Hengte hi LPS VISION a Ka Vei Zawng tih programme tih a mipuite ngaihdan thawn a ni e :

An vawhlum leh ta kohhran hotu te kha tawngtai tha teh u innau te ho hi an buai leh dawn. sms - SRS hlau em em a

A va han pawi thin tak em. SRS ho chuan mi nunna hlu tak an lak sak leh ta. Kan sorkar chak tak hian eng tin tak ti leh ang maw? Mi nunna lak theihna dan an nei ve hrim hrim zawk a mi? sms - VUAK HLUM PAWI TI EM EM A

Pu Sakte, hmanni chu rangvamual ah ka kal ve a, SRS duty ho chuan a hming chu sawilo mai la chu2 thisen chhuak khawpin zu han vua a mawle. Ti tawhlo se a tha khawp ang mipui kan tangrual chuan a ni mai!! sms - ELPUIA luangmual V.T

Khawvela ka huat bêr vang in mi pakhat a thi ta. SRS VANG ni lo in, ZU VANG ani. A thlarau nunna chhanhman ani lo, apawi ani ti raw u maw. ZU vang chauh ani. A thlarau mawlh kha…..!!! sms - Pawiti-a

Ka rei maw, SRS ho kut tuarin mission vengthlang pa chuan nunna hlu tak mai chu a chan leh ta, nunna hial in laksak hi chu ava nunrawng thlak ve mawle, nunna petu kan nih si loh chuan, khawvela misual berte tih ang tho ani SRS ho thil tih hi, in enchian chu kan ngai ani.

Mizote hian, kohhran leh YMA hi nei talo ila, kan inthliar nasa tawh hlein a rinawm, heti chungpawh hian, nupui pasal kan inneih dante hi Hausa leh hausa, rethei leh rethei, lehkhathiam leh thiam etc, a nih zel tak hi.., chhiatni thatni ah pawh hausa leh rethei kan inthliar tan mek, ’sum ngah ngah hmeltha’, tihna Ram a ni tlat si a lawm le..mahse..VAN ZUAPA khi a lawm angem le? sms - veithintua.

Dan loin mi pakhatin Ganja a zuara, dan lo vekin SRS in mi an that zui. Khapa kha dan kengkawhtu tur Police emaw Exise emaw chuan man se a thi hauh lovang tih hi ka ngaihdan a ni, khawnge dan a awm tak le, a hman hman in dan hi an lek kawh tawh mai dawn em ni le.

SRS hi thlifim an ngai a ni thil pawi zawk a thlen hma hian. Nunna hi a hlu a. PATHIAN leh MIHRING an ZAH lo hle ah ka ngai. sms - Mr.Rr AZL

Kan hun tawng mek hian ngaihtuah a va’n ti tam tak em ! Chemtatrawta thawnthu ang maiin bawhchhetu bik pawh awm chuang lo, a tisualtu leh a vengtu nia inhriate hi, a tu nge bawhchhe nasa zawk ang ? Mahni leh mahni inchhung khur ngaihtuah lek lova uire deng ngam khawpa fel inti hi kan va tam em ! Sualna nei lo kan nih hma loh zawng, kei leh ka chhungte erawh hi chuan misualte hi a nia kan tawngtaipui dawn ni.

Pakhat zel a an sawk hlum in an kiam thin nunna hlu tak chu, kei ka ngaihdan chuan sualna nei lo chuan deng hmasa rawh se tih hi ka pawm tlat asin pu Sak. Misual chu a dawp tur leh achunga action la tur sorkar hian a siamin ka hria, eng ang pawn sual se a nunna chu lei a mihring hian kan siam thei tawh lo a sin. sms - Thih vehlaua

SRS te hi kan CM Bete Mu an dan pawn a chet a phal hnuah hian an chapo in an nunrawng sawt. RV ah pawh zu zuar in SRS te chu sum an pe leh zeuh zeuh tawh, an hlau leh tawh lo, hei hi thu dik a ni. Mipui tam zawk hian an chet dan tam zawk hi in hre lo, an mansa a senchi hawn zeuh zeuh thin pawh an hming ka sawi thei, No.4 mansa ha na damdawi atana te kha, in hming kan puang zar ve tawh dawn em ni? Tualthah em hi chu! tih palh a ni thei lo. sms - Violence City

Pu Sak, kei chu kanram hruaituten dawtsawi an hrehlo lutuk hian ka rilru an ti na a, kan ram hma hun tur hian min ti beidawng tlat nia mawle. Kan Zoram neih ve chhun hi khawi atragin nge, engtikah nge, tuten nge siamtha ang tih hi ka vei ber mai. sms - MAPUIA, VENGHLUI

SRS Antih ho hian mi kutthlak theihna Order an nei em mi? Hetiang anih chuan INDO PUI PA 3NA A thleng lovang tih a sawi theihloh mahni hi in bihchiang phawt hlawmse a tha khawp ang. Tawrh daih harsa ka ti tep tawh. Engpawh lo thleng se inngaithiam tlang ang u. Khawvel tawp hma chuan ZU HI a tawp dawn silo. Khawi ramah mah an khap rem hi inla hrebik lo ang. sms - HRE VE TAWKA

SRS te zam suh u, in hnungah YMA member ram siam that duh, mizo tlangval sang tel kan ding e. Ram chhan nan chuan na lua awm suh se. sms - Zo val

Lalnunnema’n a hming nena inhmehlo taka a u a sahhlum theih chuan SRS-te’n mi tu emaw an sawisak hlumin thil mak a ni chuang dawn em ni? SRS bang rawh se. sms - Number thup duh

Pu C.Lalbiakliana thih dan SRS Secy. thu sawi khan Esopa thawnthua Sakeibaknei damlo thu kha min hriat chhuahtir tlat. A thu sawi lai hmel leh chezia pawh kha duh aiin a pau deuhvin a lang. YMA kum puan leh SRS hi tihtawp a nih thuai loh chuan YMA hian a chhiat phah ang tih a hlauhawm e. sms - No thup duh

E khai ava rapthlak leh ta ve. Hman deuh khan MTV. in mi an that a. Tunah SRS in mi an that leh ta maw. Kei zawng kan tlawmngai pawlte hi ka rap deuhta riau mai ka ti. An in sawithiam thei ropui si a. Tun tum pawh hi a mahin a tla hlum leh pek a ni ang a. sms - thlirtu a.

SRS ten mi an vawhlum an ti leh ta. Enge an thil tum ber pawh ka hre lo. Ruih theih thil a chhan chhuak lo in an vawhlum leh tho si a. sms - Hre thiam lo a.

SRS ho kha fimkhur hle tawh teh u, A zialo thin em mai. Dik nia in inhriat viau lai khan, ‘In fan te pawh hian kan dem lek lek tawh che u a nia aw’ Sorkar leh mipuiten kan hua a, amaherawhchu zu zuarho te hi sorkarlai hian eizawnna dang siamsak vek ta mai se a fel duak tawh mai ang. Damchhung reilotea, man hlau reng renga an nun hman reng mai chu an mahni ho pawh khuan an ningin hahthlak an ti ve thovin kei chuan ka ring ve tlat. sms - VL S Azl

SRS chuan mipakhat chu an vawhlum leh ta maw? Mihring nunna hi ahlu bera khawvela thil engmah hian alei zo si lova. SRS teu in chetdan hi hitlera hunlai a nazi sipai ho chetdan min hriat chhuah tir e nazi khan juda ho kha an suat hem2 mai anih kha. sms - lone wolf.

SRS ten mi an thah hi ngawihbo pui chi ani lo, mi an thah man hi tun damchhung hun ngei ah hian an hmuh ka ring tlat. A hrim2in an mi man te hnenah pawisa an lak saka an in sem thin te hi ava tha lo ve! Kan Central YMA pawh thil diklo titu te hnen ah chet vat a tul ang. Buaina lian tham a chhuah hma hian. sms - LR chawngthu.

Pu Sak, SRS in mi an vawhlum leh ta, SRS hian mi vuakhlum theihna dan an nei reng em ni le, an vawhlum hnem ta malh malh bawk e. SRS tih hming hian YMA hmai ava ti bal tam ta em, zurui khing tawk lek lek YMA Hruaitute hian an ruat reng em ni. A vawhlum tute hian an thisen mawh an phur ngamdawn em te ka ti vel mai mai a. sms - HLUTE-I PA

Ram hmagaìtu SRS te u ka tan tlat che u a nia. Ramhmelma thalai hruai sual tu, thilsual tih sim duhlo tu te hi chu piai liam liam zel rawh u. Apawi lo reng reng. sms - MAPUIA. VENGHLUI

H C.Lalbiakliana SRS office-a a borak thu ka chhiar a, thufing THIL EMGKIM MAI HI A LUTUK RENG RENG CHU THA A AWM LO TIH I HRIA EM?” tih leh American hoin “MIND YOUR OWN DAMN BUSINESS” an tih hi ka hre chhuak zawk mai. sms - CHHUANLIANA. BVT

Pu.Sak SRS ho in mi an vawhlum an ti maw karei nunna hlut teh reng nen, an mi vuak hlum hmel lah media leh chanchin bu mi te a hmel lak tir an la phal lo zui, a zuangthla, tlanchhuah a tum an ti maw, pu Sak kei chuan e an chhuanlam hi a zahthlak ka ti, kei mimawl ngaihdan ah chuan an kut thlak na mite hmuh a ti lang ngam lo ah ka ngai, engpawh nise an vuak hlum thisen mawh hi an phur ngamlo anih chuan heihi lo hre ve mai mai tehse, SRS ho leh an nupui fanau te hian hnunglam mit an neilo a nih chuan tun atang hian lo fimkhur rawh se, kan vawhlum ve duh mai ang… sms - PHIT tO SRS TANLO BON TOP.

Tunlai kan Zoram ve hi a, eng pawl2 amaw ni hi a ding a, hei tunah pawh mi nunna hlutak mai chu kan chan leh ta phawt mai a, hetiang em2 te chu thleg tawh lo rawhse!!

Pu Sak, Mihring dam tha pang ngai, nat lawkna pawh awm lova, han thih tawp mai chuh!. Ka ring thei lo. SRS ho khan man lose Pu Biakliana kha a thih ka ring lo. Tin hlauh thawn vanga, zuang thla na tak, thihpui hial khawp a insawh an awm ka hre ngai lo Zu chhia in nise a pum a na nghal ngei ang. A na tlai lutuk. SRS ho hi in enfiah nachang hre mawlh te u khai. Mipuiin an hawisan hma cheu hian. sms - Robat Latuka

E khai!! Talhtum a roreltu ten talhtum hmangin mi an vawhlum leh ta maw? Ava rapthlak thin vele mihring nun hi engmah hian alei zo silo, a Thisen mawh hi an phur ngam dawn emni hetiang ho hi e kohhran ah in hmang deuh2 hi an ni deuh zel bawk. sms - vawhlum vengailova

Pu Sak SRS ho hian Ruihhlo do kawnga an hmalakna hi a tha ka tiin ka thlawp tlat a. Mahse mi vuak hlum kher hi chu ka thlawp thei lo tlat mai. sms - CCA Pa

Ka vei em em mai chu SRS ho hi ani, an kal fawr mah mah tawh lo maw? Mirethei, zu fun hnihkhat lek neite hi an sawisak ngam tawh leh ani mai a, a zahthlak hle mai. Zu fun hnihkhat leh leh leh Ganja nei sawisak a vuak hian ram a siamtha dawn lo. Kristian ram kan nih avangin kan fel vek kher lo. Zu hi a tha ka tihna a ni lo, ram an hmangaih a siamthat an duh anih chuan mirethei chanai eizo tu ho hi manin sawisa in vua in that zawng ang hmiang. Tichuan ram an siamtha zawk ang. An ngamlo anih chuan YMA leh SRS ho hi bang fai vek rawh se. Ramhmangaihtu hmuzo hrih lo a, R.Lalduhawma Ramhlun Venglai

Nimin a mithi kha ka tuarpui khawp mai, tin mithi tawh hi chu, an in sawifiah veh zut2 tawh duh lo khawp a nia. A hrim hrimin SRS ho hi an fawr mah mahin ka hria. Enge in ngai ve dan le? sms - MIT kham em em a.

SRS ho hian mihring nunna hi a hlu tih an hriat ve chu ka ring, an hnathawh dan hi kei zawng tha ka tilo, mirethei leh mihausa kar hi a va hla tak em, he ti em2 lo deuh hian hma la thei se, mirethei zu fun khat an man a action an lak ang hian mi nei nung zawk te chung ah pawh action la ngam rawh se.

Pu Sak, kan zotlang ram nuam ah ngei tualthi an awm leh ta maw. A va pawi thin em!SRS inti te hi fimkhur deuh teh se, a hleihluak a che thin te hi chhinchhiahin an awm mek a ni tih hi hria sela. Engtik ni ah emaw chuan mirethei te rapbet tu leh eirua in la milianho te hmachhawn turin an tih duhdah te ngei hi an la rawn penchhuak dawn tih hi lo hre mawlh teh se. sms - Miretheite vawhlum ve duh lo a

Hmm, Pu Sak an tihlum leh ta maw a va han rapthlak em, chunglamin engtin ngai ang maw. Kei chu Misualte hmangaihtu kan Pathian rilru hi a dam ka va ring lo em. O SRS te u in kal fawr lutuk tur in ven nan hmang hram ang che u.

SRS hi thiah vek tha ka ti. Sualna nei lo chuan SRS hi zawm rawh u. Kei chu sualna ka nei YMA member ni mahila ka zawm dawn lo. Warning pek zin tawh vanga nunna in lak sak kher hi kan ram hmelma a ni. Zu zuar, drug zuar etc.. warning vawitam tak pek tawh pawh a la zawrh chhunzawm zel pawh an tam a ni lawm ni. Han vaw hlum vek law law ula maw le.. mahse LALPAN in chungah phuba a lak ve ngei ka ring tlatin a hlawhtlin nan ka lo tawngtai zel e. sms - Lalrem Leitan

SRS te kuta a awm laiin mi pakhat chuan a nunna hlutak chu a chan lehta, amah a chesual tisi engtizia nge a hmel tilang lo tura media te an ngen. sms - Benjy-a pa

Sak bawihte, ih maw kan lo vei ve lawks, May 8 thil thleng kristian ram tih a mawilo kha tualthah leh thisen in chhuah hi YMA in motto ah telh ve tawh law2 zawk ila, Ticuan kan moto alo hlawhtlin zel zawk nan iti ve lo maw pu Sak. Mahse keini chuan pi pu te lo chhawm nunsa kristian YMA zo nun mawi kha chhawmnun Zel kan duh, thisen chhuah leh tualthah pawh hrehlo anga min than tir hma hian, kan chhul chhuak SRS hi kawng dik kan kawh hmuh a hun tawh viau lo maw. sms - SRS In an vuak hlum hlau em2 tu te. Paampau a in leng te.

Bawngkawn SRS awmna a ruang an han chhar leh hian dawn ava tiseiin thinlung ava na thin em!!! Police leh Excise te chauh hian thawk tawh mai rawh se. I fapa emaw i unau emaw kha a sual avangin tihpalh nisi in vawhlum dawnse i duhngai lovang. Nunna em channa hi chu thleng tawh suh se. SRSte hi antih that leh antihchhiat a in angreng dawn, chawl tawh mai rawh se. sms - Nani Pa.

Pu Sak, danin thuneihna a pek te aia chungnung, thuneihna leh thiltihtheihna tawp chin nei lo kan tlawmngai pawlte hian an nei ta a nih ber hi maw! Ngainatawm aiin hlauhawm rawng a kai ta i ti ve lo maw, Pu Sak. sms - James & Silver a te pafa

SRS ka hawlo mahse fimkhur chu ava ngai ve, thihna thlen tawhhnu a pawi tih thu leh ngaidam dil leh ringawt mai hi an dik em? an mahni chungah thleng se an duh bik angem?

Nunna hi a hlu a, kan fate nunna suat tumtu te erawh a hlu hlawl lo. Pu Sak, kan chhungkua hi ruihtheìh thil in min ti buai kumkhua a. A kham hian ka kham hluah hluah a ni. Thim leh eng a awm a, chu chuan inzawmna an nei lo. Zu sawimawitu chu zu in an ni a. SRS Sawichhetu pawh zu in mi tho an ni. He ti khawp a kan ram ruihhlo in chhungkaw tin min rùn mek lai pawh a SRS Hmalakna sawichhetu hi chuan SUALa vulh lian a, a HMANGAIH a ni. Nghapihho in hausakna an tel a, kan faten thih na. Kan sawrkar in hma a la ngam lova, kan NGO te inpekna tal hi chu fa piangsual neite hi chuan kan thlawp tlat hi chu kan bat a ni! SRS tang fan fan ang che u. kei chuan in hmalakna hi 100% in ka thlawp e. sms - Ruihhlo ninga.

SRS office ah Biakliana athi, CYMA in pawi ti. Kei pawn pawi ka ti, kan pek theih loh nunna hi chu in zahsak ang u. A hmangaihte chunga kan chet dan hi engtin tak Siamtuin ngai ang maw. SRS te hna an thawh that thin teh reng nen, an firfiakte hi ban vek sela an hming atha zok in i ring ve em? Pu Sak. sms - Veikhata

Kan ram a dam tawhlo hi ava pawi em. Ram hruaitu YMA SRS hoten ram minhruai dan hi ava na em that na duhtu chuan that nain an enkawl thin asin mawle. Thiltha kan tih rualin tualthahna a han thleng hi khawvel a hmingtha an zawnnaah hremhmun an hmachhawn dawn anih hi hawh u inthah in duh chuan a mal2 a in hmu turin min han hrilh sak teh u. sms - Hlauh neilo a.Aizawl original tlangval

Lal Isua chuan uire lai tak an man pawh a ngaidam a, keini amah ringtu inti ramah ve thung chuan misualte Lalpan a ngaihdam te a ngaihdamna thu an hriat hma in kan vaw hlum zel mai si. Aw Lalpa an thiltih hi an hre lo a ni…… sms - Ngaihdamduha

SRS kuta thi kha tihpalh a ni thei lo, nunrawn vang. MVT thalai ho kha N.Zone SRS Office kha lo thleng phei ila chuan petrol bomb leh gelitine chu a puak ngei ngei ang. In tu leh fa te leh nangmah ni (nunrawng) ho hian misual kut in la tuar ngei ang, ruihhlo do hi a tha in mansa te hi hawn chingin nunrawng lo leh thamna lak ching lo ula chuan, mipui hian kan ngainem teh che u a nia. ISUA pawh hi kross atangin a tla hlum in ti lo maw? Dawheh ho. sms - Mr.LUPINE

SRS, Setana Rawngbawltu Saw, Sual Rapthlak Saw, Hengho hian Pathian tana rawngbawl ah an inngai a, Pathian hnawl tawh thinlungin thahnem anngai a, mi beng hliam tawk lek an lo ni ta, A va pawi tak em, an nuna KROSS thu inthup hriattir hi i mawhphurhna a ni zawk

Mi huaisen kan pung tual tual a Lalpa hmangaih misualte ti hlum ngam khawp a huaisen te an lo chhuak ta, misualte hi avuak a vuak that chi nisela Lal Isua pawh kha khengbet lovin an vaw ringawt ang chu. In enfiahna tur kan va ngah em, misual nunna laksak tu te hian a thisen mawh an phur ngam a ngem le. Engtinnge Lalpa hian a ngaih ang le, a ti hlumtu te leh an tih hluma a thawktu hi thuhmun SETANA a ni si a.

SRS hian fuihna leh zilhna pawh an dawng hnem narawh. Dan chunga leng emaw ka nih tia kan chet chiah hian Chanvo chelh chi kan nih lohzia kan tarlang mai ani. Patling, Dawt Sawi Thiam Tak KA PA tia kawh tur ka nei lo hi ka va lawm tehlul em? sms - Mr. Hawk

Aw Lalpa, ka tawngtaina tlawm tak hi min lo ngaihthlak sak la. Mizoram a YMA te hi min ngaidam ang che. Kan kuanglo kan nawr avanga heng Mi kan ensan thin te, kan duhdan a Sorkar kaltir kan tum te, thu ber emaw kan inti te, pawi kan khawih pawha YMA hming anih avanga tawrhna kan pumpelh thinte, YMA anga tual vawi hnih kan that ta te hi min ngaidam la. SRS te hi min nuai chimih sak ang che. Mahni In-ah pawh hna thawk peihlo, Drugs addict damkawr ten mi kan vuak vak vak tawh loh nan. YMA erawh kawngdik zawha dam reng turin. Engkim ithu nise, AMEN. sms - Bawihapa, nunna ngaihlua. Aizawl North.

Pu Editor, nimin lawkah in vuakhlum tih thawm a awm leh ta tlat mai. Chutih rualin mipui te pawh hian kan SRS te hmalakna hi a hau takin han daithelh zeuh an neih te pawh hi hriatthiamna zau deuh hlek kan neihpui te pawh hi atul ve tho in ka hria. Amaherawhchu pu Editor, ka mimal ngaih ve dan chuan central ah kumpuan commtt a awm tho a, SRS te hi lo hahchawl ve in branch YMA hrang hrang te hian mahni area chhungah hmala in puibawm ngai deuh branch an awm leh atul dan a zirin central lam hian puibawm ta zawk mai se a that ka ring tlat tun dinhmun ah phei chuan. A thu hrim central in kumpuan a neih te chu branch in hma a lakna tur ani hrim hrim a. Chuti lo chu kan thahnem ngaihtlangna lamah hian khi te hi kan siam palh hlauh ang tih a hlauhawm alawm.

Chemtatrawta thawnthu angin a bul ret ah han chhui lut ila, a kaikuang tak chu SETANA a lo ni a, Pitarte chunga action lak ngawt pawhin awmzia a neih loh kha maw, SRS, te u ka demlo a che u, in vuak hlum tak kha Lalpa’n a hmagaih avagin a NUN a pe asin, in vuakhlum bumtu leh in vuakhlum theihna tura nagmahni a thawk tu kha thu hmun, SETANA a ni e, O LALPA buh seng tur an tam si sengtu kan tlem si, buh seng tu tur min pek belh turin, Buhneitupa kan ngen a che i chhiahhlawh ten.

May be related

• SRS vangin thihna a thleng leh emni?
• Ramhlun Veng pitar thattu a tupa inpuang
• Mizo in Stockholm
• MANAV FOUNDATION, Zarkawt
• Eng vang nge?

Recent entries

• Kumsul liam hnu
• Krismas Lengkhawm
• PRISM in Sorkar thil hman khap turin ngen
• Bahra khur an lai ta
• Beauticians lured and betrayed
• Traffic Police ten milian man ngam lo
• Fire broke out at Tuikual locality
• Sex videos on the rise
• Christmas Tree Dangdai
• Dog meat, a delicacy in Mizoram

This entry was posted on Wednesday, May 9th, 2007 at 7:44 pm and is filed under News. You can follow any responses to this entry through the RSS 2.0 feed. You can leave a response, or trackback from your own site.