1.kan Mizoram politics ah khian kan Kohhran khi in rawlh mah mah in ti em?
2.Politics leh Kohhran hi kal dun tur in, in duh em?
3.Result tha rawn hring chhuak thei a ngem?
4.Khovel History han en hian result tha in hmu tawh em?
5.Kan kohhran vang hian kan sorkar te hi duh ang in an thok tha thei lo te in ti em?
6.kan kohhran chhung ah pawh khian (an mahni in kar ah) politics tam lutuk in ti em?
In ngaih dan rawn sawi ve rawh u le, mahse midang ti thinrim tur zawng chuan khongaih in ti lo hram ang u aw!!
Similar Posts:
- HSSLC Result hi
- Party Politics tel lo Politics meeting boruak sang hle
- Nangmah mahni hmunah! Kei ka hmunah!
- Zoram politics ah I ram lo thleng rawh se!
- Whistle Blower Part 19 (Naupang khawngaihthlak)
October 6th, 2007 at 11:57 am
Heti hian chhang ila, min phuar ang em le ?
Q1.kan Mizoram politics ah khian kan Kohhran khi in rawlh mah mah in ti em?
Answer: Inrawlh nasa lutuk. A chhan chu Sorkar chaklo, confident lo hian moral guidance a zawng.
Q2.Politics leh Kohhran hi kal dun tur in, in duh em?
Answer: Teuh lo mai.
Q3.Result tha rawn hring chhuak thei a ngem?
Answer: Thei lo. Entir nan, sorkar chuan “crime” a buaipui tur ani a, kohhran chuan “sin” Kohhran hmuhah chuan: beer drinker=misual, corrupt babu=mifel. Chhas te fimkhur loh palh vanga rai=misual, Rs. 75 lekh hlepru, Rs. 20,000 biakina thawh=mifel .. Sorkar agenda leh kohhran agenda a iang lo. In an tum teh mahse a dik thei lo.
Q4.Khovel History han en hian result tha in hmu tawh em?
Answer: Hmu lo. Kohhran leh sorkar a indan hran hnuah chauh Europe ram a thang chak. USA state thenkhatah khuan kohhran sorkar thilah a inrawlh nasa, chung chu state hnufual pawl anni deuh zel. Sakhaw lalna ram: Iran, Saudi Arabia, Pakistan, Mizoram (what a good company !)
Q5.Kan kohhran vang hian kan sorkar te hi duh ang in an thok tha thei lo te in ti em?
Answer; No question about it.
Q6.kan kohhran chhung ah pawh khian (an mahni in kar ah) politics tam lutuk in ti em?
Answer: I am not insider. No info. No comments.
Report this comment
October 6th, 2007 at 1:09 pm
Question and answer hun kan hmang dawn a ni maw?
1. Inrawlh rawh se, sim tur nei lo mifel rual chuan misual rual chu an ti fel thei deuh ang chu.
2. Kal dunna hun a awm anga, a hranga kal hun a awm ang.
3. Dik taka an tran tlan chuan result thra tak a chhuah thei ang.
4. Khawvel history hi ka lo la en vak lo a, mahse ka hriat chinah chuan ka la hmu lo a. Mahse, result thra chu a chhuah theih tho chu ka’n ring deuh a.
5. Hetah tak hian, kohhran hian a inrawlh na hun tur a hriat loh chuan sorkar thanmawhbawk a ni thei. A hun takah in rawlh sela, a hun taka in hnukdawk leh mai sela.
6. Politics hi chu kohhran chhungkua ah chauh lo pawh, eng association tion ah emaw pawh, a inrawlh vek.
Report this comment
October 6th, 2007 at 2:12 pm
Bible Quiz va ang sawt ve aw? Kei ka ngaih ve dan mai mai chuan Kohhran leh Politics hi kalkawp thei a ni tlat lova, Lal 2 rawng a bawl kawp theih tlat lo. Hmathehah kohhran upa te kan hmang fo ta mai hi Pathian huat zawng tak a ni thei. Politics ah chuan mahni party hruaitu thenkhat ten dawt an sawi zuah zuah phei chuan kan zero reng tih hriat a tha khawp mai. Thudang daih, YMA ah hian Kohhran Upa ten min han hruai leh zawk se a tha ngawt ang. Mahse Politics siamthat nan chuan Pathian tihmi ni thei se a tha ber ang. Zu heh, nula duh – mihur, kutkemnei, etc nei hi politician ni lo se kan tha a ni mai. Member lubawk naran min hruai tha ang a min fuih ngam bawk ang.
Report this comment
October 6th, 2007 at 2:35 pm
1.Kohhran chu a inrawlh nasa khawp mai. Mahse thuneih tum vang hrim hrima ti chu a nih ka ring phal lo. Mizoramah Pathian lal ber se an duh a, chutiang tih theihna atan chuan sawrkarah rawtna te an thlen a, sawrkar lamin vote hmuh duh vangin an lo hlau a, kohhran a lang lal ta viau ni maiah ka ngai.
2.Politics leh Kohhran ai chuan Politics leh Pathian kal dun se a fuh zawk ka ring.
3.Kohhran hi inrawlh lo mah se a tha lam ai chuan a chhe lam kan pan tho tho ka ring. A bul berah chuan mipui hian kan zir lo em a ni. Tuman kan ram chu ralkhatah bak kan vei tha peih tak tak hleinem.
4.Khovel History han en hian result tha in hmu tawh em?
Report this comment
October 6th, 2007 at 4:53 pm
Zawhna te hi a mal mala chhan keuh keuh a tul kherin ka ring lo. A hmasa berah chuan “politics’ hi eng nge anih chian a ngai. Greek city state “polis” tih atanga lo kal, a huhova awm mihringte inrelbawlna fel a kawk kan ti thei ang. Kan Pathian hi politician a ni a, a thilsiam mihringte hi ‘political being’ kan ni. Pathianin lei leh van a siam atang khan khawvelah politics hi a lo intan daih tawh. Thuthlunghlui kan en chuan Pathian mite, puithiamte leh zawlneite kha politics ah a inrawlh tluan zak. Zawlneite phei chu alang changin lal rorelnaah an inrawlh a, hmaichhanah Pathian duh dan an hriattir hmiah hmiah mai a ni.
Thuthlung tharah chuan Kohhran (ekklesia) hi zawlnei hna thawk chhunzawm tura kohte kan ni. Lal Isua kha politician diktak a ni bawk. Hnehchhiaha awmte, awpbeha awm mekte chhanchhuak tura lo kal a ni a, political corruption nasa lutuk huaisen taka a rawn challenge dan kan hria.
Lal Isua leh kan hmaa mihuai kal tate rawngbawl dan han en hian Kohhran hian tunlai hunah hian a ‘prophetic role’ hi a play ngam tak tak lo zawk a ni lo maw? Party politics ka sawi lo va, ‘ka tel lo’ ti ti mah ila kan tel lohtheih lohna politics hi a ni ka sawi. Hetah hi chuan tumah kan bang thei lo. Politics hi a bawlhhlawh tawh em a, kohhran inrawlhna tlak a ni lo, tih hi bible zirtirna a ni lo. A bawlhhlawh avang taka siam tha tura zuan luh a ngai zawk a ni.
Kawng tinrenga tawp em em, Geneva ram siamthatu chu Protrestant hruaitu ropui, John Calvina te kha an ni lawm ni? Philippinesa roreltu rawng tak paihthlaa rorelna dik dintute kha kohhran ho an ni lawm ni?
Sawi tur tam tak a awm ang. Kan ram kohhran pawh hi huai taka politics a a in rawlhngam hun hunah kan ram tan chuan beisei a awm chauh ang. Hei hian party politics a zuan luh ve kher a huam lo.
Report this comment
October 6th, 2007 at 5:14 pm
thian duh tak te u in comment tha hlom lutuk…a mal mala ans kher tur ni lo e…
Report this comment
October 6th, 2007 at 5:50 pm
He thu chu ka tui zawng tak mai a ni a! Ngaihdan erawh a inang hlawm lo mai thei. Amaherawhchu, tan lam nei sa ran lovin, rilru tak tak hmangin i han sawi teh ang. Kei chu a mal mala chhan ka chak tlat mai:
1. Mizoram Politics hi a chhiat tak em avang hian Kohhran hi inrawlh lo thei lovin kan siam ni zawkin ka hria. Kan politics te hi thianghlimin fel fai se Kohhran inrawlh a tul lo vang a, Inthlan thuchah tihchhuah fo a tul hek lo vang.
2. Politician te hi Kristian vek kan nih ang hian nung ila Politics leh Kohhran kal dun kher a tul lo vang. Politics kal sual tur khalh ngiltu atan erawh kohhran hi a tangkai ang. Thenkhatin sakhua leh politics lak hran an rawtna hi Hindu/Muslim vel sakhua nen hi chuan a awm ka ti a, Kristian sakhua erawh chu sawrkar inrelbawlna atan leh mimal nun atan awm dan tha tinreng zirtirna bul tumtu a nih zawk avangin Kristianna leh politics hi chu kal duh zel thei se duhthusam a ni zawk. (Kristianna hi sakhaw dang nen inang reng ang ziazanga ngaihpawlh chi a ni lo)
3. Tun kan Zoram dinhmunah chuan Kohhran duh dan leh ngenna ang hian kan Politics hi kal thei se rah tha a chhuah zawk ang. Chu chu kohhran leh politics kal dun tihna erawh a ni kher chuang lo.
4. Khawvel history tih lamah chuan @adelfos sawi hi ka tawmpui. Tun hma leh zual deuh (Middle Ages) velah te kha chuan an kohhran kalpui dan leh Pathian thu pawm dante a dik tawk thin loh avangin sawrkar tan hnawksak an ni zawk fo. Tun hunah erawh hi chuan Kohhran hian thlarau chhandamna ngawr ngawr hi Lal Isua zirtir dan tluantling a ni lo tih hi a hriat avangin mihring nun pumpui chhanchhuahna hi a ngai pawimawh a, hei hian Politics pawh a huam vek a ni.
5. Kohhran vang hian sawrkar hian duh angin hna an thawk thei lo a nih ka ring lo. Chutih ahnekin kohhran vang hian sawrkar mi liante hian an duh angin hleprukna leh corruption hrang hrangah an inhaivur ngam lo zawk a ni lo maw? Zu khapna chungchangah pawh hian thenkhatin kohhran hi an han sawisel ve ringawt thin tak na a, a sawiseltute hi zuin mi an ni tlangpuiin ka hria. Zu khap vanga kan khawtlang nun zalen leh lo nawm takzia te hi an haider fo thin a ni. (Chu lam chu sawi thui lo ila..)
6. Kohhran chhungah hian chutianga Politics a tam em em pawh kei chuan ka hre lo. Sawi tur ting chu a awm mai thei a, mahse chutia nasa han tih em em awm chu ka hre ve lem lo.
Report this comment
October 6th, 2007 at 9:39 pm
Hman deuh atang tawh khan,politics siam that tum hawi zawngin kohhran pawn hma a la nasa a,awarness ang chi pawh a bei nasa a.Tin,kohhran milehsa/rawngbawltute pawn a siam tha turin kan luh chilh tur a ni an ti.A dikin apawimawh khawp mai.
Ringtute chuan khawi hmun,khawi ‘field’ pawh hi kan luhchilh a nga,siam tha turin hma kan la tur pawh ani a.
Politics a kohhran inrawlh duh tuten a an tan chhan pakhat chu,Daniala te Josefa te pawh an hunlaiin,polictics khirh ber hunlaiin an zuang lut a.Priminister/Governor ah te an tanga,ram siam that hna an thawk tiin.A dik chiah a ni.
Nimahsela,Tuna Mizoram a kan harsatna chu..Daniala te Josefa te emaw John Calvin a te ang a mi huaisen,dikna ngaina ram, thilung tak taka hmangaih,Pathian tih mi kan nei si lo chu anih hmel hi maw.
MNF term hmasa ah khan,kan Bial-ah chuan Kohhran hruaitu hlun tak,mi fel tak a rawndinga.An tling ta chenga,Bial mipui/khua te tan thil hlu/tangkai atih sak ka hre mangtlat lo.MLA pakhat mifel tak kha ani ri ngawt mai.
Atawp nan,YWAM palw dintu,Loren CUnningham chuan,ringtute hian khawi ‘field’ poh hi kan luhchilh tur ani tih uar takin a sawi a,chuta politic chungchang a sawi hi ka rilru ah a awm reng thin..” …Polictic ah kan zuang lut a nih chuan,Sakeibaknei puk a paih luh ni ang deuhva kan in ngai a ngai ang” ati.
Report this comment
October 6th, 2007 at 9:59 pm
RTPA: eh! hihi…
Report this comment
October 7th, 2007 at 12:20 am
1) Mizoram sawrkar chu YMA leh Presbyterian control na hnuai a kun mek niin kei chuan ka hmu.
2) Politics chuan khawvel thil a mihring leh ram in enkawlna lam a kawk. Tawngthei leh dawthei an kaisan fo na a ni. Kohhran erawh chuan damlai piah lam ram, Pathian hmangaihna leh chatuan ram lam hawi zawngin min kai hruai!
3) Mi fing in,”politics is a dirty game” an ti. Keima ngaihdan chuan khawvel thil leh khawvel piah lam thil chu in persan tak a nih avangin leh an zirtir a dan daih avang in an kal dun tur lovah ka ngai. Kohhran chuan thu tak leh nunna a keng a, politics erawh chuin khelhna (game) mai a ni si a.
4) Mizoram chhung ah chuan Baptist leh Presbyterian hi sawrkar rorel na ah thu neih an tum mah mah in ka hmu?!! Kan Missionary ten hmanlai Mizoram sawrkar an control a, Presbyterian/Baptist zirtir na pawm chauh chi ( salt) lei an phal thin tih kha min ti hre chhuak khawp mai. Kei chuan hetiang hi Pathian ngaihdan a nih ka ring theilo bur.
5) Mizoram chu NGO thlengin politics vek alawm.
Report this comment
October 8th, 2007 at 1:54 pm
Hetiang khawpa ram rorela a tluk chhiat tawh pawha Kohhran a la inrawlh nasa lo lutuk hi veiawm hle in ka hria. KOHHRAN HI RAM LEH HNAM HMASAWNNA TURIN A THUK THEI ANG BERIN IN RAWLH RAWHSE. Kohhran bak chu beisei tur tun MIzoram dinhmunah hian kan nei hlawl lo. KOHHRAN HIAN RAM RORELNA KHALH NGIL MAWLH RAWHSE
Report this comment
July 6th, 2008 at 6:21 pm
In lo scrap ho hi ka chhiar hman lova,mahse ka ngaihdan kan lo ziak ve teh ang……..
A hmasa berin Politics hi enge a awmzia???”Polis”Greek word,State tihna nia.”State”ramin hmasawnna tura hma alakna zawng zawng hi Politics chua ni mai a.Politics chu tute kuta awm tur nge..Bible han en teh u,Bible ah chuan hmanlaiiah chuan an Politiucian te ti mai ila,khawtlang in relbawlna siamtu te,dan kengkawh tute kha Puithiam leh sakhaw mi ho kha an ni mai a.Mosia poh kha tun ang hunah chuan Politics khel turin kan duh lo ang Pathian mi a nia.Mahse Pathian in a a mite hruiatu tura a thlan te kha sakhaw mi an ni tlat.Chu atk chu a ni tunlaia kan hmuh hmaih chu,kan politicianten ram an hruai dik loh a vangin politics kan hmu bawlhhlawh a,mahse hei aia Missionaryna ropui a awm in ka hre lo.Enga ti nge sakhua leh Politics inkawp tha in tih loh,Politics hi sakhaw beh chhana kal tur zawk a si a nih.Mi in Pathian hming a dawt a sawi ngam chuan sawi rohse…kan ram rorelna hi dikse,kan politiciante hian Kohhran bel se,Kohhran leh Politics hi kalkawp se,Pathian kan zah chuan kan ram tan thil tha kan ti duh ngei ngei ang.Kan ram hian hma a sawn ngei ngei ang.Pastor te Kohhran upa te Politics khel se tihna lam a ni lo,Pastorte hian ram inrelbawlna an hre kher lo.Mahse Kohhran,sakhuana leh Politics kan lakhran hloh chuan kan ram hi a tlu chhe zel ang.Tun dinhmun ah poh hian kan ram politics a buai tak tak chuan Kohhran bak inngahna kan nei lo.Chu vangin Kohhran ,Sakhuana leh Politics hi i kal dun tir tlat ang u..
Report this comment
July 6th, 2008 at 6:30 pm
Kan ramah chuan Politics hi eirukna hmun leh bawlhlawh hmuh in kan hmu a,a dik e,mahse America ah chuan Missionaryna ah si an ngaih.An Politiciante khu an duhtui a,an ngaisang bok a si.nangni in duh tui ve em? A eiru tih in hria a,in thlang leh thova,mipat hmeichhiatna ah a che mawi lo tih in hria a,in thlang leh tho a,ram tan an rinawm tawk loh zia voi tam in hmu a,in thlang leh tho,tunah nge sawi tur in neih,i nu leh pa te khi hrilh ta che u.Mi tha an awm ,in hai dera,an fel lohna in zawng a,sawiselna in zawng a.Khi mi tha la awm khi a la ding chhuak dawn a,a la tlu chhe lo.ding chhuak lo mahse Pathian hian Mitha min pe tho ang.Eiru lo,mithiam,rinawm,ram inrelbawlna hria kan neih khi..beidawng ngai lo,retheih huama rama tana inpe kan neih khi vote ta che u..tu nge in rilru ah lo lang han sawi teh u…mitha chua n lo lang mai ang.
Report this comment
July 6th, 2008 at 6:40 pm
Bill clinton kha an thlang tling leh tho chuan ka hria!! sex-scandal a neih hnu khan!
America ah chuan records an nei tha a, a hnu kum tam tak ah pawh phawrh chhuah leh theih tur..mizoram ah kan neih that vak loh vang zawk anih ka ring!! an ni in sawi na tur ang hian sawi ve tum ta ila..mizoram a politician te hi tunhma an nun dan sawi theih tur in records a awm em?
Report this comment
July 6th, 2008 at 6:58 pm
Kohhran hran danah Politician leh Officer Corrupt ho phuar theih na dan awm phawtse phuar thinse, chuti chuan Politics ah in rawlhse tha in ka hria.Kan kohhran ho hian engkim van Court a chinfel tur a an dah vek chuan he lei
Politics hi a fel duak dawnlo a ang.
Report this comment
October 4th, 2010 at 5:23 pm
Politician Ropui leh thiltithei ber chu kan biak lai Pathian hi a,@ Genesis. Mahse….A misiam a duh leh a hmangaih em em, sual eng anga nasa pawh ti mahse, an sim chuan theihnghilh a, ngaidam leh hman thei khop a, ngaihdam nghah, thianghlim takin a a din lei a Kohhran te leh, he khawvel Politics hi chu a inmil thei molh ta lo a ni.
Duhthusam chuan kal dun se, Pathian thu leh Politics hi kalrual thei se, chu chu kan nghah fak a ni. Mahse, tunah chuan kan thei lo.
Kohhran chhung poh kan inenkawl hneh hleithei lova, Corruption inphumrukna lian ber pawl poh he khawvel Kohhran (Pathian kohhran din hi chu a tel ka ring lo) te an ni thrin hi chu…Kohhran hruaina hna an sumin an lei a, eng2 sub-committee chairman atrangin an lei tran a, nakina Political Party a an khelna chance tur zong char2 chungin, Upa Ordained an lo nih meuh chuan sakhawlh (Sakhawlh chu mitin ka la hmu lo miau a) chu nepte, hlauom tak a ni.
Chuvangin tun hunah hi chuan Pathian thil chu Pathian hnenah, Kaisara thil chu Kaisara hnenah ti hrih mai ang u.,….
Report this comment