Mizoram Super Model-a che tha zualte chuan tunlai hian grooming neih chhunzawm zelin eng tik lai pawha in peih at thei turin rilru leh taksa lamah intuaitharna an nei mek a, tun atanga rei lo teah chuan phai lam atang pawha sawmna eng emaw neuh neuh chu an dawng lo vang tih a sawi theih hauh tawh lo.
Hetih lai hian September thlaa Guwahati-a neih tur ‘Miss North East’ thlanna lo awm turah Mizoram aiawh turin organiser lam chuan a tlem berah model 3 inlan turin a rawn ngen a, Hemi atan hian thlanna nei nghalin Mizoram aiawha ‘Miss North East’ a inlan turin Feet 5 leh Inches 6 chung lam te zing atanga Mizoram Modelling Agency-in an thlannaah chuan- Irene Zodin-sangi, Tlang-nuam, Aizawl, B. Ram-dinsangi (Lawng-tlai) leh R.Lalnun-thari, Chhinga Veng, Aizawl te chu thlan an ni.
Anni hi Fashion leh Modelling lama hnuhma lo ngah tawh tak leh Mizote zinga a sulsutu ber pawl ni pha ngat- Lucy Sailo kaihhruaina hnuaiah an awm dawn a, a ni hian theih tawp lo chhuah puiin grooming mai bakah a tul ang leh tih tur ngai zawng zawng chu a zirpui dawn nia hriat a ni bawk.
‘Miss North East’ thlanna lo awm turah hian India rama designer lar leh FTV velah te pawh mikhual lo tak Heman Trivedia pawh a lo tel thei dawn a, ani bakah fashion leh modelling lamah daihriat ngah tak tak leh mi challang engemaw zat te pawh an inlan bawk ang.
“Model thlan chhuah pathumte hian August thla chaw hnu lama an chhuk thlak a ngai a, khu lamah grooming leh thil dang pawimawh tak tak an zirpui ang. Mahse, an zuk mikhual lutuk loh nan an chhuh thlak hma hian he lamah theih ang angin grooming kan neih pui dawn a, hei hi an tangkai pui ngei pawh kan beisei a, kan model pathum te hi kan ring tawk a, tawngah pawh harsatna an tawh kan ring lo,” tiin an hotu pakhat Laltlansangi Fanai chuan a sawi.
‘Miss North East’ thlanna ah pawh hian beiseina an nei sang hle tih pawh sawiin, “Dinhmun sang tak an thlen ngei kan beisei a, kan nula te hi zahpui awm lo thah an ni bawk a, an chungah hian beiseina kan nei sang hle. Nasa taka inbuatsaihna an neih theih chuan an thleng sang viau turah chuan kan ngai,” a ti bawk.
Similar Posts:
- Mizoram Super Model thlan a ni dawn
- May-ah ‘Miss Mizoram’ thlang dawn!
- Mizoram Super Model Irene Zodinsangi
- Southern Mizoram Super Model ‘07-ah Ramdinsangi
- Mizoram Super Model 2007
July 9th, 2007 at 9:04 pm
can’t wait to see their pics
[Report abuse]
July 9th, 2007 at 9:14 pm
Mizo nula te…. khawvel hawl chhuak vek teh u…
[Report abuse]
July 10th, 2007 at 10:27 am
-”tawngah pawh harsatna an tawh kan ring lo”
an toh don leh tawng lettu hmang se
an pic lo post vat tu..
[Report abuse]
November 7th, 2007 at 1:57 pm
chhuan om e
[Report abuse]
March 13th, 2008 at 1:12 am
tong ah cuan harsat na an neih ka ring hindi an thiam loh phei cuan
[Report abuse]