Austria mi, Josef Fritzl (73) chu a ma fanu, sal anga hrengin a laka fa 7 a nei a. A fanu-in a puhna hrang hrang Court-ah sawifiahtir mek a ni. Fritzl-a chungchang ngaihtuahtu St Poelten Court chuan Fritzl-a fanu, Elisabeth Fritzl-i’n a pa in a hren dan leh a pawngsual dan a puanna leh a thuhrukna leihnuai pindan chhung video thlalak darkar 11 a rei chu an en fiah tan ta.
Kum 73 mi Fritzl hian a fanu a mutpui lui ngei tih a sawi tawh a, mahse a fanu laka a fa pakhat thih thuah thiam lohna a nei lo niin a insawi thung, hemi rual hian a fanu chu sal angin a kawl lo niin a sawi bawk. Fritzl hian a fanu Elisabeth chu kum 1984 atang khan an in hnuai pindanah thukru-in, kum 24 chhung zet chu nupui angin a en a, he thil rapthlak tak hi man chhuah a nih hmain a fanu lakah hian fa 7 zet a nei hman a ni. Fritzl-a thubuai hi naktip khian ngaihtuah fel hman rin a ni.
Josef Fritzl-a Case hi hetah hian a chhiar zawm theih e
