Sangzuala Hmar
Saikuti Hall-a concert ropui ber pawl a ni: Organising Committee
March 25 zan khan Ellis Saidenga Tribute Concert thawh hnihna chu Lunglei Saikuti Hall-ah neih a ni a, Aizawl concert nen a khawi nge ropui zawk tih chu zawhna chhan harsa tak a ni ngei ang, mipui kalkhawm an leng lova, a chhunga awm let aia tam mah a pawnah an awm!
Lunglei Ellis Saidenga Tribute Concert-ah hian Lunglei lama zaithiamte an tel kokim hle a, Aizawl lam atangin band pahnih – Myth of fate leh Boomarang te bakah house band te an tel a, Joseph Zaihmingthanga leh Josephine (Jojo) te an tel bawk. Concert boruak hi a tantirh phat atangin a nung tha hle a, Lunglei concert bik organising committee member te chuan Saikuti Hall concert neih tawha a ropui ber pawl a ni tiin an sawi.
“Heti tak maia Ellis Saidenga Lunglei mipuiin an chawimawi hi a ropui a, organising committee a awmte pawh kan lawm hle a ni,” tiin MS Dawngliana, Organising Committee Secretary chuan a sawi.
Aizawl atanga he concert tel tura kal Joseph Zaihmingthanga, Josephine, Myth of Fate leh Boomarang te chuan mipui lawm an hlawh a, Lunglei mipuite hian mikhual an lawm thiam a, a thlengtu nih an thiam hle a ni.
Ellis Saidenga nupuia nau hranghlui rocker PB Lianzama chuan a makpa tan hla hnih a nei a, mipui lawm a hlawh hle, a ni hian Soldier of Fortune leh a hunlaia a larpui em em thin Rock ‘N’ Roll Jesus te a sa. Aizawl lam House band member zingah hian PB Lianhminga leh PB Liansangzuala (Ellis Saidenga nupui Sangpuii vahte) te an tel a, drummer Liansangkima leh vocalist Lungmuana te nen combination tha tak neiin 80s leh 90s rock m usic an hrut nasa a, concert chhimtu mipui lam pawhin an lawm hle.
Joseph Zaihmingthanga hian Ellis Saidenga Pathian hla phuah “Nitinin” a sa a, Josephine-i’n a hla chuam “I Belh Pawn” a sa a, mipuiin an zawm dual dual reng mai.
Lunglei zaithiam lam zingah Lalropuii Pachuau, CR Laldingliani leh Ruatsangi te an che tha a, Lunglei khaw band Cellevain te rimawi chu tunlai deuh zawk leh thangthar deuh zawkte lawm a hlawh hle.
Lunglei Ellis Saidenga Tribute Concert hi organising committee hi Lunglei DC Pi Margareth Zohmingthangi chairman-na hnuaiah lian taka ruahmanna a kalpui a ni a, Aizawl concert ai mahin a hlawhtling a tih theih.
Concert zan hian Ellis Saidenga hlimthla big screen-a lantir a nih laiin candle lighting ceremony neih a ni a, hall-a awm zawng zawngte’n mawmbati kengin Ellis Saidenga hring chanlai thla hi an thlirho a ni. Concert zan hian amah ralna bawm hun a ni bawk a, ralna pawh a lut tha hle niin organising committee te chuan an sawi.
Ellis Saidenga hi ex-MLA, Ngaihzual Nang Nen tih hla siamtu kha a ni a, August 29, 2008 khan Aizawl Civil Hospital-ah a boral a, amah hi Mizoram pa chhuanawm tak leh chanchinbumi ropui, nikum march thlaa Mizoram Journalists’ Association-in Prominent Journalist chawimawina a hlan mi pathum zinga mi a ni.
Similar Posts:
- Ellis Saidenga Tribute Concert
- CFL Hmingthanga Tribute Concert
- Ellis Saidenga a boral!
- Youth Icon-in banna thehlut
- Zoawi Lelte Nite(Review)
March 30th, 2009 at 4:57 pm
Hemi zan nilo zawk Vanapa Hall ami kha ka en ve a PB Lianzama kha a va lo va zaithiam em em ve aw. Ngtv kha ani chiah kha track a zai niin ka hria ka tlai hret a. Zai tha lutuk a sound leh mix kha top class lutuk a min ti doubt lek lek.
Report this comment
March 30th, 2009 at 5:36 pm
tel ve a chakom hle mai… mahse ka sitaaaarrrr ber Siamthangi Hauhnar an sawi ri ve tlat lo..
Report this comment
March 30th, 2009 at 5:58 pm
vanapa hall ah mi then khat a hnung lam leh balcony lam a awm ten an birthday emaw ti a an sa rak chiam chiam kha chu a mawl thlak ve khawp mai.
mami varte in ‘ka lung di’ tih hla a sak lai a min rawn melh zeuh zeuh meuh kha chuan ka in lamlet trep a ni
Report this comment
March 30th, 2009 at 6:10 pm
Lungleiah chuan mi an tam lutuk anti,PB Nite a ni ringawt e an ti bawk,a nawm hnel khop mai.
Report this comment
March 30th, 2009 at 6:27 pm
Mami Varte leh Jojo-i zai lai khan music Bass kha a ring lutuk over a, bakah lead kha a ripherh lutuk bawk. Keyboard ri phei chu a hriat loh. Drums erawh a tha khat viau. SPi zai khan a ziawm deuh a, a hnu ah kha chuan a tha chho ta.
Report this comment
March 30th, 2009 at 6:28 pm
A hming chiah ka hria.
“Aizawl concert nen a khawi nge ropui zawk tih chu zawhna chhan harsa tak a ni ngei ang”
Ve bawk e. :mrgreen: Aizawlah te chuan lammual khat ani lawmni kha? Zorock a concert phei chu
Report this comment
March 30th, 2009 at 6:38 pm
Ke phah hnuai lang hah hah khawpa lam a va chakawm ve
Report this comment
March 30th, 2009 at 9:02 pm
“Aizawl concert nen a khawi nge ropui zawk tih chu zawhna chhan harsa tak a ni ngei ang”.
Lunglei a thil thleng ropui sawi nan a ‘Aizawl’ hman kher thin hi engnge a awm zia le?
Report this comment
March 30th, 2009 at 9:12 pm
@grady : Lunglei leh Aizawl tehkhin chu lunglei tan chuan a lawmawm zawk daih ang chu saiha nena tehkhin ai chuan
Report this comment
March 30th, 2009 at 9:21 pm
@triplestar, Lunglei chu Lunglei,Aizawl chu Aizawl ni maise. Compare kher hian a ropuina a tarlan phah chuang em ni?
Report this comment
March 30th, 2009 at 9:28 pm
Aizawl chauh hi engkim changkan tura kan ngai e lo…? lunglei kan khua saw khawpui lian a la ni dawn.. no offence
Report this comment
March 30th, 2009 at 9:37 pm
a lo nih tak chu… good luck!!
Report this comment
March 30th, 2009 at 9:44 pm
Kan politician ho chuan Aizawl an develop chuan mizoram develop emaw an inti a sin
Khawpui lian apiangah mihring an tam, lui lian apiangah tui a tam.
Khawpui neih duh chuan mihring tam tur, mihring tlemte chenna khua a pui thei lo, inthlah pun a ngai…inthlah pun
Report this comment
March 30th, 2009 at 9:48 pm
grady.. fak bik tur an awm hleinem, Mizoram vek a lom..
triplestar.. Lui lian a piang tui a tam ni lo vin, Lui lian a pianga Sangha pawh an lian, an tam an ti a lom.. lolzz
Report this comment
March 30th, 2009 at 10:07 pm
Pu Ellis-a chu lung a tileng vong vong hle mai a…mi lungleng, rual kom thiam…Champhai kongah ‘Ngaihzual nang nen’ kan sak dunlaite kha o…A tribute concert ka en hman lo ve ve… Mipuiin an hlut zia ka lo hria a…ka lung a leng…’Ngaihzual nang nen’
Report this comment
March 30th, 2009 at 10:22 pm
Vanapa hallah in la confi tawk in kan lut ve zan zan a, chhungkaw thutna tur tih an tar kha kan chhuih tlu ri rum2 pek a, a reh lai tak a nia an rawn hawi thup. ka zak lo der ta vel mai2
lunglei a ka cuz te ho pawh journalsit ho thutna ah an lo thu ve zan
Report this comment
March 30th, 2009 at 11:47 pm
A video nei in awm lo maw…en va chakawm ve Youtube velah han upload teh u…Myth of Fate ho kha an va tranawm ve a, an hla ka ngaithla chhin a, an class riau
Report this comment
March 31st, 2009 at 6:44 pm
aizawl is mizoram, mizoram is aizawl a ni leu
hmanah chuan ellis saidenga tih hi feliz navidad tih thlukin kan sa uang vak2 thin
Report this comment