Mizo te hi kan lo va duai lo em !!
February 9th, 2009 7:30 am | more than words | Cour | 324 views|
|
Hmanlai ata tawh mizote hi khawvelah khawvel mite hriatpui ni lem lo mah ila kan duailo mai ni lovin a ber kai kan ni zel mai. I han sawi dawn teh ang.
Helen of troy kha a hmeltha ngiang ni awm tak a ni. Grik ho leh trojan ho an indo phah mup mup mai ani. Keini nula hmeltha Lawnglaii chu a hmel engin luipui kawi sarih a en pup mai ni. Chhingpuii lah Sahlama ni thum lai a lu an khai hnuah pawh a heh chu ala ling sen var mai ani.
Gyalop an tih ho kha an hrawl fe ta ve ang,lawng kal ruau ruau theihna lai tuipui te pawh kawng thleng velin an dai theia, keini palian Mualzavata chu a mit ko hmula hauhuk ban kual vel hi,a hnar ngul bul lam atanga kah phak tawk zuk nia.
Siren ho chu an zaithiam khawpa,an zai ri hria chu an tang hlen hmiah zel mai. Keini zaithiam Buizova a han zai ngat chuan pitarte pawh vawn nei lo chuan an ding hleithei lo a, Ama nu ngei pawh a lakah a inphal thei mai zu nia !!
Sandow-a khan rel a hnuk kal zo an tia keini Mualkawta chuan mual pahnih a kawt nel nel zo nia!!
Scientist te chuan khawl hmangin atom te,sub-atom te,proton te an phel theia, keini Thovairilsatheia chuan vaihmite ril hi a phiar zat zat thei ani.
Radar hmangin sang taka thlawhna thlawk te, bomb mit nei thlawk vel te pawh an hmu theia,keini Entheia chuan a mit lawngin vana a nu buh deng lai chu an kawt atangin a hmu thei asin….
Astronaut te chu,vansang lei hipna-in a khawih phak mang loh chinah chuan boruakah an kal vel thei, keini Lenchung-ho kha chuan lei hipna khawih phak leh phak loh an sawi chuang lo. Lipui ruama triauchhum an hleuh hem hem mai ani.
Kawlhnam sei fe fe dawlh theite an awma,inbuan chak Kingkong-a chuan ni khatah chaw leh sa kg 10 a ei thei an ti. Keini Tuidawthrata chuan thawk khatah lipui a dawt kang thrak mai.
Duhtawk phawt ang aw…a thei chuan rawn contribute zel bawk ula..
February 9th, 2009 at 9:04 am
Haha… a nia sin Mizo te hi kan duai bik lo tih hi kan hriat nawn fo a ngai,kan thawnthu atang hian thil an lo tihtheih thin dan a hriat reng alawm,mahni hnam hmusit a sawisel zuah zuah ching hi mi mawl tawp an ni, kan awmna apiangah kan Culture leh Tradition hi vawn nun zel tur a nia, tlawmngaihna pawh hi a tlahniam tial tial a, a uiawm tan lak nan i hmang ang u !!
February 9th, 2009 at 9:59 am
Kan pi leh pute kha an lo dawheh zeh zuah hlein in hre ve em?
February 9th, 2009 at 10:06 am
Legendary heroes pawh chu in va hre hnem ve. William Tell te ang lek lek chu kan nei ve tlat.
February 9th, 2009 at 10:09 am
Kha22 nimai asin.. Mahse ConstantineXX tih ang deuh hian dawt a nih ka rin chang a tam mai. Chutih rualin mizo te min ti ropui ve alawm le.. Hnam dang tan han tluk rual kan nilo tih a chiang hle lo’m ni??
February 9th, 2009 at 10:23 am
“Khualthuthang leh Arpan Chuk”
February 9th, 2009 at 10:23 am
A topic atan a inhmeh zawk lo maw???
February 9th, 2009 at 10:59 am
Pipute kha an daw heh pawh a ni vak bik love. Naupang awm tlei nana an hman thawnthu phuah chawp, anmahni pawhin dawt a ni tih an hriat reng kha, thangtharten kan lo thutak chei ta thin zawk a lawm mawle. Pipute mawl min ti ngawt ang.
Chhingpuii hmelthat zia pawh kha an tlangval phawk deuh, “an chhurliana ve” (..lol) khan fiamthuin a han sawi uar vel mai mai a nia. A sawi lai phei chuan an nui dar dar ta ve ang. Chuvangin duai loh thil vak pawh a ni law, ” hmanlai pipute khan fiamthu an va lo thiam em!” ti ta zawk ila a inhmeh zawk ang. 
February 9th, 2009 at 11:18 am
An dawh heh lam ani louh. Fairy tale ang ani mai lawm ni.
Vanchungnula leh Lalruanga in ngaihzawn thawnthute kha ngaihnawm ka vin ti thei tak
February 9th, 2009 at 11:42 am
Fairy tale pawh ni se dawt tho a nia. an dawheh tihna a ni mai alom.
Kan vengah chuan Dawheh ka ti tho tho ang
February 9th, 2009 at 12:33 pm
Entheia sawi takah chuan Kaptheia hi a turu mai mai! Entheia chauhin a hmuh (aman a hmuh ve hlek loh) a nu sum kotlang kha a han kap fuh chat nia! Robin Hood-a khan Litle Johna chauhin a hmuh kha mu ve miah lo-in kap fuh ve thei tak maw!
February 9th, 2009 at 1:15 pm
lal-constantinexx, alo ni mawwww
February 9th, 2009 at 2:53 pm
a tak tak anih chu a rinawm lem lo a mahse kan pipute kha chu an lo fing ngawt chuan ka hria..calendar tel miah lo-a hunbi an chhiar dik chat chat thei te,thla awmdan azira thlai chi thlak hun an hre chat chat thei thrin kha chu an chhuanawm ka ti. Tin,hetiang ang chi thawnthu hi khasi ho pawh hian an lo nei ve treuh mai
February 9th, 2009 at 3:17 pm
Mualzavata aiin a nupui a chak zawk.Mualzavata’n nikhata mual za a vah kha a nupuiin nikhatah a thlo zo vek! Pangpuielhtliaka aiin Hercules a chak ka ring lo. Entheia’n vana a nu buh deng lai a hmuh kha hmu ve miah lo Kaptheia’n a nu sumah thal a kap bur chat thei.Archer ropui Kaptheia tluk tumah an awm ka ring lo.
February 9th, 2009 at 3:56 pm
cour chu ivan hre hnem vea…..
February 9th, 2009 at 7:27 pm
Off topik : zanin chu avan reh em em..koment -na tur pawh ka hre tawh lo ve!!
Chengkawl ang mai in ngawih ker hlawm hle, in hnial in hrat hrat nen misual-ho
February 9th, 2009 at 8:55 pm
Ni ngawt mai, thla thum daih zen zawn hna ni khata suih tungturut zawh hi chuan han hoh pui tur hi ka duh thin asin maw le
February 9th, 2009 at 11:18 pm
Mizote hi thu uar ve tak kan ni hrim hrim a,a lehlam zawng ve ve pawn. Ar hmai tiat lek lo k nei ti si khan kumpui lingleta enkawl tur te kha an nei thrin a,chil chhak phak lek tih maite pawh hi a thui em em zel mai.Thawnthu hi chu thawnthu a ni mai a,dawt heh tih lam a ni lo.Hemi kawngah hi chuan sapho pawn awihawmlo tak tak an nei ve tho.
February 9th, 2009 at 11:20 pm
Thawnthu chu thawnthu, thawnthu chu angaithla tu tur ten ngaihnawm an tih tura siam an ni. Mi chanchin erawh chu thutak a ni tur a ni ang.
February 11th, 2009 at 2:37 am