Rev. Dr. Zairema a liam ta
December 18th, 2008 4:36 pm | whatever | ramhmangaiha | 182 views|
|
Mizo zinga Bachelor of Science (B.Sc) pass hmasa leh Zofate tana sulsutu pakhat, Rev.Dr. Zairema chu nimin, Nilaini zing dar 6 vel khan lung ná avangin a chenna in, Zarkawta Zorun-ah a thi. Pu Zairema hi nimin khan a in leh Zarkawt Presbyterian Kohhran Biak Inah vui a nih hnuah Zarkawt thlanmualah phûm a ni. A tu leh fa leh tuchhuan 17 a kalsan a ni.
in...
December 18th, 2008 at 9:21 pm
A uiawm khawp mai; Zofate tan channa rapthlak a tling takmeuh e. A chhungte Pathianin awmpuiin veng zel se; ani pawhin Lalpa lokal leh hun a nghak ta!
Rev Dr C L Hminga’n thu min hrilh ka la hriat reng thin chu, ” ‘Engthawl’ tih aiah hian Pu Zairema’n ‘Nihlawh’ tih hi a duh tlat mai a; Bible lehlin hun laiin kan inhnial thin a,” a ti. Tichuan, Bible lehlin thar a rawn chhuak ta a; Matthaia Bung 5 thu-ah chuan, ‘engthawl’ tih aiah ‘NIHLAWH’ tia an rawn inchhu kai ta chu … “Pu Zairema kha a lawm ta khawp mai a; ka hnenah a rawn kal vat a. ” ‘Engthawl’ tih aiah ‘nihlawh’ tia an rawn chhu-kai ta hi ‘ka eng a thawl hawk mai,’ a rawn ti a; kei lah chuan, “I NIHLAWH a ni zawk lo’maw!” ka lo ti a,” a tih thu a ni.
Nia le, BLESSED tia saptawnga chek-thuk riau hi, zotawngah ‘nihlawh’ a lo ni ta liu leu a; ‘engthawl’ ti tein kan lo dah a, a khauphar-thawven hmel lek lek a. Chheh uluk deuh dan chu a awm ang. ‘Nihlawh’ leh ‘engthawl’ aia thuk zawk hi Tiau ral lama kan unaute hian han phuah (contribute) tur in nei mial lo maw? ‘Kawl tawng chuan a chiang lutuk’ tih hi Pu B. Lalthangliana-te hausakna riau a nih thin kha maw!
December 18th, 2008 at 10:25 pm
‘England ah chuan James Bond an nei a,America ah chuan Wayne Cole kan nei’ tih ang deuh khan Hmar lamah chuan Rev.Dr.Zairema an neia chhim lamah chuan Rev.Dr.HS.Luaia kan nei tih tawngkam kan hman thin chu a tawp ta!! Ka va ui em!! Pathianin a chhungte thlamuan se!
December 18th, 2008 at 11:02 pm
Mizo paah chuan ka pa ngaihsan pawl tak a ni. Mi principle nei, huaisen lhe mi rilru nghet. Mi inteligent leh thluak tha chungchuang aniin ka hria. Tunlaia piang chauh hi ni se chu Mizote min tihmingtha lehzual ngawt ang. Mimala ka kawm chu 2004 daih kha ani ta. Upat tawh ngaihtuahin kawm a nuamin a memory a la sharp tha hle. Pathianin a tu leh fate awmpui mawlh rawh se.
December 18th, 2008 at 11:04 pm
A uihawm hle mai. Lal Isua hnenah thlamuang takin a chawlh ngei ka ring.