Land For The Landless
December 19th, 2008 3:11 am | whatever | Mizo Master | 260 views|
|
Laltlanzova Khiangte
Mizoramah hian khua leh tui dik tak, ram emaw, in leh lo emaw nei lo mi engemawzat an awm tih sawi thin a ni a, thingtlang loneitu leh ranvulhtu, ei leh bar tharchhuahna khawp ram tihtham nei lo engemawzat an awm bawk. Hetihlai hian mi hausa thenkhatin ram zau tak tak an nei a, engmah tharchhuah na’na hmang lo, rula raw neih ve mai mai pawh tam tak an awma sawi a ni.
Engtinnge ram nei lote’n ram an neih theih ang? Thingtlang loneitu leh ranvulhtute’n anmahni tan chauh ni lo, ram mipuite tana ei tham tharchhuak turin engtinnge ram tha lai an chan theih ang? Khawpuia khua leh tui tam takte pawhin an ram ngeiah in hmun chhete pawh an nei lo va, he Zorama hlim taka cheng tlang tur hian engemaw tal tih chu a ngai a ni lawm ni?
He dinhmun chiah hi hmanlai ram ropui Roman-ho leh Greek-hote pawh kha an lo tawng tawh.
Mi hausate’n ram zau pui pui an nei a, in leh lo nei lote’n ram neih ve (change) an ngiat a, thuneitute’n ‘land reform’ tiin nasa takin mi retheite harsatna an sukiang a, an ram pawhin a hlawkpui thin. Amaherawhchu, ram tam takah ram zau tak tak neitu mi hausate’n mi retheite hnenah an ram an sem phal thin loh avang leh mi hausate chu thuneihna chelhtu an nih zawk thin avangin buaina a chhuak fo a, khawvel history-ah ram chungchang avanga mi retheite leh mi hausate intihbuainain hmun tam tak a luah a ni.
Japan ram pawh an bang bik lo. An ram lalber, Meiji chuan Samurai lal, Shoguns lak atanga thuneihna a laklet hlim (1868-1912) in ram nei lote hnena ram pek hna (land reform) a buaipui a, khawvel indopui pahnihna zawh hlimah Japan awptu US Occupation Force chuan land reform a ti leh nghal a, ram zau tak tak neitu (landlord)-te kuta awm thin, Japan ram leilung 80% lai chu loneimite hnenah pek a ni. Japan ram hmasawn chak takzia chu kan hre theuh awm e. British sorkar lak atanga Pakistan leh India an indan hlim pawh khan heng ram pahnihte hian land reform an buaipui ve ve a, a tirah chuan mipui lamin a pawimawhzia an hrethiam pha lo va, hun engemawchen hnuah land reform chu tihmakmawh a ni tih mipuite’n an hrechhuak tawh.
Industrial Revolution a thlen lai te, Europe ram ropui hrang hrangin an ram awp an kalsan hlimte khan khawvel pumpuiah mi rethei leh loneitute hnena ram pekna land reform a thleng nasa hle a, 1910-a intan Mexican Revolution-ah te, Communist China te, Bolivia te, Zimbabwe leh Namibia thlengin land reform hi a lar hle a ni. Africa leh Arab-te’n Europe ramte awpna atanga talchhuah an duhna lian ber pakhat chu land reform an duh vang a ni a, Cuba ramin loneitute tan liau liaua land reform a tih phei chu a pui tham hle niin an sawi. Land reform hi khawvel indopui pahnihna a tawp atang khan third world countries (Asia, Africa leh Latin America-a ram thangchho mekte) tan chuan economic lama thanchhohna kailawn (step) pawimawh tak a ni a, a bikin Taiwan, South Korea leh Malaysia-te tan phei chuan hmasawnna kailawn bul ber a ni an ti nghe nghe.
Tunlaia khawvel economy-a hmun pawimawh tak chang mek, People’s Republic Of China pawh khi Deng Xiaoping khan land reform ti lo se hetiang khawpa ram ropui hi a ni lo ang an ti. Deng Xiaoping-a hunlai chuan khawpuiah mi hausa tak tak, ram zau pui pui nei an tam mai a, chung mi hausate ram engemawzat chu loneitu, ram nei lote hnenah a pe a ni.
Barbados-ah pawh sorkarin ‘Land for the Landless Programme’ a buatsaih a. Lo neihna atana hmun tha tur, mimal ta leh sorkar ramte chu loneitu, mahni-a ram tha lai neih ngaihna awm lote hnenah a pe a, ram pum tana hlawkpui theih tur thlai leh chaw chi hrang hrang ching turin a zirtir zui a ni.
He Barbabos-ho programme hi land reform hmanga thingtlang loneitu ram nei lote khaichhuahna tur te, mi tharchhuahsa lalut nasa lutuk loa an ram a intodelh ve theihna turte leh agriculture lama employment opportunity a awm theihna turte a ni. An ram Cabinet chuan July 2001 khan Barbados Agricultural Development and Marketing Corporation (BADMC) a din nghe nghe a, BADMC hian programme office dinin, programme manager, senior agricultural assistant, extension officer, field officer leh clerk typist an nei. Driver leh peon hi ram dang officer-te hian an uar ve vak lo a ni awm e.
Mizoram leh a chhunga chengte pawh hian mite tih angin ram nei lote hnena ram pek leh thingtlang loneitute hnena lo neihna tur hmun mumal taka thehsak hi ‘good governance’ kan neih theihna tur kailawn pakhat a nih a rinawm. Zimbabwe-a land reform tih tulzia sawitu Godfrey Kanyenze chuan, “Ram mipui 70% hi thingtlangah an cheng a, agriculture hi kan rama hna petu (employer) lian ber a ni a, land reform hi a pawimawh takzet a ni,” a ti.
Zimbabwe leh kan ram dinhmun hi a inchen viau awm e.
Engpawhnise, rorelna dik leh tha (good governance) kan neih theihna tura kan tih ngaite hi a lian a tein i tlangaupui zel ang u. Pu John Lennon-a hla thu hian a lungkuai zawng deuhin kan thu titawp ila. “You may say i’m a dreamer, but i’m not the only one. I hope someday you will join us.
December 19th, 2008 at 4:39 am
Ka chhiar chhuak parha; a bengvar thlak khawp mai. Ka mut a chhuak tawh sia; muthmunah ka lo ngaihtuah chhunzawm ange.
December 19th, 2008 at 5:07 am
chhana: BTS-a (LPS) tih dan tak ah…Ngaihtuah peih te tannnn
December 19th, 2008 at 5:25 am
Russia ah pawh mi zawng2 an in tluk tlan nan sorkar-in a thuhnuaiah property a dah veka… keini state ringawtah pawh han apply chiah mah ila, t(r)eu hlir hler tur chu kan tam ngawt in ka ring… ka bang rih e… comeback kan siam lawk anih hi lolz
December 19th, 2008 at 6:07 am
Ngaihtuah thiam a
har khawp mai. Hmanlai chuan mizote hian mahni khaw ram chin kan nei theuh va, hei hi lalte’n an awp a, mahni ram chin chu uluk taka enkawl a ni thin. Mahse hun a lokal zel a, heng ramte hi khawpui mi hausate ram a ni zo dawn ta mai.
Aizawl leh Lunglei inkar kawng ram tha laiahte hian Teak hmun tam tak tak hmuh tur a awm, hengte hi a tam zawk chu khawpui mi hausate ta vek an ni. A tira neitu, thingtlang mite’n retheihna avangte’n khawpui mi hausate hnenah tlawm tak takin an hralh a, neih let tum mahse kumtin ram hlutna a sang tual tual a, tih chi a ni tawh lo. Phengphehlepa khua a tlai zo tawh a ni ber mai.
December 19th, 2008 at 6:52 am
Ram nei ve ringawta enkawl silo te hi Sorkarin chhuhlet sak vek rawh se. Tichuan ramruak tamtak kan nei thei ang.
December 19th, 2008 at 8:08 am
mizoramah te chuan minister , mi hausa leh sawrkar hna sang thawk ho hian ram zau tak tak, nakina sawrkarina project a neihna hmun turah hian an lo nei fel dim diam zel. Lengpui Airport a compensation an pek te kha a dawng tam ber pawl chu CM Lalthanhawla ani an ti .
December 19th, 2008 at 8:18 am
in remruatna chu a thra hle mai, mahse ka(n) ram, uluk taka enkawl hi sawrkar in ron pawng chhuh ngawt don se chuan, ka(n) trang khawh nasa hle ang. I Ram zau tak, Uluk taka teak huan puitling trep tawh, sawrkar in thingtlang pa pek tumringawt se la, i thru ngawi reng a ngem? Thisen a luan loh chuan a mak viau ang.
December 19th, 2008 at 8:27 am
Tunlsi chu ka thianpa hi a khatliam ve ngang a, a thu hi lo hlutsak ve thin teh u. Mahse a ziak sei hrep pek a, hei!!!
Nizan ah pawh Firehouse concert ah a au ring ve khawp mai.
Zanlai dar 1 vela Animax leh Robocop a en thin an la ti zui……
December 19th, 2008 at 8:28 am
Tunsi= Tunlai
December 19th, 2008 at 8:50 am
Hriatzauna tah tak ani. Mahse Mizoramah hi chuan “land reform” tul khawpin a la awm loin ka hre ve tlat. Mihosa ram/hmun hi a vaiin 10% pawh a tlin ka ring lem lo. Land Reform ai chuan Thingtlang lam a an lo vah chulte khi tlansan mai loin “Terrace” siam se la kumtin ramngaw thar lo a tan vah/hal a ngai tawh loh a nga, Mizoram ngaw leh nungchate pawh an chereu lo zawk ang.
Abulpui berah chuan mipuite a thlawn a cheng dawn theihna ang chi hian mi a ti thatchia a, kan theih reng pawh ka ti paih tawh lo a. Mithiamten nasa takin hma la se mipuite hi zirtirna tha tawk khawtinah neiin, sawrkar lam pawn hma la ve bawk se kan that pui zawk ka ring tlat.
December 19th, 2008 at 8:52 am
tah=tha
December 19th, 2008 at 10:18 am
Nia han sem chur2 teh se, a pek zingah khan han tel ve ngei bawk ila.
December 19th, 2008 at 10:57 am
Eng sorkar pawlh lal se, Aizawl (bik takin Aizawl hmar lam) mi hausa ho tan an thawk deuh ber a, chung chu ram zau deuh deuh, a then phei chu Mizoram state area 10 percent dawn dawn neite anni awm e. Sorkar in Land Reform han tum tehreng pawh nise, anni ho hi compensation luakchhuak khawpa tam pek an tum leh si ang a. Chu aia tha chu ram nei tuten kum 5 chhunga an hman loh chuan an permit laksak theihna dan Assemlby ah pass sela, a tawk der. Chu bakah ram nei ho hian Income Tax an pek hun chuan ram nei zau duh an tlem pharh maithei.
December 19th, 2008 at 11:13 am
In rawtna khi a tha khawp mai. Ram hmang tangkai lote chhuhsak theih dan hi siam ni se. Tin, ram/in neih tam dan azira tax pek tam dan hi awm bawk se. Land ownership record hi chinfel ni bawk se. Hman deuhva MCS senior pakhat revenue a thawk thinin a sawi dan chuan Mizorama in hmun leh ram ngah ber chuan 300 chuang a nei a ti. Tunge ni ang le?
December 19th, 2008 at 11:33 am
India sawrkhar hian ACT pakhat “Forest Dwellers Act” tih a passed ah chutah chuan ST , Forest area a awmte hian an ram hi patta turin an claim thei a. India ram dangah chuan an kal pui mup mup a, mahse, Mizoram bikah hian, article 371 a vang hian Parliament in eng Act pawh passed mahse, Mizoram assembly in an pass ve loh chuan apply theih a ni lo a. tun sawrkhar thar hi chuan an pass ngei a rin a ni a, chuvang chuan LAND LESS ho chuan an claim ngei i beisei i la. Mipui zirtir pawh a ngai. heng website ah te hian a kimchangin a zirchian theih ang. tribal.nic.in, forestright.nic.in
December 19th, 2008 at 11:35 am
Mizoram Land development than mawhbawk pakhat bawk chu “ka Ram, Ka Ram” tih hi agriculture officer pakhat min hrilh dan. wasteland develope/watershed develope scheme te hi, milian ho ti len lehzualna lek a ni, ati dik hmel fu.
December 21st, 2008 at 8:24 pm
land reform chu thra khawp mai, mahse kan ti talh ange kan ram hi chuan kan la mamawh em2 pawn ka hre chiah lo, kan mamawh tak zawk chu, a chin tur thlai leh a hralhna(marketing) lam zawk hi ni in ka hre ve mai2. A chintur thra leh hralhna tur tha hria chin na hmun tur nei lo chu kan la awm em em aw!!
December 22nd, 2008 at 1:19 pm
Land reform ang reng chu neih ngai teh reng mai. Zoramah hian ram awl hrim hrim chu zau bawk mah se, access theih, ram tha leh hman tlak chu a tam lem lo. Kawngpui dung an ram zawng zawng a chhim chhak hmar thlang tinah hian mi mal ta a ni vek mai. Aizawl paho ta a ni deuh ber zel bawk.
Ram thenkahtah chuan chhiah hi a ram zau zawng a zirin an khawn vek lova. In hmun/huan pakhatna angah hi chuan mi rethei ber pawhin a harsatpui loh tur zat an khawna, a pahnihnaah an ti sanga inhmun pathumna neih phei chu chhiah a san tawh avangin a harsa viau thin. Hei hi tih ve atan a tha.
Land ceiling hi neih a tha kla ti bawk. Duh zah zah ram neih ngawt hi a fel lo. Ram enkawl loh cancel pawh hi a tha ka ti tho. “A neitu hmasa remtihna ngeia ka lei a ni a, min chhuh lui a nih chuan…” tih pawh a dik reng laiin ram leh hnamin khuareiah a chhiatpui tur a ni tlat. Ram leh hnam that kan duh chuan mimal right hi kan sacrifice a ngai reng dawn a ni.
December 22nd, 2008 at 2:54 pm
hei hi ngaihtuah chian a tha khawp….