Zonet Hmachhawp A Hrawl!
November 21st, 2007 4:58 pm | News | hmingsanga | 195 Views|
|
Tunlaiin cable TV te tan an la nasa hle a. An proagramm pawh a hmuhnawm chho zel a. Reality show lamah tan an la zual. Tunlai laiin LPS lam chuan Youth Icon 2007 thlangin an buai hle a. Skylink lam chuan Gold finger leh Zo star buatsaih turin an in puah chhah mek a. Hetih lai hian Cable Operator thang duang tak ZONET chuan kumin chhung a tih hlawhtlin tur hmachhawp lian fe fe pahnih a nei ve leh ta.
ZONET chuan Mizoram a vawikhat na turin rimawi hmanraw tel lova inzaisiakna, Winter Acappella Competition chu a buatsaih dawn ta. Reality show thenkhat ten zirlai te a tibuai nia sawi neuh neuh a awm laiin ZONET chuan zirlaite exam tihbuai lo zawng turin Winter Acapella hun atan december ni 4 zanah tanin, ni 21-ah zawh fel an tum. He intihsiakna hi ZONET studio-ah, kar khatah zan thum emaw zel neih a ni ang a, LIVE-a tihchhuah a ni ang.
He intihsiaknaa Top Ten-a tlingte chu Krismas hla-in an intihsiak ang a, a titha zual 4 intihsiak zan chu sap hlaa intihsiakna an nei leh ang a. He intihsiaknaa tel tur hian thian pawl ho leh Kohhran aiawh engemawzatin hming an pe tawh a, a hun sawn tlai a nih tak avang hian he intihsiaknaa tel duh, hming pe duh tan November thla chhung hi hun hawn leh a ni a, a form pawh ZONET office-ah lak theih a ni.
He Winter Acappella Competition hi rimawi hmanraw tel lova inzaisiakna tur a ni a, mimala tel theih a ni lova, pawl khatah mi 4 aia tlem lo, mi 8 aia tam lo tel theih a ni. He intihsiaknaa pakhat-na chuan lawmmanah Trophy leh tangkafai Rs.30,000/- an dawng ang a, 2-na-in Rs.20,000/-, 3-na-in Rs.10,000/- an dawng bawk ang a, a titha zual 10 chinin tangkafai an dawng theuh bawk ang.
MIzo Idol ten District hrang hrang, Kolosib tiam loin Mizo Idol Tour hlawhtling leh lawmhlawh tak an neih zawh hnuah december ni 10 zan hian Vanapa Hall-Tour kharna ni phafawmin ZONET NITE ah an inlar leh dawn. Zonet hian nikum khan Zonet Nite hlawhtling tak an lo hmang tawh a. Mizo hnam tihmingthatu thlan chhuahte, ZONET Award hlan an ni ang. Hemi denchhen hian ZONET chuan naupang rual ban lo, Vohbikte enkawlna hmun, Gilead Special School hnena Krismas thilpek atan mipuite hnenah thawhlawm a khawn mek bawk a. Heng atanga an sum hmuh te hi Gilead Special School tanpuina atan hman a ni ang.
May be related
- Mizo Idol “pirated CD”
- Boxing thiam bawk. BA pass bawk
- Mizo Idol nih tu nge duh?
- Mizo Idol a tel tum tam tial tial
- CYMA in pawl dang inrawlh duh lo
Recent entries
- How much is misual.com worth?
- Chennai Mizo Isarel Football Team
- Dr. Thangtea proposes Laldenga peace institute
- Mutthuk-III
- Helen Keivom elected Deputy Chair in NZ
- Zonuni bawk…
- Mizo jawans terrorising people, says report
- Hnam zai intihsiak
- A taksa pem hmutu leh a thih hma zana kawmtu ka kawm
- Maraland Gospel Centenary 2007
November 21st, 2007 at 5:08 pm
“Zonet Hmarcha A Hrawl!” tih in ka lo chhiar chu
November 21st, 2007 at 5:39 pm
Keipawh!
November 21st, 2007 at 5:44 pm
You two are needing reading glasses!!!lolz!
November 21st, 2007 at 5:54 pm
Me already wearing high-power specs…. maybe I need to check up my eyes. Even @benjamin is wearing a glass….. but not so ‘permanent’ as me, I believe.
November 21st, 2007 at 6:59 pm
eih…rimawi telova zai chu ka tih theih zawng a ni in ka sia…lolz
November 22nd, 2007 at 9:47 am
Khawvel hnamah hian entertainment lawm ber hnam kan nih loh pawhin pa3na ai chuan kan hma ka la ring…
November 22nd, 2007 at 1:58 pm
A tha zel e… tihian ka ngaihtuah mai mai a. Zonet neitute hian neilo ta se, heng programme hi midang tih nise, Zonet neitu mi chhuanawm tak tak te hian tawngkam thiam tak hmangin Entertainment kan buaipui lutuk thu leh thalai/zirlai tan a that loh zia hi an ziak kur ve duahin ka lo ring thin…
Mahse tunah chuan Customer neih turin tran a ngai a, Reality show tam lutuk pawh hi sawisel tuah ni lovin FAK tu-ah an tang ve a ngai tlats si a… Hei tak hi a ni, Mihringin mahni thiltih chu a diklo deuh pawhin kan sawi mawi fo va, midang tih chu sawiselna phet kan zawn thin…. Midangte pawh hi kan ni vek tho ang.. !!