Kohhran leh politics
December 15th, 2008 2:02 am | Politics | RosangaD | 181 views|
|
Tuntum inthlan a kohhran in MPF anga hma an lakna rah tha tak, mahse inhnialna tam tak ti chhuak ta chungchanga ka ngaih dan ka sawi ve chak tlat mai.
Thuthlung hlui ah chuan Israel te chunga rorel turin pathianin rorel tute amah ngeiin a ruat thin a. chung mite chuan an rorel dan tur te chu amahin a hrilh thin a, an mahni kaltlangin pathianin an chungah ro a rel thin a ni tih kan hria a. Lal annneih hmaa an roreltu hnuhnung ber Samuela chu alo tar a rorel thei alo nih tak loh ah chuan samuela hnenah chuan Israel mipuite chuan LAL neih an dil ta a.
Samuela chuan rem ti chiah lo mahse Pathianin Lal neih chu a remtih sak ta a, chuta tang chuan zawlnei te kaltlangin pathian chuan Israelte lal tur chu Hriak thih in a ruat ta thin a. An sual pawh in Pathian in a mi, a zawlneite ngei hmangin a zilh thin a nih kha. Pathian chuan ram hruai leh rorelna na chu a mite hmangin a thuhnuai ah a dah reng tho a.
Pathianin heti khawp a rorelna leh roreltu tur a ngaihpawimawha a duh tui a, siam that nan a mite a hman thin laia keini a mite inti, Christian in tite hian kan inrawlhna tur a nilo kan ti a nih chuan pathian duh ang duhpui vetu, a mah zuitu tak tak kan ni angem le?
Rukru pawh nise kan party anih chuan ka vote ang titute kutah kan dah mai a nih chuan Pathian duhdan kan kalh a ni thei mai ang em? Kohhran chuan Pathian rawng a bawl anga, ram hruainaaha inrawlh tur a nilo kan ti anih chuan in ngaihtuah that angai ani mai lo maw?
Kohhran hruaituten rawng an bawl theih nana tan khawhtute chu an hnuaia kohhran te kan ni. Chung kohhran te chuan kan in relbawlna tur atan sawrkar ring deuh vek kan ni. Sawrkar atanga direct-a poisa hmulo te pawhin sawrkar hnathawkte hnen atangin poisa an hmu leh tho a.
Sawrkar athatloh chuan indirect in kohhran pawh a chhe nghal dawn, kohhran hruaitute pawh an awm theilo ang. Chuvangin party a buailo, thil dik tak tak duh leh sual do tur bera ngaih leh sorkar rorelna hnuaia awmlo kohhran hruaitute hian ram rorelnaah a khalh ngiltu an nilo a nih chuan tu in nge khalhngil tura kan ngaih le? Opposition te tihtur a kan dah a nih chuan mit del leh mitdel inhruai hi ka tawrh phah ziah thei. Politics ah hian lehkha thiam leh viak tha tak tak an lut ngai silo va, lehkha zir sang pawh pass tawk tawk te hi an lut duh chawk bawk si.
Isua tawngtai dan min zirtir pawh, kohhran zawng zawngin kan pawm ah pawh “kan pa vana mi…. ramte, thiltihtheihna te, ropui te chatuan i ta a ni si a” ka tia kan amen thei vek a. Lalpa Ram, Mizoram ngei enkawl tur chu kristian te bak kan awm chuang hlei nem maw le.
hairehai
December 15th, 2008 at 2:19 am
Kohhran chu ram thatna tur thilah reng reng a tha zawngin a tel ve tur a ni a, active politics (party politics) ah erawh chuan a inrawlh tur ani lo.
A inrawlhna chin turte: kawhhmuh, fuih, siamthat, mipui zirtir.
December 15th, 2008 at 7:04 am
Nia, tun tum inthlan khan keini kohhran chu upa, rawngbawltu, thalai hruaitu chenin kan che nasa bawka, computer pawh dawng kan awm nual. Tin, kan kohhran pawhin key board (computer key board ni lovin musical instrument hi) kan dawng bawk.
Ka sawi tum tak chu kohhran mi leh sa chu a duhtawkin inrawlh rawh se, a pawilo, mahse Pathian a ropui ang em? A ropui dawn loh chuan inrawlh lo law law se a tha ka ti.
Ka u vangchhia, Pathian ropui nan chuan zu pawh kan in mai turah ka ngai, nih dawn loh chuan in loh mai…
December 15th, 2008 at 7:06 am
Nia, tun tum inthlan khan keini kohhran chu upa, rawngbawltu, thalai hruaitu chenin kan che nasa bawka, computer pawh dawng kan awm nual. Tin, kan kohhran pawhin key board (computer key board ni lovin musical instrument hi) kan dawng bawk.
Ka sawi tum tak chu kohhran mi leh sa chu a duhtawkin inrawlh rawh se, a pawilo, mahse Pathian a ropui ang em? A ropui dawn loh chuan inrawlh lo law law se a tha ka ti.
Ka u vangchhia, Pathian ropui nan chuan zu pawh kan in mai turah ka ngai, nih dawn loh chuan in loh mai…dik em?
December 15th, 2008 at 7:26 am
https://www.hinduonnet.com/theh.....940300.htm
[i]“Religion cannot exist without people. But ironically, man has been exploiting religion to reap political harvest to inject venom and to divide the people.”[/i]
Politics-a kohhran inrawlh ve hi chu “necessary evil” ani. Mizoramah chuan mipui kan la tlem a, ala nghawng thui lem lo, mahse India ram baka religion leh politics mix nasat na ram a awm ka ring lo. Shiv Sena, RSS, MNS, etc.. ho hi religion hmanga political existance nei vek an ni.
Politicians ho hian kohhran hminga thil an tih hian mipuiin an ring phah tih hria-in Pulpit-ah tawngkam thiam deuhvin thu an sawi a, a tha tho e. Mahse sermon an pek a ngai lo. An hna chu mipui-te hruai ani. Eiru lo in an hna tha taka an thawh baka Pathian ropuina an lantir theihna a awm lo.
Sermon tha deuh2 peka, eiru reng tho si ho hi Pathian hming ti ropui lo bertu te chu anni.
December 15th, 2008 at 9:06 am
Pheikhawk No. 10 velin in invawm ve ngawt ang e; mihring morality hi a va chhe tawh tak em! Faktea’n a khawih thlu vek hlawm a, a sawt tak tak chuang lo! ANOINTMENT mak tak a ni awm e.
December 15th, 2008 at 11:11 am
@Kimas, kohhran inrawlhna chin tur list i siam khi kan dan hman lai nge, i ngaih dan?
Kei ka ngaihdan ah chuan, Kohhran hi theihtop in a in rawlh tur ani, Kohhran member an va in rawlh loh chuan Kohhran amah ngot in a in rawlh thei bok lo in ka hria.(ram thatna,politik kal ngilna tur anih phot chuan)
December 15th, 2008 at 11:26 am
Kohhran chu a inrawlh dan tura ka ngaih chu…. a beram ho te hi zirtir thra se, zirtir ten an awih phawt chuan chawp leh chilhin thil a danglam thei a ni. Zirtir te hian Pathian tihna tak tak an neih loh chuan, kohhran chu engtin pawh inrawlh mahse…… result tha kan beisei thei lovang. Ramhruaitu te pawh hi eng kohhran ber emaw zirtirna hnuaia awm vek an nih a vangin.
December 15th, 2008 at 2:43 pm
@RosangaD
Pathian thu ah hian khawi lai bung leh chang ah nge kohhran hi politics ah a in rawlh tur tih a in ziah ? I rawn ziah ang hian Thuthung hlui lamah chuan Pathian chu zawlnei te hmangin a in rawlh a, zawlnei te hian anmahni thu emaw, ngaihdan emaw, tha nia an hriat emaw LAL hnenah engmah an sawi ve ngailo. Pathian in direct a sawi tura a tih chin chiah ani an sawi thin ni. Zawlnei te hi committee in Lal hnena thurawn rawn tur an rel ngai bawk lo.
Thuthlung thar en leh ila : Lei leh van Lal ber kha Israel politics ah khan a in rawlh em ? Israel ram politics siamtha tur khan ani aia tling tu nge awm? mahse maw, ani kha chu Lala siam an tum pawh khan a duhlo anih zawk kha. He khawvel hi ka ram ani lo a tih anih kha. Kaisara emaw pilata te kha thurawn va pe in an ram rorelna ah a inrawlh ngailo. A zirtirte pawh chutiang ti turin vawi khat mah a zirtir lo. Kohhran alo din pawh khan politics ah a in rawlh chuanglo. Paula te pawh an in rawlh lo.
Kristiana hi mahni ngaihdana tha leh pawnlang taka thil tha ni awma lang hi tehna dik a ni ngai lo. Bible hi tehna tha ber chu ani. Chhhuanlama ram siamthat nan a kohhran leh politics tih hi chu e, ramhuai zirtirna a ni e. Duham vang, ropui duhna, mi aia thilti thei nih chakna atanga lo chhuak vek zawk ani. Politics a lut ve ngam bawksilo thuneihna duh ve si, Pathian hminga politician te lo control tumna hi chunglam mithmuha ah hian thil tenawm tak ani ngei ang. Mihring zirtirna [kohhran zirtirna] ah innghat lovin Pathian thu ah hian innghat zawk ang u. Kohhran hi be lovin Pathian i be zawk ang u.
Hei hi ka ngaihdan a nilova Bible min zirtir dan ani. Min rawn chhang duh anih chuan in ngaihdan nilovin Bible thu atangin ni sela a lawmawm ang.