Ka Lehkhathawn
July 3rd, 2007 6:10 am | more than words | hrangkekuala | 193 Views|
|
Ka pu, Zoram tan ti-a in rammut hnu, “Kan rawn chhawm e, Zoram vanga Martarte sakruang chu. Tuk loh ram lêntu kara chhâm ang zal tawh hnu. An tel lo-a Zoram luah chu kan ngai ngam lo. Ngaiin au mah ila kir tur an awm ta lo, an lo hlan ta an nun hlû Zoram tan” ti-a in lo kir leh ni khan beiseina nen Zoram hian a lo hmuak che u a. Kum 20 chhung hrehawm tinreng tuara remna nghaktu Mizo mipuite khan an lo lawm che u asin. Kha hun kha han chhui kir leh teh, “Hawh u, lo kal khawm ula i ngaihtuah tlang teh ang u. Kan ram hi ram tharah i siam ang u. Vawiin hian chu kan ram thar din tur ‘chi‘ tuh tur chuan kan lo hawng a, mipuite kutah kan rawn hlan a ni” tia i sawi kha kum 20 liam tawhah hian i la theihnghilh bik em lo’ng chu maw?! Kha i ‘chi‘ rawn hawn, mipuite kuta i hlan ngei kha tunah hian han theh rawh le. Kum tam liam tawh mah se, a kui tha a nih phawt chuan kan lawm tho ang. Chuti ni lo-a mahni tan chauh a nih reng chuan ‘chi‘ thehtu kan thlak mai dawn e!!
Remna nen Zoram in lo luh ni-a “Welcome Home” tia lo lawmtu mipuite hmel kha han mitthla la, tuna manganga au mipuite hmel hi han en leh teh le.
An danglam em? Danglam lo tiraw? I hnampui Mizote ve ve kan ni asin!! Chuti si engatinge min pawngsual tak vak mai le??? A na kan va ti em!! Kan pen rualin i pen thei lo a, i pen ruala pen thei tura min siam i tum chuang si lo. Switzerland of the East pana ‘Leiverh‘-a kan kal laiin Little England panin ‘Kawng Chhawngah‘ min kalsan leh daih a. Mahni aia hausa thenawm state lal aia zahpuiawma awm i hlauh avangin motor changkang ber berah chuangin kan kawngpui tawt takah i inzep lui tawlh tawlh a. Keini chuan i motor khu chiah changin kan hahchhiau asin!! I ho-te nen a nuamsa thei ang berin in tal a, kan chan ve tur hui zo-in kan thlam thianghlimna thlengin min tih bawrhbansak zo ta. Kum 20 liam ta-a in riahna thin thlam leh tuna in thlamte chu a dang tawh ngawt ang chu!!! Mahse, heng thilah hi chuan kan hrethiam hram ang che u. Amaherawhchu mi hnuaihnung zawkte hniam lehzualna tura a sang zawkte’n an dil belh che a, i pe leh mai zel te, ramri diktak pawh humhalh ngam lo khawpa intodelh lo-a min siam te hi chu hriatthiam har kan ti asin.
Kan khawpui ngeia mirethei, kut hnathawktute au rawl kha i lo hria em? Tam tak pawh ni lo, an chanvo ve ngawih ngawih ngena an au thawm kha. Hnathawh nasat avang leh retheih luat vanga hmel pawr chapte thlan tui leh mittui khan a ko che a nia…..Mahse, i hre miah lo tiraw?? I hre lo reng ang chu, hausa sate hausak lehzualna tur ngaihtuahin i buai em alawm. Thlan tui leh mittui nena kan khawpui an rawn luhchilh kha i hai der reng a nih chuan inlan vawi hnihna an rawn neih hunah chuan anmahni chauh an nih ring lo la, thlan tui leh mittui chauh a far lo ang tih hi hai der bawk suh ang che.
Kan officer liante pawh ka’n hmer tel teh ang che u. In thawh leh in hlawh kha a inphû em? Eirûk, in ropui tak sak leh hming sign ringawtte chu kan thiam ve lutuk!!! Tih tak emah chuan khawl hâ pakhat pawh in tluk hleinem!! Khawl hâ kim lo chuan ni khat pawh a awm theih loh. Chutih laiin nangni zinga pakhat tel lo pawh khan hun eng emaw che kan awm thei khawp mai. Kan Doctor-te pawhin hei hi hre teh u. Zir chen inang si-ah phai lam doctor-te in tluk lo lutuk. Engineer zu ngawlvei ni chunga hlawh tam tak lak hi a zahthlak tih hria-in, in hlawh phu tawk hian thawk ula, chuti chuan tumahin kan sawisel lo ang che u.
A tawp berah chuan hei hi ka sawi duh. Kum 1986, August ni 3, Pathianni zinga an thusawi kha kan pute hian hre reng se ka duh. Zalênna suala nun hlantute ruhro chunga, “Kan thiante hian hnam lungphum an phûm tawh ang hian, kan hmabakah kan ram tana rawngbawl turin inpumpêkna sang zawk min neihtirtu-ah i hmang ang u” ti-a an sawi kha…….Heti ang renga min siam a nih chuan,”Hmana pi pu chena ka ram, ka hmangaih chu. Rei tak thimna hnuaia lo tlu tawh hnu. Tunah nangmah chhanin kan lo ding ta. Zam rêl lo-in hma lam kan pan zêl ang” kan ti ve thung tawh ang.
May be related
- Mizoram Tam Nasa
- Ka Di, Ka Di, ka ngai em a che!
- Tah hian hnam pasaltha chham ang a zal e!
- Silver rose for My Valentine
- Ka mumang
Recent entries
- Zaithiam ah tu te nge kan thlan ve dawn?
- Highest paid CEO’s in India
- Post Vacant: Medical Officer / Staff Nurses
- Drop Doubt - Beneath The Thorn
- Hnahthialah district ngenin mipuiin kawng zawh
- Inchai champion Amawitea website
- Nominees for Hmeichhe Sexy Ber 2008
- Zakkha damdawi thar!
- Hnam Run ah bomb puak
- Stadium sak tur khaihlak chungchang sawiho a ni
July 3rd, 2007 at 10:39 am
He open letter hian a then tur a thleng em aw? Thleng ngei teh se
1. Kan politician ho hian mahni hnam pui leh zoram ai hian phai vai ho sum pe thei tu te hi an ngaipawimawh tawh zawk a, an hmangaih zawk bawk.
2. Engineer ho hian field work tak tak an thawklo, motor nalh pui pui an kawl a, an supervise ringawt mai ani. Ram changkang engineer ho chuan uniform nen field-ah lukhum chhah leh toarchlight nen an vei thin a nia ngai a, keini engineer ve zawng office nghet an nei a, motor an dawng a an inti lal em em ringawt mai a ni. Administrator emaw te an inti a, an profession hi an zahpui emawni a tih theih.
3. Kan Docotor te lah hi office-ah an thu hnur a motor an dawng a, senior deuh chuan ward fang peih pawh an awmlo secretariat a thut ve te an la tum lenghal. Non-practicing allowence la chungin an practice a.. thiamna lama hmasawn mang siloin an in a nalh hlur mai anih hi. Mi pum chhunga thir an theihnghilh pawhin inthiam lohna an nei tawh derlo??? Huihaaa
4. ZORAM HARH RAWH I TLAI ANG E
July 3rd, 2007 at 2:01 pm
Engineer hovin G-A hna te chu rei lote a thiam mai theih an tia, tih tak emah chuan a dik a lawm field work an thawk hleinem. Field-a supervise tu te chu JE (Diploma) ho a lawm. Engineer chu thiam bik nei, zir harsa a ni ngei mai, G-A officer ni tur pawn paltlang ve a ngai ve tho.
Doctor-te hian Non-practicing allowance an lak loh hunah an nawrh hi thlawp turin ka in ngaihtuah ang. Zahthlak zahthlak. Anmahni nawr avangin deptt. 2-ah an then a, chumi hnuah principal director an la ngiat ngam a nia. Kaisan leh lal ringawt hi an career a maw hi an tia. Pvt. Clinic an ngai pawimawh zawk a, eng sawrkar mahin an NPA lah chu a ti tawp ngam der lo. Contract basis doctor ho hi awm lo se chu Civil Hospital saw a tlusawp tawh ang.
Zirtirtu ho lah hi zirtirtu ni si Teaching Allowance la an nia, an la jak chuang hlei lova. Pawl 6 pass zirtirtuin Rs.10,000/- a la te hi a awm hian a ang lo.
Engineer hovin direct takin MIPUI SUM an ei a, Doctor leh Zirtirtuten Indirect in an ei thung. Ni berin a lang.
Kan Sawrkar fung chelhtu te lah hian tlin loh hlauin a tua te pawh tih lawm a tum zel a, an tiam ang zung zung a, mawlah mawl chintawk a awm.
July 3rd, 2007 at 6:56 pm
Sual huat ngamna thinlung min pe turin Pathian hnenah i tawngtai ang u. Kan puithiam ho hian an ngam thlawt lo anih hi. Eiru tih hriat chian ngawih ngawih te hi chu hnawt chhuak ngam ve tawh sela! Sawnthlak/sawnpai tih vel ho bak hi hnawh chhuah ngam an nei lo. Kohhran hi a bulpui chu ani ta berin ka hria - tutenge Group A/Engineer/Doctor kan sawisel te hi? Kohhran lama a puipa tak tak an ni fur ani lawmni? Heng ho thawhlawm hi kohhran hian a lak loh ngam hun hunah kan Mission Field neih ho pawhin hma a sawn ngei ang!
July 4th, 2007 at 1:27 am
Lungawina tur chu a tam lo pawh a ni thei. Amaherawh chu a hlei luak a phun hi chu i sim ve deuh tho ang u. A sawi thiam leh sawi uar sawi ang em em hi chuan kan ram hi chu ala chhe lo. He lehkhathawn hi ka sawisel in a diklo ka ti ani lo. A tha ka ti lutuk. A chhiar turin chhiar ngei se ka va ti em.
Amaherawh chu engkima lungawilohna zawng kan awm thin. LPS KVZ leh Zonet Fakselna ah te ho lam lutuk leh ram hnuk lo lutuk a an phun thin hi chu naupang leh zel te en atan a tha ka ti vak lo. Nuihpui mai mai chi hi a tam ve lutuk. He hian Negative thinking a hring thei. Tin, thil ho lam mai mai sawisel hian, sual serious deuh sawisel kha a ti nep. Mi in an bengkhawn that duh loh phah.
Entirnan, eirukna kan sawi nasa… JE atangin an eiru vek kan ti… a dik pawh a dik thei e. Mahse eiruk a hluar kan tih avang pawh kha a ni mahna, mirethei te chan ai Cheng Nuaih 72 (75?) Agri Director in a eiruka an puh pawh khan mi in kan ngai serious ta lem lo. Nitin nunphungah kan nei mai ang tih ava hlauhawm ve.
He lehkhathawn ah hian let leh lawk ang.
Doctors, GroupA, Engineers leh Sawrkar hnathawk ho hi lungai aram an awm ta lo. A then fin khekrek avangin group thenkhat in an chan tur ngawih ngawih phuta an nawrh ve hunah mipui in “Nuar reng mai sawrkar hnathawk” kan tih phah thin. Dan in chuti kha ti… chumi kha mi state ah pawh ….. kan level pui tih vel treuh treuh hi a pawi mawh in ka hre vak lo. Heng zawng zawng ai hian Lungawi thiam a tha. A kilh kelh a kan zawn dawn chuan mi hian hlawh mumal an nei thei lo ang, a chhiarzau deuhin state dang/ram danga an mahni hna ang thawk an hlawh ai tam hloh an hmuh velleh an phut ve nghal zel bawk a. Hlawh thlak danglam reng a ngai mai ang. Thil hi awm tawk a awm ve a, chumi tehna tha bera ka ngaih chu In ngaihtuah vang vang la, I thohna ah khan Private in mi ruai dawn la, i thawh ang thawk kha i hlawh ang zat hlawh khan i ruai duh angem (pawisa nei pawh ni ta la). Office a mi thil draft sa ti ti paha sign kual vel leh phai dawr ngai ti a office pawia a mahni fate school kalna tur buaipui thin kha i hlawh ang hlawh khan i chhar duh angem. Anih leh i hlawh zatve tal hlawh pawh khan (Eiruk pawisa kha sawi tel miah lo in)