Hei tunlai media lamah hian kan thang chak khawp mai a, camera keng tu hi kan sawi pawlh fo ta mai a. Eng zawk hi nge hman tur, Cameraman nge Photographer ni ang le? I han sawi ho chhin teh ang u. A ho viau nang in awmze hran nei niin a ngaih theih tlat mai.
Similar Posts:
- Concept Art (Matte painting)
- Zan Lam Thlalak
- Mizoram Photo Exhibition cum Sale
- Facebook Fan Page
- Tute nge Mizo?
December 21st, 2008 at 11:28 pm
Cameraman chu videos a an hman thin la tu ho hi, photographer chu still pic la thin ho hi tiin ka thliar hrang ve tawp!!
Report this comment
December 22nd, 2008 at 12:25 am
Click III kha kan han hawh chawp ngei mai a; 120 film chi-ah khan frame 12 a awm thei a, Taj Mahal kawtkaia duhtawka kan han indawm kikawi vel lai te kha khuarei an chang zo ta! Kan la ngai dawn mang e. Hawh chawp theih Thlalakna (Camera) kan hman khan Photographer kan ni ta mai em ni? Nge Cameraman?
Thlalak kha STUDIO (stooo-diau)-ah negative atangin photo-paper-ah an han print chhuak ta ngei a; khatih hun lai phei chuan color a la vang a; monochrome chauh (b&w) a nih thin kha. A dum lai kha a hlim lai a ni a; a eng lai kha engin min em fuh bik lai a ni a, chuta tang chuan keimahni lem ang ang a rawn chhuak ta a; chu tak mai chu PHOTO (Eng) GRAPH (milem) a nih tak nachhan chu a ni. A var deuh phuk kha nulate chuan nalh taah an inngai a; a print a dum deuh chuan, “Awi, ka chhe lutuk, thlalatu hian a van thiam lo,” an ti chawk thin. Mahse, “Camera never lies,” an ti ve thung.
“Cameraman nge Photographer?” tih thupui hi a INTERESTING tlat!
Tun thleng hian Click IV ka la dahtha a, SLR Camera chi engemaw zat lai ka lo awrh ve tawh a, M7000 atangin Camcorder thlengin ka lo bih tlang ve tawh bawk. Photographer nge ka niha Cameraman? Min hrilh zawk mai ula maw le!
Kum 1980-a Nikon F3 ka puala ka neih ve khan, ka neihtirh zanah ka tlaivar chiang hle. A manual nen ka khal a, Paihte silai lei tur ang maiin a kheuh kau theih ang zawng zawng ka kheuh kau va; a hmeh hawn theih lai apiang ka hmet hawng a, zan khat thilthu-ah ka hre nghal deuh puk a ni. Chutih hun lai chuan Nikon Company khan uangthuang deuh hian, “Nikon F3 tharhlak (brand-new) i duh em? I duh chuan thlaah lawn mai rawh,” an ti thin. Astronauts-hovin Nikon F3 an hman an hnutchhiah hi a lo ni a!
Camera hi tet lai tak tak hun atanga nuam ka tih, Contact printing-te phei chu kum 8 mi ka nihin khawnvar leh lehkhapuan sen nen ka lo print ve tawh thin a. Chutih lai chuan Yashica 635 ka handle thiam ve tlat tawh bawk.
Chemistry, Physics leh Biology-ah kan thumal hman thenkhat hi i hre tawh chawk thinin ka ring. PHOTO tih hi Grik tawng a ni a, LIGHT (eng) an tihna a ni. GRAPH tih hi ‘milem’ tihna a ni leh a. English literature peng pakhata Etymology lam i rawn leh chuan PORTMANTEAU WORDS, thumal belhkhawm chi a lo awm leh a; eg., PHOTO+GRAPH “ENG+MILEM” tihna a lo nih tak ber chu! Bontany-ah pawh PHOTO-SYNTHESIS i zir tel ngeiin a rinawm. Thlai chuan ni eng hmangin Carbon-di-oxide a hip a; Oxygen a tichhuak tih thute kha. Photograph chu heliograph, sunprint te tein an sawi ve thin nain kum AD 1839 atang khan Sir John Herschel-a chuan saptawng thumal zingah PHOTOGRAPH hi a lo seng lut ve ta a ni.
CAMERA tih pawh hi English word-a lakluh a nih kum chu AD 1708 kha a ni a, Grik tawng KAMARA, Latin Rome tawnga chhawm PINDAN an tihna a ni. PINDAN THIM chu ‘camera obscura’ an ti mai a; PINDAN ENG chu ‘camera lucida’ an ti bawk thin. ‘Bi-Cameral’ tih pawh Ram Ro Inrelnaa HOUSE PAHNIH awm-ah te an hman bawk thin hi!
Tunlaiin Camera hi chi thum kan lo nei ve ta! Film Camera, Digital Camera leh Movies (Video) Camera. A nih leh heng Camera chi thumte hi operate thiam vekin; awrhin pu tel bawk ila. Photographer nge ka nih anga Cameraman? Kum AD 1900 hnu lam atangin CAMERA tih pawh hi thlalakna hmanrua a nihna angin English word-a seng luh a ni ve ta bawk.
Movie Camera ka chelek hma zawng kha chuan —candid, amateur angin hun rei tak ka hmang a; a tawpah sum senso khuh ve deuh nan professional ka ni ta hial a. Khatih lai khan PHOTOGRAPHER ka invuah ve hial a.
Video Camera chhuak hmasa pawl put lawih thamah khan ka’n zuang lut leh ta a; tunlaiah phei hi chuan kutphah tiat lekah video kan la ta per per mai! Hetiang movie leh television lama chhuah tur hial buatsaih thiam ka lo nih ve hnu hian CAMERAMAN-ah ka inchhal ve zu nia!
Mahni nihna hi inhriat chian a har a; ka lo invuah fuh tawk lo em? Camera chikim ka handle vek hian engnge ka nih tak ber pawh ka hre ta lo. Tin, ‘on camera’ tih leh ‘in camera’ tih hi hre hrang thiam ila; vantlang hmuha pholan tur sawi nan ‘on camera’ an ti a; in kilkhawra thu inzawh chian tur lam thil erawh hi chu ‘in camera’ huang chhunga mi a ni thung an ti.
Tunlai phei chuan kan cell phone-te hi a changkang ta; still picture leh movie a la kawp thei a. Hetianga la thinte hi CAMEGRAPHER tiin kan phuahchawp tawh mai dawn em ni? Camera tak taka picture lak aiin Cell Phone-a lak hi thawkkhat lai phei kha chuan a lar daih zawk a ni lawm ni kha!
Australia atanga PHOTOGRAPH lam Magazine changkang tak tak te hi hlah suh; i chhiar na na na chuan Picture la tura han veh vel dan, perspective lak dan te i thiam lehzual phah khawp ang. Art a ni miau mai a; eng pek athua lak mawi theih, pek thiam azir zela photograph mawihnai a ni tih a chiang mai. Photographer thiam ang zawng zawng hi Cameraman-in an thiam kher lo; Cameraman thiam ang zawng zawng hi Photographer-in an thiam ve kher bawk hek lo. Thiam kawp ve ve chu CHEPAHAKHATA BELTE PHAI THEI LO i ti ve tawp mai ang.
Report this comment
December 22nd, 2008 at 1:18 am
ka ngaih dan ah chuan, cameraman kan tih chuan eng hunah pawh nise, khawi hmunah pawh nise, thla la tu an awm phawt chuan cameraman ah ka chhiar a, amah erawh chu Photographer tih erawh chuan professional ruih tawh a, chuvang chuan Photographer ti a kan koh te hi chu eizawnna a hmang an ni chawk. Tin, tunlai kan zoramah photographer tih tur kan la neiin ka hre lova, hetiang lama eizawng hi an la awm chiah lo niin ka hria Eg : wedding etc etc… kan newsman/press te pawhin digital camera an nei tlangpui si a, eizawnna atana hman chu la har bawk a nih hi!!
Report this comment
December 22nd, 2008 at 2:22 am
wonderboy comment pek khi ka thlawp e.
Report this comment
December 22nd, 2008 at 2:45 am
chawngchilh, click III kha a latu leh dawhtu chet vaih chuan a khawlo zo vek em ni kha?
Report this comment
December 22nd, 2008 at 3:27 am
Click III kha “pin-hole camera” lang mawihnai ve deuh a ni ber. Kodak leh Indu Roll-film kha kan hmang mai a; hmeh zawh apiangin, kan zial sawn chawp a. Silai kah ang chiaha hmeh per a ngai. Tha khur hluk hluk chuan an hmet phe duh khawp; tin, kan va lak mihring kha che sek sela, a blur a ni mai. A lens kua a zim poh leh a phe duh a ni mai.
Aperture kha tih len tih tet theih chu a ni ve. ‘Depth of field’ hman thiam dan athuin thlalak a mawiin; a mawi lo thei ve a. Physics taka apply chi a lo ni lehzel a ni. Click III-ah khan a kaw zau ber hriat theih nan “khawdur deuh lem” hi a awm a; “ni sa vel vawl” lem a la awm leh a; ni dul khaw eng tha taka adjust-na tur a awm bawk. A tlangpui thuin khatih hun laia rollfilm kha ISO 120 a ni tlangpui a; a develop nan khan temperature tehfung pakhatmah an hmang ngai lem lo; achangin negative film emulsion kha a chhah ta lutuk deuh thin a; chuvangin an thlalak a var hlung deuh thin. Thlasik laiin negative develop pan a awl, picture pawh print dum deuh a awl khawp. Chuvangin, Krismas leh Kum Thar lai vel chuan negative film develop-na tur hi tui an chhuang lum hret thin.
Click III ai chuan Click IV a tha hret; a man pawh Rs 50 velin a into hleih. Click IV ka neih mek lai hi a hun laia Rs 130 man vel a ni. Khatih hun lai khan Enlarger hi thlalatu tinten an nei zo lo va; inchi 2 square-a lian, negative film-a picture tiat chiaha simple contact print kha tih dan tlangpui a ni thin. Tin, thlalatute khan a tlangpui thuin Background aiin, Foreground an zuah awl hnem thin a; a pawimawh lai hmun lai taka dah aiin, sir he haw taka dah a tam duh khawp mai.
Album-ah pawh ‘photo corner’ nen veka dah luh a ni thin a; album phek tin inkarah thlalakte a inchar belhbawm loh nan, phek tin karah silicagel anga tangkai thei, lehkha pan en tlang theih lek lek hi an dah tel ziah thin.
Report this comment
December 22nd, 2008 at 4:06 am
Kan vengah hian mi ang vak lo (90% vel), mit kalh tep, camera lawm em em, a kalna a piang a awrh thin a awm a, cameramana ti in an ko ngial thin.
Chuan ka patea te inneihnaah hepa hian thla a rawn la ve a, kan in bul lawk a awm an nih a vang in leh thla rawn la ve ta chu a chhuah veleh ka va en ve a, monu lu te hi a lo chhawk hmawk2 mai chu lo ni in, kan nui nasa chiang
Report this comment
December 22nd, 2008 at 5:23 am
Kan eizawnin a ziri bawk a thla hi ka la ve tafo mai a; still leh moving pawhin mi hian Camera man hi min ti thla zen a; Ka ngaihve dan ah chuan Camera man emaw photographer emaw a in chhal tur chuan kan hna ah khan kan expert a ngai,miten pawisa seng a an dawr tlak khawp a kan thiam angai a; kei mahni ah inrintawkna a awm a; kan chenna ram mila eizawn nan kan hman theih chuan Cameraman or photographer ah pawh loin chhal ila a pawi lemlo.
Keini ang tihve dan risk chawp vel mai mai(professional ni lemlo) hi chuan duh duh nive vel mai mai ila a tha mai.
Report this comment
December 22nd, 2008 at 6:46 am
chawnghilh a lawmawm e, i han sawi takah chuan kan naupan lai (1980 vel) khan click III hmang hian thla kan la ve thin a, a latu hian ‘che suh u aw’ min ti thin a, lo che an awm chuan print hnuin a hriat khawp mai.
Tin, khang hun laia thlalak kha black & white a ni tlangpui a, mahse an tlovin an chhe mawh khawp mai, engemaw zah chu ka la kawl tha tlat ani.
Report this comment
December 22nd, 2008 at 6:54 am
Head-cut ngei mai hi a hlimawm-huatthlala duh. Background-a arbawm leh huanpal lang thin te kha! Kan surrounding athu a ni mai! Picnic-naah kan han kal a, group thla kan han la a, kan picnic-na hmun mawi zia tilang chuang si lovin group photo hrim hrim kan han la thin te hi! Picnic-na hmun mawi kha kan subject pui zawk, kan kal a ni tih hriat nan keini kha chu a sir kil luah che che mai tur kan nih lekzia te hre lo hian passport photo-ah pawh ‘life time imprisonment’ thlalak atana tlak hial awm hian kan han hmet chhuak thinte hi chu! Photographer tih atan chuan a fuh lo; ‘one two three cheese’ tih pawh mitthi thlalak nan chuan a zia lo deuh.
Scenery pawh portrait zawng leh landscape-a lak awm tur hi chu hriat hran mai a tha khawp bawk. Cockins filter nen, studio-ah pawh umbrella leh diffusion chi kim nena che rap tawh hi chu tlem chuan an kuthnu a dak mawi deuh. Hnar kaw lang viai viaia thla min laksak hun laite kha chu a lo liam fel ve ta. ZOOM ngaina em em chuan thla a la la tam tawk lo, distort lo tawk tur chiah wide-angle lens neih te hi a PROFE mah asin! 24mm-in landscape tha tawk i la thei ang; 180mm lek pawhin depth of field i thiam chian chuan portrait nalh mangkheng, hmai zur lovin i la thei dawn a ni.
Zir belh a ngai, chemistry leh physics i thiam tel ngat a; arts lama style i neih i pholan ngam ngat chuan … i namai lo khawp ang. Zoramah phei chuan lens a hmuar awl a; tin, lens hmai coating hi German-ho coating a chan that viau laiin khawchhak lamho kutchhuak khi a no deuh va, fimkhur a ngai hle, lens chhung a hmuar loh nan silicagel nena dahkhawm thin a him thei deuh. Color-a lak vek vek chuan rawng lar inbel a pawi lo, kaewr var leh kawr dum hak nan chuan color film-a lak hian chuti teh ualin kori a tu mawh khawp a nia! Mizo hi kan nui peih lo lutuk, kan tum hmoh zel a; a fuh lo.
Report this comment
December 22nd, 2008 at 8:04 am
Inti lawmawm hle mai, rin phakbak in kan sawi ril thei.
Spide #3 sawi dan hi keipawh kan hman dan deuh ber chu niin ka hria.
Photographer tih hi chuan Arts+Science(Physic+Chemistry), Computer Application (Photoshop) leh Writer (Thlalak ringawt bakah a story behind sawifiah leh nghal thiam) hi a kawk deuh tlat. Fashion Magazine lamah te phei chuan an demand a sang khop ang.
Cameraman chu chhiatni/Thratni ah hmeh 60 hmet a Rs 1500 inchiar in an awm fur. (D)SLR/ Digital Camera lam pang chu sawiloh “KAMERA/THLALAKNA fiah thra” hi an keng tlangpui.
Report this comment
December 22nd, 2008 at 9:15 am
Thlalak ah hian mi hi nui kher lo mahse hlim hmel i chu a hriat khawpmai; tin tunlai ang ah hi chuan digital camera te kan hmang ta fur a hmet tu lam pawhin kan thiam angai memory lian tham kan neih hi chuan hmet mawlh mawlh mai ila lan that na lai deuh te anlo nei a thlala thiam nih a awl khawp;@ Chawngchilhi sawi ang hian thlalak na a pawi mawh ber chu ENG(light) hi a pawimawh ber mai engang a camera tha pawh hi lighting System in a zir loh chuan thlalak a tha thei chuang lo.
Report this comment
December 22nd, 2008 at 10:36 am
Thla ka lak (Inneihna velah) hian cameraman min ti tlangpuia, fashion leh pangpar arrangment vel ka lak sak hian Photographer min ti deuh
Engvang nge phei chu ka hre lova…. amateur ve mai tan chuan a enga pawh hi a lawmawm ve ve lawm ni ka ti deuh 
Report this comment
December 22nd, 2008 at 12:01 pm
Cameraman chu camera hmet tu kha nia, Photographer chu photo graphtu kha nimai lom ni te ka tia KANIDAR…..
Misual ho in vaiin Kritmas chibai…..
Urlawk zan a hnai…. Pi BMW, SHU sang tak tak chu kan va tam leh dawn ve..
Report this comment
December 22nd, 2008 at 12:13 pm
Pi Chawngchilh, i thiul sawi a bengvarthlak hle mai. Article puitling khawi magazine-ah emaw ziak la a chhawrnaawm deuh ang. Thingtlanga piang tih takah arbawm leh huanpal i sawi khan lung a tileng zeuh mai.
Tum khat chu ka u nulat tantirh lai hian matric exam form fill up-na tur ni tain ka hria passport size a mamawha. Thlalatu pa (click III hmang a ni) hian “Mami tang lutuk suh, awm mai mai rawh” a ti a. ka u nuih a za lutuka a dawh tha hlei thei tawh lova an thla la tur an pamtul thak.
Report this comment
December 22nd, 2008 at 3:02 pm
Pu Chawnghilh hi, kan ngaihtuah chet chet hian, ka misual.com star Pu Va_usa twin brother i ni tlat in ka hria!!!
keipawh thlalak develop dan chu hmaaaaanlai class 11 kan zir laiin hobby class ah ka zir ve ngei…mahse a rei tawh lutuk a, interest vak loh bawk nen ka hre tawh lo. thlalak paper liquid solution ah kan zuk chiah vel kha chu ka la hre nel nual.
Report this comment
December 22nd, 2008 at 5:04 pm
chawnghilh i thawh tha thei khawp mai, a lawmawm e. Keipoh thlalak hi ka tui ve khop mai a, mhse ka thiam tak tak chuang lova. Still camera hi ka lo khoih ve nual toh a (tih lemah 5 vel lek) pentex K1000, cosina, canon EOS 66 etc. Tunah hian D50 ka hmang a tha ka ti khop mai. Mhse ka camera hman toh ah chuan pentex K1000 hi a tha ber in ka hria. Nia, kan topic lam kha chu cameraman leh photographer hi kan ti nok2 zela, ka se thiam bik love a.
Report this comment
December 22nd, 2008 at 5:15 pm
Still camera hmang te hi photographer tih deuh bik niin, motion picture lakna chi hmang te hi cameraman an ti deuh thungin ka hria. Sermon hluai pui tham erawh a nih ka hrelo.
Report this comment
December 22nd, 2008 at 5:32 pm
Keini ang mimawl tan chuan sawi tur a vang hle mai, heti hian ka ti tawp:-
cameraman=thlalatu, photographer=thlalatu. Cameraman ah hian kanidari te ang hi an tel thei tho ang em?
Report this comment
December 22nd, 2008 at 8:55 pm
Kan thupui chu Sawi hluai peih tan chuan sawi hluai tham mawl mang tak a sawi duh tan pawh ho deuh sawi theih nisi, ni ten kan hre ve mai mai a… Ka lo ngaih ve dan chuan Thlala thin ho hi Cameraman or Photographer chu an ni mai lawm ni ka ti ve ngawt a, a chi dang a han koh ngaihna pawh kei chuan ka hre thak nang!! Cameraman Or Photoghapher chang kang deuh leh ril leh ril lo deuh an awm ni mai ah kei chuan ka ngai maii.. In ril hlawm e kahrait loh lam ani eee hehe
Report this comment
December 22nd, 2008 at 9:30 pm
Pentax K 1000 kha a ri khup zel mai a; manual-a operate a ni a; a chhung lamah needle khan a kawk pup pup mai a. A lai taka a needle dah khan a exposure a tha tawk viau mai a. Man tlawm, SLR-a hman lar hlawh tak a ni.
Freelance Photographer te, Amateur Photographer-te an la awm kikawi leh viau va; GRADE te te a awm. Uganda Dictator Idi Amin-a pawh USSR-ah a zin a; ZENITH Camera an lo present a. A duhtawkin a kalna hmunhma thlate a la ve vek a; PHOTOGRAPHING chu a ti ve chiang khawp mai. Photographer pawh a ni ve ngei a nih chu! A la ve miau alawm! Uganda a thleng a, a roll film chu an han process sak ta a, print tur reng reng a lo awm lo. A roll film a blank tluanchhuak vek, ha ha! Professional-in a lak phe viau chang pawh a awm tho.
Digital-ah hian chetchhiat a awl. Duh lai tak action picture lak a har bon, a tha chi law law kan hum phak a nih si loh chuan!
Report this comment
December 23rd, 2008 at 12:19 am
BmW hi in la spy thei chiang.
Report this comment
December 23rd, 2008 at 12:32 am
Spy, pry fu nain, hre dik lo ve tlats! Chhinlung chhuak emaw min ti chawk! Kei chu Topsy ang kha maw le!
Report this comment
December 23rd, 2008 at 12:43 am
Polaroid-in thla i la ta a; a hun lai chuan a man a to pherh erh a. Minute Camera tiin kan lawm khu huam a. Hmeh zawhah kan han phawi chhuak a; kan han thing lap lap a. A chhuak mawi viau mai a. Photographer kan ni ta mai em?
Monochrome (b&w) solution zingah khan HYPO a tel thin a; a inchiah that chuan thlalak pawh a tlo duh a, a uk khuk duh lo bawk. Mi thenkhatin vun thek (white-patched skin) damdawi atan min lo dil ve sek bawk thin! A va multipurpose tak em!
Report this comment
December 23rd, 2008 at 3:00 am
Zenit camera tih zawk tur a va nih hmel em? https://en.wikipedia.org/wiki/Zenit_(camera)
Report this comment
December 23rd, 2008 at 3:01 am
https://en.wikipedia.org/wiki/Zenit_(camera)
Report this comment
December 23rd, 2008 at 5:05 am
That’s great—ZENIT, I never owned it, one is best at his brand.
Report this comment