Mangkhawng kam tum an awm em?
March 17th, 2009 1:18 pm | ask | chhimkeite | 344 views|
|
Tun lai SMS leng velah hian, Director pakhat chuan an minister hnenah, suit present a tum thu leh, Minister hian ‘ka thui tir ve thei a, hetianga present hi ka mamawh lo’ tia a lo hnar thu te ka lo hre ve a. Tin, Pi Rii paw’n Thi leh Bengbeh, he tih lai vel hian, Present a hnawl thu a leng vel bawk. Parliamentary Secretary pakhat pawh suit present tum thu a awm bawk emaw ni, a hnawl leh bawk an ti nghe nghe.
Thra khawp mai, hetianga Present Mangkhawng hnawl ngamtute hian, Mangkhawng thra mi, dangdai deuh kam treuh se la, mahni ham thratna um tuma mi dangte hmuia chithlum tah tum ho hi delh hlum treuh rawh se.
Tichuan, Zoram hian Hmasawnna Rahbi a rap tran thei ang. Misualho hian hriat chianna deuh zawk te in nei em? Comment pahin han thawh ve teh u.
March 17th, 2009 at 1:47 pm
Kan ram hruaituten Mangkhawng an hnawl maw!!!! Thudik a nih ngai chuan a va han lawmawm dawn tehlul em. Heng mangkhawng te tham te te an hnawl ngam a nih chuan nakinah pawh tun aia itawm leh hrawm lian zawk pawh pek tum se an hnawl theih zel ka beisei. Ram leh hnam thatna tur aia mahni tanghma hai thin ho chu zak takin hawi hai vel mai mai tawh rawh se. Tichuan, kan ram zimte leh kan neih chhun hian a thatpui ngei ang.
March 17th, 2009 at 1:57 pm
not bad for a start. suit leh bengbeh tih vela duhtawk mai lovin thil dang (VC inhmun pek, contract, teak huan etc) hnawl zel turin duhsakna sang ber ka hlan e.
Rs. 500 man hnuailam chin gift inpek hi chu a thiang an tiin ka hria. phawngpui tlangah zawhte ki nei a awm an ti bawk
March 17th, 2009 at 2:03 pm
hmasawnna nasa tak a ni e..chhunzawm zel thei se a va han tha dawn m.
March 17th, 2009 at 2:55 pm
Suit tih vel chu minister ve meuh ni thei tan chuan hnawl a har vak ka ring lo, thi leh beng beh tih vel phei chu kum sawm panga chuang CM nupui tan hnawl a har lo tawp ang, inchhuanna chi- ah pawh ka ngai lo…mahse bul tannan chuan a tha ve tho e…
Heng te vang hian mipuite kan muthlu tur ani lova, kan lungawi ngawt tur a ni bawk hek lo..kan ram hma chhawp hi a la ko ber ber em mai..
March 17th, 2009 at 3:05 pm
A lawmawm rualin a te tha em a lawm. Company hausa deuh leh contractor hausate thilpek hi dawnglo phal tak ang maw. Suit chu an thui tir thei a lawm. present dawn ngai loin kei ve mai mai pawh hian ka thui tir thei, mahse Rs. Nuai 20 or Car thar ka lei thei lo, an ni pawn an thei kher lo ang. An theih bakah hian a lawm thil thleng thin. An awh zawng tak leh an thil duh zawng tak pe ta se……….. an hnawl thu hi chhiar tur a awm kher lo mai thei sin.
March 17th, 2009 at 4:48 pm
Suit tih leh bengbeh set tih vel a lo in mangkhawn tum te chu, in hmusitna ah an ngai zawk ang. tunlai chhan a, A CRORE tel a ni zawk. !!!
March 17th, 2009 at 4:49 pm
Pui..i sawi dik fu ang
March 17th, 2009 at 5:46 pm
A nep teih teih em mai. An party worker te thu vawrhdarh a ni pek ang. Kei pawh miin suit tih vel leklek min pek tum ve se ka duh bik miah nang. Ram hruaitu ve meuh tan phei chuan lo aw ta se a zahthlak lehling ang. Engah ngaih loh tur, fak phei chu fak hlek loh tur, ho lutuk..
March 17th, 2009 at 6:52 pm
Hmana PC ho pamphlet sem ka chhiar ah chuan CM nupui Ri-i hian thingrem khat rangkachak leh lunghlu a siam jewellery a nei an ti. Chuvang chua ani maithei a lak duhloh nachhan.
March 17th, 2009 at 7:58 pm
Hnawl tur chin leh pawm tur chin hi chu … hunin a la hril leh zel tho dawn! SUIT tih vel hi chu a nep tham ve reng reng bawk … nei lo zawk zawk an awm lo bawk —trhi pawl beh chinah chuan!
A tia lo’m Tluangte Hnamte khan —
“Nuho political campaign ve chu, mi kawmkarah zo-zial chep khu vung vungin an han tawlhthlu a; “Aih ka laih saih …” an han ti a, an hnung lawkah nu sa-trha tak takin an rawn um zui ve zel a —ngun, zungbun leh rangkachak trhi awrh nghungin an rawn thaw hlawi hlawi a —mi tuium hmun hnuai chiauvah an chappal fai tak rap tleuvin an han tawlhthlu ve ngei bawk a, ‘A reeeeeeee yaaaaar!’ an han ti a. An Party a hriat hran theih khawp mai,” a ti.
Neih tawhsa aia hlu zawk a nih hran loh chuan … thil hi ACCEPT mai mai loh tur … han ti mai ilaaaaaah!
March 17th, 2009 at 8:01 pm
Hetiang lam hi Politician-te texting chi khat … LEAK ve mek a nih ber chu; ti-LEAKTU hi Home Minisgter hian ngun takin chhuitirin MSI video ti-leaktu nen a rualin HREM se a trha hle ang.
March 17th, 2009 at 8:09 pm
An tia lawm “Pi Ri-i chu nilenga an pa campaign-na a a zui paw’n a sam pawh a thur eih lo. A pial halh mai. Pakhat zawk erawh chu thur be bu in motor ke bulah a zung thin” an ti.
March 17th, 2009 at 10:13 pm
He thil ka chhiar hia kei cu… kan sorkar thar hi choak chhangphut dai an soi ang deuh hi ni don tlata hriatna ka neih phah….!! tun maia an coruption loh zia tihlan tuma thu fahrah te te vorh darh chiam chiam hi mipui tan Vanduai Mangkhawng a ni zawk lo mo..???
March 17th, 2009 at 11:37 pm
Mangkhawng hi thang a ni a; a kamtu azirin an thil awh a hrang nual —Tuikuk Takam-te chuan tangkawng an delhtir deuh ber a; Mizo-te hi chuan chepa, thehlei leh leh sazu kan delhtir tlangpui thung.
Sazu hi kan delhtir hnem ber pawl niin a lang —sazu hian min attack-na arei tham ta fu. Kan buhlehbal, thlaithar chenin min rauhsak a. RAT ATTACK ti hialin khawvelpumin min thlir ta. Sazu puang thlawp zawnga Political party kal thiam thiam hi Party dingchang an ang bawk.
Sazu hi a mak khawp mai … Mizoram kan hmingchhiatna a ni zui ta zel a; Mangkhawng leh Sazu LEAK mek hi ngaihtuah chian a ngai … INTIHRINAWMNA GAME NEP tak a ni ang tih pawh he Mangkhawng kam mek laiah hian kan ngaihtuah thei awm e —a sut thiam an awm chuan suh vat a va tha ve.
March 17th, 2009 at 11:39 pm
chawnghlih ka thian ten sakei an delh tawh asin… mangkhawng nen..
March 18th, 2009 at 12:19 am
Mangkhawng hrawl tak a nih dawn chu! Sakei a te hrim hrim zawk nge?
March 18th, 2009 at 6:37 am
Politician ho tan chuan engkim mai hi mangkhawng a ni vek. Chaw mangkhawng te… khualliana an sawm thin pawh hi mangkhawng tho. An fimkhur a tul thin reng alawm.
Hnar theih loh chin an nei em em ang.
March 18th, 2009 at 8:42 am
Mangkhawng hi ka hriat dan chuan thang mawl ber a delh a delh chi a ni. Mangkhawng-in a delh tur an zawng ngai lo a delh tur kha a lokal zawk a ni.
Delh tur zawnga vak ruai mi corrupt tak hi sawi dawn ta ila MANGKHAWNG KAL THEI ti ta ila; thut hmuna lo dawng hmaks ang chi a petu pek ang ang dawng hmaks hi MANGKHAWNG PANGNGAI ti ila a fiah angem??
Nge thang kamtu leh thang leh a awh leh a chah tiin kan sawi hrang duah em niang U Chawnghilh??
March 18th, 2009 at 9:04 am
Eee, an hnawl tak tak a nih chuan a ropui alawm mawle. An la hnawl leh zel turah pawh ngai ila. A naute pawhin, “Pu Hawla hi hmana Pu Hawla kha a ni tawh love”, an tih kha. Amaherawhchu thiante han sawi tak ang khian test lian zawk kal tlang tur an la ngah dawn chauh a ni. Engtin tak la khawsa zel ang maw.
March 18th, 2009 at 10:17 am
Mizorama kan politician te tan hian hmingthat hi a har lo maw le. Hna ropui tak leh development lian tham em em pawh thawk kaw lo mah se an eiruk loh ringawt pawh hian an hmingtha em em mai dawn a nia.
‘50 percent will come to me’ tih lar lai vel leh tun dinhmun hi chu inang lo turah ngai phawt mai ang.
March 18th, 2009 at 10:23 am
Kei pawh mangkhawng hi chu zan tin ka kam, delh chang anei a; delh loh chang a nei, delh hlum em chu kala nei love
March 19th, 2009 at 12:22 am
Vai sumdawng lian ho thilpek an la duh lo tho angem le? hriat a chakom khop mai!