Manifesto & Candidate te Zirchianna Bu
November 20th, 2008 2:38 pm | News, Politics | | 886 views|
|
Dt. 20/11/2008 Chawhnu dar 1:00 hian PRISM chuan “LEPSENA - Kum 2008 MLA General Election Manifesto leh Candidate te Zirchianna Bu” chu a tlangzarh ta a. PRISM website myprism.org atang download theihin an dah bawk dawn a ni.
Hetah hian a download theih.
Comment tumte hriat atan:
He lepsena hi thil sensitive thei tak mai a ni a. Comment chungchangah pawh fimkhur ila, mimal beihna leh mi puhchhiat tumna ngawr ngawr lam chu ziah a remchang lo tih hria ila. Comment na deuh leh inchirthehna lam thil a awm chuan moderate leh delete a ni ang a, editors ten an delete loh palh a harsatna a awm a nih chuan comment tute mawhphurhna a ni tih i hre theuh ang u. Sawihona tha tak kan neih theih ngei kan beisei.
November 20th, 2008 at 3:07 pm
UDA manifesto chungchanga “Science leh Mathematics nuaibo an tum” tih hi sawichiang deuh thei kan awm em? Hriatchian a va chakawm ve…
November 20th, 2008 at 4:11 pm
PRISM chuan thil tha tak an ti a nih hi… chhiar a manhla hle mai.
November 20th, 2008 at 5:03 pm
my apologies for posting something not related to this… huh
my recently bought LG dvd writer ( two in fact) stops writing/burning at 1%, but the strange thing is, it can read cds/ dvds, burn CDs with absolutely no problem. Both the LG dvd writer have exactly the same problem . They works fine ( burning of DVDs/CDs) for the first few months and sudeenly lo!! i had the above mentioned problem.
I have taken to the servicing centre, and got it replace, but the problem seems to persists even after that, my local technical man doesn’t know the solution to this.
I would be very very thankful to anyone who can fix this, any takers from my misual dotcommers here
November 20th, 2008 at 6:30 pm
an sum neih zawng2 kha han belh khom peih in awm em
chuan ka pe vek ang che hehehe
November 20th, 2008 at 6:41 pm
Lal Thanhawla “thilneih hlut zawng chu Rs 222,71,985 + Gypsy 2 + Maruti + Safari + HyundaiVerna + thlatin in luahman Rs 1,52,000 a ni”
Rin aiin a nei tlem.
Chuan Zoramthanga kum 5 CM chhungin Rs 91,91,813.81 in a hausak belh anih chu!
November 20th, 2008 at 7:24 pm
va nei hlawm ve mawle. chiahpuam ve pawh ngai lovin apuam sa up mai!
prism website hi a diwali eeee!
November 20th, 2008 at 8:19 pm
An van hausa hlawm ve aw..an sum neih digit pawh mizo tawngin a daih lo trep a lawm le
Lal-pi-blackmagicwoman, an ni te chu hman atang tawh in an lo chiahpuam tawh alawm
November 20th, 2008 at 9:11 pm
An site hiiii, a vai chheng chhung e. A siamtu should be shot.
An va bawn hlawm ve.
November 20th, 2008 at 11:13 pm
Zonet News a mi hi chhiar tel ila.. Pu Thena ngei mai hi a lo ropui thin e.
MLA inthlanpui lo awm tura Party lian pathumte Manifesto leh Candidate te lipse-na lehkhabu, phek 63-a chhah chu vawiin khan PRISM President, Vanlalruata’n Aizawl Press Club-ah a tlangzarh. Tlangzarh paha thusawiin PRISM President chuan, Mizo upa-in lal an that leh mipui an tha an lo tih thin angin tuna Mizoram dinhmun thlir hi chuan mipuiten lal an nei tha lo tih a lang a ni a ti a, MLA thlan dawn apiangin Kohhran leh YMA-ten Inthlan thuchah siamin, mi tha chauh thlang turin mipui te an ngen thin a, tunge tha tih an hrilh leh thin si loh avangin a bik takin zokhaw lam a mipuite chu an buai hle thin a ni tih sawiin, hei vang hian mipuiten mi tha an hriat theih nan PRISM chuan Party candidate te leh an manifesto-te a lepse ta a ni a ti bawk.
He lehkhabu-a Manifesto hrang hrang an lepse-ah Indian National Congress Manifesto-a lang thil tam tak chu PRISM chuan thil tha nia an tarlan laiin kawng leh rel kawng chungchang an sawi te chu Central Programme awm sa deuh vek niin an sawi a, Special Economic Zone siam an tum chu inchim ralna kawng hawng thei niin an sawi.
PRISM chuan MNF Manifesto-a Political hnuaia tarlante chu thil tih theih loh a ni tlangpui niin an sawi a, Public leh General Health No 7 leh Tourism chungchangte, Women and Child Welfare-a an thil tarlante chu thil awmze nei lo niin an sawi bawk.
United Democatic Alliance (UDA) Manifesto-a Political-a an ziah te, chhungkaw ei zawngtu an thiha Rs 10,000/- a ral chu thil tihhlawhtlin har tak tur nia an ngaih thu te, MLA bial tina MLA Quarters siam te, khawpuia Khualbuk ngaihtuahte, Dist. Hqrs. tina Hostel siam-te Theological College degree pawmsak te, Hindi Directorate siam leh Science & Mathematics nuaibo an tumte chu thil tha lo tak niin PRISM chuan an sawi bawk. He lehkhabu-ah hian Party hrang hrang Candidate-te lepse na tarlan a ni a, Party pathum te President theuh an lepse-naah ZNP President, UDA-in Dy CM atana an ruat lawk, Lalduhoma chu ‘zin lovin zin bill a la a, hriat chhuah a nih hnuah puanzar chiam pahin a pe kir leh a.
Kum 2003 inthlan dawn lai aiin Rs 5,50,000/- in a hausa tawh a, a motor a thlak bawk’ an ti a, Chief Minister ni lai, Pu Zoramthanga chu ‘Kum 2003 inthlan aiin Rs 91,91,813.81/- in a hausa a, Rs 70,343 in a lei bat pawh a pung a. Mahni hlawh phu lova hausa leh thuneihna hman sual avanga PIL case nei lai a ni a, Greater Aizawl Water Supply Scheme Phase II Contractor hnen atangin Rs 5,00,00,000/- laa puh a ni a, a department enkawl, Industry atangin M/S Mizoram Venus Bamboo Product Ltd. hnenah Baffacos sum, Rs 2,50,00,000 leh M/S Zonun Mat Play hnenah Rs 2,00,00,000 pek a ni.
Vawi tam tak mipui hmaa thu dik lo sawitu a ni a, hel hnenah a discreationary Fund a pe thin tih amah ngeiin a sawi’ an ti bawk. MPCC President, Pu Lal Thanhawla chu ‘Eiruk chungchanga Court-a thubuai nei lai a ni a. A sum neih kum 2003 inthlan aiin Rs 1,31,04,895.45/- in a pung a. A lei bat pawh Rs 29,924 in a pung’ an ti a, UDA-in Chief Minister atana an ruat lawk, MPC President Brig T. Sailo chu a hming chhiatna tarlan a ni lova, a sum neih leh a thil neih hlut zawng tarlangin leiba a neih loh thu tarlan a ni.
Tun tum MLA candidate zingah cheng vaibelchhia nei tling mi 29 an awm a, a hausa zual 10 te chu an hausak dan indawtin - Pu R.Lalawia, Pu K.Sangthuama, Pu J.Lawmzuala, Pu Manghmunga Chinzah, Pu JB Rualchhinga, Pu Zodintluanga, Pu Lal Thanhawla, Pu F Malsawma, Pu K Liantlinga leh Dr R Lalthangliana an ni. Candidate zinga sum nei tlem zualte chu Aizawl South-I-a Congress candidate, Pu R Vanlalvena, Rualkhuma Hmar UDA Tuichang Candidate leh Lalhmingthangi Hmar, UDA Champhai South bial candidate an ni. MLA candidate zingah Pu H Vanlalauva MNF, Pu Zoramthanga MNF, Pu Lal Thanhawla Congress leh Pu John Rotluangliana Congress te chu thubuai nei lai nia tarlan an ni.
November 20th, 2008 at 11:17 pm
Congress leh MNF candidate zingah hian thubuai nei mek, case kal lai an awm a, heng te hi MLA chuh tur hian an phal tho em ni? dan lam hre mi ten min han chhang thei se la.. Keima mimal ngaihdanah chuan an case hi chinfel a nih hma chuan candidate atana phal chi ah ka ruat lo thung a. Mahse, dan erawh a awm ngei ang.
November 21st, 2008 at 1:40 am
Keipawh UDA Manifesto-ah “Science leh Mathematics nuaibo an tum” tih lai tak hi ka hmu miah lo mai a. Khawi atanga an lak chhuah nge ni?
Education Reform ah chuan hetiang hian a intar a:
THALAITE TAN HMASAWNNA LEH EDUCATIONAL REFORM
1.Sports Policy tha tak duan chhuah a, Sports Department tana Budget tam zawk ruahman sak.
2.Naupan tet atanga sports lama talent nei tha bikte zawng chhuak a, sports lama India leh khawvel huapa intihsiakna ahte lang thei tur khawpa siam tur leh sports hi thalai tam takin eizawn nana hmang thei tur leh mi tamtak chherchhuah an nih theih nan chak taka hmalak a ni ang.
3.Sports Stadium leh Sports Complex puitling tha tak din a, Play Ground awmsa te changtlung zawka thuam.
4.Youth Commission tha zawk leh changtlung zawka kalpui.
5.Education Department hi mumal zawka enkawl a nih theih nan Mizoram Educational Service din a ni ang.
6.Information Technology-IT hmanga kan Thalai ten eizawnna chi hrang hrang an hmuh theih nana chak taka hma la in, Cyber Law siam a ni bawk ang.
7.Thalaiten mahni kuta hnathawh tur an insiam chawp theih nan Trade School leh I T I ang chi a tam thei ang ber din a ni ang.
8.Mizo Thalai tam tak sipai-a an luh theih nan Mizo Regiment din tura hmalak a ni ang a, Sipai Officer- a Thalai tam zawk an luh theih nan Sainik School din a ni bawk ang.
9.All India Service leh Central Service- a Mizo Thalai tam zawk an luh theihna turin Coaching Class puitling din tura hmalak a ni ang.
10.Zirlaiten Scholarship tam zawk an hmuh theih nan ruahmanna siam a ni ang a, pawisa senso tamna Technical leh Professional Education leh Foreign- a zirten Educational Loan awlsam zawka lak dan tur ngaihtuahsak an ni ang.
12.Theological College leh Seminary- a Course puitling zo Degree neite chu Sorkar hnathawk thei turin Sorkar in an Degree a pawm sak ang.
13.Hindi Zirna lam hmasawnna chak taka kalpui a ni ang a, a tul dan ang a. Hindi College te pawh din in, a tul dan ang a Directorate hrana dah a ni ang.
14.Thalaiten Foreign leh ram chhunga hna an hmuh theih nan Agency mumal tak siam a ni ang.
15.Thalai hna nei lo ten eizawnna bul an tanna turin Loan leh tanpuina dang ruahman a ni ang.
16.School naupang te zinga Physical Education lama hmsawnna tura chak taka hmalak.
Mahse, “Science leh Mathematics nuaibo an tum” tih erawh a awm lo.
A duh tan UDA Manifesto hi hetah hian en theih a ni e:
https://www.znpmizoram.com/uda_manifesto_pg4.html
November 21st, 2008 at 1:47 am
Rethei zawkte tana ruahmanna:
MI HARSA ZUALTE DAWMKAN DAN TUR
1.In hmun nei lo te hnena inhmun pek leh Sorkar Building in sak sak.
2.Sorkar hnathawk Group C leh D lak turah chhungkua a Sorkar hnathawk la awm ve lohna te a bika duhsakna pek.
3.Health Care Scheme tha zawk leh changtlung zawka kalpui a ni ang.
4.Thingtlang atanga damlo khawpuia damdawiin lian pante tan an thlenna tur Khualbuk ngaihtuahsak a ni ang
5.Thingtlang zirlaite tan District Headquarter tinah Hostel ngaihtuahsak a ni ang
6.Pawisa hlutna tlahniam leh thil manto dan mila nitin inhlawhfate hlawh ennawna (Administered Price Mechanisms) siam fel a ni ang.
7.Nitin inhlawhfa a chhuak te leh thiam bik nei (Skill, Semi-Skill Labour) ten chetsual leh tar hnu pawha in tuam hlawmna an neih theih nan Pension Scheme tha tak siam a ni ang.
8.Tar Pension tihsana mi tam zawk hmuh theih tura buatsaih a ni ang a, BPL chhungkua kum 65 chin chunglam chu Tar chawmna (Old Aged Pension) thlatin cheng zanga pek a ni ang a. Chhungkuaa eizawngtu ber a boral in, a boral atanga thla khat chhungin Rs 10,000/- (singkhat) pek a ni ang.
https://www.znpmizoram.com/uda_manifesto_pg4.html
November 21st, 2008 at 1:49 am
Zorunpui.. van trang ve le…. UDA chuan an mahni in sorkarna an siam dawn chuang lo, lo ngai rengmah rawh tu te emaw party an mawngzawm leh tho ang..
November 21st, 2008 at 2:09 am
Nia, hriat loh le, tuna ka han ngaih pawimawh zawka chu UDA sawrkar lam ni lovin an puhna hi an manifesto ah kan hmu lo va, enge a awmzia, kan han ti deuh a ni e.
Congress emaw MNF emaw pawh sawrkar se ram tana hmathlir tha tak nei a, taima taka hna an thawh chuan a tha vek alawm.
November 21st, 2008 at 3:11 am
Zoramthanga chungchangah khian’mahni hlawh phu lova hausa leh thuneihna hman sual avanga PIL CASE Nei lai ani a,greater water aizawl supply scheme phase 2 contractor hnen atanga Rs 5,000,0000 la a puh ani a.A department enkawl Industry atrangin M/s Mizoram venus Bamboo Product Ltd hnenah BAFACCOS sum Rs 250,00,000. leh M/s Zonun Mat Ply hnenah 20,000,000 pek ani.vawi tam tak mipui hmaa thu sawi diklotu a ni a,Hel hnena Discreationary pe thin tih amah ngeiin a sawi”tiin a in ziak.A rapthlak ka ti khawp mai.khi khi tak tak a nih ngei turah ngai ila,khitiang a nih chuan engtin nge tun inthlanah hian a la din ngam le,?
Pu CHHURLIANA leh MNF party tran tute khan in pu chhan nan hian rawn sawifiah tehu>nge FIR in thehlut ve zawk mai dawn ami?
November 21st, 2008 at 10:12 am
Congress: NLUP hi a hma in a hlawhtling tawh lo a, tunah ngati nge chhunzawm an la tum, chuan Congress hian Chhim lam a UT Hrang neih duh Candidate pahnih an nei, Nirupam Chakma leh S Hiato. Mizo Lungrual na tan a tha thei ang em?
MNF- Candidate zing ah Corruption case nei te hi ding tlak an ni em? Zonet chuan Manifesto hi Party dang aiin a tha lo an ti bawk.
UDA - Sciensce leh Mathematics nuaibo an tih hi, thil dik a nih chuan, thil tha lo tak ni in ka hria. Theological Seminary zir zo te Sorkar hna thawk tur a pawm hi enge awm zia? Theological Seminary a zir chu Pastor tur in an in zir tur ah ngai i la, chuan sorkar a hnathawk duh chu an department tui na lam - arts, sciensce, commerce lam mi ni se a tha ang. Hindi Directorate ai chuan English zirna directorate te awm se, a tha zawk lovang maw, Call centre a hnathawk duh te tan leh hna dang tan pawh.
November 21st, 2008 at 10:26 am
VK tun hi tran hun alawm UDA ah i vote hlu lutuk kha lo thlak kauh dawn nia, a sawi fiah lam hi chu @ zorunpuia ka ring tawp mai
November 21st, 2008 at 10:49 am
Zopatriot i tidik lutuk. Ka’n tui hnih ve lawk ange. Pathian thu hi sawrkar hnathawhna atana zir chi a ni lem lo. Sawrkar hna thawhna tur khawp thiamna miin a neih baka theological degree a nei belh a nih chuan a thra hlei hleiah kan ngai thei ang chu. Chu ai chuan kan University-ah te hian Christian studies kan tih ve theih na’n Christian Departmnet te hawng ve zawk ila a tha ka ti.
November 21st, 2008 at 11:16 am
PU R.Lalawia chu a lo la turu hle mai. ani hi vote mai chi a eiru vak duh tawh lo anga…
November 21st, 2008 at 11:28 am
“Science leh Mathematics nuaibo an tum” tih top hi a diklo deuh ang, compulsory a zir ngai anih avangin zirlai tam takin an fail phah hi UDA chuan thalo a tih avangin optional paper ni se, zirlai zinga competitive ti duh leh science zir zel duh te tan a la lak theih reng dawn tho a ni. Math leh Science hi ram changkang zawk leh India ram chhung ngeiah pawh hian optional paper ah dah chhoh mek zek a ni e, subject pahnih khat thiamloh avanga matric fail an tam em em thin hian zirlai te zingah stress leh depression a siam nasat avangin zirlaite’n a basic knoeledge an neih hi mithiamte pawhin a tha tawk an ti a ni.Tin, competitive bei duh tan pawh arithmetic thiam a ni leh mai a, chu chu a harsa lem lo. Chuvangin, PRISM lam hian thil an hrechiang lo zawkah ka ngai. ‘Theological college a zirchhuakte tana sorkar hnathawh ve theih’ tih pawh hi Nagaland lamah chuan an tihna alo rei tawh hle a ni. BA ho ai hian B.Th ho hian thiamna in ang rau rau-ah moral principle leh integrity an nei zok a rin a ni a, tin Aizawl ATC atanga zir chhuak B.Th te phei hi chu an counterpart BA ho aiin an thiam zok mah a nia, hriatna lamah pawh hriam tak an ni. Chuvangin, PRISM lam hian thil zir chiang hmasa loin normative takin manifesto an lepse hi an kalpui mai mai anih ka ring ta.
November 21st, 2008 at 11:35 am
Yes!! hminga a hi a sawifiahtu pakhat dang a nih hi
November 21st, 2008 at 11:37 am
PRISM te’n candidate an lepse dan hi ngun taka chhiar chuan an Congress deuh emaw ni chu o tih theihna lai a tam hle.E.g. Azl North-II a ding Liansailova chu Kohhran Upa an ti a, Lalthanliana pawh hi Kohhran Upa lar tak a ni ve tho a, amhse an ziah lan sak duh miah lo a ni. Hetiang hian candidate chanchin an ziahna lamah an Bias viau mai. Entirna dang, Azl West-III a Congress candidate Selthuama chu 2001 a MZP in sorkar hnathawk corruptu lo ber 2-na ah an thlang a, chu chu uar takin an ziah sak a.mahse, MZP thoin hemi kuma Politician Corrupt lo ber a an thlan Brig.T.Sailo-a chanchinah hemi chungchang hi an ziah sak leh duh miah lo a ni. manifesto an lepse dan pawh hi thil zirchiang hmasa tak tak lo a ti mai mai an ang hle. Commission din an ngaih pawimawh sak viau a, mahse commission hi eng terms of reference nei tur nge a ni tih lam an ngai pawimawh miah lo a ni.
November 21st, 2008 at 11:39 am
Sawizauna leh ngaihdan chi hrang hrangte chhiar a nuam, a manhlain a hlawkpuiawm hle mai….
Party hrang hrang Manifesto te hi uluk taka chhiarin, zir ila, kan ram tama tha leh tihhlawhtlin theih ngei tur leh tihhlawhtling tur nia kan hriatte hi Vote i pe ngam ang u. A party zawng nilovin, kan bial theuhva candidate te dinhmun pawh zir chiang ila, an hausak vang emaw retheihna lam en lovin, mi dik leh rinawm, ram tana vision nei tha, hna thawk tak tak tur, dikna tana(trana) mihuaisen, dikna avanga tuar ngam, mi thiam thlang chhuak turin a hun lai hian rilru i seng hram teh ang u.
Kan mi duhtak kan thlanchhuah ten ram min kai hruai leh dawn a ni a, a eng party pawh sorkar se Zoram mipui tam berin kan duh te an ni leh dawn a, ram rorelna leh hmasawnna, ram inrelbawlna an kalpuina kawngah pawh a chhia a tha ah mipui ten in sawisel mai lovin kan theihna zawn theuhvah i tang tlang zel ang u.
November 21st, 2008 at 11:42 am
Prism hian congress manifesto a thaber an ti; mifing awmkhawm nge nge thil an lo hria e.
November 21st, 2008 at 11:45 am
Dik e, hriat chian loh chu in zawh hreh loh ila.
November 21st, 2008 at 11:47 am
Einch!! thianpa i campaing dan chuh
November 21st, 2008 at 11:52 am
@ThaiBoy: Congress Manifesto hi an Manifesto lam nilovin a Bu leh a chhungthu ziahdan/rem danah a tha ber an tihna a niin a lang.
Hei han chhiar nawn leh chhin la….
“Congress Manifesto hi a bu an siam dan leh a chhung thu an ziahdanah party dang manifesto in a tluk lo a.”
November 21st, 2008 at 11:52 am
Kei manifesto that leh thatloh lam ai mahin tihhlawhtlin tir duh mi hruaitu an nei em? tih hi ka zawhna ala ni reng.Kum 1987 leh 1993 a Congress manifesto te kha tha tak a nia, mahse tihhlawhtlin lamah hian Pu Hawla hi a tui vak lo niang, NLUP pawh kha 70% a hlawhtling lo tlat mai, hei hi sorkar official te assessment atanga a landan a ni.
November 21st, 2008 at 12:33 pm
@Amanda, UDA campaigner ka ni miah lo a nia. kan ram hian ‘change thami’ kan mamoh a ka hriat avangin he thil thlentir duh mi hi ka zawng a ni zok. MNF ni lo a MNF Candidate vote ngar ngartu ka ni thin a, mahse tunah chuan ka sim hle tawh a ni.MNF candidate tana vote ka pek kha laklet theih tawh miahloh nimahse tun tuma MNF candidate ka vote loh hian min bumtu party lakah phuba ka la ve ah ka ngai dawn a ni, beiseina sang tak neiin ka lo vote thin a, mahse tunah chuan an lak atang hian beisei tur ka nei toh lo. Congress hian mipui bum an la tum phet nia ka hmuh avangin Congress candidate tana ka vote hlu tak pek hi ka phal hauh bawk lo ang. Good governance siam tur chuan hruaitulu ber, Chief Minister ti mai ang, in Vision leh commitment a neih a ngai a, chu chu Pu Hawla tlakchham ber mai a ni bawk si. Chuvangin, alternative awmchhun UDA candidate tana vote ka pek mai a ngai don tlat anih hmel hle.
November 21st, 2008 at 1:04 pm
“India ram chhung ngeiah pawh hian optional paper ah dah chhoh mek zek a ni e”
which School Board in India makes Math/Science Optional upto Class 10 level? I know none.
November 21st, 2008 at 1:18 pm
pu thaiboy te chu chawlni tlaiah pu hawla nen a sen chi an peg dun thi alawm!!
(fiamthu)
kum kha leh chen sawrkar tawh ve ve Congress leh MNF hnuai ah hian development engmah kan nei lo a, Pu T.Sailo a hi hmasawn duh mi a nih avangin amah hi tha ka ti a, UDA pui pa ber a nih tak avang hian ka UDA em em ringawt!!
November 21st, 2008 at 1:50 pm
Open School ah optional aniang LOL!
November 21st, 2008 at 2:01 pm
PRISM hian Misual ho hi min rawn lepse ve se, tu account hi chhah ber ang aw.. hausa deuh tur rin ka nei mai..
Kei chu chair pakhat leh awke chiah ka nei..
November 21st, 2008 at 2:32 pm
Keichu tuna kan kal dan, science leh mathematics matric level thleng a zir hi a pawina ka hre hran lo..Englekhawle, UDA chu ka la vote zel tho dawn e
Min lipse ve ta sela cooker phit thei tawh lo leh kekawrte spare chiah ka nei keichu
November 21st, 2008 at 2:34 pm
Pu zoramthnaga hi hmanah khan Delhi drip ringa nun kha a ning a, Tlang rin aiin Delhi drip pawh a lo ngah khawp anih hi.
November 21st, 2008 at 3:02 pm
maric exam naah science leh mathematic pass theih loh vanga pol,sc leh history leh subject dang dang a ti tha thei deuh deuh matric paltlang zo ta lo ka hre teuh mai.Chuvangin heng subject pahnih kan kal pui danah hian change kan mamawhin ka hria.kei chu.
November 21st, 2008 at 3:11 pm
Matric kan exam ka hre chhuak zawk mai…. Kan senior vawi 3 exam bei tawh a ni a, subject dang chu a thiam khawp mai. History phei chu a kum pawimawh zawng2, a figure nen a sawi thei vek. mahse, mathematic paper-I a thiam lo lutuk a, tih ngaihna thlawt a awm lo. A dam chhungin Matric a pass ta lo, a vanduai khawp mai.
November 21st, 2008 at 3:12 pm
YES WE CAN
November 21st, 2008 at 3:17 pm
Science chu ka soi thei lo a, mahse mathematics hi chu Mizo tawngin zir thei i la chuan, a bawb ah tak man thei i la a that ka ring. Maths hi mizo te thiam chi tak tur ani a, high school level ah chiang mang loving sap tawngin kan zir vang a ni ang.
November 21st, 2008 at 3:55 pm
Kum lampang Prism website a hmuh theih chin ah:
Average Age
Congress -54
MNF -54.3
UDA -49
Under Matric
Congress -0
MNF -2
UDA -0
Thiamna Lam
Phd Candidate
Congress -1
MNF -2
UDA -2
HSLC Chauh
Congress -1
MNF -8
UDA -1
PU
Congress -2
MNF -3
UDA -4
LLB
Congress -2
MNF -0
UDA -4
MBBS
Congress -0
MNF -1
BA
Congress -12
MNF -17
UDA -14
MA
Congress -11
MNF -10
UDA -2
November 21st, 2008 at 4:32 pm
In vaiin Sawrkar thar(Pu Hawla kaihhruai na) hnuai ah thlamuang takin in awm anga; te pawh tam tak kan neive. in thurawnte; in mi puihna te kan la mamawh ngei ngei dawn; chung hunah chuan min do lova,kan tlin lohna leh fel lohna ah te min fin chhuah a,thurawnte min pe zel turin ka sawm che u.
November 21st, 2008 at 4:33 pm
tlinlohna te pawh tamtak kan nei ve tih tur
November 21st, 2008 at 4:37 pm
ThaiBoy, Congress khan an sorkar chhung khan Mizoram tan eng hmasawna nge an thawh le ?? Congress chuan politics chu an thiam ber chuang ka hria, mahse, ram tan an thawk ka ti thei lo.
November 21st, 2008 at 4:44 pm
Congress in mirethei te an chan ai a pekve a; an ei zawnna tur a ngaih tuah sak te hi phalve rawh u; chu vang chuan ram hmasawnna ruhrel duan nan a; a tih tur hi a thulh phah lovang. chuan kan hriat nawn fo tur chu; duhthusam a in awih lunglen hi sim tawh ila; kan tih theih chin tur sawi ila ti bawk ila. Rambuai hrehawm ziate kha in hreve kher lo mai thei,khang hun harsa leh hrehawmna laka ta mizo te kan fihlim theih nan a; mahni lal thutthleng kal san tute kha Pathian hian ala theih nghilh lova; Mizoram a rorel leh tur hian Congress Party chakna chu thuam tharin a awm mek ani.
November 21st, 2008 at 4:45 pm
VK Congress sawrkar thawh loh hmasawnna kan ramah hian enge awm?
November 21st, 2008 at 4:55 pm
Ni e, inthlan zawh-ah kan hre zel ang chu. Congress chuan hun rei tak Mizoram min hruai tawh a, an kalphung leh an politics chu mi hawi zau deuh chuan kan hre tlangpui tawh. Ka hmuh ve dan mai mai chuan, Pu Hawla hi chawl ngam tawh sela congress hian a thatpui ngei ngei ang. Phel pawh an phel lo ang.
Remna kan neih theih nan a Pu Hawlan a lalthutthleng a kian pawh kha ni e, kil khat a tang chuana fakawm khawp mai. Mahse, kha pawh kha Pu Hawla/ congress politics thiam/fin vangah ngaih ve theih ani. MNF khan rorelna han chang mahse, rei an daih dawn lo tih kha ahmu tlang vek niin ka hria. Ramhnuai atanga lo chhuak hlim hlawt, an han MLA/Minister te renga, zu leh hmeichhia te nen a mualpho pawh an awm nual kha. An hming sawi lang lo mai ila.
Chuan term leh-ah chuan Congress bawkin lalna an rawn chang leh mai kha.
Rambuai avanga kan chhungkaw tawrhna chu sawi lan kher ngaiah ka dah hran lo.
November 21st, 2008 at 4:58 pm
Mathematics leh Science hi IT khawvelah hian a pawimawh tulh tulh dawn tih chu a chiang reng mai.
Chuvangin optional paper-ah dah a ni emaw, nilo emaw a pawimawh zia hi kan hriat a zirlaiten heng subject pahnihah te hian tan kan lak deuh deuh hi a pawimawh ber zawkin ka hria.
A bik takin computer thiam zirna lama kal zel tur tan phei chuan Mathematics tel lo chuan a ngaihna a awm lo.. a thlen thui theih loh hrim hrim a nih hi….
November 21st, 2008 at 5:08 pm
Pu Hawla hi a chawlh a hun tawh kan tih chuan Pu Thena (amanda pu) phei hi chu hun tawh tak ani.
November 21st, 2008 at 5:15 pm
Thianpa ka Pu chu amah pawhin chawlh a duh tawh khawp mahse mipui nawrna hi a nasa em a ni
i Pu hi chu mipui lam zawk hian lo inthiarfihlim tawh se an duh em alwm lo hrilh ve mai la 
November 21st, 2008 at 5:17 pm
Mipuiin inthiarfihlim turin duh mahse chunglam kohna chhan loh hi ala ngam nganglo ani.