Tet deuh laia inthlan (state election) vel angah te kha chuan a huau huau boruak kha nuam kan lo ti ve viau a. Congress in sticker ang te an siam kha kan hmaiah kan han bel tuarh mai a, motor lian hnunga chuang chunga han au thler te kha nuam kan lo ti ve em em a. Chutah ZORO movement a rawn chhuak a, “Zoram tlangval heih heih heih, kal chhet chhet….” tih ang vel kha kan sarak pui ve vak vak a.
Tunah erawh chuan kan lo puitling ve ta a, election awmzia leh a pawimawh zia te kan lo man ve ta. Vote ka neih phak hnu hian inthlan vawi 2 (state leh MP election) ah vote ka thlak ve ta a, ka ngaihtuah let hian ka vote thlak tum khan beisei teh ual ka nei lova, candidate zingah pawh khan kan ram min han hruai tha thei tura beisei em em ka nei chuang tlat lo. Mahse citizen ka nihna angin ka thlak ve mai ani.
Kumin 2008 election ah hian ka han ngaihtuah thin a, candidate hrang hrang an rawn awm leh anga, party awmsa atang lo hian midang an rawn chhuak te anih loh chuan tu tak hi nge maw ka vote dawn ni tih ka in ngaihtuah buai khawp mai. Vote kan thlak hian kan vote pek tura chu amah kan hriat chian vanga vote nge kan nih, chhungte’n congress/mpc/mnf vote tur an tih vang emaw, thlan tur bik pawh hre chuang lovin vote kan thlak ve tawp thin tih hi min ngaihtuah tir a.
Kan ram hmasawn pui thei tur hruaitu kan zawn emaw kan ngaihtuah emaw chu a ngai viau tawh lo maw?? Thalaite pawh hian tu ber emaw uisa leh zu show thei tih vel te, chhungte party a ruh vanga vote tur an tih kan vote ve ringawt hi a dik ber dawn emaw ni le? Puitling anga ngaih kan nih tawh chuan (vote nei pha tawh kan nih chuan) mahni ngaihdan hrang kan neih ve hi a awmin a hun viau in ti ve lo maw? I vote khat hi a hlu ropui si a!!!
Similar Posts:
- ELECTION REFORM
- Vote thlak loh hi
- Chalfilh Constituency Bye Election-ah vote a tla tha
- Vote thlak lo ta ila
- CNBC TV18 Opinion Poll for FM
March 22nd, 2008 at 6:28 pm
A dik khawp mai, rema_pa. Tun dinhmunah hi chuan thlan tur hi an van hmel hle mai..Apple trawih theuh theuhah a trawih nep deuh kan thlang kual mai mai a nih ber hi maw! Engpawhnise, kan vote neih hman fimkhur erawh hi chu kan tih ngei ngei tur a ni e.
Report this comment
March 23rd, 2008 at 12:36 am
Candidate nih tum te hian Ramchangkang a antih danin vengtin ah debate te nei theise a tha viau lawng maw?
Report this comment
March 23rd, 2008 at 9:15 am
Kei chu a chak ngei ngei tur ka vote dawn. Mi tha emaw kan tih pawh an tha rei chuang lo. All politicians are the same.
Report this comment
March 23rd, 2008 at 6:43 pm
Tun din hmuna kan party te leh politiciante han thlir hian vote han thlakna mai tur a vang a ni, Dakah thlak tawp mai ang.
Report this comment