Tlakpui kum hmasa zawk 1998 khan Congress sawrkar kum 10 rorel tawh chu Mizo National Front leh Mizoram Peoples Conference party tangrual chuan chiang takin an paih thla a nih kha.Kha tih lai khan Congress party chuan chhim lamah seat 5 leh Aizawl District huam chhunga a mi Saitual bial chiah lain, a pumpuiah seat 6 chiah an la a.
Kum 10 a ral a, kum 2008 inthlanah chuan rorel lai MNF Party chu chiang takin Congress party chuan a paih thla ve leh thung a. Rorel lai MNF party chuan seat 3 chiah an la a, Chhim lama an thawhpui Mara Democratic Front chuan seat 1 lain, a vaiin seat 4 chiah an la a. United Democratic Alliance (UDA) chuan seat 4 an la bawk. Hei hi UDA a tel party pahnih ZNP leh MPC ten seat 2 ve ve an la a. Hetih lai hian Congress party chuan seat 32 an la thung.
Kum 1998 inthlanah khan Chief Minister nilai Lalthanhawla chu term thum lai a tlin tawhna Serchhip bialah K. Thangzuala (MNF) chuan a hneh a. K.Thangzuala, Engineer-in-Chief pension kha politics ah chuan mi thar a ni. Mizoram politics history ah Chief Minister ding lai a bial a paih thla hmasa ber tu a ni.
2008 inthlanah Chief Minister nilai Zoramthanga chu bial hnih Champhai South leh Champhai North ah a ding kawp a. Heng Bial pahnihah te hian hnehna a chang zo ta lo a ni. Champhai North ah hian Politics a mi thar TT Zothansanga, Congress a hneh lo a, Champhai South ah politician hranghlui JH Rothuama chu a hneh lo bawk.
Kum 1998 inthlan dawnah Lalthanhawla kaihhruai Congress sawrkar chuan Mizoramah District thar panga Champhai, Kolasib, Mamit, Serchhip, Lawngtlai a siam belh thut a. Hei hi heng bial a voters hipna atana tih a ni a. Mahse heng District tharah hian Congress chuan chakna pakhatmah an nei lo.
Kum 2008 inthlanah pawh Zoramthanga kaihhruai MNF sawrkar chuan District thar pathum Khawzawl, Saitual, Hnahthial te a siam ve thung a. Anni pawh Congress tih dan zul zuiin heng bial a voters te hip tum viau mahse heng bialah te hian MNF party an tla fai vek.
Kum 1998 inthlan dawnah Citizen Common Front (CCF) inti chuan thawh hona huang a siam a. He huangah hian MNF atanga chhuak MNF N leh Kohhran rawngbawlna lama mi hmingtha tak tak an tel a. Mahse he huang atang hian thlan tlin tumah an awm lo.
2008 ah ZNP leh MPC party te chuan thawh hona an siam a. An thawm a ring a. Mahse, ZNP leh MPC pahnih chiah an tling. An party president ve ve Lalduhawma leh Brig T. Sailo te erawh an tling thung.
1998 inthlanah MNF president Zoramthanga chu bial hnih Champhai leh Khawbung ah ding kawpin a tling ve ve a. Khawbung bial a chhuhsan a, K. Vanlalauva MNF chu thlan tlin zui a ni a.
2008 inthlanah Congress party president Lalthanhawla chu Bial hnih Serchhip leh South Tuipui ah a ding kawp a, a tling ve ve a, khawi bial nge a chhuahsan zawk ang a, tunge a din tir ang ?
Kum 1998 inthlana Congress sawrkar thlak chhan lian tak nia sawi chu Congress sawrkar nin vang hrim hrim niin sawi a ni a, hetiag bawk hian kum 2008 inthlana a MNF sawrkar tlak chhan lian tak pawh MNF sawrkar nin vang hrim hrim nia sawi a ni bawk.
Similar Posts:
- MLA kan ning hma
- VC leh LC Inthlan result
- LADC inthlanah Congress sawrkar!
- “Hnahthial District thar siam a ni lovang” – CM
- Trinamool Party hmangin zoram thar i siam ang u
December 14th, 2008 at 7:31 am
Sunday hi chuan Pathian thu lam han khel ve a chakawm viau asin maw le. Nia, kan ram politics hi kum 10 danah han inlumlet rup thin se a that ka ring.
Report this comment
December 14th, 2008 at 11:07 am
Kum nga apiangin party dang thlang tling zawk ila ka duh zawk. Kum 10 chhung lal tir chu a rei em mai.
Report this comment
December 14th, 2008 at 12:26 pm
Pu Hawla chuan serchhip bial zawk hi a chhuah san dawn niawm in ka hria mahse thu chiang fak a ni tih ka la sawi thei bik hrih lo.
Report this comment
December 14th, 2008 at 1:18 pm
CM hlui chu Ministry thar lakluh inkhawmah zawha an kawmah khan an sorkar laia an hmalakna sorkar tharin chunzawm ngei se a duhte an zawh khan sawi tur a van hmel khawp mai. Kawngpui sial, agriculture a intodelhna, sumchang thlai lama hmalakna tihte kha a chhanna an ni a. heng ho hi han en hian hmalakna bik kal mek han chhunzawm tur teh vak a awm em ni aw ka ti. A general hlawm khawp mai. Project kallai mek tihhlawhtlin mai tur a awm lo hle tihna a nih hmel.
Sawrkar thar hi chuan plan fel deuh nei ve tawh se. I year, 2year, 3 year etc plan te neiin implementation level te review thin nise. Long term plan ah pawh ‘within 10 years, 15 years’ etc te duang ve tawh se.
Report this comment
December 14th, 2008 at 3:15 pm
Computer age ah kan cheng tawh bawk sia, current lah kan la hnianghnar lo viau si. Tui chu a tam, mahse hydro power siam thei hruaitu kan la nei lo.
Report this comment
December 14th, 2008 at 7:27 pm
Sorkar ve ringawt mahni pumpui chauh hmangaih ho hi chu Kum 5 hnuah thlak zel tur, Congress pawh hi an Sorkar hmasa ang ngawta ram an kaihruai leh anih chuan kum 5 hnuah 1998-a an tlak ang khan paihthlak leh mai tur. Mipui kan fing tawh tih hi Politician ho hian lo hre mawlh rawh se.
Report this comment
December 14th, 2008 at 9:16 pm
Sawrkar hmalakna hi media hmang hian publicize nise la. Duhthusamah chuan thingtlang hmun hrang hrangah te hian University zirlai ho te hian outreach nei se, thingtlanga mi hnathawh dan, struggles, problems leh interview te hi reality show ang deuh hian cover thin se, Mizoram hmasawnna thlenchin hi a hmun ngei a kala video lak ni se. Journalist pangngai ho hi chuan tan lam hi an nei thin a, NGO lah hian limit chin an nei bawk si a. Students lam hian hma la se a tha maithei ani. Kohhran pawh hian duh chuan a ti thei ang a.
Tunah chuan kan Mizoram media te hi tan lam annieh fo avangin hian nei lo ho pawh kan ring zo tak tak mang lova, mahse media kaltlanglo chaun public awareness inpek a har bawk si a.
Report this comment
December 15th, 2008 at 12:37 am
Congress ho policy hi a tha. An tling hi ka lawm takzet a ni. Chiahpuam chungchangte kha tlaktlum nan hman a tum ve mai lova; hmalak a tumloh thu a sawite kha a huaisen ka ti.
WE CAN MAKE HAWL AGAIN
Report this comment
December 15th, 2008 at 7:32 am
Chief Minister Bungalow chu Zoram TSUNAMI-in bungrua zawng zawng a len bo an ti elo maw? January 20 khian Obama pawh lak luh a ni dawn a; Washington DC chhehvela Hotel zawng zawng, Zu dawr zawng zawng zankhuaa inhawng tura tih an ni dawn; mikhual tam tham hle turin an insawi bawk, Mosolman khirh deuhte phei chuan Barack HUSSEIN Obama ti ngeia oath-taking la turin an lo kar ve vel bawk nen! WHITE HOUSE bungrua engmah bothlau a awm ve dawn lo. Mak bik e, Zoram thilthleng hi!
Entawntlak CM hi engtikah nge Zoramin a neih ang le! Tuna CM pawh hi CM kalchhuak hian a hmu khawlo ve deuh tho si! An inrul tawk khawp mai!
Report this comment