Tunlai Boruak hi!
October 2nd, 2007 9:16 am | whatever | Gerrarda-pa | 206 Views|
|
Nimina kan thu hriat te, zan lama chanchinthar kan ngaihthlak te, TV lama kan thil hriat/hmuh te hian ‘Kumin zet chu kum danglam tak zawng a nih hi’ tih ngaihdan min neihtir zet mai. Ruahtui a tam a, kumdang aiin ruah a tla rei a.
Nunphung a ti khaihlak hial a. Leimin in kawng a hnawh a. Sazu a puang a, buh a suat a. Thli na takin buh hmun a tichhia a. Synod Puipa nimin lawkah a boral a. A boral dan lah chu sawizui hlawh chi tak; tu thah nge tih leh amaha inthat nge? tih tur a ni lehnghal. Nizan lawk pawh khan bomb puak thawm chu ka muthmun atangin ka la hre zui.
Kan ram chhung te hi a him tawh lo nia hriatna hian ka thinlung hi min hrilh nawn awn awn mai tukin zet zawng! Vawiin chanchinbu a lo thleng anga, chanchin lawmawm lovin hmun a chang hnem leh ber ngei anga. Kan ram Kristian ram kan tih teivetna hmuna thil thleng atan chuan a rapthlak zawk tlat. Khawvel ram zau zawk pawh han thlir mah ila, boruak muanawm zawng hian kan khawvel hi a kal mawlh si lo.
Rev. Chanchinmawia, Vaivakawna a thusawi, U Hminga Lu mehna dawr atanga TV a an LIVE ka lo thlir atanga ‘Hei zet zawng kan ram MIDUH a nih hi. Zam hauh lova kal ngam Mizo ten kan nei em tih chhanna chu’ tia ka lo comment kha a ni a. Hetiang mi, mihuaisen, fuihpawrh emaw haw haw na atanga pawr chhuak hluai ni lo, huaisen pangngai tak hi kan ram hian a CHAN ROPUI hle a ni.
May be related
- Chhanga sangha turin hrai a ni
- Nawrh - tunge a kaikuang?
- Hei zawng zingah
- Enge kan chhiar?
- Thih ngama thiante ruang hlawm ngam Mizo tlangval
October 2nd, 2007 at 11:35 am
a ni khawp mai, nizan chu chhhin khat pawh ka chhinglo, Rev Chanchinmawia thi hian ka rilru a ti na, chumai baka, kan zoram chung hi pik ta riua a hraitnna ka nei, Hnamdang kutah thite chu nise a ziaawm, thah a nih phei chuan Mizo ngei kut tuar a nih a rinawm si, kan pastor huaisen keimahni kut ngei a an thi mai chu, Nagaland ho lo kalin Zoram chhiatur an rawn puan lawk te kha, hei a thleng dik tan chu a va ang ta ve. Thlarau mite hmuh danin, zoram hi sual thil tih theihna chhahpuii in atuam vel tlat a ni a tih an tih hi dik tan ta riau in ak hria a, rilru chu a chawl hadam lo khawp mai
October 2nd, 2007 at 4:00 pm
Heng khawtlang leh Political boruak rit tak bakah hian Natural Disasters chi hrang hrang hi kan hmachhawn mek thei mai awm mang e tih te kei pawh ka ngaihtuh thin. Mau tam, Tam, Leimin, Sik leh sa mumal lo bakah LIRNGHING te hi a hlauhin ka hlau zek zek nia… Ram danga a nghin ang hian han nghing chhin eih se la chuan kan chhiat dan rapthlak tur zia hi ngaihtuah ngam pawh a ni lo. Sawrkar or mi thiam thenkhatin Disaster Preparedness Drlill eng ang pawhin min zirtir se chuti luain a sawt lutuk lo mai awm mang e…Kan Aizawl khawpui in chhawng ropui tam tak, eiruk suma sak ho hi a han chim ang a, a sawp chu nasa tak a nih dawn bakah, mi engzat takin nunna chan ang i maw?? Ngaihtuah ngam pawh a ni lo..Hawh u, mahni theuhin kan ram tan hian i tawngtai thin ang u…Pathian chauh lo chu beisei tur an awm ta lo..
October 4th, 2007 at 10:18 pm
Ruah sur nasa in nunna leh in tam tak a tihmin vanga harsatna te, sazu puang nasat vanga harsatna te aiin Officer Sazupui thau deuh deuhin kan ram an ei hian min ti chhe tam zawk daih an ti