi chuh sawi hian a siak lo 
min bum an chak zek zek ringawt mai anih hi…kan Pu.Chhurliana nang nen tih chu phuah zawk mai ta che in inhmeh zawk lo maw??? Kei chu @rultuha hi ka tlawn riau a 
Report this comment
September 30th, 2008 at 10:58 pm
@Irrete mangthra phots mai,2nite chu ka mut hma a ngai tlats mai
mang lam ah Alejtea ka tawngmial maithei asin 
Report this comment
September 30th, 2008 at 11:03 pm
amandate: Nite2. I mumangah Gothica post ohh alejtea i lo hmu ngei ngei dawn nia auh
Report this comment
September 30th, 2008 at 11:05 pm
Chhurliana’n mawl min ti sia ka zak rei deuhva. Champhai lam service hi chu an chhangchhia a,sumdawng an tam avangin an bawr viau zel.Tlabung lam uih nachhan hi chu in ring dik,dangpuithu rim hi a ni ber a,a khat tawkin chakma mawngtam nen.Tlabung bazar phei chu mawngtam bazar tiin an ko fiamthu thin.Driver ho polite na chu an inpuitawn thin hi a nia lawm.Hmanhmawh chuan sawi mai tur alawm,aryan.
Report this comment
September 30th, 2008 at 11:09 pm
Irre & amanda,Chhurliana’n mawl min ti sia ka zak rei deuhva. Champhai lam service hi chu an chhangchhia a,sumdawng an tam avangin an bawr viau zel.Tlabung lam uih nachhan hi chu in ring dik,dangpuithu rim hi a ni ber a,a khat tawkin chakma mawngtam nen.Tlabung bazar phei chu mawngtam bazar tiin an ko fiamthu thin.Driver ho polite na chu an inpuitawn thin hi a nia lawm.Hmanhmawh chuan sawi mai tur alawm,aryan.
Report this comment
September 30th, 2008 at 11:16 pm
Samaw Muante,chakma mawngtam ka la hnim loa,ka hrethiam vak lo a uih dan tur!!
Ku Chhurliana hi a fiamthu a sang em a,misual zinga fiamdawl deuha a rin a rawn fiam che anih ka ring!!
Report this comment
September 30th, 2008 at 11:47 pm
He thuziak chuan hei hi min hriatchhuah tir a:
Indopui 2 lai khan French sipai tlawm te chu German Sipai an ni nghal mai thin kha a ni a. Vawikhat chu French Sipai pakhat chu an captain chuan saw ta in lo lang dep dep saw han bomb rawh le, a ti a.. A ni chuan thuawih takin an hotupa thu ang chuan a han bomb darh vek mai a.. a tap nghal ta zawih zawih mai a.. Engtizia nge ni i tih mai le? an han ti a.. a ni chuan kha in lo lang dep dep kha ka nupui leh fanaute chenna a ni a, a ti ta a..
A nupui fanaute awmna tih hrereng mah se, a hna ber chu an hotute thu anga awm kha a ni miau si a.. rinawm takin a awm ta mai a ni.. tih a ni a..
Report this comment
October 1st, 2008 at 5:48 am
Samaw, irre & chhurliana: nizan khan amanda mut hnu khan ka mu nghal,hei ka thawh khalh tho a ni awm e. Hotupa, Zorunpuia sawi khian thil pakhat min hriatchhuah tir.Pafa hian bang an ping pa zawk chuan chhung lam atangin hnang a rawlh chhuaka,a fapa chuan a rawn rawlh lut leh thin a,nakin deuhva chuan a fapa chuan a rawlh lut ta hauh lo mai a,a pain a han zawh chuan ‘nichin khan ka kut i tawn tel daih alawm’ a ti.Ka thutlukna chu ‘sawive mai awm’ a ni e.
Report this comment
October 1st, 2008 at 8:33 am
Muante Samaw!!! zingah airport kan kal lawm thiante kan thlah a,hei ka lo haw chiah a ni e.
Thuawih hi a thra a ni han tih ngawt chi chu a va ni ta lo ve!!! Hotupa???
Report this comment
October 1st, 2008 at 12:44 pm
In va tho hma hlawm vele!! Khi Aryan thil rawn zawh motor signal (indicator) chungchang khi in va chhang har ve. Nia Mizoram chauh pawh nilo India ram hmn thenkhatah hian motor indicator light hman dan hi a dik lova. Hman deuh ah Aizawl ah chuan Local TV ah hemi chungchang inzirtirna hi an tichhuak tawh a. Tunah hi chuan a ziawm tawh fu in ka hria. Mahse thenkhat inti polite leh lutuk ho (Khawi leh khawi inkar emawni-a service ho bawk hi) hian an hmang dik lo leh thin alawm le.
Report this comment
October 1st, 2008 at 1:49 pm
Chhurliana hi a hming ang chiahin a mawl huih huih khawp mai. Pa ti deuh chet chut, midangte rilru ka tina angem tih pawh ngaihtuah miah lova, dawn tawi, inti fing ve fu si, mawl ru tak si a nih hi. Hetiang mi hi alawm Mizoram hian kan mamawh loh chu, Mizo zia a hre hlawl lo a nih hi, vairamah hawng rawh se, mawl lutuk, mawl lutuk.
Report this comment
October 1st, 2008 at 2:53 pm
Ka mawl tih hi chu ka zep lo, ka mawl let tawp tawp a ni ber mai (“mi fingin ka fing an ti ngai lova, mi mawlin ka mawl an ti ngai hek lo,” tih hre rengin, hehe).
Vanlalzakzum mizo zia chu min lo hrilh teh, ka va hre chak ve. I mi puhna te hi mizo zia chu nimai lo maw “dawn tawi, inti fing ve fu si, mawl ru tak si” tih te hi. han sawi belh teh. Mizo zia hi hre lo hian ka lo nei ru reng a ni lo maw??!!
Report this comment
October 1st, 2008 at 3:06 pm
Pi Zakzum Mizoram CM lani tur i biak danah fimkhur rawh.
Report this comment
October 1st, 2008 at 3:18 pm
@thaiboy. nia tiraw, chhurliana hnenah hian gas/buhfai/chini lakna tur lehkha ziah tir turin zingah CM bangalow ah kan la kal threm² maithei a sin!!
Report this comment
October 1st, 2008 at 3:27 pm
bmw&ThaiBoy:Chhurliana chuan Hnahthial a bial phawt dawn,Lunglei lam hnaih a duh hrih,chumi zawhah Aizawl lam a ngaihtuah chauh ang. Mahse tunah rih chuan i sawi ang khan CM musician ani phawt,chawlhni zing chhung inkhawma a chanvo kha amah tluka hlenchhuakzo an awm Babutean a ring lo ani awm e.
Report this comment
October 1st, 2008 at 9:23 pm
Driver-te nundan mawi= khi khi a tha khop mai, athat rual rual in driver tam tak chu driving-competitive vang hian accident emaw motor chhiat vang etc…an responsible duh khop mai mahse a tha vek tho alawm..
Report this comment
October 2nd, 2008 at 12:41 pm
Comment ka chhiar chhuak vek hman lo a Aryan thu zawh hi in chhan tawh leh tawh loh ka hre lo na in…ka hriat ve chin ah chuan Mizoram ah chuan road test/driving test an nei thin…Law test/written test erawh an neih ka hre lo. Eng mah mah test lo a license nei kan tam zawh mah awm mang nge aw ka ti bawk!
Kei pawh Mizoram signal light hman dan hian min ti buai nual tawh!
Report this comment
July 27th, 2011 at 3:55 pm
ÏÐÀÉÑ ËÈÑÒ ÄÅÌÎÍÒÀÆ…
minny…
Report this comment