“Vaichheho Uichhia”, tihpaha, ngam ila chu han pet tawk mai tak chu ka nap a. Ka suangtuahna hre ve ang ziazang chuan an la bauh ring zual sauh leh ta nghal. Ruah leh ral hmaa tlanngailo mizo tlangval, zamngailo val ngei mai kha ka tlan ta diai diai mai pek anih chu.
Mahse ka inchhir lo. “Nge mawle Chawngbawla meuh pawh bawl theihloh hun a nei ve tho alawm”, tiin ka inhnemna beitham tak nen chuan chak mangkhengin ka tlan zel zawk a. Ka kawtzawl ka han thleng a, ka han hawilet meuh chuan Ui hmuhtur awzawng an lo awm tawh lo. Min lo tinsan daih tawh chu lo niin. Zantlai dar 11:30pm hmulamah, thimtham karah val ka lai haih mai mawle. Mahni chauhvin ka zak rilru ve ram ram.
Ngaihtuah chhunzawm neuh neuh chung chuan ka room chhungah mahni chauh bawkin ka nui ralh ralh leh ta mai val hi. A ni lah taka, kha tluk a ka hlauh kha vang ve khawp chuan ka ring ta. Kha krismas zana uiin min um kha. Ka sana bunlai leh ka silipar ka hmuleh kha chu Lalpa zahngaihna ani. Chutia ka han ngaihtuah takah chuan ka Krismas hman tawhdante ka rilruah an lo lang thar a, ka nghilh ngailoh Krismaste’n min rawn luah tharleh ta.
Tleirawl 3 anni, kei rawlthar intive tawh meuh kha ka ngamlo chung, Urlawkzan ngei mai a min rawn ko chhuaktu kha. Ka ngamloh phurtaka ka kalpui vawikhatna ni hialin ka hre ta. Ani, damdawiin tlang ngei maiah khan ‘Val’ inti ve ka luangliam maw kha. Keichauh ka ni biklo; ka pumpui pawh a luangliam ni ngei tur ani. A luang ring lutuk hial a nih kha, a bulah pawh ka thut ngamloh phah. Ka pum ri raih raih reng mai kha khatih laia kan biakin dar ri ai khan ka bengah khan a ring chiang asin. Minlo dem suh u, a sam kha chu ka khawih chiang lutuk, a kut nen. Aw…kha krismas tak kha chu aw!!!
Ka nghilhthei dawnlo kha Krismas kha. Northeastern tlangval 3 hostel chunga krismas kan hman ho mawlh kha. Exam lai ani, pawisa kan la neilo zui. Urlawk zan alo thleng a, hostel chungah mei kan chhem ve hluah a. Mite an lungrun-i leh lungrun-a te nen an lo inlungrun ngawng ngawng tawh lai turah khan, keini ve lem a sen chi leh arsa chu sawiloh, coffee intur takngial pawh kan bulah a awm silo. Kan tihtur hrelo, kan neihchhun “Alu (Potato)” rawh pahin interview kan inneihsak kual vel ta mai mai chu ni. Kan hlimpui phian kan tlaivar ve ta reng bawk a. Mahse kan interview a kan sawi chu ka sawi dawn miah nang.
Mihringin kan hriatreng leh kan hlimpuiber thil tamtakte hi a hunlai a ho tak a kan ngaih leh harsatn kan paltlang dante hi ani duh riau dawn em ni aw ka ti zui ta mai mai a. Chuvangin engmah hi ngaihnep a, ngaihhniamte, hmuhsitte, deuhsawhte hi a lo tha miahlo a nih hi ka ti. “Vaichheho Uichhia” ka tih pawh hi “Vaithaho Uitha” tia thlakleh mai ka duh rilru ta hial zawk. Ka nunhlui, ka nuihpui bawrh bawrh thin min fan tir leh a, chhan thar awm lemlo pawh a hlim tak a mi nuih tir leh theitu a nih tak avang hian.
Similar Posts:
- Mizoram buai lai research
- Krismas lo thleng tur hi…
- Mizoram Buai: Retrospect
- Tuantul vang in…..
- Krismas a lo hnai leh ta
December 20th, 2008 at 4:23 pm
kei ai chuan i hmang dangdai deuh a nih tak chu!!!! UAMA hi chuan thil maksak tak tak hi a thlen fo reng a sin,sawi ve duh lem lo te pawh hian kan tawng ve treuh, kan sawi ve lo mai mai…
Report this comment
December 22nd, 2008 at 1:12 am
han sawi ve mai la mawle
Report this comment
December 22nd, 2008 at 2:10 pm
valbuanga ava lunglen thlak ve….a thlalak i nei mial em??
Report this comment