mi(sual).com

By K. Lalhruaitluanga
Eng nge Corruption?

Mizote hian corruption tihtawngkam kan hmelhriatna hi a rei ta viau mai. Corruption tihtawng-kam hi Mizo tawng ni lo mah se sawifiah leh chuan ngai tawh kher lovin mitinin mahnitawng ang maiin a awmzia kan hre bel hlei hlui a, kantawng ang maiin kan lo hmang chho ta a nih ber hi.

Thenkhatin corruption-a kan ngaih,thenkhatin an ngaih leh si loh, thil kalphung pangngai ve rênga an ngaih te pawh a awm thei ang. Hman kuma Presbyterian Kohhran, Mizoram Synod-in ‘Corruption Dona’ booklet a tihchhuahah chuan “Mihring nun leh khawsaknaa thil a nih tur ang ni lo tawh phawt chu corruption a ni vek mai” tiin an tarlang a, dik pawh a dik viau rêng a ni. Sorkar inrelbawlnaah thung chuan dan mumal tak a awm a, chutiang dan kalha thil tihte chu dan atanga tehin thil dik lo a ni tih chiangkuang takin a finfiah theihthin a. Ama’rawhchu danin a huam tel chiah loh thilte pawh awm thei tho a, chutiang thilte pawh chu ethical standard atanga tehin a dik lohna chu hriat theih tho chu a ni ang.

A tawi thei ang bera sawifiah chuan “Thil, a nih tur ang ni lo” hi corruption chu a ni mai a. Kan chhia lehtha hriatna hian thil dik chiah lo chu a hai lo. Ama’rawhchu, ngaia kan neih tawh chinah chuan inthiam lohna kan nei ta lo thin a; midang kan han thlir a, an lo dik bik chiah loh avangin thiam kan in chantir chawp a. Thil te tham deuh phei chu engmah lovah kan ngai rang hle a, thinlung chhungril ber erawh chuan engmah a hai chuang si lo. Tunlaia corruption langsar min timangangtu chu induhsak bikna te, sorkar sum dik lo taka hman te, eiruk te, inthamna te, dawrawm taka hnathawh te hi an ni.
Corruption a mikhual lo.

Sorkar-a corruption awmthin hi LAL-te leh sorkar thuneitute’n mahni thu thua awm thei nia an inhriat a, sual an do zawh loh vang a ni fo thin a. Hmanlai ata Lal te, Maharaja te, Sultan te, Czar-te an corrupt kha khawvel History tingaihnawmtu leh tingaihnawm lo tu a tih theih ang. An khua leh tuite changkanna tur leh hmasawnna tur lam ngaihtuah lêk lovin anmahni ropuina tur leh nawmsakna an ngaihtuah a, nupui tam tak tak neiin, hmei an nei teuh teuh a, chu’ng chu la duhtawk ta mai lovin nula tam tak (dancing girls) an khawi bawk a. Mi rethei leh harsa zawk, an khua leh tuite chhiah pek khawm leh an thawhchhuah chu nawmchen nan leh mahni inchhekarbawm nan an hmang ta thin a ni. India rama Maharaja ho kha an che nasa bik emaw tih tur a ni. An ui inneihtir nan mai mai pawh sum leh pai a nuai tel teh meuh an hmangral thin! Chutiang bawkin kan thenawm ram Burma lalte pawh an thawm ana hle. India ram an rawn run phei kha chuan awih harsa khawpin an nun a rawng a; Mosolman lalte intih lal theih zia te lah kha kan hria, khawtlang lam lalte pawh an nep chuang lo. England lal te, Russia lal te, an chan-chin ngaihthlak a hrehawm thin. Idi Amin-a chetdan phei kha chu a rapin a rapthlak a ni ti’ru? Thuneihna chelhtu han nih takah hian min thlahtute anga pawn lam aw hriat duh loh a awmthin te pawh aniang a! Mizo lalte pawh an corrupt ve tho tih Mizo History kan chhiarin kan hmu thei. Rivung lal Chawngpuilala pawh a corrupt leh sual êm avangin a khua leh tui ten a muthilh hlanin an pem bo san vek a. A tlangau chiah khawngaihtu a nei a, “Nang nen chauh chuan engtin nge khua kan din theih ang?” a ti a, a vel hrep tih te kan hria. British hun laia kan bawrhsap-te kha chu an fel hle a. Mahse corruption atangin an fihlim bik lo.

Ni e, ania sin, khawvel history thlirin corruption hian khawvelah bu a khuarna a rei tawh a, a mikhual lo hle a ni. Keini Mizote nunah pawh corruption hian hmun a luah thuk hle tawh a, a mikhual lo hle tih chiang takin a hriat theih.
Hotu corrupt -kan phu tawk em ni?

Democracy sorkar-ah pawh hian sorkar hotute pawh an corrupt ve thei tho mai. Vantlang rorelna sorkar hotute an corrupt hian a langsar bik a, a huatthlala zual bik niin a lang. Mipui thlan lal an ni a, mipui hmakhua ngai bik tura beisei an nih vangte pawh a ni ta ve ang. Thlan lal si, corrupt deuh chu inthlan leh hunah paih thlak mai awm a ni a, mahse chutiang chu a ni ngawt thei thei lo fo. An lo in la lianin an lo intihausa hman a, mi rethei vote an lei a, inthlan laiin sum an chelek a, an tling leh mai bawk thin. Kan sorkar kal dan hi India ramah phei chuan, party system-a kal kan ni a, party pakhat an lal tawh chuan inthlan tur thlir lawk ranin an party vulh thau nan sorkar sumin an party mi leh sa an vulh a, mi rethei zual phei chu an party-a tel lo thei lo deuhthaw hialin an siam thin. Party system-ah hian vote tute tan pawh thlan bik tur hriat a har hle a, choice an nei tam lo hle. Corruption luh theihna kawngka zau tak a ni. Political Party te hian mahni pawl duhsak bika, hleih nei taka thil an tih hian an party chakna tur emaw an ti fo; Mahse a ni hauh si lo. An chhiatna tur bulpui a ni tih an hriat a, anthanharh a hun ta hle a ni.
em?

Mipui pawh corruption chungchangah kan fihlim bik lo. Mipuiin kan hotute corruption-a an inhnamhnawih chungchangah ngawih pui char char ila, an corrupt reng dawn tihna a ni. Sorkar hi mipui siam a ni a, hruaitu corrupt te chu mipuiin thlang lo mai tur kan ni a, mah se kan thlang tling leh a, kan thlang tling nawn awn awn! Zoram mipuite hian corruption hi kan la kham tak tak lo ni te pawhin a lang a ni. Corruption hik kan huat takzet a, kan do ngam phawt chuan Sorkar hotute pawh an corrupt ngam bik lo a ni. Thil engkimah neih ve kan duh a, chan ve kan duh zel a, hotute duhsak nih kan chak a, corruption hmu reng mahila kan hmuh hmaih lui tlat a, kan hmu tha phal lo thin. Thil diklo pawh nise kan duh ang min tihsaktu chu mi fel leh mi tha ah kan chhuah zel a, dik taka rorel a, tih theih loh chin min tih sak lo tute erawh misualah kan chhuah leh mai thin. Mipuiin kan zir loh avangin corruption hi a hluar ti ila, a dikna chen a awm ngei ang. Hotu leh thiltithei te lakah kan intlaktlumsiak a, kan intlawnsiak ni berin a lang.
Par a chhuang -Zoram-ah !

Kan ramah corruption in par a chhuang a, mipui chanai eisakin mi thenkhat chu an lo hausa thur thur a nih hi. Corruption nasat tak dan hi awihawm lo khawp a ni ta. Sorkar laipui pawhin sum leh pai chuan min vur nasa hle a. Dik takin chu’ng sum leh pai chu hmang ta ila’ng chuan changkanna tham zawng a tling a ni. Mipui hnena thleng lovin mi tlemte, thil ti thei te kutah a changbang a ni. Tunlai hian pawisa a vang kan ti huai huai a, sorkar pawisa lokal chu a pung zaw mah si. Hetianga thil a kal zel chuan mipui beidawng leh mangang au-rawl hi a ring lutuk ang tih pawh a hlauhawm hlel lo ve.
Damna dawi !

Corruption hi tihrem rual a ni lo. Mizoram ah hian engtinnge kan tihnep ang tih hi sawi tel loh theih loh a ni lo. Kan tarlan tawh ang khan zirtirna kan inpek that a tul hle a; chumi rual chuan heng a hnuaia point hrang hrang hmang te hian corruption a tihnep theih ang’em tih ka’n tarlang hram teh ang.

(a) Mi corrupt hmuhsit leh endawng ching ila, mi corrupt lo fak ching bawk ila. Hmanlai kan pi pute chuan mi tlawmngai an chawimawi thin a, India Sorkar pawhin zirtirtu tha leh hna thawk tha te a chawimawi thin, hei hi a tha hle. Vantlang zingah pawh sorkar hna thawk tha leh politician tha te chu puanzar a fak an phu ngawih ngawih a ni.

(aw) Political party kan din a, thingtlang khaw tinah Unit kan nei a, President, Secretary a kim biaiin kan nei a, party hotu lam tan a remchang hle. mahse kan tithen a, khaw te tak te pawh party vangin an iner thim them a, ram nuam thei tak tur ram hrehawm takah kan insiam bakah corruption leh thil tha lo dang a tipung emaw tih tur a ni. Political party atang hian bang vek ila a tha phian maithei a ni. Khawtin vengtinah mi 2/3 bak thawktu awm lo se la, party thil tum a tha nge tha lo buk thei dinhmunah ding ila a tha deuh ang. Tunah hi chuan mi tha leh tha lo lam ngaihtuah lovin, party thil tum pawh ngaihtuah hran lovin mahni party kan vote vel mai mai zawng anih hi.

(b) Mizoram-a pawisa lo lut hi Sorkar laipui atanga kan hmuh deuh vek a ni. Thawhchhuah neilo eithladuak kan ni. Kan sorkar tangka hman tur hi kan thawhchhuah a ni lova, harsa taka kan thawhchhuah anih loh avangin a hman lam pawh kan hmang mai mai a, vai kan bum emaw kan ti a, keimahni kan inbum a ni. Chhiahte hi pe tam ve deuh ila, mawhphurhna rilru kan put phah deuh a rinawm thin. Sorkar pawisa kan ti a, mipui hi sorkar kan ni si a, a neituah kan inngai thei lo. Kan thawh a tlem lutuk vang a nih ngei a rinawm.

(ch) Sum leh pai thianghlim kan neih dawn chuan thawh a ngai tih hi kan hre duh lo fo thin. Thawkhah lova awlsam taka pawisa hmuh tum hi corruption bul a ni. Inthlan dawnahte min duhsak nia langin kan harsatnate min phu hruk sak a ni thei e, mahse a thlawnin an ti ngai lo. A hmuh lehna kawng an ngaihtuah ru kiau. Kan hlawkpui emaw kan tih kha han thlir thui deuh chuan kan hlawkpuina pakhatmah a awm lo. Kan chanai a hek zaw mah.

Mizoramah pawh politics a lo lut a, party kan insiam ve a, District Council kan neih ata mahni party kawng engkima duhsak kan han ching a, kan that na tur emaw kan ti a, hun engemaw chen chu sorkar-na a chan ve theih phah te pawh a ni awm e. Mahse, khuareiah tlak phah-na a ni zawk a, mi rin hlawh leh tawh lohna a ni zawk. Sorkar chelh reng tur chuan corruption hi an malmak ngam tur a ni a, kan political party te an thanharh a tul hle. Mi corrupt ten sorkar an chelh theih lohna turin mipui pawhin tih tur kan nei a, kan vote pakhat, hlu tak si hmangin mi sual leh mi corrupt te hnawl nachang kan hriat a hun ta hle a ni.

Sawrkar huaitu corrupt leh corrupt lo hotua neih thuah mipuite hian mawh kan phur thui hle a. Kan vote-a tling leh tling lo thei an nih avangin sorkar corrupt chu hmanraw tha lo hmang lovin kan thlak thei tih hriat a tul hle.
Lui hnar a awm, lui mawng thlengin a luang !

Sorkar hruaitu (Politician) te an corrupt miau chuan an hnuaia hnathawk, sorkar hnathawk kan tih ang, a lian a te pawh an corrupt ve ngei ngei thin. India ram angah chuan kan prime minister te, kan chief Minister te hi a bul tumtu chu an ni. State-in mi corrupt deuh chief minister a neih chuan a hnuaia hnathawk zawng zawng an ngampa a, corruption a pung thin a ni.
Corruption hluar chhan mipui an ni thei em?

Mipui pawh corruption chung-changah kan fihlim bik lo. Mipuiin kan hotute corruption-a an inhnam-hnawih chungchangah ngawih pui char char ila, an corrupt reng dawn tihna a ni. Sorkar hi mipui siam a ni a, hruaitu corrupt te chu mipuiin thlang lo mai tur kan ni a, mah se kan thlang tling leh a, kan thlang tling nawn awn awn! Zoram mipuite hian corruption hi kan la kham tak tak lo ni te pawhin a lang a ni. Corruption hik kan huat takzet a, kan do ngam phawt chuan Sorkar hotute pawh an corrupt ngam bik lo a ni. Thil engkimah neih ve kan duh a, chan ve kan duh zel a, hotute duhsak nih kan chak a, corruption hmu reng mahila kan hmuh hmaih lui tlat a, kan hmu tha phal lo thin. Thil diklo pawh nise kan duh ang min tihsaktu chu mi fel leh mi tha ah kan chhuah zel a, dik taka rorel a, tih theih loh chin min tih sak lo tute erawh misualah kan chhuah leh mai thin. Mipuiin kan zir loh avangin corruption hi a hluar ti ila, a dikna chen a awm ngei ang. Hotu leh thiltithei te lakah kan intlaktlumsiak a, kan intlawnsiak ni berin a lang.
P^r a chhuang -Zoramah !

Kan ramah corruption in p^r a chhuang a, mipui chanai eisakin mithenkhat chu an lo hausa thur thur a nih hi. Corruption nasat tak dan hi awihawm lo khawp a ni ta. Sorkar laipui pawhin sum leh pai chuan min vur nasa hle a. Dik takin chu’ng sum leh pai chu hmang ta ila’ng chuan changkanna tham zawng a tling a ni. Mipui hnena thleng lovin mi tlemte, thil ti thei te kutah a changbang a ni. Tunlai hian pawisa a vang kan ti huai huai a, sorkar pawisa lokal chu a pung zaw mah si. Hetianga thil a kal zel chuan mipui beidawng leh mangang au-rawl hi a ring lutuk ang tih pawh a hlauhawm hlel lo ve.
Damna dawi !

Corruption hi tihrem rual a ni lo. Mizoramah hian engtinnge kan tihnep ang tih hi sawi tel loh theih loh a ni lo. Kan tarlan tawh ang khan zirtirna kan inpekthat a tul hle a; chumi rual chuan heng a hnuaia point hrang hrang hmang te hian corruption a tihnep theih ang’em tih ka’n tarlang hram teh ang.

(a) Mi corrupt hmuhsit leh endawng ching ila, mi corrupt lo fak ching bawk ila. Hmanlai kan pi pute chuan mi tlawmngai an chawimawithin a, India Sorkar pawhin zirtirtutha leh hna thawktha te a chawimawi thin, hei hi a tha hle. Vantlang zingah pawh sorkar hna thawk tha leh politician tha te chu puanzar a fak an phu ngawih ngawih a ni.

(aw) Political party kan din a, thingtlang khaw tinah Unit kan nei a, President, Secretary a kim biaiin kan nei a, party hotu lam tan a remchang hle. mahse kan tithen a, khaw te tak te pawh party vangin an iner thim them a, ram nuam thei tak tur ram hrehawm takah kan insiam bakah corruption leh thil tha lo dang a tipung emaw tih tur a ni. Political party atang hian bang vek ila a tha phian maithei a ni. Khawtin vengtinah mi 2/3 bak thawktu awm lo se la, party thil tum a tha nge tha lo buk thei dinhmunah ding ila a tha deuh ang. Tunah hi chuan mi tha leh tha lo lam ngaihtuah lovin, party thil tum pawh ngaihtuah hran lovin mahni party kan vote vel mai mai zawng anih hi.

(b) Mizoram-a pawisa lo lut hi Sorkar laipui atanga kan hmuh deuh vek a ni. Thawhchhuah neilo eithladuak kan ni. Kan sorkar tangka hman tur hi kan thawhchhuah a ni lova, harsa taka kan thawhchhuah anih loh avangin a hman lam pawh kan hmang mai mai a, vai kan bum emaw kan ti a, keimahni kan inbum a ni. Chhiahte hi pe tam ve deuh ila, mawhphurhna rilru kan put phah deuh a rinawm thin. Sorkar pawisa kan ti a, mipui hi sorkar kan ni si a, a neituah kan inngai thei lo. Kan thawh a tlem lutuk vang a nih ngei a rinawm.

(ch) Sum leh pai thianghlim kan neih dawn chuan thawh a ngai tih hi kan hre duh lo fothin. Thawk hah lova awlsam taka pawisa hmuh tum hi corruption bul a ni. Inthlan dawnahte min duhsak nia langin kan harsatnate min phu hruk sak a ni thei e, mahse a thlawnin an ti ngai lo. A hmuh lehna kawng an ngaihtuah ru kiau. Kan hlawkpui emaw kan tih kha han thlir thui deuh chuan kan hlawkpuina pakhatmah a awm lo. Kan chanai a hek zaw mah a ni.

May be related

• Yet another NGO against corruption
• Kan Sorkar Chaktak
• Ramin tunge a koh?
• MIZORAM THALAITE HNENA THUCHAH
• Politik

Recent entries

• Final round khel turin Mizo naupang
• A lerh dan chu high school level
• Christmas putar kha ka lo ngaisang thin hle a
• Manchester Premier Cup 2008 ah Mizoram che tha zel
• Cell phone death!
• Miracle man walks again
• YZTP Sweet December 2007
• Band Aid- Do they know its christmas time
• Beimatualeh - Chennai Version
• Father Norris leh Thianpa

This entry was posted on Tuesday, December 11th, 2007 at 6:40 pm and is filed under more than words. You can follow any responses to this entry through the RSS 2.0 feed. You can leave a response, or trackback from your own site.