Kan chhut ve teh u, Pu Duhoma hian a sawi dik hmel viau ani. Sawrkar thar chu kan nei fo, a ngai pet pet in min hruai thin. Kalphung thar erawh kan nei thei meuhlo??Sawrkar thar mai nilo kalphung thar kan mamawh a ni!!! Kalphung thar, ram leh hnam hmasawnna atana tihtakzetna thawk, dikna laltiang keng ngam ram hruaitu kan mamawh tak meuh a ni..
Source – theZozamtimes.com:
: Nimin khan Zoram Nationalist Party chuan Aizawl Vanapa Hall-ah General Assembly an hmang. He hunah hian hruaitu thar thlangin President : Lalduhoma, vice president ah C Vulluaia leh Treasurer atan Andrew Lalherliana-te chu chuhtu awm lova thlan tlin an ni.
He hunah hian Lalduhoma chuan thu sawiin, sorkar thar ni lovin Mizoram chuan sorkar kalphung thar a mamawh thu a sawi a, “Inthlanpui a lo hnai leh ta bawk a, vawiin hi kan Policy pawimawh zual a tawi thei ang bera puan thar lehna remchangah hmang ho ila ka ti a. Mizoramin Sorkar kan neih ve atangin, sorkar hrang hrang kan hrawn tawh a. Kan beisei ang an nih thin loh avangin Term hnih bak rorel thei an awm mang lo va. Sorkar hmasa rorel dan kalphung bawk an rawn chhawm zel avangin thlak tul kan ti leh thin a ni. Chuvangin, sorkar thar ni lovin, sorkar kalphung thar kan mamawh tih leh Party leh mal tha ai mahin rorelna kalphung tha kan mamawh a ni tih kan chiang tual tual a. Rorelna chang tawh Party-ah te hian lungawi ila chuan, an zingah kan tel ve mai ang a, Party hran din a tul lo ang. Kan nin leh tur sorkar thar siam leh ringawt thin hian awmzia a neih loh avang leh, kalphung thlak thleng thei tumah kan la hmuh loh avangin ‘Sorkar Kalphung Thar’ din turin ZNP hi kan din ta a nih kha,” tiin ZNP president chuan party mipui kalkhawmte hi a hrilh a, an party an sorkar chuan mipui sorkar an din dawn tih a sawi bawk.
” Kalphung hluiah chuan Ruling-a tel lo tan a beidawn thlakin neitu rilru put ve theih a ni lo. Chu chuan Party feeling a tina a, kan society a ti nuam lo zo tawh a ni. Keini chuan ‘Party Sorkar’ chu ‘Mipui Sorkar’-a thlak a, Ruling ni ve lo te pawhin Budget atanga chanvo an neih vena tur siam kan tum a ni. Chu chuan Party feeling te pawh hi a tinepin, khawtlang nun pawh a tinuam sawt dawn a ni,” tiin a sawi bawk.
Similar Posts:
- …tual tual…
- UDA thiltumte
- MTP thlawpna Y4M-in hnukdawk
- Ramin tunge a koh?
- Pu Hawla Chet Dan A Chhuanawm – (Evening Post Editorial Oct 20)
April 22nd, 2012 at 2:31 pm
1st. ZNP hi an tha maithei.
Report this comment