Khawmu chawi bo!
August 14th, 2008 2:02 am | more than words | H.Vangchhia | 947 views|
|
Tunlai ang ah te hi chuan, ‘Khawmu chawi bo’ (khawimu ni lovin) tih ri pawh hre ngai lo leh enge a nih chiah hrelo pawh kan tam tawh ngawt in ka ring. Engle khawle, mi ram vak emaw, mi tuemaw, a awm tha hle hle lai bo ta daih (vanished) te hi,” e, khawmu in a chawibo a ni maw,” an ti thin!
Tum khat chu, 1980 emaw a hma hret emaw khan, Kulikawn leh Thakthing bazar in kar, Khamphei ti a koh ah khian chhungkua hi an khawsa a. Nidang a a lo tih fo thin angin, an pa ber chu a ramchhuak leh ta a. Hemi tum hian enge maw thil tha lo a chunga thleng ta ang mai hian a reh ta hmak mai a ni. Chutia chhungkaw pa ber ramchhuak lo haw talo chu, khawtlang in zawn an rawt ta a; kei erawh chu hre ve mah ila, ka la tet deuh avangin ka kal ve ta lo a ni.
Tlawng lui dung chu an zawh thla zel a, rei fe hnu chuan lui kam ah chuan an mi zawn chu lung tum hum in , saruak vekin a lo ding reng hi an zuk hmu ta a ni. An sawi dan chuan a lung hum lai kha an laksak hma chu a en ngai en reng in, a ngawi reng a, tumah pawh a be lo a ni awm e. A lung an han laksak hnu erawh chuan, a mah chuan tha takin a chanchin chu a sawi ta a ni.
A sawi dan chuan, a Nghal-mal hnu chhui chu a hnaih tawh hle ni tur a ni, a thaw ri suk suk te pawh a hre thei tawh a. Chutia ngawi reng a a lo chan lai chuan hnim kar atangin Nghalchang chu a lo chhuak ta a, a chung ah nula hmeltha em em mai, sam sei hniang mai hi chuang in a hmu ta a ni awm e. Chu nu chuan lung a hum tir hnu ah an khua ah te a hruai thu a sawi a, an khaw nawmzia te chu a sawi tui hle a ni awm e. “Chaw tui tak tak te min pe a, sa hemhmin te nen tui taka ka ei lai chuan ka lung ken chu ka dah a, kan hawi chuan changel hmun hlir hi a lo ni a, khua reng a lo ni lova, ka chaw tui tak tak ei te chu changpat leh katchat hnimte an lo ni hlawm a,” a ti a ni awm e.
An lo hruai haw hnu chuan a buai deuh tak avang chuan khawtlang in kan men pui thin a,tum khat chu ka tel ve ta nghe nghe a ( mi hawkdak tak kalo ni ni ngei tur a ni). Mak ve mai mai chu… mi pangai tak hian a awm a, inleng te chu tha takin a bia a..chutah le vawi leh khat ah, ” chu chu an lo kal e, min lo hruai an tum….” a ti ta chel chul mai a. Kei la naupang ve ta chu ka khur hlerh hlerh mai mawle.
Khatiang kha a ni a, Shillong lam ah ka chhuk san tak avang khan ka hre zui ta reng reng lova… mi(sual) ah hian khami chanchin te kha lo hre ve emaw, an chhungte ni emaw…engemaw awm hria kan awm em tiin ka han ziak a ni e. Ka lehkha hlui ah ka ziah ka haichhuak hlawl mai a. Min chhut thui tir kher mai.
August 14th, 2008 at 5:08 am
hre zawm lo awm ula, hriat zawm chakawm hle mai a.
a hming awm emaw tal hria kan awm em o?
August 14th, 2008 at 5:27 am
a ngaihnawm dawn chauh a, a tawp daih a….
August 14th, 2008 at 9:22 am
khawimu chawi an tih hi chu ka hre fo tawh, kan khaw pa bo phei chu tun thleng in an la hmu lo, its been one year now.
August 14th, 2008 at 10:19 am
Pu H.V a rawn sawi ang deuh hi chu Malaria PF vei pakhat chu ka hmu tawh..a natna a chhuah loh chuan apangai reng a..mahse a rawn chhuah tawh chuan midang kal hmu te in a insawi a..midang ralkhat ami te hi a phone a bia awm deuh te hian a tawng mawlh mawlh a !!
@wonderboy leh luliana te khan han sawi zawm teh u!
August 14th, 2008 at 10:35 am
Pu HV chu va hre ngaihnawm ve,a hria chuan han chhunzawm vat vat teh u.Awi,changpat ei khi ka rap reuh lutuk!!
August 14th, 2008 at 11:16 am
hetiang lam hi kka hlau thei lutuk,ka chhiar ta kha ka inchhir ka mu leh thei lovang,ka thau ah min man!
August 14th, 2008 at 1:46 pm
Kha pa kha maw, a ni tak a sin, in han sawichhuah takah chuan.
A hnu deuhah khan chuan menpui em em pawh ngai lo khan a tha chhunzawm ve leh mai a. Mi sawi danin hetianga khawmu chawi bo lo kir lehte hian rilru buai deuh hi an nei duh khawp mai a. An ram va fanpui thin, ‘Thlarau Khawvel’ hi kan khawvel nen hian a danglam em em thin a. Chu chuan an ngaihtuahna kha nasa takin a tibuai a, thil hmuh sual leh thil hriat sual an nei fo duh niin American Ghostlifter Research Center-a zirbing mite chuan an sawi.
He pa pawh hi a hnu deuh leh tunah te pawh khian amah chauha a awm han en vang vang hian engemaw chu hriat a nei em ni aw, tih theih tur a ni a. An ‘thlarau mit’ keu hawnin a awm tawh a, chu chu “Ghost” film-a kan hmuh ang deuh khan, an zu hmuhchhuah thla hnih khat chhung kha chuan ‘thil tak’ hmuh chu a nei ve ngei ang. A lo rei telh telh a ‘hmuhtheihna’ pawh kha a lo tlem ta tial tial a ni mah na.
Tawk mai rih teh se.
A ngaihnawm em? Ngaihnawm in tih chuan ni dangah klas off ka neih leh hunah ‘dawt’ ka hrilh leh ang che u. Saw, kan next klas lectrer lo thleng tawh tlat!
August 14th, 2008 at 1:56 pm
Serc Khamp,American Ghostlifter Research Center heheh
Awm ang ve lituk,ka chhiarlai tak hian ka rilruin hepa chu 1980 vela thil thleng hria anih chuan a naupang tawh lo ang te ka lo ti vel…..hehehe
August 14th, 2008 at 2:10 pm
@Irreplaceable: Serc Khamp.. hi a upa tawh a lawm… 1980 chho vel te kha chuan.. pian a tum tan mek lolzz
August 14th, 2008 at 3:56 pm
Ramhuai hnathawh ni ngei tur a ni.
August 14th, 2008 at 4:15 pm
Serc Khamp : i ziah ka chhiar tirh khian i lo hre ve emaw kan tih hman tep chu le a hairhai
August 14th, 2008 at 4:33 pm
Keini poh hmanah bawng kan vulh thin a, voikhat chu kan bawngpu chaw phur hi alo haw ta miha lo a, a ngaihna kan hriat looh mai bakah a tlanbo te anih kan ring a. Amah chu chheterjee hnam ania, ngoichoi deuh, chuti em2 a hmelchhia poh ani lo a. chuan thlakhat hnu hian a ron let leh hlol mai a, mizo tong a thiam em2 lo a a tong tlem chi ani bok sia, a soi dan chuan khatia a bo chhung khan nula ho ten an hruai a an enkol thu a soia Ka nu te ho chuan lasi an nih an ring a, kan bawngpu poh chu a ron let leh hnu cuhan engemo ni deuh “chhe” hi a ron nei in ka hria a hnu lokah a bang ta deih a, thil mak tak chu ni ve in ka hria.Chung lai vel chu 95-6 vel aniang.
August 14th, 2008 at 6:20 pm
Haha…Pu HV, i post ka rawn tihbawrhbanna lam ni loin han hre tur awm ang an awm loh hmel ka ti deuh a, ka uang ta chiam nih khi! No ofnc, plz
@pi irre, i awih loh chuan han Google la…
Ka rawn uanna chhan tak chu hman deuh, 2000 kum tawh khan Serchhipah kan thenawm hnaiah naupang kum 8 mi vel hi a thiante nena an ram kal a bo daih mai a. A thiante lah chuan a hawsan emaw an lo ti vei thul a. Zanah chuan kan khawtlang buai ta nek a. Chuta upa lam ho thusawi ka hriat ka lo ziak nih kha.
Tichuan naupang chu kan zawng ta luai luai mai a. Mi bo zawn ni 7 a liam ta, hmuh tik reng awm thei si lo a. Ni 12-na-ah Hriangtlang paho ramchhuakin Khaileng lengkir sang zet maia bung zar phei duai maiah a ler, mi pangngai tana kal ngam chi ni reng reng lo-ah hian artui a kuta humin hawi sawn miah loa ke then lauh lauhin a lo thu a. A tirah tak phei chuan zawngte emaw an ti hman a.
An koh pawhin a rawn chhawn eih lo reng reng a. A tawpah Serchhip Kawnpui pasaltha huaisenin fimkhur em emin a va lawnchilh ta a. Tlak palh vaih chuan ruh chu a tliak ve nual ang. A sang ropui mai si a, thliin tui siper hi a rawn len chho hem hem reng bawk a.
Muangchangin naupang chu a pan a, a va ban phak chiah tihah chuan, Valte, lo kal rawh le, a ti a. Naupang te chu muangchangin a lo hawi a, a hmai chu a khem sen nung mai a, a mit kual a duk ruih bawk a, a sen truak a. A va ban chiah tih chuan naupang te chuan a lo thren khum nghek mai a. Pasaltha hlau lutuk chu thing zarah chuan a back phei ta zawt zawt mai a, tih tur chu han awm se, dawt vek! Vawiin chu nuam e!
August 14th, 2008 at 6:35 pm
kan hmelhriat 1 zu in nasa ltk poh hetiang deuh hian a awm a,vanram te a fang vel thin a,civil hospital psychiatry ward ah bang a chim don a tia kan nem pui vel…hehe…
August 14th, 2008 at 6:36 pm
Serc Khamp chu phuah ang ve hle mai a,thlahrang bu te siam ve la tha ang a,hehe..a top ber line ka chhiar hma khi chuan tak2 amo te ka ti vel…hee
August 14th, 2008 at 6:51 pm
xTx, kei aiin Pu Zorama hian a siam thiam daih ang
August 14th, 2008 at 6:58 pm
Serc Khamp chu..h… Chief Minister ang mai alawm le…
August 14th, 2008 at 7:06 pm
@serc
min va ti nui nasa ve le…hehe
thildang ah ka la buai a mail ka la reply hman lo a…
August 14th, 2008 at 7:44 pm
wonderboy, keini mail te kha zawng long term plan nih kha! Sawrkar laipui kalin muang ruih khan le!
August 14th, 2008 at 8:06 pm
Khawmu chawi hi ka hre ve nual a, Mizo te choh lo pawh hnam dang zingah pawh a awm ve tho mai.
Shan atate, Burma ram China ram depah pawh pa-1 a leilet haw kha nula hmel tha tak2 pa-7 hi an lo in kawibah a. An hmeltha nen an thiam hlom bawk nen, a thuan put lai chu thut nan a hmangin a en a, revak loah an bang a, a haw ve ta mai. In a va thlen chuan an chhungten an lo tah nasa mai,”khaw nge i kal a? i thi tawh emaw kan ti a!” an lo ti a. a ni lah chuan “nula kawibah ka en zawk a, ka rawn haw nghal mai a lom” a ti a. A chhungte chuan “leileh hlim a i chuak kha enteh tunah chuan buh zawng2 pawh kan seng zo vek tawh a lom” an ti a. A ni lah chuan reilote choh angin a ngai, a thuan put chu an en a tlumpiin an lo ei nget nual tawh tih a hmu chuan mak a ti khawp mai.[ka nu sawi]
Tahan-ah pawh ka hmelhriat kan naupan deuh laiin ni-3 leh zan-3 chhungte a bo thin a khawtlangin an zawn pawn an hmu thei ngai reng2 lo, a mahian a chang chian a rawn hawve leh mai thin a. A changchuan mi in hnua a tang ten a rawn chhuak a. A sawi dan chuan “pa sang deuh mai hian min hruai thin a, min pungpulut a Tahan zawng2 hi ka hmu thei vek ” a ti a, a ril pawh a tam ngai miah lo. A khat tawk hian a bo leh zoh thin a, rawn haw ve leh mai bawk a, an zawn pawh hian ” ka hmu reng che u a lawm.’ hi a ti a mahse an koh hian chhang leh hi a hruaitu hian awih lo a ni awm a ni.[keima hriat nge]
Ka pa thian pa-1 pawh an ram chhuahnaah ni-3 lai bukah a rawn kir taWH lo a, an ngaih tha loin an zawng a, lungpui chhungah hian ngawi rengin a thu a, ruah a sur pawn a huh ve miah lo a ni awm a ni. An zawt chiang a,a sazuk kah kha ramhuai ho lalfanu a lo ni awm a ni chu2 an loin khing ni in a sawi a. An rawn hawpui a thla-3 chhung vel chu thi leh2in sam pawh tlakawlh vengin a dam lo.[ka pa sawi]
Ka la hre teih in ngaihthlak paih chuan ka rawn ziakzel ang.
August 14th, 2008 at 8:14 pm
Ngaihnawm lawm le, sawi zel teh. A hrim hrimin thlahrang in sawisiak ang u, phuahchawp awih lohin.
August 14th, 2008 at 8:15 pm
Ron ziak zel la a ngaihnawm a lom tunlai ah thawnthu/thu ngaihnawm in hrilh a khat a lom le…inthlahrung reng2 suh naktuk chawl a lom le…han sawi tlaivar thak teh…mahse spellin khi!!
August 14th, 2008 at 8:17 pm
Thianpa ‘Dakzara’, dawt sawi ching deuh kha ka va ngai. Tihtur hre loin awmkhawm i la, dawt kha sawi leh mai mai i la…
August 14th, 2008 at 8:41 pm
nia ron soi zel teh u…CM speech writer tur lo zong ila…hehe
August 14th, 2008 at 10:02 pm
Thil mak tak tak khawvel thiamna in a hrilhfiah theih lem loh hi Mizoram ah pawh hian a awm nual in ka ring!. Hetiang lama in tui chuan, Readers Digest siam..”mysteries of the unexplained” kha a chiar tlak khawp mai.
Mizoram a motor khalh lut hmasa ber Pa Rochhinga (Thakthing, Aizawl)fanu, kan u, Remliani C.D.P.O hi Hnahthial (a ni ta in ka hria) an post laia an chhungkua a thil thleng kha a mak ve khawp mai.
An in ah hian corom board an khel thin a (inleng ten) card te an deng thin bawk a ( time past). An zingah chuan pa pakhat a hming ka sawi thei mai talo…chumi chu a awm ve thin a. U Remliani hnen ah chuan, “Pi Rem, eng sa nge i ei chak tunlai,” hi a ti a..a ni chuan Sakhi, a lo ti ve mai bawk a… a tuk chuan sakhi pum (la chan loh) hi rawn pe ta mai a. Chutiang chuan, a sa duh zawng kha a thlan tir fo mai a…an ngaih a tha talo deuh aniang…an nupa chuan” hmanlai a Lasi zawl an tih hi a awm tak tak em ni dawn le…kan ramsa ei duh apiang a rawn hawn thei ziah mai hi,” an ti ve mai mai a…(an nupa karah chauh)… a tuk atang chuan chu pa chu a lo kal leh tawh ngailo reng reng an in ah khan…. chu a chhap ah, kawng a in tawk tur anga an awm pawn, hmu lo angin lehlam hawiin a kal sawn daih zel…. kia hua….
August 14th, 2008 at 10:17 pm
pute tlawn dan zirtir tu khan a zirtir kim lo deuh mai anih hmel e…kha tiang sa kha engtin nge a neih theih dan tur kha an chhut pha ve ani ange..!!
August 14th, 2008 at 10:20 pm
Lasi zawl chuan an sawichhuah chuan an inngaihzawnna kha a tawp daih zel lawm.
(Lasi Zawl: A awmzia chu Lasi nena inngaizawng tihna a ni mai, Lasi hian sawichhuah an phal lo. I sawi luih chuan in break-up nghal a ni mai.)
August 14th, 2008 at 10:33 pm
chepahakhata— tak tak nge dawt poh ka hrethiam lo, serc khamp hian a ziak nasa ltk a, ka awih hman zel a, a topah a phuahchop a ni zel bok sia
August 14th, 2008 at 10:35 pm
Eng lehkhabu nge ka hre ta lo, Mizo a nia. Chumia ka tuipui deuh chu Myanmar (Kachin State ni mai thei) -ah khian dil mak deuh mai, Japan sipaite pawh an bo vek tih vel kha, a awm a. In hrechiang deuh em?
August 14th, 2008 at 10:42 pm
hetiang lam hi ngaih nawm ti deuh si hian ka hlau em em a,sawi mai rawh mahse hlauh awm lo deuh in
August 14th, 2008 at 10:46 pm
1995 khan Tahan-ah unaua tleirawl-2 Tuikhintah an ram chhuak chizawl hnah thlam chungchih tur an zawng a, a tha an hmuh mai loh vangin a hla lam an pan zel a. Sakhi te hi an hmu a, man phak lek2 hian an um kual an um kua a.tla ni a lo hniam a, haw a hun a, an hmaah hian malian sasei deuh hi a kal chu2 an haw kawng a maw ti in an zui ve zel a, a ni an khua nen letling thawk a nia. Thahdo ho khawram an va thlengh chu thlaN MUAL A LO NI A, A U hi a dawi deuh zawk a,tlangawihah chuan an tawlh tla a. Rampa lai leng ngawdur ni pawh hmuh theih loh khawp pik a nia. Chin state, Tawnzawng township hi ngawpui leh ramsa te tam na ber a nai. Kar-1 chhung an bo a.
An thian rual, chhhungkhat zawng2 chuan an zawnpui a, an beidawng hnuin , Tahan Centre Thalai pawl an ruai ta a. Tahan atang mi -80 chuang kan kal a, mahni ei tur buhfaI dut no-32 leh thawmhnaw kan phur a. An awmna Tuikhin hi Tahan atang miles-38 vel bawl a nia. khaw dang a tang mi -30 vel an rawn tel ve bawk a, July tla ruah tam lai leh kawng diak lai a nia.mile-1 dawn2 te hi kan thirsakawr kan pu thin a.
an khua kan thlen chuan mi tam tak chu an dam lo nghal a.
Atuk a ram a kal turchu mi-30 tha choh ka awm thei a. Tukuli silai-2 chhe zet mai chu kan paive a, chawfun tlem tukthuan tur kan pai a. In ngahkhawmna hmun tur Hnanlung lawi bunghnuai chu ka thleng hmasa ber a, hmeh ka nei si lo a,thoro bu bungkung a min chu ka perthla a, thian pan luiah a lo chang a, a no thlawk thei hlim pa-2 kan nei t a. mi-4 kan ni si a, kawrte lam ah sangha kan dam a, ngavawk lian zet mai pa-2 ka man hlawh a, kan thian te dangin nghavawk-1 aikam lian tawk-2 an man a. Kan han hem hmin a chaw kan ei kham, chu ka mu vang2 a thiante ho an raWN thleng ve chu chi leh nghapih chiah ei tur an nei a.
Kan kal dan tur chu kan ril ho, Sehsih lamah mi-19, Natmiang Lui Kurung lamah mi-17,tih kanin thwen ta a. SESIH khua kan kal na tur chu tlang chhim lam , Nat Miang lui lu lam ni in an sawi a, ka kal na kha map an ziah kha lo dik la a thlwen tih reng2 awm ta lo chu . Zing chaw ei kham a tang eng mah ei in awm tawh hek lo a. Thangtunmg zik te kan kheh a, tiamtip hnah te kan ei vel ta mai2 a. vangvat lah chu hnah-1 hian pa-6 te an awm a, a kal hmasa hi an kai lo deuh a, hnuhnumg lam hian kan kai tam thei raps.lang sang lam chu kan pan zel a tui lah awm lo, a chhim lah tlen reng2 awm thei llo a ai sang a lo awm zel a. zan a lo thim tan a riltam thuihal nen thleirawl ho ka tinrim in ka tawlhtla a.kawr chengcheh deuh ah hian tui chete a lo awm ve a changel hnahin ka dawh a riah lah chu a sur sung2 a, dawh thma tling mang si lo in. thereng lah chu an tam em2 a rual a an kiang a kan han kal hian an lo hram leh vek zel thin a beng a na vek thei . Chaw chu zan dar-10 pm ah kan ei a. A chung lawk tlem a mual deuh ah meipui kan chhem a ka mu tawp.Zing kan tho chu ka hnuaiah hian vangvat thisen puar lutuk mai hi an lo tla teuh, tlip, thosi, vaihmite lah chu an tam mm.
ka thiante kalna hnu ni awm tur chu kan chhui zel a, sa lah chu an tam khawp a, sazuk, savawm, sakhi, zawng, sanghal..etc… kan thawm a vang atlan chia kan hma lawk2 ahian a awm hlawm a. an mawng kan va pet hman thelh a ni. Ni leng ka zawng a,hmun thenkhatah chuan leitha ui hi a awm a,” chiaber dawn a an ruang te pawh a ni mana kan ti a buk ve zawng chu ka en kual a, mahse leitha ui a lo ni zzel mithi rim nen in ang ve tak a nia.
lui lam kan pan a chaw ei tur kan han chhum a, mahni buhfai phur theih kha hei hi chhum ruuu! an rawn ti chelchul hlawm a, a chhan chu tlangah chuan mahni pheikhawk pawh a rit duh em a. chaw kan han ei lah chuan chi leh ngapih choh hi a nia, ka la in chuh thin sapbai.
Ni-2ah pawh kan la hmu lo , kan kalna khua tur pawh kan la thleng llo tlai ni tlang dawn lamah chuan Sesih ho thlawhhma kan va hmu a, a sang tha leng khawm mai
khawr a tang chuan kan pan ding nghal char2 a,in khua teh miles eng zat nge kan ti a, rei lo te in kal a nga in tleng mai ang? an ti a. kei ni tan chuan tamchhawl khawp a kalna tham a ni a. Ei tur an khua ah lei tur kan zawng a, ar tui pum-7, kan thleninte ui tuai te choh lo chu lei tur awm hek la, ui Ks/-350 in kan lei , kan tlenin pa chu an khaw hosa ber a ni nghal der. A PAWISA CHU A ipte ah a ak a, a dawm achhuat lai hian a vei2 mai nihlawh a in ti hmel khawp mai. Vaihnite karah kan han puah a, kan ei chu kaN tam hah nen tumah kan in be lo reng, a ruhkawl tla rinawk2 a, ka sa ban hi kut a in suh deuh nawk2 a, manhla khawp mai.
Zing kan tho Sebawh khua kan pan , chun laiah kan va thleng a, sazuk kap an lo awm , an lalpan a va hruai a, tam deuh mai hi tlawm tein an lo lei tur a, chaw chu puar takin ka lim leh nghek a. Tuikhin ka va tleng chu kan mi zawn te chu a lo awm tawh a, Natmiang lui kha pum siam in an in let tlak ttir a, an khaw dai ah an lo chhuak a ni awm e. an khua a tang ka chhuah tlaiah a nia , min rawn zawng leh a a ngaw lutuk min raqwn hmu ta lo a.
Zanah thla hualna kan nei a, ram kal ve thei lo ho khan sangha an lo man meipui kan chhep a, tlanglam hla, lengzem , etc.. kan sa a ka lam vawt.
chaw ei hma zu zuarin chu a lun tak2, nutlau hmel tha ve tak pa-1 a awm ve an i n ah rim tu kan leng lo. Hakha nula deuh hlir a ni a, tawng ka la thiam hrih lo a, Mizo tawng hi ka thluk awn tawp a, an nui nasa rapss.
Atukzin thlahualna chawhlui kan kil leh a, kan in phur haw a, an in ah chuan an chhungte leh thalaite an lo awm mup2 mau , a nu leh pa chuan thi thawh a hial an ngai , kan va tleng chu lawm a vangin an mittui chu a sur nasa teh ania.
Heta anmahni hruitu hi a bo leh deih zel a, a chang leh a rawn lang leh thin ni awm a ni. kan kal na vel ah khan keipui a rawn hahum dur mai a, tukuli che deuh nen chuan an han en tthlithlai a, muan dang a mi a nih tih ka hre si a a, ri a tang khan”chu keipuio chu ka eng lo a ti ding a lom le” ka tichu ka thian te ho dawi zek ho lah chuan hlauh nak laiin lo fiam thu min ti a. a hnu chuan kan fiamthu thupuiber a lo ni nghe2 a.
August 14th, 2008 at 10:50 pm
dawtti kher tawh suh hei ka chang che a nia
August 14th, 2008 at 10:56 pm
chepahakhat hei hi i real life experinced nge thawn thu bu a mi???ka awih lo deuh.sawi leh zel teh u.
August 14th, 2008 at 11:05 pm
E khai! Va ngaihnawm ve, Chepahakhata le!
I tawngkam hman hi ka duh tlat! Mizo Tawng dik tak kha a ni. A chiang bik tlat lawm! Hetiang hian thuziah thiam ve ka chak.
August 14th, 2008 at 11:08 pm
dumput, keimah em ni mi biak? Sawi tur ka hre ve lo, ka hre chiang lo ka tih kha. Dawt bak ka sawi thiam lo.
August 14th, 2008 at 11:10 pm
Serc; Lake of no return tiin a bu ah chuan an ziah kha .
British sipai ten Japan raldo nan a an kong siam in a paltlang a tih kha mo le.
Ramhuai in an sipai officer mumang ah te a warning vel kha .
Lem ang reng?
August 14th, 2008 at 11:14 pm
dawt chu a nih hmel loh ka nuleh pahichu dawtsawi haw mi an ni a an sawi pawh hi dik ngei ang. A dang kha chu keimah ngeiin ka expi ve a.
August 14th, 2008 at 11:17 pm
Naupan laia ka chhiar a nia.
Rala tanga en chuan rawng chi hrang2in a lang; UFO thlawhna tumhmun niin an ngai; eng element/chemical emawin radiation chak tak a pechhuak a niang; etc, tih vel kha ka hre deuh!
August 14th, 2008 at 11:24 pm
Chepa… hmanah kei pawh mi bo zawnnaah ka kal ve tawh lawm. Mahni bo daih zawk te pawh ka hlau rum rum.
Rampalailengah helam hi a ni ang em, nge helam tiin rilru a buai duh khawp mai. Sa kalna khan kaw deuh leh kawng tum awm deuh hi kan han bih ngawt zel a.
Vangvat, thosi, vaihmite, thomitchhaih, etc. hi ninawm duh a nih hi. Keini pawh ni 2 ngawt kan zawng lawm, kawr leh kham leh khan zawng2 kan suar chhuak a. Hahthlak duh lutuk tiin ka ngaihtuahna te a kal vel mai mai a. Dawt sawi hi eng vang nge ka sim theih loh le aw?
Ram kal hi dawt sawi loah chuan hahthlak zet mai a nia. Kawr velah te hian chet zei a har duh khawp mai!
August 14th, 2008 at 11:27 pm
kei poh. ka la hriat dan chuan ‘Thil mak Bu ” tih ami ni in ka hria ,mahse rihdil chung chang an ziah te nen i hriat polh a mo ni chu o ka ti deuh. E , ni leh lo , . A khai chiang lo teh nuaih e mai ka soi leh lo mai ang. hehe
August 14th, 2008 at 11:28 pm
ka la hmu lo vek!! naktuk ah ka chhiar tha leh ang…ka hmuh loh chuan ka ring lo!!Thluak lam ah harsatna ka nei ta thut anih leh hun ruat tu hian ka hun a ruat ve ta ni mai a…!!!kanidari
August 14th, 2008 at 11:28 pm
ka thian Tidimpa sawi chu lasi a zawl a, zanah hian a lasi chu a va rim thin a, in nuam tak mai hi a nia , apuantahna kiangah thuin a rim thina. A chass hian haw tawh rawh khawvar hma i haw lo chuan a tha lo a ti a. A awm lui a, khua a lo var chuan a chass chu ka haw a hun a ti a a bo deih a, a awm na chu kham pang sang em2 hmawrah a lo awm lek ni in . A chass chuan “i ram vak a nga savawm lian deuh2 an lo kal a nga, a var kha chu kap suh ang che.” a ti a. a ram chhuak chu a chass sawi ang ngei chuan savawm chu an lo kal , a var chu a it ta tlat mai a kap ta a. Lasi ho chuan an rawn man a, kan lal fa nu ngahnge i kah an ti a. Lunginah an khung a, a chass hian a rawn kan ve fo bawk a. Vanneih a siam in , an lal chuan damdawi lam zir la a tha ang a ti a, kum-2 chhung a zir a.
Kum-2 a bohnu chuan an khua a lo haw leh a, mak an ti khawp mai. Achanchin te chu a sawi a, Dr hna chu a thawk a, thiam em mai a. Lehkha pawh zir ngai lo a nia, tunlai damdawi ang te hi ahman na dik takin a chawh vethlap2 thei. Thingzun leh rah hnah ho te a hmang a tun thling pawh hian a la dam a ni awm e. Tidim township a khaw-1 a la awm a ti ka thianpa chuan.
August 14th, 2008 at 11:36 pm
‘Thil’ hi chu awm ve alawm!
August 14th, 2008 at 11:36 pm
ka thian ve thung chuan engmah hetiang lam ala tawng lo…khawmu leh lasi hian an chawi bo ngam ve lo ani ange!!!
August 14th, 2008 at 11:43 pm
myself, hetiang thil hi ka ring tihna ni loin, ‘tawng lo’ tih zawngah khan - tawng chu uihum lek an ni.
Kei chu pawi ka ti lem lo nain, tuna ka sas hi then ngaih chuan ka yes lo ang. Akeke! Mihring nge nge!
August 14th, 2008 at 11:49 pm
typing mistake ka va nei tam ve min lo ngaidam ru. Ka hman hmawh lutuk deuh a ni.
August 15th, 2008 at 12:01 am
A ngaihnawm tho
naktuk vaiho independence chu a, ka phur lem lo mang e. Mizoram Independence Day hi engtiknge kan lawm ve ang aw!
August 15th, 2008 at 12:14 am
Hahaha…A lo han mak teh lum2 ve…thawnthu bu va nei mak ta ding….
August 15th, 2008 at 12:16 am
Lake of no return from wikipedia
(Nawng Yang in Burmese) is a small (c. 1 km length?) body of water lying south of Pangsau village, the first habitation in Burma (Myanmar) on the Ledo Road, 2 km. east of the Pangsau Pass (3727′) on the India-Burma border.
The Changlang District website of the Government of Arunachal Pradesh, India speculated that the name may have been given due to the number of Allied aircraft which crashlanded in it during World War II.
According to another story, a group of Japanese soldiers returning from battle lost their way and ended up at the lake. There, they were stricken by Malaria and died and hence it is called the Lake of No Return.
According to a third story, US Army soldiers sent to examine the lake were trapped by the undergrowth and perished trying to escape.
It is said that one day a pilot was crossing the lake when he was astonished to see prehistoric wild animals
August 15th, 2008 at 12:19 am
a paragraph top ber khi chu ka oih lo…burmese python tih vel emo a hmu sual aniang…[:)]