Chiahpuam - tihduhdahna rapthlak tak chu!
November 19th, 2008 2:01 am | more than words | benjamin rualthanzauva | 616 views|
|
- Denis Lalfela, Rome
Mihring pangngaiin a duh ber chu hlim tak a nun hi a ni. Chu a duhna avang chuan engpawh a tuar ngam a, risk a la hmiah hmiah a, a chàng chuan zah pawh a dawn thei lo. Thawhrimna avanga hauhsak hian Pathian thu a kalh lo. Chiahpuam a lar a, ram hla tak atang pawhin kan ngaihven viau mai. Tun tumah erawh thlirna dang deuh atanga bih chian i tum teh ang.
Orissa state a kristiante tihduhdahna kan duhlohzia lantir nana kawng kan zawh kha a ropui hle mai. Zoram a ka haw lai a ni lehzel a vannei ka inti a, kha inunauna kha vul zel se ka ti vawng vawng! Orissa a kan unaute chu ama tana tuar turin kan Pathianin a kova, a kotu chuan huaisenna leh inpumkhatna tha zawk a pe ngei ang a, buh lem leh buh tak pawh an thliar hran ngei a rinawm.
Kan ramah chuan kristian kan nih deuh vek avangin tun hnaiah chuan rinna avangin tihduhdahna kan tawk kher lovang. Thlarau a zalen lutuk a awm ngaihna kan hre mang lo zawk a ni. Mahse kan thalai fel takte leh chhungkaw tha ni a kan chhal te Setanan min tihchhiat sak nasatzia hi i chhut ve ngai em? A rapthlak teh a nia! Zu leh drugs vangin thalai tam tak kan chan a, chiahpuam avangin chhungkaw tam tak a keh mek zel a, Setanan a lalram a din nghet sauh sauh mai le!
Krista avanga tihduhdahna tuar hauh si lo hian Setanan a duh tawkin nawmna hmangin min ching phar vel mai zawng a nih hi. Chiahpuam hi Setana hmanrua a ni a, Kristian te min tihduhdahna rapthlak leh min tih mualphona a ni. Setana fin kulmuk hi kan chelh loh chuan Zofate hi min eichhe vek dawn a ni.
Chiahpuam hian thlarau nunah tal hlawkna thlen se kan va ti em! Sum hi hlu hle mahse hlimna hnar a nih lohzia hre nawn a Pathian thlan thar lehna chang hria te chu mi vannei an ni ang. Hre duhlo te chan erawh a rapthlak ngawt ang. Krista zuitu inti te hi Pastor lal ber atanga ringtu tlawm ber thleng hian Setanan nasa takin a bei theuh a. Hmelpa pa Setana beihna hi chi li ah then hrang ila.
A hmasa berin mipat hmeichhiatnaah ringtu te min thlem a, thalaite mai bakah nupa inkarah pawh Setana a che nasa hle. Zaithiam tam tak leh thuhriltu ropuite hi he Setana thangah hian an awk fo thin. Sex hi mihring nuna thil nuam ber a ni tih hmelma pa hian a hre ru kiau a ni.
A pahnihnaah chuan Setana hian ruihtheih thil hmangin mi tam tak a thlem a. Rilru hahna leh thinurnate hrik thlak nana kan ruih chiam hi Setana tilawmtu a ni. Intihhlim nana zu lek vak pawh hi Setana duh zawng a ni tho tho. He sualna hian chhungkua leh khawtlang nun a ti khawlo fo thin.
A pathumnaah chuan sum leh pai hmangin min thlem fo. Sex leh ruihtheih thil a buai lo, mi fel taka kan ngaih pawh Setana thang, sum-ah hian an awk chaih thin. Diklo taka sum lakluh thatlohzia hre kur mah ila eirukna do tuma campaign te thleng hian thil do harsa a ni. Chu chu Setana hian a hre chiang a, sum hmang hian ringtute min phet thlu fo a nih hi maw!
A palinaah chuan ringtute hi nun ho tak nung turin Setanan min thlem a. Sex, ruihtheih thil leh sum lama buai lem lo pawh hi nun ho tak an nun tlat chuan Setana palaite an ni tihna a ni. Chutiang mi chu an inkhawm ngai lem lova, tul an ti hek lo. An nung ve tawp mai a, pa rawn tlak an ni lo fo. Sual pawisakna hranpa an nei hek lo. A eng bawihah pawh hian tlu ila tho leh thei kan ni tih hriat a tha. Sualsim ngaidamtu Pathianin a hnena kan kir leh hun a nghak thin tih ringtute kha kan la ni lawm ni? Amah hnar luitu chu sualah a thi ngei dawn si a. krista zuitu dik chuan nitin intuaitharin khing sualna lakah khian hnehna a puang thin. Hnehna puangtu chu amah ni tawh lovin, amah a awm Krista zawk a ni. Chu nun chu nun tam (fullness of life) an tih chu a lo ni reng mai.
Kan tu leh faten kum tawp exam an beih dawn lai a (a thenin an nei mek) rilru la peng thei tv programmes, huau huau leh chiahpuam kan nei hi a pawi takzet a ni. Chuta chhapah inthlan kan hmabak a, zirlai tam tak an chi-ai ngei ang. Chhungkaw tin kan fimkhur a ngai ta.
Pawnlam boruakin kan fate an thunun loh nan leh kawng dik an zawh zel nana beih tang tang chu nu leh pa te mawhphurhna sang tak a ni. Exam dawn leh exam lai te phei chuan kan faten internet, tv leh mobile an chul nel vak loh leh pawn lam boruak an hip tlem deuh a hrisel ang. Len heh tak nu leh pa an insum a ngai, entawn tur an neih loh chuan fa sual hi kan dem thiang lo. ‘Se bo hnua se kawng khar’ ai chuan a hun taka kan mawhphurhna hlen hi hlimna leh hauhsakna thlentu a ni. Chhungkaw tin harh thar se, kan ro hlu tak kan fate tal hi zawng i chiahpuam lul lovang u
November 19th, 2008 at 3:05 am
A dik hmel rem rem hle mai. Thu sei tak hi ka chhiarchhuah vawikhat na a ni maithei…he website ah hian.
A dik chiah a ni…Mizo te hi in bih chian, nun siam that kan ngai nasa a ni. Engemaw hlek ah kan life a nep zia hi kan ti lang leh hluai mai thin.
November 19th, 2008 at 3:25 am
Dik vek !!
November 19th, 2008 at 5:08 am
elcee : Mihring pangai ..misual.comers ah hian heti zozai kan awm emaw ka ti a… he thu tha comment tu 2 chiah kan la ni cheu hi mak tih lohna ka nei asin. I nih ve tho ka ring… rin thu mai mai. Chhiar uluk pauh leh ka duh ang tulh2 a..ka vawihnih ta der mai… Father Denis, lawmawm e
November 19th, 2008 at 6:15 am
Casd, Credit Card, Car, Conndominium 4Cs hi Singapore ka awm ve laia an sawi tam a ni. Straght Times ah an ziak. Heihi MATERIALISM a ni. Chiahpuam ho pawh hi kan chiah ve lawk mawle Car thar ka duh ve deuh a etc etc an chiah chhan hi Pathian Ram tan ni lo atan veks a ni an chiah ni.
Materialism ah hian Mizo te kan tlan nasa U john Clyde a thusawi ka la hriat reng chu “Kan unaute hi inhlawhin US ah an lokal a Car tha te an awt hma lutuk …. ” a tih ang hian MR ho sneaker te leh mobile handset te hi aw … Chhass bem nan pawh handset thra deuh present hi a thra ber an tih chu
Kan Pathian thu a MILEM biakna tih hi Materialism nen hian QED
November 19th, 2008 at 9:19 am
@H.v ber in “dik hmel rem rem” a tih chuan chhiar ve kher lo mah ila, a dik anih dawn chu. (a sei lutuk a, ka chhiar hman thlaw lo)
November 19th, 2008 at 10:04 am
Thuthra tak tak rilrua vawn reng chi hlir a ni e, hetah lo hian khawiah emaw ni ka cchhiar tawh tlat Buannel ah maw ni??
November 19th, 2008 at 10:06 am
dik khop mai , kan zoram hi eng eng thlarau emo hian a chiahpuam reng mai a, Kasauti thlarau, idol thlarau, idol lookalike, tunah sum chhiahpuam thlarau. Idol look a like thlan lai khan ka han hawng ve a, ka rin ai daihin mi khan an buaipui a, a mak chu ka ti ang reng. Mizo hi lehkhabu chhiar chet chet te hi kan lo peih vak lo a nih hi. FAktea thlarau in an chhiah tak tak mai a, chutah Vanlalsailova thlarau. kan extreme ve khopin ka hria. Nge thil dang han buaipui tur hi kan nei thlawt lo zawk.
November 19th, 2008 at 11:01 am
chiahpuam tichhuaktu - hnam hmelma misual
Collector - misual thurualpuitu
depositor - dan bawhchhetu
redrose i ti dik chiah. Faktea khawih thlukhote, sailova zai laia phar huang huanghote, routmoi atchiltute, idol thlan laia zarkawt pheia intawllenhote, chiahpuamtute, cell phone khal nasa lutukho — mi tak sa tak tumah an awm lo.
November 19th, 2008 at 11:06 am
Thu ziak tha tak aniang. A ziaktupa hming atang pawh khian. Mahse, ka chhiar chhuak lo mai. A sawi tur awm ang chu a hriat vek alawm. Website chi hrang hrang-ah kan sawi nasa tawh bawk a. Helai website hmang chinte hi chu chiahpuam lo deuh vek kan niang, a chhiahpuam ho chhiar turin, Aizawl chanchinbu ah te chhuah thei se a tha ngawt ang.
November 19th, 2008 at 12:51 pm
A ziaktupa hi Roman Catholic Father a ni maw kha chumi hre reng chung chuan helai thu hi chhiar nawn lawk ang, in khawngaih ngawt ang,
“A hmasa berin mipat hmeichhiatnaah ringtu te min thlem a, thalaite mai bakah nupa inkarah pawh Setana a che nasa hle. Zaithiam tam tak leh thuhriltu ropuite hi he Setana thangah hian an awk fo thin. Sex hi mihring nuna thil nuam ber a ni tih hmelma pa hian a hre ru kiau a ni.” A thil ziah ang hi Denis hian eng tikah mah a takin a hre ve dawn lo. Mahse thlemna lian catagory 1-na ah a dah tlat, a tibuai ve hle ni ngei ang.
November 19th, 2008 at 12:54 pm
Chiahpuam hi Setana hmanrua a ni ringawt thei dawn a mi?? Engtinnge chu chu huaisen taka a sawi theih. Mizoram hi Setana hian chuti teh chiama suala han thlem leh vak pawh ngai a tih hmel tawh loh e
Chuvangin Pathianin Mizo duham lutuk ho leh pawisa ringawt ngaihtuaha khaw hmu lo tam tak ho min hremna hmanrua a ni zawk maithei sin, Kan duham hlawm si a.
November 19th, 2008 at 1:14 pm
“Amah hnar luitu chu sualah a thi ngei dawn si a. krista zuitu dik chuan nitin intuaitharin khing sualna lakah khian hnehna a puang thin.” tih lai khi pawimawh khop mai.. tha khop mai….
keipoh pu H.V ang deuhin thu sei deuh ka voikhat chhiar chhuahna ni hialin ka hria… a ngaihnomin a poimoh khop mai..
November 19th, 2008 at 1:20 pm
Pu Denis a hi a ziak tha thei pap pap khawp mai. Nikum a xmas sermon rawn contri te kha a va thra tak.
November 19th, 2008 at 3:03 pm
Chiahpuama dah duhtute hi chuan lung pawh chhangah kan chantir duh hlawmin a rinawm. Chuvangin thlemna chu a ni chiang khawp mai. Khawvel pumpui neih theih dawn chuan setana hmaa kun zawk pawh kan hreh hlawm lo mai thei a ni, Mizo Kristian intite hian!
November 19th, 2008 at 9:30 pm
My 2 cents:
1. Addiction to anything in any form is harmful, be it drugs, booze, money, work, religion for that matter
2. “Chiahpuam” ti tu pa ber ka support tihna ni lovin, but he was just feeding off people’s greed for easy money. Kan hmelhriatte pawhin Nuai chuang an seng ve , mahse a tirah pawh kan hrilh nasa.
Reality check:
ITS NOT LEGAL, even if its possible. If it was, dont u think they are other people smarter and more shrewd than us Mizos to discover such a thing exists ?? Honestly!!
November 24th, 2008 at 3:09 am
Chhurliana khian a hming a pu hle lo maw? kan pastor leh rawngbawltute hian camping leh counselling hmangin mi tam tak an bia a, thil tam tak an hria asin! chhura comment awm tok vel ni lekin a lang ha…ha
December 22nd, 2008 at 7:16 am
Kan va hmu tlai haih haih ve. Pastor pawhin chiahpuam an bawh, an hming pawh kan hre tlat! Youtube-ah a then then kan lo hmu. A pawi khawp mai; Mumbai based-a Bank Lem rawn ti thin an awm tawh a; ka bawh ngai lo. State Bank of India leh RBI recognized-ho chiah hi India ramah chuan ka ring a. Ka chesual dawn lo, Bank-a dah luh tur pawisa pawh ka nei chuang hek lo. Pawisa ngahin awlsam taka peipun in duh belh vang mai a ni e. Hmu kir leh thei turin ka duhsak a che u. Bumtute pawh kha an thluak a tha khawp mai; mahse, an daih rei lo em mai.