mi(sual).com

Mizo Mariah Carey ti ila, a sual awm love. A la naupang na in, a aw a control thiam a, a zai thiam a ni. A zai paha a lu an shake vel te kha a ti nalh tlat. A tir atanga Mali zawhna pawh a tawngkam thiam loh ang angin a chhang hmiah hmiah zel a. A lawmawm tlats, intih tawngkam thiam kual vel a tum ve lo. A nui chen chen a, amahah khan ‘charm’ a awm ka ti mai a…duhawmna riau a nei..:D… Nizan zet kha chu a pui a ni. Zarkawt kawnah mipui 5000 chuang chu an punkhawm ka ring tlat, TV a a lan dan khan. Banner lian pui pui siam an tam, Zoramchhani tanna thu vek a ni. “Zoramchhani, i tlin loh chuan kan tap ang”, “Zoramchhani, Youth Icon 2006″ tih te a ni nawk mai. An banner siam lah a lian hlawm, projector project pawh a tibuai lek lek hial thin. Zoramchhani kha tling lo ta se, buaina a chhuak lovang tih pawh a sawi theih loh a nih kha.

A lawmman dawn a turu. Mizote kan changkang tawh ka ti, mi chawimawi kan thiam tawh tlat.

Dawr hrang hrangin thawmhnaw thar sawi sen loh, thilpek hlu tak tak, mobile handset pawh a dawng hnem khawp mai. Chief Minister in Rs. 10000 a pe bawk a, Kolkata free trip, music video, album, soundtrack, damdawiin awm man free, ha enkawl free, sam enkawl free etc. etc….tam ltk. An veng (N. Vanlaiphai)-ah In hmun pek a ni bawk a, Chanmari veng khua leh tui nihna pek a nih thu an VC hnen atangin dawn a ni bawk.

Youth Icon-a 2-na Lalhmingsanga (Mizo Young Jae!!) pawh a lawm thiam khawp mai. A zai thiam a, zai laia han in shake vel deuh ngheuh ngheuh a thiam bawk. An veng mipuiin an tawiawm tha hle bawk.

Pathumna Esther-i pawh a lawm ngang a ni e. An veng mipuiin an rawn tawiawm thra bawk a.

Kei chu judge ni ila, thlan ber tur hre lovin ka awm anga, ka mualpho phah hial ang. Mahse, judge te an thiam a, an thlang fair khawp mai.

Sumneihhrawnga te thiandun che pawh a hmuhnawm e.

Nakkum 2007 ah pawh Youth Icon hi thlan leh zel tum a nih thu Mali’n a sawi. Zarkawt veng mipui an fakawm a, an dawl zo hle. An VCP hovin a phusa ber berah an tang.

May be related

• Sir Head with Youth Icon
• Youth Icon 2006 Top Ten
• Engatinge an tel ve loh ?
• Youth Icon 2006 Top 3
• Intitheiness.com ve lawks

Recent entries

• Ka hlan ve nang che
• In Report Tur!
• DMZP an vanduai ta
• 2 yr-old girl beaten to death for lack of manners
• Mizo IR Bn. chhiat tawk
• 10 Mizoram 2nd IR personnel die in landmine explosion
• By order
• Can’t ask her out
• Handset tha enge?
• What they said about Mapuii English Album

This entry was posted on Sunday, December 10th, 2006 at 7:12 pm and is filed under more than words, News. You can follow any responses to this entry through the RSS 2.0 feed. You can leave a response, or trackback from your own site.