Hmandang ho min hmuh danah leh kan kalphungah chuan kohhran hi a tawpna a ni ta zel mai a. Kohhran kan belhchhan chu kan hre theuh ang.
Zawhna ka nei: Kohhran hian kan nunah hian engtia thukin nge thu nei se kan duh? Mizoram kohhran ho pawh an lian zel a, an thang zel a, engkimah kan rawn a, engkimah kan hmang bawk. Kohhran hian domestic violence-ah te hian inrawlh se, theihtawpin counseling leh awareness min pe ta se, enge kan an zel dawn? Domestic violence te hi a tlem phah ang em?
Similar Posts:
- Genocide (ode to the ***)
- Zoram tan nghawng a nei em?
- Population control hi
- Fa neih tam hi bawhzui ila
- Zoram tan engnge i tih ve theih?
January 8th, 2009 at 4:09 pm
hei chu a topic hi inhnial leh luih luihna tham anih hi mawle. mhc, hetiang lam ringawt hi chu kan ning deuh thin a.
[Report abuse]
January 8th, 2009 at 4:10 pm
‘Mizoram sawrkarphenah hian Synod a biru kuk’ ti ila tam tak chuan dik an ti viau mai thei a ni.
Kan ramah hian Pathian thu awih lo, kohhran thu awih si kan tam khawp mai, kohhran hi kan pathian a, kohhrana kan inhmana, thawhlawm kan thawh tam chuan kan ngaih a tha a, vanram kan kai ve mai theih te pawh kan inring thin, kohhrana inhman hi veng chhunga nu chal lang/pa chal lang nihna a ni bawk a, chuvangchuan kohhran upa nih pawh a hlu a, upa thlan dawn chuan a ruka campaign pawh an awm thin niin a lang.
Kohhran hian vantlang nun dan tha mipuite-ah zirtir sela, kan khawtlang nun tlahniam zel pawh hi a zia awm sawt ang. Tuna kan kal danah hi chuan thawhlawm thawh tam te, Biakin tha neih, Sound system tha, kohhran member tam tih te hi Thlarauthianghlim aiin kan ngai pawimawh ta zawk a ni mai law’ng maw.
Kan hmuh phak, kan thenawm khawveng maiah thlarau nun leh tisa a tranpui ngai em em an awm reng lai pawhin ramthim kan vei san a, ‘Tamthim” kan ti a, sikul kan sak sak a, kan kohhran member an nih theih nan theihtawp kan chhuah a, kan kohhran mi an nih loh chuan tranpuina te kan pe duh lova, kan sikul din-ah pawh an kal ve te kan phal lova, kohhran dang atrangin kan kohhranah kan lawmlut a, kan kohhran member an pun chuan hlawhtling kan inti a, an thlarau dinhmun lam kan ngaihtuah tak tak lo. Heng zawng zawng te hi Thlarauthianghlim a tranga chhuak a ni thei a ngem.
Kohhran rawngbawlna hi ka sawisel hran lo, ama’rawhchu Thlarauthianghlim kaihhruaina atranga rawng kan bawl loh chuan tumah Pa hnen kan hruai thleng lovang, kan ram chhungah sualna a reh lovanga, khawvelah remna leh muanna a thleng ngai hek lovang..E khai a sei ta hle mai duh tawk phawt ang.
[Report abuse]
January 8th, 2009 at 4:12 pm
4th para a mi ‘Tamthim’ tih khi ‘Ramthim’ tih tur
[Report abuse]
January 8th, 2009 at 4:19 pm
“Kohhran hian kan nunah hian engtia thukin nge thu nei se kan duh?”:
Pathian din kohhran anih cuan kan nunah thu soi tu ber ni tur ah ka ngai kei cuan.Or, kan nun khalh ngil tu ber a ni ti ila kan ti sual tam lo maithei). Keimahniin kan duh thu in Kohhran thu neihna hi kan bawhpelh or tawp chin, thuk zawng kan neih tir theih ah ka ngai lo.
“Kohhran hian domestic violence-ah te hian inrawlh se, theihtawpin counseling leh awareness min pe ta se, enge kan an zel dawn? Domestic violence te hi a tlem phah ang em?”:
Hei hi thil tih chi tak ni turah ka ngai. After all, kan tet lai trangin Baptisma kan chang a(mahni lawina threuh kohhranah), Sande Sikul kan kai, Sakramen kan zir, Sakramen kan ei/in(?), Kohhran Dan in mi an innei(marriage), mitthi an awm in an lawina thrin kohhran Upa/ Pastor etc. in an vui.
‘Tiang khop cuan Mizote leh kohhran hi thren hran theih lo tluk (pian tirh atranga thih ni thlengin) kan niin ka hria. Cuvang cuan, Domestic violence te poh kohhranin hian ti rem turin bei ta se, i soi angin theihtawpin counseling leh awareness nen, a tlem phah ngei ka lo beisei ve ltk.
( Kan tlak duah cu a.:-) )
[Report abuse]
January 8th, 2009 at 5:23 pm
Dik chiah…mizoram ah khian domestic violence te hi tam sia…nupui te sawisa ching hi chu kohran hian phuar nghal se…!!!
[Report abuse]
January 8th, 2009 at 5:30 pm
Bexbex01 sawi hi ka pawm khawp mai. Kohhran hian kan nunah mai pawh nilo ka thih ni leh thlanlung phun ni thleng pawhin kan tan atangkaina a nei a.
Kan khawtlangah pawh a din tirh atangin thuk takin thu a sawi a, kan tawng tihhmasawnna kawngah hmalatu ber a ni thin.
Mahse rin dan hrang leh pawm dan hrang a lo tam hnu hian, kohhran kan hmuh dan pawh a dal ta deuh a ang.
[Report abuse]
January 8th, 2009 at 6:39 pm
Kohran chu kan thlarau nun lam (spiritual life) a min kaihruaitu a ni ti ila, ka sawi sual em em in ka inring lo. Mahse, kan private life ah hi chuan kan duh thlanna a nih loh chuan inrawlh lose ka ti.
Khawvel dan chu mihring/sawrkar in asiam a, khawvel thil (Earthly things) chu sawrkar in kengkawh se. An kengkawh theilo alawm kan tih leh, mipui lam in phun ngawt lovin, VDP duty ang mai hian ngenngawl in a nawrin nawr vese, an tlin ka ring khawp mai.
[Report abuse]
January 8th, 2009 at 6:45 pm
father sphinx.. fimkhur rawh.. nancy in a hau mai ang che
[Report abuse]
January 8th, 2009 at 7:16 pm
Kohhranah chhandamna a awm lo…kohhran chu mihring nun Pathian duh dan hawi zawng a khalh ngiltu ani..Amaherawh chu Pathian thil te leh Khawvel thil te hi thliar hran thiam atha in ka hria..domestic Violence ang chi ti tur hi chuan Police leh VDP te hi an tawk khawp in ka hria…Kohhran alo inrawlh hi a sawt em em ka ring chiah lo..ka ngaih ve dan..:-)
[Report abuse]
January 8th, 2009 at 8:44 pm
Free Church hi awm se Mizoram ah… Mizo hian kan mil chiah angem?
[Report abuse]
January 8th, 2009 at 8:57 pm
Free chhurch hlir a ni lawm ni kan nih, kan free hlawm em hi
[Report abuse]
January 8th, 2009 at 11:14 pm
Acts 7:38-ah chuan, “Church in the widerness” tih thu kan hmu a; Israel fate Aigupta ram atanga Mosia hruaina hnuaia kalchhuakho sawina kha a ni. Aigupta suahsualna ramthleng (geographical/physical land) chhuahsan ve ting tang, Aigupta ram suahsualna chhawm thovin kawnglakah (save two souls, Caleb & Joshua) an tlu hlum vek a; kawnglaka hrinte leh Joshua leh Kaleba te kha Ram tiam lut an ni ta a. Ni 90 vela ban thlen theih tur kum 40 an thang phah ta a nih kha. Mosia a lo inbuatsaihna a namai loh vei nen — kum 40 hruai thei tur khan Aigupta finna kum 40 leh Thlaler zinkawng tur dap chiang hmasain kum 40, GRAND TOTAL 80 YEARS OF PREPARATION!
“Upon this rock I will build my church,” tiin Isua a sawi nawn leh a. CHURCH hi singular number-a sawi a ni. Tunlai hian Church, church, hurch, a tam ta lutuk —CHURCHES a awm hnem ta! Martin Luther-a khan a REFORM KIM ZO SI LO! Tunlaia CHURCH emaw kan tih te hi DENOMINATION mai mai an ni zawk e. Mahni uar lai lai hming chawia Pawl hming invuah an ni. SUALNA an do peih tak tak lo. Apostol Kohhran ang kha la awm ni ngat sela chu, Sunday apiang hian Thlanmuala phum tur Biak In atangin an zawn chhuak reng ang (Tirhkohte 5 chhiar rawh). Chief Minister ni nawn tur pawh Mizoram hian a nei nguar ang lah,hui!
KOHHRAN ka hmu ve tawh lo; PAWL ka hmu teuh. Apostol-te hun lai khan CHURCH (Ekklesia) a ni chiah a; kum zabi engemaw zat hnuah FEDERATION angin a zia a thlak a; tunlai hunah phei chuan CORPORATION chi khat a ni tawh a; Zoram chhunga PAWL-ho zawng zawng khi misual.com ho hian thil tha kan zirtir thei tawh zawkin ka ring.
[Report abuse]
January 8th, 2009 at 11:28 pm
Amen to Chawnghilh…:)
[Report abuse]
January 8th, 2009 at 11:48 pm
Kohhran hi pawl chu ani ber alawm. Kohhran ding tir pawh kha an buai ve thin viau aniang Paula rengin buaipui tur a ngah mai. Chumi awmzia chu a tir atang reng khan kohhranah hian mipui an thuhmun fo lo tih a lang. Chutih rual chuan a tak leh lem lo to za mai mai tura thupetu khan a lem te avang khan a tak kha a hmuh hmaih lovang chu. Duhtui hi a tha mahse khawvel anih chung hi chuan vanram a ni dawn rih lo, a lem leh tak to za na hmun a ni zel rih dawn. Kohhran pawh hi he leiah hian a famkim dawn lova, chumi avang chuan sawi nep ngawt tur pawh a ni chuang lovang chu. Tan erawh chu la zel ila.
[Report abuse]
January 9th, 2009 at 12:12 am
Halleluiah 2 chawnghilh!!
[Report abuse]
January 9th, 2009 at 1:08 am
Kohhrana tello mihlim reng reng chu an zuihral duh. Chuvangin eng sakhua pawh vuan ila; kohhran belh hi mi pangngai nihna kawngkhat a ni.
[Report abuse]
January 9th, 2009 at 2:31 am
chawnghilh!! i comment hi ka duh tlat thin, kan vengah chuan kohhran a tel vak lo mahse pathian bel reng hi an tam phian! Tin, kohhran hi mi pangngai nihnan an bel lo bawk! mi pangngai nih duh vang a kohhran bel hi mizo zingah hian kan tam hmel ngawt mai @ 16 ngaihdan ang a ngai hi kan tam tlat!
[Report abuse]
January 9th, 2009 at 3:18 am
@benjoos, beemyself, wonderboy … Thuruk ka hrilh dawn che u …. inti-Kohhran mi leh sa, thian ka kawp hnem thin a; hre chiang tur chu ka ni alawm!
“But the hour cometh, and now is, when the true worshippers shall worship the Father in spirit and in truth: for the Father seeketh such to worship him,” (John 4:23) tih a nih laiin, “thlarau leh TIHTAKZET,”… a mawihawih leh urhsun, zei tak leh mawi taka betute hi a hranpain an awm ve tlat alawm!
TIHTAKZET-a an pathian biaa ka hriatte chu Islam, Hindu, Shinto, Fungi Buddhist, Judaism etc., “Tihtakzet” tih leh “in TRUTH” tih danglamna hi in chiang ve hlein ka ring. Pawlchhuak ka ni miah chuang lo a nia! Mite urhsun dan ang hi chu ka peih ve dan chi a ni lo! “Truth will set you free,” tih a nih avangin Bible thu hi chiang takin chhiar ila, Pastor leh Evangelist-te hrilhfiah dan hi ka pawm ve mai mai ngai lo. IT IS WRITTEN tih hi kan innghahna tur a ni a; “According to the Scripture,” tih hi kan dinhmun a ni reng fo tur a ni zawk ngai e.
“Pathian biak in in ni tih in inhre lo em ni?” tia chachhuahtu kha Tirhkoh Paula a ni a; ringtu-mihringte hi KOHHRAN kan ni tawh zawk a; Chhana a rawn tawngvai leh ta bial mai!
Krista (Messia) hian eng mi nge kan nih leh khawi atanga mi nge kan nih hi a CARE lo; khawi lama kal zel tur nge kan ni tih erawh hi chu min CARE-pui; chuvangin, tunah pawh hian Pa Pathian hmaa kan ATTORNEY, ADVOCATE a ni hial reng a ni. A Pa hnen thleng ngeia min hruai a duh a; Kawng leh Thutak KRISTA-a kal lo chu tumah Pa hnenah an lokal (cometh) ngai lo, tih a nih kha. ‘Pa hnen an thleng ngai lo,” tiin Mizo Bible-ah kan nei khauh!
[Report abuse]
January 9th, 2009 at 6:37 am
Chawnghilh i sawi hi dik thui viau. Mahse ringtu mimal tinte pawimawhna leh huho pawimawhna hi lak kawp thiam loh chuan dream world ah a awm theih a, thu a sawi fel theih luah theih silovah a cham reng theih. Kan rama 1960s tawp lama Zathangavunga zirtirna te pawh kha chutiang deuh tho chu a ni..
Eng kohhran (denomination) mah hi leiah chuan famkim kan hmu lovang. Mimal tumah Lal Isua anga famkim kan awm bawk lovang. Mahse famkimna nun kawnga thang zel tur kan ni thung. Human society awm chhan hi huho pawimawh vang a ni a. Mimal hian right kan nei vek a, mahse huho right a awm tho bawk. Chutiang chiah chuan kohhran chungchang sawi pawh hian ringtu mimal tinte nihna leh dinhmun leh kohhran huho dinhmun hi lakkawp loh chuan kan pherh vek ani mai. Thu chuan mam takin duhthu a sam theih mahse a practical vak lo.
Kan nitin nunah pawh hian sawrkar leh huho inphuarkhawmna tello pawh hian kan survive thei. Mahse engatinge kan mamawh tlat si? Mimal tin kan independent rualin survive turin swrkar kan mamawh. Kan tharaau nun atan pawh chutiang tho chu a ni e.
[Report abuse]
January 9th, 2009 at 8:05 am
@Kimas : I ideology hi a tha; ka hnial lo.
Champhai Zathangvunga Hnamte-a CULTISM, H. Vanawia of Sangau, Enoka Thlah of Salem Veng (Aizawl), Vulmawii of Hnahthial, Chana Pawl of Baktawng, Dr LB Sailo of Kohhran Thianghlim … hengho HERESIES hi ka zir chiangin, ziakin ka kawl vek alawm.
“Towards perfection …” hi kan inzirtir chatlak lo tur a ni reng a ni; mi sawi ngam loh, mi hriat loh ni si lo hi ka sawiin ka ziak ngam thung a. Mi ka an tawk zaih lohna a ni ve bawk. Eng subject pawh hi ka tui vek a … i thuziak comment-ho pawh ka chhuang thei thin khawp mai. Theology lamah pawh ka lamdang zar a nia! Tin, misual.com chhiar hranpa lo, thudik duh hi an tam khawp. Elija’n amah chauh awm niawma a insawi hawtbuk lai khan, ‘baal hmaa thingthi ngai lo 7,000 an la awm cheu’ ang khan … mifel an lo tam tham khawp tho mai. Ka mal bik hauh lo.
“Chung chu hmeichhe (kohhran kalsual) laka intibawlhhlawh lote chu an ni; nula thianghlim ang an ni si a. Chung chu Beram No a kalna apianga zuitute chu an ni. Chung chu Pathian tan leh Beram No tan rah hmasa ber ni turin mihring zing ata tlan an ni. An kaah dawt a chhuah reng miin an hre ngai lo; sawisel bo an ni si a.” (Thu Puan 14:4f)
Kohhran sawiselbo, dawt chhakchhuak ngai lo hi chu a lo awm khawp mai! He thu hi Pathian Yahweh atanga Isua Krista thu dawn, vantirhkoh hmanga Patmos thliarkara Hmangaih Johana hnena REVEALED a ni. A dik lo an awm chuan, “a dik” a lo awm ve ngei ngei asin le!
[Report abuse]
January 9th, 2009 at 8:12 am
Vanawia nupui, Lal D heli’n, a ban a thu inziak an siam thin dan kha hria in la awm lo maw? Tunlai ah hi chuan magic marker te hi ahman theih ta a mahse, khang hun lai, an vanglai khan thil dangin a ti tlat a ni….ka hre viai vuai a, ka hre zual/chiang chak hle mai…. thu inziak alantir dan chiah kha///
[Report abuse]
January 9th, 2009 at 8:49 am
Khatih hun lai khan naupang te ka la ni a, kapu te ho hi Vanawia pawlah khan an tel a, a hotu pawl tak pawh an ni nghe nghe, a ban inziakah khan hawrawp kim lo a awm zeuh zeuh thin an ti, amah Laldiheli kha lehkha thiam lemlo niin an sawi a, chuvang pawh chu a ni maithei. Ban ziak thu kha chu pathian thusawiah an ngai tawp zel. An lo fing hle in ka hria tun hnua han ngaihtuah letleh hian, mipui khati zat an lo hrui (bum)thei kha.
[Report abuse]
January 9th, 2009 at 10:43 am
chawnghilh ivan hre ve,
khawilam mi nge maw i nih le.. 
Mosia chuan kum 80 vel anih in a mite kha a hruai tran vel tihna mi? avan lo upa hman em em ve.
[Report abuse]
January 9th, 2009 at 11:35 am
Chawnghilh i comment a ngaihnawm fu thin. Mahse he topic chung changah hian i stand ka hre thei lo. Kan ramah khian kohhran tih tlak i hmu lo tihna em ni? Kohhran hi a chhiatna lai chauh thlir chuan “tel vena tlak a nih loh hi” tih mai a awl ang tih ka ring. Korinth kohhran te hlei hlei kha an chhangchhia a nih kha.
I thusawi tam tak khi ka thlawp. Kohhran hi corporation ang maiin kan kalpui tih pawh a dik ka ti. Kohhran hi sawisel ila, skhalh ngil tum ila, mahse ar chuk tui lo khawpa chhuah em em chu a dik dawn em ni?
[Report abuse]
January 9th, 2009 at 11:45 am
Pu Chawnghilh-a ngaihdan hi a bengvarthlak thin e.
#12 Chawnghilh : “Upon this rock I will build my church,” tiin Isua a sawi nawn leh a.” Helai thu thi mi tam tak inhnialna thlentu a ni ve thei. Thenkhat sawi dan chuan, “Upon this rock” Isuan a tih hian a bula ding Tirhkoh Petera a kawk an ti a, he lai pawh hi sawifiah tham zet chu a awm mai thei.
Engpawhnise, hmuh theih Kohhran leh hmuh theih loh Kohhran hi chu a awm ngei a, sawifin theih pawh a ni lo.
[Report abuse]
January 9th, 2009 at 12:43 pm
SillyBoy, min phut lo nag’a ka’n chhang ang che. “This Rock” tih hi a tu zawkah pawh miin lo bel mahse Kohhran lungphum (Foundation) chu Isua Krista hi a ni, Petera ni lovin.
Tin, hmuh leh hmutheih loh Kohhran hi sawi pawlh chi tak a nihna lai a awm asin. Thliar hran thiam erawh a pawimawh ngang mai. Hmuh theih kohhranho hian hmuh theih loh kohhran member kan tuaka, rawng kan bawl a nih hi. Kristian mal tlat hian an thawh hlawk vak ka ring lo. Kohhran chhiatna hrang hrang mite an sawi hi a dik a tam mai mahse namthluk kher chu ka support lo.
[Report abuse]
January 9th, 2009 at 1:31 pm
“This Rock” tih hi Isua Krista tih hu i pawm dan ani,ka pawm dan ve tho ania,mahsa mi tam tak ten Petera a sawina zawk a ni an ti a,kan inhnial hrep tawh nghe nghe..
Kei pawh hi Kohhran dan te,upa te leh Pastor te thua nih vang hian ka zawm nghal ngai miah lo,Bible hian enge a tum tih hi ka lo chhui ve kiau thin.A sawitute mizia leh chhungkua a entawntlak vak loh phei chuan ka ei lo thei lutuk tawp..Mahse heng avang te hian kohhran ka hnualsuat ngai lo..Mimal in a tih theih loh tam tak hi kohhran in a ti thei si a…Kohhran hi chu Pathian be tura awmkhawm hi ni mai ah ka ngai.
[Report abuse]
January 9th, 2009 at 2:19 pm
Chawnghilh i sawi khi hmanlai atanga kristiante lo buaipui a ni a. Thilthar a ni hran lo. I comment hi a ngaihnawm khawp thin mai. ka fak khawp che. I taimain mi thil hre zau tak pawh i niin ka ring. Pathian tih tak i nih ka beisei bawk, i comment dan atang hian.
Kohhran chugnchangah dik leh dik lo i sawiah hian dik lo an awm chuan dik pawh an awm ang i tih hi mimalah chuan a dik thui fu ang a, mahse dik hi famkim tihna anga hman erawh chuan a dik lo thung ang. Dik tih hi famkim tih enn chuan a inangchiah lovah ka ngai deuhva. Tin denom chungchangah hi chuan a eng mah hi famkim an awm ka ring lo. A tlangpuia dik deuh te chu an awm mahna. Tin denom zawng zawng hi generalize vek chu a dik kher lo bawk ang a. Tobul history en hian fuh vak lo chu an awm chuan ka hria. A eng pawh nise mimal kan pawimawh ber a, mahse huho tellovin mimal ringawtin ringtu tha nih tum theuh ila chhuankhat pawh kan daih ngut ang emaw chu le. Kum sangbi tel history nei tur chuan huho pawimawh zia kan hrechiang tawlh tawlh ngei ang.
Tin kohhran duhkhawp lova ‘Pathian kalsan rulpui(setana) dawlh tur ti hiala sawi 1913 harhna a Champhai pa Tlira te, Chawlhnia len tawh laia(Mithianghlim nia Isua anpui leh tlukpui nih tawhna ram) kohhran chu zirtawpnia la leng nia sawi Zathangvunga Champhai pa vek te khan kan rama zirtirna him tawklo tam ber te awnlam hi an kal nat pui deuh mai chauh ani. Dr B Sailovin Babulon a tih te nen khan hruikhat vuan vek an ni awm e. Mahse an chanchin en ila a puhtute nge dingchhuaka Pathianin a hman zui tak kohhran hote tih chu kan hre mai ang chu..
[Report abuse]
January 9th, 2009 at 3:23 pm
Kimas chu va hre reuh ve a…
Pu Tlira hi ka nu pu(ka pu pa) ania..Hmanah tawngtai dam thei hnenah kan leng a,chu nu chuan,” In thlah tuten Pathian an hawisan avangin Pathianin a hrem che u anih hi,mahse i pu(ka pu) ten Pathian an tih a,ngaihdam an dil a vangin Pathian in Pu Tlira thlah 3rd generation atangin a ngaidam ang che u”, a tia.Kan thlah tuten Pathian duh loh zawng an tih vang amaw ni Pu Tlira thlahte chu kan retheiin kan hmelchhe hlawm ruufss..Pu Tlira unau thlah te chu an hausa in an hmel pawh a tha hlawm khawp mai…Kei hi 3rd gene intanna chiah chu ka nia,kha nu thusawi kha a dik thei em aw te ka ti rilru ve neuh neuh thin..
Ka han sawi duh ber erawh chu Pathian leh a kohhran te laka kan hela,ka tlansan chuan Pathian hian kan tuchhuan 7 na thleng pawh hian a hrem hreh lo tih hi hre nawn teh ang u,ka experienced tlat mai…:-)
[Report abuse]
January 9th, 2009 at 6:15 pm
beemyself, Pu Tlira thlah i nih chuan pasaltha huaisen tak Pu Tleithanga thlah i ni zu nia. Hmuh che ka chak hle mai. Ka la rawn be pawh duh maithei che a ni. I pi Pu Tlira nu kha i pu Tleithanga (Tlira pa) khan Cachar thingpuihuan 1871 a an run tuma Anglo Indian nula tuaitir sala a man nupuia a neih zui tak nia sawi a ni a. A hmel pawh a tha viau ani awm e. I pu Tlira, an fa palina hi 1878 a piang niin a hriat. Ziaktu thenkhat chuan 1876 niin an sawi nain 1878 hi a dik zawk hmel. Amah hi pa ngo tak hmel chhe lo tak nia sawi a ni nghe nghe.
[Report abuse]
January 9th, 2009 at 7:12 pm
Kimas chu kan thlahtu te i va hre ve…Ka Pu Tleithangan Anglo Indian salah a manin nupuiah anei ngei tih chu ka nu ten min hrilh ve fo mai…a hmel pawh a tha chu an tih kha..ka cousin te ho chuan kha ka pi kha an la chhun a,an hmeltha hlom ruffsss,ka vanduai chiah a,ka chhun ta lo mai mai pawh a….:-)..
Kan thlahtu te chanchin ka tui vak ngailo,ziak a chhiar tur phei chu ka nei miah lo nia..ka nu leh ka pu te ho sawi hi ni mai ka hriat chu..eng lehkhabu ah te nge ka hmuh theih ang,min han hrilh mai thei em???Kan la in be dawn nia….he he
[Report abuse]
January 9th, 2009 at 7:32 pm
sillyboy: mak thei chiang alawm…upon this rock case kha Bible i chhiar chuan… Peter a biak na tih kan hre thei
[Report abuse]
January 9th, 2009 at 10:00 pm
@HV … I va Catholic ve … Grik tawnga “petra” leh “petros” hi min hrilhfiah teh le. I pa hi nau ena ka en a ni thin bawk a.
[Report abuse]
January 9th, 2009 at 10:07 pm
Dermograph vei in awm em? In vunah khan han thai kawk teh u, in thaina kha a rawn vung pawng ang, a thak huar bawk ang. India rama awm i nih chuan “Incid L” ei la, a zia deuh mah na! Laldiheli kha dermograph vei a ni ve mai lo’ng maw?
[Report abuse]
January 9th, 2009 at 10:24 pm
Plan of salvation-ah hian Pathian mit put hi hriat chian a ngai khawp. Mihring mit hian ’sual sim, ngaihdama awm tawh’ hi a hmu fuh mawh a; ’sualna lai chiah’ kha a hmu fuh duh chawk thin. “An sualnate chu ka hre reng tawh lo vang …” titu ‘Savior and Lord’ hi chu a va han hlu tak em!
“Tithianghlimtu leh tihthianghlimate chu an zain Mi Pakhata chhuak an ni si a; chuvangin ani chuan anmahniho chu “Unaute” tih a zak lo ve …” (Hebrai 2:11)
Johana 8:44-ah “…in pa diabola …” tiin Isuan min hrilh; Johana 15:15-ah “bawi ka ti leh tawh lo vang che u; thiante ka ti tawh zawk ang che u,” min ti leh a. What a closer relationship we have in Jesus! Johana 20:17-ah phei chuan, “… ka unaute hnenah va kal la, an hnenah, “Ka Pa, in Pa, ka Pathian, in Pathian hnenah ka lawn chho mek e (I’m ascending … RSV) …” tiin Tholeh Isuan UNAUTE tiin min ko tan ta; Risen Christ victorious maiden speech-ah chuan a ropui ngawt mai! Heavenly Royal Family kan lo ni ta! Van khua-leh-tui tharah Krista zarah kan lo awm ta! Kan phu leh ngiat vanga hlawhtling kan ni lo; “SAVING GRACE, through Faith,” a ni a, “SAVING RACE a awm lo” tih Pathian hnam thlante pawhin hre mawlh rawh se. Mizo Bible-a “rinna avangin,” tih pawh hi “through faith,” tih a ni miau va; “rinna azarah” emaw “rinna kaltlangin,” tih ngei zawk tur a ni tih hi Bible Society Of India pawhin hre ve tawh se a tha khawp ang.
[Report abuse]
January 9th, 2009 at 11:32 pm
Tawitein, nangmah kha KOHHRAn chu i ni !
[Report abuse]
January 10th, 2009 at 2:08 am
cawnghilh@ Haleluiah
[Report abuse]
January 10th, 2009 at 3:29 am
Hlimsang nu pakhat, tawng phul so luai mai — thlantui tla hluama lam zo hlim hian, “Haleluia, haleluia, haleluia …” a ti mawlh mawlh mai a. A thut thlandaih deuh hnu chuan, “Ka pi, Haleluia i tih kha engtihna nge?” ka ti a, ka zawt a. Ani chuan, “Nuam lutuk nuam lutuk tihna,” tiin min chhang a.
A nih hmel ang reng hle a ni, a ngaihdan chuan. Kristian tam tak hian kan chhut chiang lo vang tih pawh a hlauhawm! Parroting vel mai mai hian kan lo HALELUI thin ang tih pawh a hlauhawm!
HALLELU hi Hebrai tawng, “FAK RAWH U, emaw FAKIN AWM RAWH SE,” tihna a ni a; tunge fak tura chu? Hebrai-ho Pathian YAHWEH a ni a; a hming phel YAH an tih fo bawk thin a ni. Mizo Bible-ah hian YAH tih aiah JAA tiin kan nei thung a (cf. Sam 68:4).
HALLELU-YAH awmzia chu “YAH chu FAKIN AWM RAWH SE” tihna a ni, “Hallowed be Thy name” kan ti ut a, hre chiang lo hian Halleluia kan ti hlawm ang tih ka hlauhthawng a, ka rawn tuihnih tawk tawk a ni e.
[Report abuse]
January 10th, 2009 at 3:34 am
“KOHHRAN (church)” tih leh ‘koh hran (called out ones)” tih hi a inzul thuak. Noun leh Verb hian inlaichinna tak zawng an nei ngei e. Grik tawnga “ekklesias” hi zir chian a ngai!
Church building-a inpawlkhawm hi kohhran-mi nihna atana kan tehfung ni lo se; Pathianin a rawng bawl tura min kohna —a hranga mimal tin min kohna zawk hi ‘ekklesias’ chu a ni zawk ngai e!
Koh hran, a hranga koh vek rawngbawl tlang, tlem tham pawh ni se, kan Lalpa chuan, “Fear not, little flock …” tiin a hnemin a fuih!
[Report abuse]
January 12th, 2009 at 7:27 am
beemyself, khawngaihin contact theihna email ID min lo pe la, chiang zawkin kan inhrilh dawn nia. Keipawhin zawh duh che ka nei nual a. I mail ID pangngai hman i hreh pawhin siamchawp pawh rawn pe mai la.
[Report abuse]