Scott Kinsey: A Par Tlan Lo Chu Lenlai Chan
January 17th, 2007 8:30 pm | more than words, music and lyrics | iago_a_beckett | 103 ViewsBy Nonoa, PROJECT MENGMAWII
Maitawka te Band TRIBAL POWER tih hming pawh hi TRIBAL TECH tih hming atanga ka phuah a ni a, kan unau hian kan ngaisang em em thin a ni. Tribal Tech Guitarist ber Scott Henderson erawh a rawn kal thei dawn lo hlauh .
A lungchhiat thlak zawnga ka ngaihtuah chang chuan tuna lo kal tur Scott Kinsey Group te Aizawla an perform tur hi ka huhphurh hle mai.
Kum 1988 velah Ana (Fam) s/o Pu R.L Thanzawna (Fam) nen an chanchin ziah chhiar tura, Guitar Player/ Musician Magazine kan zawn nasat thin zia leh ani in min boral san tak hnu a kan ngaihsan em em thin Jonas Hellborg leh Shawn Lane Aizawl-a rawn kal ta mai te leh tuna Scott Kinsey te rawn perform te hi han hmu ve se a lawm tur zia leh a phur tur zia ka ngaihtuah nasa thin hle.
Tin, kan unau zinga tlum ber Maitawka’n a ngaihsan em em thin, Tribal Tech member pahnih Scott Kinsey leh Kirk Covington te meuh Aizawla an rawn lang ve ta mai tur hi, la dam sela a phur tur zia leh mumangah pawh a der mai maia an rawn kal a hmuh loh dan tur leh a rin phak loh tur zia ka ngaihtuahin, mittui tla teuh chungin he a article hi ka ziak hram hram a ni. Pialral atangin kut min lo ben pui ngei ka ring tlat a ni. Zofate tana hmuh ve tura, Scott Kinsey te rawn kal ve ta mai tur hi, a awmna hmun atangin a chapo pui ve hle ngei ang le!
Maitawka te Band TRIBAL POWER tih hming pawh hi TRIBAL TECH tih hming atanga ka phuah a ni a, kan unau hian kan ngaisang em em thin a ni. Tribal Tech Guitarist ber Scott Henderson erawh a rawn kal thei dawn lo hlauh .
An ropui zia hre tur chuan an hming theuh hi internet lut thang chuan GOOGLE search engine ah lut ula a rawn intlar tuar mai ang.
Khawvel a jazz/rock fusion website lar ber pawl WWW.JAZZWORLD.COM chuan, “THE SCOTT KINSEY GROUP IS THE BEST FUSION BAND SINCE WEATHER REPORT” a ti hial.
Khawvela Music Club lar ber pawl ‘BAKED POTATO’ California-ah, Aizawl an chhuahsan hnu hian an perform leh daih dawn. Chuvangin, kan hmuh leh mai mai hmel tawh lova, en loh phal chi a ni lo ang.
Musician’s Musician an tih ang hi an ni a, an chanchin tlangpui kan tarlang dawn ang e.
SCOTT KINSEY (Keyboard): Ani hi www.jazzworld.com chuan Keyboardist thiam an thlanna-ah Josef Zawinul a hnu chiahah pahnihna a hauh pha a ni. A album thar ‘Kinesthetics’ tihah phei chuan tunlai musician tha rual, Scott Henderson, Abe Laboriel, Alex Acuna etc te hmangin tunlai Album sawi hlawh ber pawl a tling hial a ni. Khawvel jazz/rock fusion hmel rawn thlak danglamtu te zinga ngaih, ‘TRIBAL TECH’ ah an keyboardist niin, Hollywood Movies tam tak Ocean’s Eleven, Ocean’s Twelve, Code 46, Confessions of a Dangerous Mind etc te a siam bawk. Producer a ni bawk a , Philip Bailey ( Earth, Wind & Fire ) leh Zawinul Syndicate album te a produce tawh bawk. Amah hi khawvel Music School tha bera ngaih theih “Berklee College of Music, Boston” atanga pass chhuak a ni bawk. Ama website (www.scottkinsey.com) ah Aizawl dates 24th jan tih pawh a lang ve kalh e. A keyboard hman duh a rawn sawi danin 88 keys a duh teng mai, Aizawlah a awm der si lo. Engtin tak ti ang i maw? Tribal Betra lu a hai map mai.
MATTHEW GARRISON ( Bass ) (www.garrisonjazz.com): Ani hi rimawi ngaina chhungkua tanga seilian niin a pa hi John Coltrane a bassist thin Jimmy Garrison a fapa a ni.Tunah hian hmun dang danga session a tih pahin Berklee College Of Music ah zirtirtu a ni mek, pui rem rem tak a ni. Khawvela bass guitar magazine lar ber pawl BASS GUITAR MAZAGINE a an ziaktu Chris Jisi chuan, Garrison a album thar Shapelifter chu, “The album raised the bar for electric bass players” ti hialin a comment . A pa in a boral san hma vangin khawvela drummer lar ber pawl Jack Dejohnnete bulah a seilian a. Bassist lar tak Dave Holland nen an pathum hian Rimawi an zir ho tlang a ni. A ropuizia sawi dan ka thiam tawh lo , an bass lo perh sak tawh te artist atang hian judge ve mai ula.. Herbie Hancock, Joe Zawinul, Joni Mitchell, Steve Coleman, Pat Metheny, John Mclaughlin, The Gil Evans Orchestra, John Scofield, Chaka Khan, Allan Holdsworth, The Saturday Night Live Band, etc. Ani hian FODERA bass a endorse mek.
KIRK COVINGTON (Drum): Ani pawh hi Tribal Tech a an drummer ni mek a ni a, drums magazine lar leh webwsite hmingthang Drummersworlds chuan,” “The wild man from Texas” an ti hial a ni. Tribal Tech drummer a nih mai bakah mi khuang a vuak sak nasa a, Eddie Van Halen a pawhin, tingtang thiam a tih em em Allan Holdsworth meuh pawhin a album thenkhat-ah a lo vuak tir tawh a ni. Kirk Covington hi tunah hian Zildjian Cymbals/Sticks, Yamaha drums leh Attack Heads te pawhin an bungraw vawrhlar sak tura an rinrawl ber a ni. Drums magazine hmingthang “Modern Drummer” phei chuan August 1996 khan a chanchin hi phek 10 lai a chhahin zuk han ziak hem a!
SEAMUS BLAKE (Saxophone) (www.seamusblake.com ): Gutarist lar turu, Pat Metheny meuh pawhin “The best tenor player I’ve heard in a couple of years” (JazzTimes April 1997) a lo ti tawh a, John Scofield a pawhin thiam a tihzia thu a lo sawi tawh bawk. Thelonius Monk Institute, USA intihsiakna 2002 khan lawman 1-na a lo la tawh bawk. Ani pawh hi khawvel Rimawi School tha bera ngaih theih Boston khawpuia ‘Berklee College Of Music’ chhuak a ni bawk a, a zir zawh veleh New York-ah a pem thla a, tun thleng hian New York Jazz Circuit-ah chuan, In-demand musician ni lai mek ni.
Awle, ka fak zaih zaih ta bawka, an thiam tak tak leh tak tak loh chu Jan 24th Vanapa Hall ah kan en dawn nia, dawt ka sawi nge sawi lo!? Amaherawhchu, Organizers te rilru ti hah ber tu ni 23th January ‘KOLKOTA to AIZAWL’ thlawhna pamtul a nih vaih chuan kan ho der dawn a ni mai. Tin, an bassist phei hi chu 28th Jan-ah Berklee a Class la leh nghal tur a ni si a, Aizawl atangin ni 25 ah thlawhna a a thlawh chhuah loh vaih chuan a tum bur dawn a ni mai. A hlawhtlin theih nan kan tawngtaina-ah kan hriat reng a pawimawh hle mai.
Picture: scottkinsey.com/gallery.htm#
Could be related:
- JAZZ UP AIZAWL CONCERT
- Tribal Power an che ‘Tribal’ leh dawn
- Intitheiness.com ve lawks
- A zai thiam a ni
- Vun natna
January 17th, 2007 at 9:34 pm
And I thought Mahavishnu Orchestra were the best jazz fusion band ever
January 17th, 2007 at 10:31 pm
jazz fusion ka hre ve phak lo………
but i really like- project mengmawii and their songs…..melancholy…..her chhuak ve se………. among mizo music album itt have the most originality in its music style and tune in my yearssss……..till today i keep the audio cassete with me , although i could not get in mp3 format or CD
it always reminds me of my college days and the funs we had and the discussion on the songs we had in those dayssss ……..
January 17th, 2007 at 11:06 pm
Myself send me the audio cassette, i’ll pay u or whatever.. why don’t you try Polderbits sound record and convert it.. that how i did all of my Mizo audio cassette
https://www.polderbits.com/?ref=adword1
January 17th, 2007 at 11:06 pm
Project Mengmawii tih lai vel kha chuan high ka kal
January 18th, 2007 at 12:49 am
An ni reng dawn asin, eng MUSIK pawh rawn play rawh se, an thiam leh thiam loh chu kei mimawl awmawl ve mai mai pawh hian ka lo thliar ve thiamin ka ring….! Albatross Hmingpuia ai hian Guitar ka perh thiam lohzia pawh nangni ai chuan ka in hrechiang zawk ang. Hetiang khawvel huapa lanpha chin in KAN ZOTLANG RAM NUAM a an rawn sapa tal tur chu a thlakhlel awm reng ani. EN an chakawm tawh khawp mai MAHSE SOUND SYSTEM mawlh mai kha………………… aw!!!!!!!
January 18th, 2007 at 12:53 am
@Saka: Chennai a awm thin kha i ni em? Nelson Manickam ah khan?
January 18th, 2007 at 9:34 am
Keyboard 88 keys nei chu an awm ani lawmi… Roland Fantom X-8 nei an awm an tih kha.
Nelson Manickam Rd-a awm tawh mipa 4 chiah kala hria.