Ram hruaitu Poll update!
July 9th, 2007 4:31 pm | News | ZOaTlau | 621 views|
|
Evening Post/The Aizawl Post chuan ram hruaitu opinion poll a buatsaih mek a, he poll-ah mobile number pakhat atangin mi pangnga a thlan theih a, poll hawn ni atanga tun thlengin chhum lo chat lovin vote a tla reng a, party thenkhat chu an tangulh deuha an hruaitute chauh an vote bawk.
Hetihlai hian thalai tam takin mi chi hrang hrang an rawn dap a, a vote hmu sang thenkhatte chu a hnuaiah hian kan rawn tarlang a, he’ngte hi hmuhsan dan indawt an ni lem lo.
misual lam nena tangkawpin kan chhunzawm zel ang…
VOTE hmu tam zual te, poll hi la neih mek a ni
Lalduhoma, President ZNP (In hria)
Thenphunga, President MPZ (CM bangla atanga engmah neiloa haw)
Bualhranga, Ex MLA (Eirukna duh lo bertute zianga mi)
Rualzakhuma, IAS retired(Hming chhiatna nei loa pension)
Lal Thanhawla, President MPCC (In hria)
K Sapdanga, President MJA (Self made millionaire?)
J Lalsangzuala, President MCP (Mi dik nia hriat)
Rosiamngheta, Chanmari VCP (Khua leh tuite tana mi chhenfakawm)
M. Lalmanzuala, President MPP (In hria ang)
HT Sangliana, MP Lokh Sabha (Bangalore N MP)
Rev Chanchinmawia, Pre. MPF (Mi chak tak)
Vanneihtluanga, Editor Lengzem (In hriat kha)
Tuikhuahthanga, Zozam Weekly(MLA dawt bill hailangtu)
KL Liana, ADMJ, Lunglei (Eiru lo nia lar)
PC Biaksiama, Christian Researcher (In hriat kha)
Lalhmingliana Saiawi, IAS retires (Mi dik leh entawntlak nia hriat)
May be related
- Mizo Hmeichhe Sexy Ber poll
- Vote thlak chungchang
- Chanmari VC and MZP leaders meet head-on on ‘vai’ issue
- Pu Sangliana pawn a ringlo
- Post tur hriat loh vang
July 9th, 2007 at 4:33 pm
Thanks. off Topic: Sexy ber in thlang leh dawn tawh em? Ih tih leh dawn chuan thla khah vel puang lok ula. An lo tih sexy thei nang
July 9th, 2007 at 4:38 pm
Mi 40 kan va la daih lo ve!!!!! District danga mi tha deuh deuh te an va tel lo ve! Aizawl-ism leh tan riau ta mai a!!! Lunglei, Champhai, Kolasib, Serchhip, Lawngtlai, Saiha, Mamit lam unau te in awm lo emawni le? Han vawrh chhuak ula - kan lo a-n-a-l-y-z-e dawn alawm……..
July 9th, 2007 at 4:42 pm
VOTE at zoatlau@gmail.com
July 9th, 2007 at 4:51 pm
Kei chu Pu Thenphunga hi ka la duh ber mai. Ani aia dicipline nei tha hi chu kan tam awm lo ve. Midang pawh an duhawm tho nachungin a ber lamah chuan Pu Thena a nih chu.
July 9th, 2007 at 5:20 pm
Pu Tuikhuahthanga haha journalist ethics ai a eirukna ngaipawimawh.. ha ha thlang ila, kan duh duh kan sawi mai dawn a ni. No hnih thum hnu ah phei chuan news chu news a ni a nilo thleng paw’n sawi veks tawh mai dawn a ni, chuti’n kan ropui ngawt loh pawhin kan ropuilo vet vet ngawt ang. Look alike contest chu a ni em si lo a, a lo lang ve tlat ka mit ka nuai a a lo la bo ta chuang si lo a!!!!
July 9th, 2007 at 5:30 pm
@sawmpuia @ benjamin: Mahniin tha kan tihte a vote theih reng, a awm sa chu a dangin an khum thei. A tirah chuan vote a tla darh a, mahse a hlawm tial tial ang.
July 9th, 2007 at 5:30 pm
@sawmpuia @ benjamin: Mahniin tha kan tihte a vote theih reng, a awm sa chu a dangin an khum thei. A tirah chuan vote a tla darh a, mahse a hlawm tial tial ang.
Sexy ber kan thlan tum khan kohhran lamin min sel deuh a, keini ram hian kan lo zo lo a nih hi ka ti deuha ka la ip char char
July 9th, 2007 at 5:34 pm
Tuna kan Ram hruaitu te (Sawrkarna chelh mek tute) hi Poll ah hian an eligible ve lo nge Vote an la hmu ve lo? An hming ava lang ve lo ve.
July 9th, 2007 at 5:43 pm
Sexy ber kan thlan tum khan kohhran lamin min sel deuh a, keini ram hian kan lo zo lo a nih hi ka ti deuha ka la ip char char
- Kohhran hi a in rawlh hnem ltk em tih poll tur nih chu
July 9th, 2007 at 6:12 pm
Ram hruaitute atan chuan Mifing tak leh midik an tha ber a. Chung ho enkawla kuikhawmtu(CM) atan chuan leadership quality nei an tha ber ang.
leadership hi lehkhathiamah a in nghat hran lo va, zirsang nazawngah a in nghat bawklo. MI zawng zawng hian Talent kan nei deuh vek a, chu kan talent neihna chu a hrang theuh mai a ni. Chutiang chiah chuan Ram hruaitu lu nihna hi talent a ngai tel a. Chutiang mi chu kan mamawh hle zawk a ni.
Thusawi thiam nazawng hruaitu atan an tha chuang lo va, thuziak thiam nazawng pratical ah an thiam vek kher chuang lo. UK PM hlawhtling ber Tony Blair pawh politic a luh hma chuan Pathian thu hrila lo vak ve lawp lawp thin a ni ve tho. Mahse UK PM zawng zawnga PM hlawhtling ber a ni tho. USA president tawh zawng zawnga president hlawhtling ber leh an ram economics pawh sang taka vawrh kaitu Bill Clinton chu Music tuimi tak Law lam pawh ngaihven tak mi a ni. Heng mi te hian an Talent tipungin khawvel an awp ta zak zak zawk a nih hi. Chutiang zelin Hitler-a te Napoleon te chanchin pawh sawi tur atam ang. A awmzia chu hruaitu nihna hi Talent a ni a. Mifing tak leh fel tak pawh leadership quality a neih tel si loh chuan mipui awp chu thil har tak a ni thei a ni.
Heng a chunga ka tarlan atang hian Mizo zingah pawh lar lem si lo, talent nei tha tak tak an awm theuhin a rinawm. Chung ho chu chanchinbu ho hian cho chhuahdan ngaihtuah ula a tha mai thei.
Thil dang chu ka la rawn chhunzawm leh ang e.
July 9th, 2007 at 6:27 pm
Ngaihtuah thiam harsa ka ti kei chu!! 50/50 in beidawnna leh beiseina chhungrilah ka nei. 1998 Election tum khan Zoramthanga hian kum 5 chhunga a tih ngei ngei tur public hmaah a promised chiam chiam a, kum nga a rala a mah ring em em leh tlumte thilra amaha beiseina neite rilru a beidawng tran, mahse election a lo thlen meuh chuan uisa leh pawisa zahnih khat pek avanga vote hralh duh tam tak an awm tih a hai bik lova, chungho chu huikhawmin leh a thawnthu ngai bawk vaibelchhe hmangin mipui in a lam kan awn leh dual a, kan in tlawn siak tlaktlum siak a. Kum 10 a lo ral dawn meuh chuan a lo promised ang letling hleuh in minister leh officer in an in eiruk tam siak a, car,in(cribs/mansion) an in sak san siak a, mirethei mangang au rawl an haider luih tlat avanga mirethei inzawmkhawm pawl din hial a lo trul ta hi zahthlak ka ti hle mai. next year election a lo ni leh tawh a, bawngkawn atranga Overpass(lei) Kulikawn thlenga siam te, Lammual Stadium puitlinga siam te, Sawrkar hanthawk,master rool thlenga tihsan te a tiam leh nghal pang tawh a…helaia thingpuithlum pawl inna pawh neizo lo mirethei chan tur kha khawnge a awm ve tak a plan ah hian??? Mipui hian ui talh, bawng talh, vawk talh, torch light chhunga cheng za thuna sem avanga kan Vote kan hralh leh dawn a nih chuan nangmahni leh nangmahni kha chawh tak rawh u. Eiru te hi kan do duh tak tak a nih chuan i trangrual ang u…oh.. next Chief Minister atan tunge tha ka tih maw?? Rev…Dr.. tih vel nei ve lo Vanneihtluanga hi mawle..Hows that??
July 9th, 2007 at 7:12 pm
1) Pu Lalduhawma Kolasib, (AMFU PRESIDENT)
Ani lai pawh a thlan theih tho ni hmiang.
2) Pu Zira, INC
3) Pu Lalduhawma, ZNP
4) Pu Zoramthanga, MNF Kan CM ni lai ngei mai hi,
Khing Pathum te khi MLA ah tling nawn leh vek se ka ti khawp mai. Mahse Ruling ni lo in Opposition ni thei se.
July 9th, 2007 at 7:50 pm
Comments a tha thei khop mai….
Thalai lehkha thiam leh fing, ram hmaghaihtu ho hi in inthlahrung/ inngaitlawm mah mah ani…
Thlan tur zong zong lovin DING TA CHE U. ‘Kei man ram chu hmasawn na kawng ah ka hruai ang’ ti in han ding chhuak teh u. In tling emaw tling lo emaw han tum chhin phawt teh u. Remember Fortune favours the brave.
Anyway, thats my 2cents worth.
July 9th, 2007 at 9:12 pm
I’m voting for Zoramthanga, the best CM ever! Whats the voting number please
July 9th, 2007 at 9:29 pm
Opinion Poll lak kan uar ta sa sa bawk a, heti zawng hian Poll i la dawn teh ang hmiang. Sawrkar hnathawk officer lian(CEO,EE,SA,SDO,DFO,RO etc) ho zingah hian tu hi nge mahni hlawh phu miah lova ngampa taka eiru nasa ber nia in hriat, Minister pawh telin mirethei te chanai ei zawhsak tute nasa zual sawm tal ziah chhuah i tum ang u hmiang. Heng kan mi zaih chhhuah ho list hi Central YMA SRS Office ah kan thawn anga, mirethei chanhai chhantu neilo an sawisak(hlum) tortured ang hian an ti ve ngam em i thlir ang u hmiang. Dik takin i sawi teh ang u, heng veng kil khata retheihna avanga mahni buhzu thlawr chawp zuar nge heng nitin Sunday apianga a tlar hma-a thru thin, mahse eiruk lama tiam chin neisilo ho hi ram hmelma diktak zawk chu??? Eng hi nge ngaipawimawha ngaihpawihloh hmasak tur chu le?
July 10th, 2007 at 11:50 am
thlan tur pawh ka hrelo….an hna thawh chhuah a han fak em2 tur pawh ka hre lo…Pu Duhawma hi la CM ve lo a kum5 chhung hi chu en chin nan chak awm ve khop mai…eiruk loh pawn a hnuia thok te chuan an ei ru zel tho ang…dats da way it is….
July 10th, 2007 at 1:29 pm
Ram hruaitu tur atan chuan ka tha ber ang. The reason:
1. Thalai la in fit tak, thluak la thawl tak, information tam tak la khung luh theihna tur nei mi ka ni.
2. Hna chhete ka thawk ve a, ka mamawh min phuhruk tawk chiah chiah. Tin, eng hna mah thawh hreh ka nei lova, eng lirthei ah mah chuan ka hreh lo - including bawng (cow) transportation.
3. Ka chhungte hi sum lamah ka la ti buai ngai lova, hna ka thawh ve chinah. Chuvangin min tibuai bik lovang. Gas la tur, damloh inentir, bill pek etc. tih vela minister lehkha an hmang thin hi ka ten bon top a. Chumi piah lamah kan Supply Minister-in a department office a lift a hawng tih ang vel phei hi chu ka ten lehzual. Chuvang chuan min tibuai ngam dawn lo hrim hrim! Tih buai ka lo tawng palh anih chuan ka inten dawn avangin tuma nawr ngai lovin ka bang nghal ngam dawn tlat!
4. A dera Pathian biak hi ka haw tlat. Tih tak zeta be turin ka la infit loh avangin ka be lo mai ani - “i lum chuan lum la, i vawh chuan vawt law law rawh” tih ani si a.
A chunga ka quality tlemte avang hian ram hruai tur chuan kei tluka tha tur ka hre lo. Chutiang bawkin keimah ang tho thalai dang awm te hi an tha vek.
Conclusion: Thalai i nih a, i thluak hi eng politics chhe chi mahin a la suk lohva, corruption hi i huat a, a dera Kristian nih i duh lohva, eng hna pawh thawk ngam tur mi i nih chuan NANG TLUKA RAM HRUAI TLAK an awm chuang lo!!!!
July 10th, 2007 at 4:55 pm
Ka duhte
Lalduhawma AMFU kum 50 la tling lo hret
VNT of Lengzem kum 50 la tling lo hret
Zoa Tlau
Benjamin of misual
Shanaz Kimi
Anonymous
Zorun
Apatea
coolsoul
PC Lalthasanga of MZP
Dr Thomas mature ltk s/o Silvera
…. to be contd
July 10th, 2007 at 5:57 pm
@rema_pa comment ka han chhiar a, ram hruaitu atan hian ka tha ve viau dawnin ka han inhre ve ngawt pek a, tuna kan ram hruaitu tam zawkte ai hi chuan kathawh hlawk zawk ka inring tlat a, a bik takin Agriculture leh sports lamah. Mahse, chiang lehzualin ka han inngaihtuah a, ram hruai tlak ka nih loh zia ka inhrechhuak tam tawlh tawlh. Ka tlaklohna tam tak zinga thenkhatte:
1. Ka chhungkhat lamhnaite ka duhsak ngei ngei dawn. Entirnan, hna ruak awmah pakhat chauh lak tur ni ta se, a tling ber ai chuan a dawttu chiah ka unaupa fanu kha ka la mai duhin ka ring.
2. Ka VAI huat hi tun thleng pawha a la reh hleih theih loh avang hian central dawr turin ka rin tlak loh tawp.
3. Ka ‘fit’ zeih zawih lo tlat. Ka thluakah chuan eng eng emaw hnawh lenna tur hmun awl chu a tam phian lawi si.
Hengte avang chauh pawh hian ka tling lo hlawm tawp, midang ni leh zawk mai rawh se….
zza rawt ho khi an tha phian hlawm tak ang aaaa.
July 10th, 2007 at 6:11 pm
rema_pa ka thlang e……..
July 10th, 2007 at 8:29 pm
Reply to ccpur_man: Sorry for my comments. I have no personal enmity towards HT. Kan ram hruaitute zawk hian hel boruak min hnaih pui lutuk a, chung ang laka kan fihlim theih hlauh takin tih thuah mai mai zawk ani. Ka pi chu Hmar ruhkawl ani a, mahse a thih hma zawngin hmar tawng a hman ka hre ngai lo. MIZO tawng lo hi thiam ka nei lo (except a few of this funny language we call “thlang sappui khabe liam”). Manipur boruak hi a hahthlak lulai em a, kan ramah chuan seng lut lo emaw veng ngam thei tur ka duh vang ani zawk.
This is my stand - kumah (age) buai suh. Commitment ah buai zawk tur. Specially val_brosky - U CAN DO IT! I CAN DO IT!
July 10th, 2007 at 9:36 pm
A va han nuam miah miah…… Kan pu Zoramthanga lah chu a mut a la tui tho awm si a (khawvel ram zauah hian ani tluka CM nih nuam ti tur hi an awm chuang lo).
Nakum inthlan hun chu ka nghakhlel tiah2 bon let top top. Pawisa sem hnem ber tur kan lo inrin siak thung tawh mai dawn???
Uisa chuan min thlem thei kher lovang… tui ka ti tlat lo. 1 year vel hi ka mob bill min pek sak intiam se chuan i’ll think it over…. ha ha, just joking.
Zoa Tlau hian thalai a duh deuh tur han thing chhin se mawle - kan lo e-x-a-m-i-n-e dawn alom (personal life eroh no no no no nise!)
July 10th, 2007 at 10:27 pm
Manipur lam boruak inlumlet dan thlirin, tuna kan Mizoram sawrkar thuneihna chelhtuten helho inthurualpui nei niawma an sawi hi thudik niin a lang tlat. A tenawm lutuk. Hei aia dirty politics dang enge awm chuang ? Tun dinhmuna ram hruaitu atana kan mamawh chu, mi fel leh thiam aiin HNAM hmangaihtu tak tak a ni kan mamawh ber chu.
July 11th, 2007 at 5:07 am
kan ram siamthat hna hi chu kathok chak khopmai….ka in candidate ve hunah chuan thalai te min lo vote vek turin ka sawm lok che u.
Mizoram hi ram changkang, intodelh, power ngah, kut hanthawkte chawisangna ram, eirukna tlemna ramah kan la siam don ani.
Chutih hunah chuan kan dawrpui kawng te hi tun ang in a tot toh lo ang.
Bazar niin kawngsirah kan thu heng hung toh lovanga mall lian takah A/C awmnaah kan bazar toh ang a.. kan thlai thar te pangaitakin hralh ani ang a.
mirethei ten kawng sirah an thutpui toh lovang. Zu tha lo in avanga thi te an awm toh lovanga…zu tha siam chhuak tu kan ni toh zawk ang.
D
Chutih hunah chuan tun hmaa kan ram hmangaih lo taka ro lo rel tuten zak takin tar kunin an la in chhir ang.
July 11th, 2007 at 5:29 am
chhunzawmna:
Thalai ten infiamna hmun tha an nei anga… mizoram hian indian football tournament lian kan la thleng ang.. parking lian fel fai tak sak ani anga, kawng sirah te motor inpark hmun tur an tlem toh ang.
Sipai ten an hna mipui venghimna dik tak an thawk ang a, kut inthlak tuar loh a vang thihna thleng thin te a awm toh lovang. Mitin te dan anga hrem an ni toh zawk ang.
Lal leh lal lo fa thliar hran ani lovang a minister fa leh fa lo thliar hran an ni toh hek lovang. Dik lo lutuk a eirutu te chu an hna atang a suspend emo lungin tang tir an ni ang a. mitin in rual khai takin kan hna theuh kan thawk toh zawk ang.
Tax chawidan thar siam ani anga tun hma a lo eiru milian ten an sum hai luh atangin tax an pe kir leh ang a, sorkarin chu chu ram development atan a hmang toh zawk ang.
Entertainment hmun, Downtown khawpui tinah siam ani anga…kan mallah te chuan theater felfai tak dah a ni anga mitin in weekend nuam takin kan hmang thei toh ang. Aizawl khawpui tih len ani anga mualpui, ITI, luangmual,complex, Lengpui inkar kawngte chu khawipui chhung ala ni
anga, highway felfai tak siam ala ni ang. Tlangram kan ni a water supply tha tak a awm toh ang a.. kan tui thianghlim tak zotuithiang hi khawvel ah a la lar ang a khawvel hmun hrang hrang atangin intur in an lo la kal ang.
Reiek tlang atang a ahnuia lui kal theihna ropeway te siam ani ang a tourist in kalna berah an la nei ang.
July 11th, 2007 at 2:36 pm
@2u : Ka chhunzawm ve chak tlats mai…….
Chutih hunah chuan bill pe turte, gas la turte, phone connection ti tur apiang dan angin an in line tawh anga, minister lehkha keng an awm toh lovang. An lo awm palh anih chuan an zak chem chem toh bok ang.
Chutih hunah chuan sorkar hna aiin thalaite’n mahni own business din kan chak toh zok anga, kan thok chhuak hnem zok bok anga, tax poh nui sang chungin thahnem tak kan ram hmasawn nan kan chhung lut thin toh bawk ang.
Motor/bike ka neih pawhin parking fee hi ui lo takin ka pe toh anga, a fee hi tlem ka ti mah mah toh anga, ram hmasawn nan sawrkar hnenah fee ti sang deuh tur pawhin ka nawr ngam hial tawh zawk ang.
Lo neih a eizawn a hlawk zawk tawh dawn avangin khawpui lama awm aiin thingtlang lamah awmhmun kan khuar leh tawh anga. Thingtlang atanga khawpuia pem aiin khawpui atanga thingtlanga pem kan tam toh zok bok ang.
Tourism lamah hma kan sawn hle anga. Foreigner sum nei ngah tak tak ho hi an sum tam tak kan ram hmasawn nan a lut toh anga. Reiek tlang, phawngpui tlang tih velah mountain climbing, nature survival competition tih te kan buatsaih anga. Kan sangha dilah sap mi mawl ho kan tal tir anga an chawhmeh tur sangha in man chawpin, mau no ngei maiin kan zu fir tha - buhzu ngei mai chu kan cheers pui haps haps toh bok ang!
A nuam awm vei….. ka soi thiam lo………
July 11th, 2007 at 2:54 pm
Bill pek intlar tih zawng a thing em mai technology hmang tangkaiin Mobile banking te online banking te tiin bill chu kan bank htru vekin kan pe ang chu. Anih loh chuan kan tlarna man hi min pethung sela Service provider ho hian.
July 13th, 2007 at 1:36 pm
@ 2u & rema_pa, Hisap thaim khop mai…..Mahse kei chuan hetiang ni te hi kan damlai hi chuan kan hmuh phak ka ring lo…..Kan kalphung hi khawilai atang berinnge siamthat tur tih pawh ngaihdan ka nei thei lo ve
Pastor Chhawna inlarna hi a thleng dik zel an ti bawk a, Thim thuahhnihna hi kan hmachhawn thuai phawtin kan ring ve ngawt a, mahse a engber hi nge thin thuahhnihna tur chu hriat a har hmel viau bawk si…
July 13th, 2007 at 2:34 pm
tin, chu mi hun ah chuan van hmasa leh lei hmasa pawh a awm tawh lova. tuifinriat pawh a awm tawh hek lo.
chuvang in ram tan a in pe zawng te kan thut hmun theuh atang in lo ding chhuak ila.
zam suh , ding rawh , ding rawh!!!!!!!!nangma chak na kha in en lo la, a hruai dawn che alawm.
chhimtuipui lui a chhawr vak lem loh a tui luang zo zai te saw!!!he2..
July 13th, 2007 at 2:46 pm
“Tun dinhmuna ram hruaitu atana kan mamawh chu, mi fel leh thiam aiin HNAM hmangaihtu tak tak a ni kan mamawh ber chu.”
- Mifel leh thiam chuan ram tan hna an th
July 13th, 2007 at 2:49 pm
@CCpur_man - “Tun dinhmuna ram hruaitu atana kan mamawh chu, mi fel leh thiam aiin HNAM hmangaihtu tak tak a ni kan mamawh ber chu.”
- MIFEL LEH THIAM chuan ram an hruai tha em em ringawt ang. Fel bawk thiam bawk tluka ram hruaitu atana awhawm an awm chuanglo..mifel hian ram an hmangiah nge nge bawk thin.
Ram hmangaih a ngaihna hrelo - thrum thawh mai duh te pawh kan tam ta, heng hian hruaitu MIFEl leh MITHIAM kan mamawh zawk a nilo maw.
July 13th, 2007 at 4:30 pm
@Puii : When there is a will, there is a way. Youth empowerment a lo thleng tan mek - that will count when u raise ur voice. I thei a, ka thei a, kan thei vek ani. Diklo taka ti duh an awm pawhin dik duh kan awm chhung chuan kan ram a chhe lovang.
@Band/CCpur_man: Whoever is committed, ram an hruai tha ang. Thiamna a pawimawh em em - Kan minister Dr.Thangtea te pawh mithiam chu an ni ngei alawm. Mahse kim lo a awm ani.
Mifel an pawimawh bawk - FEL kan tehna a pawimawh hle ang. Damlo tlawh peih viau, khawhar ina leng peih viau, chutih laia mahni hna mumal taka thawk hman lo te hi an fel kan ti tho ang em? Eg.Minister K.Sangthuama hi damlo tlawh leh khawhar in kal chu a taima raps. Mahse a staff te chuan an ngaisang leh chuang thak lo.
Pawimawh ka tih em em chu “mahni hna a rinawm mi” an ni. Chutiang mi chu kan zawn a ngai ani. Mizo zingah hian an awm em em ang.
I AM ME tih ka ziah chungchang kha in lo chhiar ve mial em? Khata ka ngaihdan ang deuh kha ani.
July 13th, 2007 at 5:01 pm
Kan soi ve loks. Dictator ang deuhva min hrualtu tur hi kan mamawh in ka hria. Chuan kei poh sipaiah ka lut ve nghal bok ang….
July 24th, 2007 at 10:48 am
BREAKING NEWS:
Mizoram seeks IRS officers: The Government of Mizoram has sought IRS officers from 1990 batch to 1994 batch to be appointed as Secretaries. Those interested their proposals through respective CCITS have been sought by Centre till July 30, 2007.
Ting hian news report a awm??? Mizoram Sawrkar thiltum hi enge ni lehpek taaaaaa! Vai IRS lakluh huk a tum em ni?
July 24th, 2007 at 11:25 am
angry_youth chuan dictator a duh bawk a, Robert Mugabe nge Pervez Musarraf in thlan le ?
July 24th, 2007 at 11:43 am
Fidel Castro!!! heheh
July 24th, 2007 at 2:01 pm
va mak awm ve……india ram state lian pangai ah te IRS secretary in an dah ngai emaw ni le??? mizoram chu engineer atanga secretary thleng kai theihna ani tlat mai a lolzzzzzz
July 24th, 2007 at 2:49 pm
IRS ber kher..chhiahkhawntu ho leh eiruk lama hluar tamna service an pawng zawn vak mai hi mak ka tih ber chuuuuuuu
July 24th, 2007 at 2:59 pm
Mugabe, Hitler etc etc a ngai hleinem. Tuna kan hotupa His Majesty Zoramthanga kalphung hi Dictator kalphung chu ani deuh mai alom! A duh danin Advisor a la miah miah a, chu pawh chu duhtok lovin Principal Secretary atan a sangawi zawnpui HV Lalringa lak a la tum bok mawle. Pui deuh asin.
Pu.Zorama hi a bon ru riau asin. Thlang tling leh ila ani mai alom. Kan ramah hlawh vangin an nuar a, ramri lamah kan buai bok a, thalai lam an lo phun nuai nuai bok a, chuti poh chuan a muttui loh phah chuang reng reng lo. Ropui deuh mawle. Hetiang mi hlim thei hi ram hruaitu atan chuan kan mamoh berin ka hria.
Hel buaia kan buai hunah phei chuan President’s rule te poh a la awm mai thei asin. Chuvang chuan alom sipaia tan ngei ka duh nachhan. Duh dan tak phei chuan tunhma cowboy hun lai ang deuh khan pistol han pai deuh trat mai ila, nuam don ruraaaaa….