Hlamzuih
March 24th, 2009 2:37 pm | Mizo Society & Culture, ask | falcon | 466 views|
|
Zanin chu ka thianpa fanu thla 2 mi lek a thi a,ka va kal ve a,ka ngaihtuahna a vak thui hle mai. Mizo danah chuan hlamzuih a ni ngei mai,mahse an tuar natzia ka hmuh khan hlamzuih nilo nen engnge a danglamna ka hre lo.
Mihringa an rawn pian chhuah ve tawh chuan an naupanna avanga kan thliar hrang kher hi a dik chiah em? YMA in thla thum la tling lo hlamzuiha a pawm hi a fuh chiahin ka hre lo a ni. Kan hnam dan ti a, hlamzuih tihbo kan duh lo anih pawhin hei aia naupang deuh tala tih hi tihmakmawh niin ka hria.
March 24th, 2009 at 2:54 pm
Ni e a tuartu tan chuan lainat thlak hlei hlei, mahse hnamdan a nia, han tih vak ngaihna ala awm lo.
March 24th, 2009 at 3:05 pm
First line ‘Zanin chu…’ tih hi ka chhiar fuh chiah lova.
March 24th, 2009 at 3:10 pm
Mizo pipute rilrua naupang ngaihnepna awm kha a pawi hle mai, mawl lai hun a ni a, nfaithiam ta ila, i sawi ang hian tulaiah chuan thir that a hun viau tawh mai. Japanho phei chuan Nu pum chhunga an awm lai hun pawh hi an kumah an chhiar vek maia, “mihring an nih tanna chu nu pum chhungah a ni daih alawm” an ti a ni. Hei hian hlamzuih an ngaizam lo tih pawh a kawkin ka hria.
Bible pawh hian nu pum chhunga naute hi a chei bawl mihring hle a ni. Baptistu Johana pawh a nu pum chhunga a awm lai atanga pathianin a chhinchhiah a ni a, Marin Elizabethi chibai a buk lai pawhin a lo che ve dat a nih kha. Thenkhatin mipa leh hmeichhe chi a infin (fusion) chiah hian mihring kan ni tana, thlarau pawh kan nei nghal an tih hi ka pawm mai. Kan pian ve leha mihring ni ta chauh kan ni lo.
Chuvangin hlamzuiha thi tih hi thih dan hmingah kan hmang a nih pawhin kan lak dan leh kan intuarpui dan hi chu thlak danglam a tha ngawt asin. Piang se tih kan nghahhlelh em em mahni fate chu nuten an pai lai atangin kan tawngtai saka, an pian hma pawhin kan hmangaiha, an pian kan nghakhlel a nia. Hetiang a nih laia nuin hah taka a lo pai, an han thi lah mai site chu a tuartu tan chuan na tak a ni. Nau chhiat ringawt pawh hi a rilrunatthlak thei fu asin.
An piang hlim te emaw thi saa an piang a nih loh chuan naute thi hi thla khat lek pawh nise hlamzuiha kaltir mai chu keipawh a tha ka ti lo.
March 24th, 2009 at 3:11 pm
Aizawl veng threnkhata khawhar in riah an tihbo mek tawh laia hlamzuiha thih lo pawhsei hi a tulin ka hre lo. Tin, hetiang nikhua te hi chuan threnrual thrate kan inlenpui tho va ,enge lem chuang ka ti deuh.Kan nunphung hi a danglam chho hret hret anga, kan tihdan hi a awlsam zawngin a la ni ang..
March 24th, 2009 at 3:13 pm
Hmanlai a an tih dan thalo tak kan chhawm zel zing a mi a ni a,thlak chu tul ka ti khawp mai.Hnathwk a fehchhuah reng a ngaih a vangin a hautak loh nan an tih a ni awm e.Thih hi a hlawk lo a,a buaithlak a,chhiat tawk an lo ti reng ani.Naute pawh mihring an ni tho,nu leh pa tan chuan lungchhiatthlak tak a ni reng reng a,YMA deuh khan hlamzuih chungchang hi han propose teh u.
March 24th, 2009 at 3:23 pm
YMA conference ah pawh rei tak sawi ho a ni tawh a, khawpui lamin Hlamzuih a pawm hun chhung pawh hniam an duh a, a then te phei chuan Hlamzuih hrim hrim hi tih bo an duh thu an sawi bawk. M’rawhchu, Zokhaw lamin Hlamzuiha pawm chin hun hi a la țha rih e an ti tlangpui.
A Chhan ni awma ka ngaih:
Aizawl, Lunglei, Saiha, Champhai, Kolasib te pawh huam ila, hengah hi chuan mitthi an awmin Awmni an kham lem lo, Sumdawng in dawr pawh an khar lem lo, an chhungte hnai an nih lem loh chuan. Thihna in khawtlang a tih buai dan chu Zokhaw lam ngaihtuah chuan a nep khawp mai.
Zokhaw lamah erawh chuan awmni kham a ngai a, hna thawka chhuah a rem lo, “Hlamzuih leh zela awmni kan khamin hna kan thawk hman nang” an ti tlangpui. Mizo in dan anga kan lo neih tawh sa a nih vangin, change kha a har lai tak chu a nia nge.
Enge țha ang:
Hlamzuih a pawm chin hun bituk hi Branch YMA kutah dah ni sela, a zia a ngem. Ram pumah eizawnna leh nunphung a inang lo tial tial dawn a, a rual thup thupa kan kal theih loh hun kan tawng țan ta a ang ka ti hle mai.
March 24th, 2009 at 3:26 pm
Mitthi kan sawngbawl dan leh kan inral dan vel vei hautak deuh hi chu tihdanglam ngai awm ve chuan ka hria. Mahse nausen tla 3 hnuai lam thi kan dah second class deuh hi a fuh lo alawm.
March 24th, 2009 at 3:29 pm
@khelawks khi ka ngaihdan ani.. Vui hunah a chanchin ziah tur a vang fu ang a. Thlalak dan tur- A threnrual thra te..han ti mai ilah;fiamthu:)
March 24th, 2009 at 3:35 pm
Pu Lalhmingliana Saiawi khan “Tlawmngaihna hi tulai se” tih a ziahah khan a sawi nual. Kan thawhpui pawh ni lo, kan chhungkhat pawh ni lo, inzawmna pawh kan neih chiah lem loh mitthi lakah hi chuan phung hi thlu lutuk lo ila. Mitthi thenawmte in leh kalkawng step thlenga kan han thu nghuk maia, mitthi chhungten kan kal ve tih pawh an hre kher awm si lova. Mahni hna chu sawi loh office hna thulh nana kan hmang zel hi chu a ho deuh a ni.
March 24th, 2009 at 3:42 pm
Hnam dan khawih thil a ni a, mahse mahni veng bik a tihdanbik neih chu a thrat ka ring,zawng zawngah a in ang thei vek chuang si lo va,hmanah chuan an buai a,mahse thih hi chu a buai thlak reng a nia.Mitthi chhung te kha chhiat tawk bik an ni lo a,khawtlangin chhiat kan tawk tih hriat mai mai a thra e.
March 24th, 2009 at 3:50 pm
Chhiatni chungchang hi buaithlak deuh a ni. Mi dangte tibuai lo tur ber zawnga mitthi kan insawngbawl hi a hun tawh takzet, mipui kalkhawm kan tam hian ropuinaah kan ngai bawk si. Tuna kan kal dan hi kan tunlai nunphung nen a inmil vak tawh lo chu a ni,sap entawn ta rau rau, hetiang lamah hian entawn a thra mai thei..
March 24th, 2009 at 4:28 pm
Hlamzuih ni kher lo se.Tin,nia mihring pangaia cheibawl hi a pawina ka hre lo khop mai.Hmangaih takin kan lo en ve a,thla hnih thla thum hnu a min thih san leh daih chu puitling ngaih nen a dang chuang lo.
March 24th, 2009 at 5:08 pm
Thihna chungchangah hi chuan Sap ho tihdan hi entawn tlak tak niin ka hria. A thih zana tlaivar pui a, zai tluk tluk hi a tul ber tawh lo mai thei. Mitthi dahna hmun nei ve ila, week end-ah in vui ve theuh mai ila, a samkhai viau lovang maw? Chhungte inchah khawmna hun pawh kan nei thei deuh ang chu.
Hlamzuih chungchangah pawh hian chutiang anga kan tih chuan mitthi chhungte duhdanah khan a innghat tawh anga, vuivaina a awm lo deuh ang chu. Thingtlang lamah erawh Branch YMA ngaihdanin kal ta thung sela, a samkhai viau mai thei.
A bik takin Aizawl leh kan khawpui thenkhat Sorkar hmun pawimawh tamna hmun angah hi chuan Sap ho tihdan hi entawn a that ka ring mai mai kei misual hian.
March 24th, 2009 at 5:14 pm
Hlamzuih pawh ni se a tuartu tan chuan a nat dan a dang chuang hauh lo.
March 24th, 2009 at 6:10 pm
@winning
I 1st para thu hi tha ka ti khop mai… ka pawm zong tak
@kanidar rawtna hi a remchang viau bokin ka hria. thingtlang mite ngaihtuah chung rana kan ngaihtuah angai.. a rual thup2 chuan khopui leh thingtlang kan kal thei tohlo ani ber e.
March 24th, 2009 at 7:23 pm
Mizo Hnam Dan-ah hian eng chin hi nge chhawm tur?
“Anti-Hlamzuih Drive” hi ka kalpui chiam tawh; kum khat chhung chu hlamzuih kan awm pawhin puitling bawihsawmin kan bawihsawm zui. Chhiatna tawk rau rauvah pawh kan thinlung a dam tlang zawk. Mahse, tihzui peih lohna hi Hruaitute-ah a lo piang ve thei tho bawk a. History siamtu chu ka thawhpuite nen kan ni ve hrim hrim tho.
In ngaihdan in rawn thawhkhawm atang khian Mizo Christianity hian chhawm chin tur chu a dap chian a ngai khawp. Hlamzuih hian kaihhnawih a ngah khawp a; Cheraw Dance pawh hi a consequence tho a ni a; Cheraw ber kan chhawm chuan HLAMZUIH zawk hi chu Kristian-naa dah bo a hun khawp mai. MHIP-ho pawh hi ka sihhmuh thin; anni ber hi a MOVE-tu tura ka ngaihte an ni a; an thlir khum ve tlat a la ni rih mai thei.
Hlamzuih an awmnaah hian Khawhar Hla ve thlap kan sa a; kuangah kan thun ve thlap tawh a. Mahni huan emaw in hnuai emaw a lo remchang tawh bik lo va; thlanmual-ah tho tho kan indahtha ve a ni. Thenrual leh laina, chhung leh khat pawh thihna hrim hrim hian a ko khawm tih hi chu kan hai lo vang.
PETS takngial pawhin thlanmual an nei a; kan ui pakhat va phum turin mel 20 kan tlan a ngai a —a thlan leh cheibawl zuina tur atan Dollar 4,500 chuang a ral chiang khawp mai. He laia kan ui, zawhte etc., pawh tluk lova HLAMZUIH kan la titruah hum mai hi chu a dik tawh chiah lo.
Tihtak emah chuan THLANMUAL pawh Mizo-ten kan nei ngai tak tak hlei nem! Mission veng kha thlanmual kan neih hmasak a nih atang ringawt pawhin kan superstition chi khat “thlanmual samfai chu thih tam lehzualna,” kan han tih angte kha a TUNLAI tawh lutuk deuh!
Thawkkhat lai khan Bethlehem Veng-ah mitthi ka ral a; chutah chuan Tualte khaw pitar a lo awm ve a. Kan titi dun ta hrep mai a. Khawhar in riah chungchang kan sawi dun chiam a. Chu pitar chuan, “Hman laiin khawhar inah tlangval an riak ngai lo; hlamzuih awmna inah chauh an riak thin,” tiin min hrilh a. Ka awih lo khawp mai a.
“Ka pi, ziakin ka thehdarh i ngam chiah maw?” tiin ka zawt dilchhut khawp mai. Ani lahin a lo ngam nasa khawp nen! Ka rawn ziak ta chiah a nih hi; ka va thup rei!
Awmlaia thi —khawhar (mitthi) inah tlangval an riak ngai lo thung a nih chu … mahse, hun a lo inher thar lehin kan lo riak chhunzawm ve a ni ber mai! Hlamzuih-a thihna a awmna in chhungah chuan nu ber hnute a lo trang a; a chhul lam la dam fel zaih lo … puihbawm ngai bik thilah tlangvalten an lo peizawn thin a ni zawk awm e.
Tunlaia mitthi ina riak kan tlangvalte hian tui an kawhsak meuh lo; thingpui
lumsa va pek an ngai tawh zawk. Buh an densak em? TEUH LO MAI!
Zarkawt Vengin an TIBO kha an dik lohna ka hre lo. Khawhar in riak zingah kutkem-nei an lo awm ve nameuh mai thin; LPG Cylinder a bona hial te, mobile phone a bo tamna pawh khawhar in riakah a ni tawh! Ka hai map lo. Tlangval in riakten an puihbawm tak tak si lohva, tichhangchhe zualtu an nih ai chuan RIAH LOHTIR hi a fel fai zawk bawk.
Abortion kan dem tlang vek a; HLAMZUIH phei chu lainat zual awm tak le! Kan Mizo dan anga kan kal tak tak duh a nih phei chuan Pialral pana kal hlamzuih ngei kha kan HERO a ni thin zawk a; artui lum biang biang zui selin, Pawla kawtchhuahah pawh Pawla’n a lo perh ngam loh, kan Pasaltha vauchher nei hrawl tak kha tunge? HLAMZUIH-a thi, hmanlaia kan mi chhuanvawr te … Pawla’n a sairawkherha a lo perh ngam lohte an nih kha! Hlamzuih leh Animistic thoughts hi a la inkungkaih hle a; chuvangin Kristian dik taka kan inchhal tawh hnu hi chuan TIHBO (abolish) chu a hun tawh khawp mai. Hei hi kan ram mipui leh berampute (pastors)-te hriata tawrawrawt ka rawn hamrik ve lehna hun ni teh se.
March 24th, 2009 at 7:24 pm
He thil hi chu Mizo in kan hman lai CULTURE & TRADITION tlem kan la vawn nun ve chun te zinga mi a nih hmel!! mak thei khp mai.. Hlamzuih tih a en hran hi chu tha poh ka ti lo! rilru na duh deuh mai nia..! mak thei khop mai!! Winning side ah ka tang!!
March 24th, 2009 at 8:08 pm
Pi pute tih dan chu pi pute tih dan a nia, a hunlai a zirin a tha viau thin. Mahse khawvel lo changkang zelah chhunzawm tur chi leh chi loh a awm, hlamzuih chungchang kher2 hi chu a zawm loh chi ah ka ngai hulhual, humanitarian point of view phei chuan…Gyn/obstetrician leh Paediatricians te hian eng ang chiahin nge nausen lo piang tur/piang chhuak hlim hi a dam theih nan an beih thin a, an zir thin kan hre chiah em? Mihring nunna hi a kum tlem vangin a hlu nep chuang lova, kum tlem vanga thliar hran chi poh niin ka hre lo. Tuna nung dama awm te hi keimahni han in chan chiah ta ila kan hrethiam mai awm e, nu leh pa te tana a nat dan tur phei chu ka dawn thiam meuh lo…
March 24th, 2009 at 8:45 pm
Off topic : Remhre tak in awm mial em?
Tun hma deuh tawha YMA vela kan inhman laiin, trum engemaw zat lai Phai atanga ruang nghah ngai —kan Vengah pawh kan lo tawk zing ve hle a. Hruaitute zinga a nep pawl ka ni ve thin a; rorel dan fing tak hi ka nei thiam thei ngai lo va, engtinnge in lo tih ve thin ka hre chak ve hrim hrim a ni.
YMA chu Veng khatah pawh Section angtein kan inthensawm leh a. Section 7 thleng pawh Veng lianah chuan a awm theih a ni. A khawi ber Section-ah emaw khan hmun hla tak atangin ruang a rawn kal ta a; zan thum nghah ngai hial pawh a ni thei.
#Veng Section-ah khan Branch YMA a tlo tlaivar tluk tluk ve mai tur em ni?
#Section kutah nghatin an lo tlaivar ve reng mai tur em ni?
#Section kuta nghah pawh ni se, ruang a lo thlen dawnah chauh tlaivar mai tur em ni?
Ruang rawn thang hun chhung zawnga in lama lo inbuaipui dan kalhmang hi a engnge remchang leh mawihnai bera in hriat?
Ka rel fel thiam ngai lo … hmingchhiat a mawi si lo; in lama mitthi chhungte thlahthlam ngawt a mawi si lo; phungthluk dan chintawk tur thiam a har si … veng tinah tih dan a inang lo thei … a tlangpui leh mawihnai tawka rorel thiam dan han sawi thei in awm em?
HLAMZUIH huang atang hian khawhar ina tlangval riah a lo intan a nih bawk si chuan —-hlamzuih huang atang vek hian RORELNA FEL LEH MAWI i dapchhuak hlawm teh ang u.
Veng tin leh khaw tin tan hmangchang tha a nih beisei ila; phai lama damdawi tlan kan tam ve trheuh tawh hlawm hi! Falkawn referral a la function puitling lawk awm si lo!
March 24th, 2009 at 9:25 pm
kan thianpa te chhung pawh a PA a thi a, a ruang an thlak zanin a thiante nen Zu nen an lawm vel anih chu mawle..
a thlan ah an rui phur an lama, putar thi fapa chuan, a lainat ve deuh nitur ani, “a Lu zawnah kha chuan lam lo hram ru..” tiin a thiante a hrilh vel..
March 24th, 2009 at 9:35 pm
chawnghilh: kan vengah chuan, section kan inthen ngailo mitthi 3 an awm zawn pawhin, a ruala 2/3 kan neih erawh chuan a member te khan mahni section chu kan ngai pawimawh ve deuh thin.
i tih ang khi kan vengin kan tawn tawh chiah chu ka hrelova, mahse lo tlaivar pui loh chu a tih chi in ka hrelo, mitthi chhungte hnena space pe thiam chungin (an mut duh pawha an inthlahrun loh nan) chhunzan zawma lo nghah mai loh techuan, reh san diak a chi dawn emni. mahse veng thenkhat ah chuan khawhar in kal an thahnem lo ve thina, chutiang anih chuan hruaitu te tan chuan fin thiam deuh chu angai ang.
March 24th, 2009 at 9:49 pm
funny i hre khir thei em mai!!! i experience hi midang hming in rawn sawi jaih zel a!!
no offence!
March 24th, 2009 at 9:50 pm
@funny : Chhun-zana intawiawm tur leh ruang rawn thlen chin hriat khiau bawk si chuan —khawhar in, ruang rawng thlenna tur hi luahlum a ngai khawp mai a; zan thum lai lo tlaivar ngawt pawh kha nula-tlangval, a tuate mai pawh kha an hah lutuk a … chumi tiziaawm tur khan eng step ber nge lak tur tih hi hriatthiam har tak a tling.
Section-a inthen miah lo, mitthi 3 vel awm changa section-a in inthen pawh khi a hmangchang hriatthlak viau; spontaneous-a chet a ngaih hun a tam ve thei tawh a … dan leh hrai tak tak ziaka kan vawn (rigidity) ni si lovah hian HMANGCHANG MAWIHNAI kan dap a tul avangin a nia —ka rawn vawrh mai mai ni! A bengvarthlak e, I appreciate it! Widmill-a invui liam dante hi awm thei se maw le! (LOL)
March 24th, 2009 at 9:57 pm
Khasi thlan lai chu KUAI (kuhva-hring) tam tawk nen an chhawp ngheng zel; an hnam dan ang phei chuan, “Pathian inah kal ta la, Kuai tam tawk ei ang che,” tiin an inthlah liam ngei thin.
March 24th, 2009 at 9:57 pm
hahaha: hmanah chuan eng kohran nge chu sawilo ila, thlanmual fee an pek duhloh lai chuan, nu pakhat chuan “thih tawh ber chuan thing zar ah pawh in kham mai mai mah ila pawi hleinem” a ti vel mawle, mahse tunah chuan thlanmual fee VC hnenah pe in an inphum ve tho
March 24th, 2009 at 10:12 pm
Vaiho pawh hi TLAWMNGAIHNA an lo inzirtir ve nasa mai! Ka thianpa nu kan hal tawh a; ni tlak hmaa hal ral hman tur a ni si … STOKE (mei chhawm) a ngai nasa mai a … an insawithaih dan phei chuan, “Ruang hi a kanin, a el a kun a … a kawm zel a … luin kezungpui a sik phei chuan a BHUT (huai) a rawn chhuak thin,” an ti a —huai a rawn chhuah hlauvin, mautlawn nen, dalda giu nen, thingfak nen … a chhawm nun an uar phah sauh sauh a … ni tlak hmain an inrawh zo hman nge nge thin.
Hawn kawngah hling nen, mei nen kawng an hnawh ping thul … a BHUT-in min rawn umzui loh nan tiin; ramhuai hlau reng rengin an khawsa a nih chu! Kristian ni ve lem si, ramhuai hlau chin hi chu an FUNNY tawp!
March 24th, 2009 at 10:19 pm
Mak ve deuh chu Delhi a Jat hnam ho khu khawhar inah(varanda) an in riah pui ve tlat nia male!…
March 24th, 2009 at 10:35 pm
Vunngo-ho pawh “VIGIL NIGHT” an nei ve tho, “tlaivar zan” tihna tho maw le!
March 24th, 2009 at 10:40 pm
Gorkha-ho hlei hlei … ruang thlak zan ti ve mai ila, chuta tang chuan inthenfai hun ni sarih leh zan sarih a thlen hma chu GAMBLING a ni tawps; an tlin khawp mai! Nuam letling phian; an Puithiam hmangin mitthi tawh pawh kha a biakpawh theih —vuiliam tawh aw (voice) chiah chiah kha a ngaihthlak (inbiakpawh) theih … ka sawi thiam theih dan berin “ramhuai thiltihtheihna” an zawl chiang khawpin ka hria!
March 24th, 2009 at 10:47 pm
ramhuai thiltihtheihna sawi takah chuan, dendrite hnim thin ho hi an in dawi thei tlat asin!!!, entirnan dendrite rui pakhat khan a rui vetho pakhat kha a dawi thei thin, mak ve mai mai, a sawi uar deuh pheichuan telepathy lam rawngkai ang deuh hian an ruih lai chuan inzawmna annei te anti.
hemi hi zirchian tumin vawikhat ka hnim ve chhintawh a,kar khat vel chaw ka ei theihloh phah nghe nghe, a rim ka thaw ah a cham renga. Dawi thiam tur chuan hnim ngun viau angai te an la ti ta deuh deuh. ka tum zui duh talo.
March 24th, 2009 at 11:07 pm
@funny : Hnar kaw inchar phui vek khawpa hnim a ngai em? A mak ve mai mai chu … thil charna lo ruihpui tum tlat te … ECONOMY a hniam hmel raih raih khawp mai! Ek hi hnim chiam ila, a ruih theih thovin ka ring. Lo INTRODUCE teh! YMA Hall-ah a team-in thawkchhuak ila, proxyvon capsule vel lei ngai tawh lovin —a trha phian zawkin ka ring.
March 24th, 2009 at 11:11 pm
chawnghilh keichu dendrite ka hnim ve hleinem, an ruih nachhan hi toluene ania, tui fim ang hi nimai, dendrite rim ang chiah ania, dendrite pawh hi hetiang rim a nam nachhan chu toluene a awm vang mawle, diluter ah pawh hian a awma thenkhat chuan an hnim thin bawk.
March 24th, 2009 at 11:21 pm
dendrite..lolzz..veng pakhatah chuan dendrite lei dawn apiangin mistiri lehkha ken a ngai an ti
Vairam railstation a naupang hnim ho hian an hnehsawh thei khop mai..
March 24th, 2009 at 11:32 pm
Mihringa rawn piang hi mihring vek hian mihring pangngai an nihna kan paih sak ang maw?Teuh lo mai! Dan awm hmain mihring kan awm. Hlamzuih tihbo ka rawt e,tunge min thlawp dawn?
March 24th, 2009 at 11:37 pm
thring ve khawpmai, dendrite lo hnim hi chu, mahse a rui thin hian thildang aiin a nuam antih tlat chu mawle. a hrisel lo viau in ka ring. nitrous oxide ai mah hian a hlauhawm ka ring.
nia hlamzuih hi chu a tuartu tan chuan a na ve tho sia, kan treat dan hi a ho lulai lutuk deuhin ka hria.
March 25th, 2009 at 12:14 am
Hlamzuih ni lovin HLAM ARH kan mamawh tawh zawk!
March 25th, 2009 at 9:45 am
Kristianna leh Tlawmngaihna hmathehtute tan chuan hlamzuih hi tihtop toh chi ka ti……akristian lova a tlawmngaihthlak loh ka ti
March 25th, 2009 at 10:09 am
@13 Winning rawt em em khi chu kei tha ka ti leh si lo. Tuna kan dinhmun atan phei chuan rawtna practical lo lutuk a ni, kan phar thla nghal a ni mai.
Kan hnam dangdai vena pakhat a nia, intuarpui liam liam hi. Sap rama thih hrehawm zia Mizo chhungkaw pakhatin an hrilh fak ngial hi ka hre tawh. A bik takin vua leh vang nei ve mang lo tan chuan sap rama thih chu a khawharthlak viau ang.
Hnam tin hian zia leh tihdan kan neia. Mizote chu communitarin society kan ni a, a huhova thil tih kan ngaina a ni. Mahnia chaw ei tui thei meuh lo kha kan ni a. Sapho mentality a lusun laia space an mamawh ang kha kan ni ve vak lo.
Community-in kan inbuaipui hi chu a tha a ni, counselling tawngkam takin a therapeutic em alawm. Thinna atan chuan Mizoram a thlanawm ber ka ti. Hautak lutuka kan in relbawk dan erawh tihdanglam a tul. Mitthi lumen pawh tha ka ti. Khawhar ina riah hi chu a tul tawh lem lo ka ti ve.
March 25th, 2009 at 11:00 am
Hlamzuih atangin kan thlan laih danah kan peng lawks. Mitthi an awmin veng tam tak hi chuan nileng emaw zingkarah emaw thlan kan lai thin a, veng lian deuhah chuan 100 chuang laite pawh kan ni thin. Hei hi mizo tlawmngaihna lanchhuahna tha tak a nih laiin heti zat zat thlanlai tura hun chep tak kara kan kal hi hun leh tha set hi a uihawm ka ti thin. Kal taima vak lo te chu sawi sep an kap bawk si.
Ti hian, ngaihtuahna ka nei ve mai mai a, Thlanmual fund/ fee te kan khawn thin a, hei hian a laitu tur mi 4 vel ruai ila, anni inhlawhna tha tak a ni mai dawn a, veng pum buai luai luai lo hian a tih dan hi chu a awm ngei ang. Misual ho hian enge kan ngaihdan hriat a chakawm.
March 25th, 2009 at 11:00 am
*kap= kai
March 25th, 2009 at 12:45 pm
A hmasain, Van-lal-misual-ho-zawng zawngte u, i lo dam tlang maw ?
Rawn luh loh laiin post a tam tawh hle mai, kan chhiar char char a nge.
March 25th, 2009 at 10:03 pm
Anu leh pa, a chhungte chu an tuarna ngei ang. Mahse nau piang hlim, la tawng thei lo, sulhnu eng vak mah la nei lo na na na chu puitling anga sawngbawl chi a ni dawn em ni?
March 26th, 2009 at 11:42 am
@zero puitling anga sawngbawl chi chu nilo e, naupianghlim,mihring anga sawngbawl chi