Mizoram chhunga ramdangmi lo lut hi..
March 4th, 2009 12:27 pm | more than words | | 555 views|
|
Kan hotuten kan ram zimte thil phal taka an lo theh hluam hluam ka hriat hian ka tah a chhuak tlat. Mizoram leh hnam hmangaih taka inhre vek kan ni a. Chuvangin kan sawi ve tak tak teh ang. In ngaihdan anih loh chuan in sawisel hma in lo ngaihtuah hmasa ve phawt rawh u. Kan ram te tak te chiah hi he khawvel ah hian ‘kan ram’ kan tih ve theih omchhun ani a, midang lo mikhual huau huau na tur ani lo. Engvangin maw??
Statistics-a a landan chuan nikum 2008 chhung ringawt khan North East-ah hian civilian leh sipai tiam in mi 378-in terrorists avangin an nunna an chan a, chutih laiin terrorists thi zat ah chuan 515 anga tarlan ani. Hriat teuh angin thizat mai bakah hliam tuar eng emaw zat tarlan loh khawilam ve ve a awmte nena chhut phei chuan hei ai hian an tam fe tura chhut ani a, chutih lai chuan hel pawl awmzata chhut chu Manipur-ah 47, Assam-ah 37, Tripura-ah 25, Meghalaya leh Nagaland-ah 4 ve ve leh Mizoram-ah 2 anga tarlan ani a.
Heng hel pawl kan tih ho te hian ram chhung atangin tanpuina hmu bawk mahse chumi piah lamah chuan ramdang mi, Bangladesh leh Pakistan lam atang ten puihna nasa tak an dawng anga hriat ani a, chumai bakah Intelligence Bureau-in a tarlan dan chuan tunah hian North East state hi Jammu and Kashmir dawt chiah a ram ralmuanglo ber leh hel pawl chet tlatna tam ber hmun ani a, chumai bakah tun ai hian a chhunga mipui cheng te tan hian harsatna leh chhiatna nasa zawk thlen tu tura hmuhlawk ani.
India ram sawrkar-in a buaipui ber pakhat chu Indo-Pakistan border hi ani a, tunah ringawt pawh hian kan ram thenawm hnai West Bengal ah ringawt pawh hian Bangladeshi ho tam lutuk avangin a ram mipui ten awmna tur an buai tawh a, Assam-ah pawh chutiang bawkin a tira an mikhual te avangin NE-a ram ralmuang lo ber anih phah a. An ram chhung ngau ngau a hel pawl ve te bakah hetianga hel pawl tawm ru dang ho avangin Manipur nise a mipui ten hel pawl hnenah loh theihlovin sawrkar hna thawk zawng zawng tiam-in 20-25% ‘tax’ an pek phah a, hetiang ram dang atanga lo lut hi vaibelchhe 2 vel anga chhut anni a, hnawtchhuak tur hian kum 200 vel a ngai tura ngaih a ni.
Chutih laiin, Mizoram chhunga Burmese border lam atanga lo lut thla hi kum 2004 daih a survey-ah pawh khan 65,000 chuang hreta chhut ani. March 2008-ah khan survey chuan Mizoram chhunga lo lut Burmese immigrants ho hi nikhat 2,000 vel ang zela chhut anih laiin Bangladesh lam atanga lo lut hi nikhat-ah 1500 vel ang zel-in a chhut bawk a, hei bakah hian Manipur lam atanga ‘kan unaute’ lo lut nitin 1000 tling lo deuh anga chhut ani a, hei mai bakah hian Silchar lam atanga lo chho hi an awmreng bawk a, chuti chuan kan hnam population mai bakah kan birth and death rate chhut ta ila, tun atanga kum 20-30 inkar-ah hi chuan a ram neitu ‘Mizo’ te hian ram chantur engmah a lawi kan nei tawh lovang. Chuti chung chuan ‘kan unaute’ la ‘mikhual’ hi kei chu hnam phatsanna LIAN ber ah ka ngai. Hnamdang zinga mikhual hrehawm zia kan hre ngai anih vaih chuan kan hmangaih, kan nupui fanau leh tuchhuan te’na ‘kan ram’ tihtur an neilo tur hi ka phal thei thlawt lo.
Mizo hnam hi a la naupang a, foreign relations kan la thiam lo mai pawh nilovin kan hre lo. USA, khawvel-a ram changkang ber hi enteh, tuna economic crisis-ah hian a ram neitu te zawk hi ania hnathawh tur neilo tam zawk. Engvang nge kan tih chuan, a tirah midang an luhtir huau huau a, hna hrehawm deuh an thawk peih lova, ‘hlawhfa’ an chhawr a, an ‘hlawhfa’ Indian ho te khuan asin Canada-ah pawh ram neitu te chhawr tawh hrep hrep tawh zawk mai pawh nilovin an second official language-ah punjabi asin an hman tawh.
Chumai a la nilo, Mizoram chhungah sawi leh ta ila, tunah ringawt pawh hian Manipur, Burma leh ram dang atanga lokal engzat hian nge kan ram chhungah a nghet a in leh lo nei tawh. Kan la en liam mai mai chu ania leh!!!
Christian kan inti a, Bible kan chhiar tluk tluk a, kan Pathian hi Israel hote Pathian kha anih ngai chuan hnamdang ho nena in mikhual kual vel leh inchiahpiah deh duah a lawm vur vur thu in hmu em?
Ram humhalh chungchang-ah hian ‘excuse’ a awmlo. Anni chu an chuti khati alawm’ti ho phei hi chu chhuih chawrh mai ka duh, ram pakhat zim lutuk, world map-ah phei chuan pentui hmawr khat vel lek emaw a lian kan nei a, kan ka thil phal em em mai lehnghal a!! A lokal leh mi be tlawn thiam deuh, sum min pe thei tur emaw term khat dang min eiruk tir leh thei tura kan rin deuh apiang kan neih tha ber ber kan lo sin tir a, Kan hmanlai lal huaisen ho kan chhuang a, thenkhat-in “Zam ve ngailo Ropuiliani” kan tia kan zai kur dup a, lo tho leh ta chiah se chuan kan ram hotu thenkhatte (an vai pawhin an hian anni thei maithei) hi chu a chhipthlak pawp pawp duh ang.
Kan hnam hruaitu te hian Indian Current Affairs leh World News te hi local channel ‘mizo idol’, ‘football’, etc te aia an en tam loh pawh a a tluk vel tala an en a an hriat ve nan hian chawngheia tawngtai rualna hi neih mai ka duh hial ani.
Sawi tam tulh tulh lan hian rilru a na tulh tulh a, duh ang pawhin a sawi theih loh. Ka ngaihdan chuan, ‘kan unaute’ hi kan hmangaih ngai anih chuan an ram chhung ngeia an mahni buaina hi an chinfel theihnan tawngtai sak ila, chutiang bawkin min hmangaih ve annih chuan an buaina hi kan ramchhung-ah lo pu lut ve lo tur-in border-ah hian lo hnar ngauh ngauh mai tur. Google- ah te hian ‘number of illegal immigrants in india’ tih vel-in emaw, ‘terrors in north-east’ tih vel te hian han enkual ve teh u, a na ngawih2 mai. Ani mai, Mizoram chhunga hnamdang awm ho pawh hi thawn bo vek tur.
Khati laia cynics ho tan khan… aw, an tel lovin kan awm thei. Mihring hi chu midang emaw thildang emaw rin tur a awmloh na na na hi chuan kan peih emaw peihlo emaw kan thawkchhuak ziah. Thatchhiat lutuk vanga ei tur nei lova thi ka la hre lo. Kan hnam kan ral zo dawn, khawngaih takin ram dang mi hi chu la lut/luhtir phal tawh lo te ang u!!
March 4th, 2009 at 12:45 pm
kan luh tir thovang
March 4th, 2009 at 12:51 pm
A thui em a ka chhiar chhuak lo. A tawp para ka chhiar leh.
Heipawh ataka thil tih harsa tak, Duhthusam na maia ni e. Ramdangmiin an tlawhpawh lo, ramdangmi chhen theih lohna ram ram changkang a awm ngai lo. Mizoram changkang miahlova, rethei em em a awm kan duh chuan, tumah ramdangmi luh ti ri phal lo vang u tihna ang vela ni.
ramdangmi kan han tih fo te pawh hi keimahni Indian puite an la ni vek zui. Khawte rilru i paih ila, Hmatiang sawn zai i rel ang u !
March 4th, 2009 at 12:57 pm
Good very very good, kan politician te ber in an lo lawm huau huau chuan tih theih a vang a nih hi ka thian, sawrkhar theih na a nih dawn phot chuan an duh lo chung te hi a nia an chah lut ka rin hial ni..
March 4th, 2009 at 1:16 pm
A ziaktu hming hi thup tlat a ni, tih tarlan tel kher a ngai em
March 4th, 2009 at 1:18 pm
thinglung a thu chu phawk chuak thiam ve hle mai!
a ziak tu hi pu vangchhia an a sobzi duh toh mai ang a???
March 4th, 2009 at 1:47 pm
A thra hle mai. Ka ngaihdan chiah ani.. Khilam border ah hian strict viau se, Mizorama in bengbel tum ho hi chu phallo se.. an awm theih hun chhung tur te mumal taka siam nise an lokal chhan a zirin.. te ti ila
A theih tak² chuang kherlo ang.. chuvangin lo lut ru, thilsual ti ho leh hnawksak DEUH HLEK apiang hi chu thawn haw zel mai tur.. Thikthu hi tihchhiat em² tur.. Hei bâk hi ram kan neihloh hi.
An ramah han kalin an awmdan ang hian han awm ta ila.. engtin tak min ti ang maw??!!! Chuvangin dim miah loh tur.. anni pawh hian mi hi an dimlo sak² em… Hnawksak deuh hlek a an awm chuan na lutuka trum zui mai tur..
Ka ngaihdan ve mai²..
March 4th, 2009 at 1:55 pm
A ziaktu ram leh hnam veina rilru hi a zahawma, mahse rawtna kawngro su lem lo tur chi a tam em a ni. Han inbuanruah hi a thatna tak phei chu a awm ve tho e.
March 4th, 2009 at 2:41 pm
‘Thawn haw vek’ tih lam hi chu thahnemngaihna rilru a ni a, thil harsa tak a ni ang. Ramdang mi hi kan ngaithei lo hlawm ngawtin ka hria. Thliarkar rilru put reng ai chuan a hahdam zawnga thlir hi a tha ta berin ka hria.
March 4th, 2009 at 2:50 pm
ka message dawn pakhat:
“misual hi a racial lek lek ka ti hnam in unauna tichhe thei hi chu block se ka ti”
March 4th, 2009 at 3:03 pm
^^ a sawi tu ka hria
March 4th, 2009 at 3:12 pm
Mr. Blank
nang ram dangah i kal duh tho ang em chance nei ta la… US,UK etc ah!!! Ram danga awm ka nihna hian chhan a nei ngei mai le!!! mahse zoram a lolut a thilsual titu hi chu Dan/Law ngei in hrem ni se a thra ang e!!!
March 4th, 2009 at 3:15 pm
Mizoram pawh hi vairam tho a ni a, vai thu lovin foreigner a block theih tak tak chuang loh ang. Phun phun suh u , a ninom.
March 4th, 2009 at 3:41 pm
lol
March 4th, 2009 at 3:49 pm
Chutih laiin, Mizoram chhunga Burmese border lam atanga lo lut thla hi kum 2004 daih a survey-ah pawh khan 65,000 chuang hreta chhut ani. March 2008-ah khan survey chuan Mizoram chhunga lo lut Burmese immigrants ho hi nikhat 2,000 vel ang zela chhut anih laiin Bangladesh lam atanga lo lut hi nikhat-ah 1500 vel ang zel-in a chhut bawk a, hei bakah hian Manipur lam atanga ‘kan unaute’ lo lut nitin 1000 tling lo deuh anga chhut ani a, hei mai bakah hian Silchar lam atanga lo chho hi an awmreng bawk a,
Hei hi a dik ngei ani tih kan entir thei ang em aw? Manipur atang 1000 vel nitin lo lut ta ni se Manipur ah an tlem tawh awm ve? Nge khualzin-veivah te kan khap dawn tihna em ni zawk aw? Unaute leh chanhaite lo mikhual chu kan hreh hle ta emni zawk le?
March 4th, 2009 at 3:53 pm
A post tu hming thup ani bawk a…ram hmangaih luatah kan chhe vek ang tih te pawh hlauhawm ve tho ania..Keimahni ringawta kan inkhung hran ringawt chuan chaw ei tur kan nei nang..kan thatchhe ve hlawm ropui sia..
March 4th, 2009 at 4:02 pm
Thawn ho lovang a chhan chu:
@ Kharchawng ho eizawnna kan tihtawp sak a ni anga sin. Thil man a to bawk ang.
@ Kan tih peihloh i.e. nau awm, huan enkawl, thingzai tih ang reng vel ah tunge kan chhawr ang
@ Crime rate sang zelah an ni ho hi scapegoat ah kan hmang fova, an ni ho hi an awm loh pawhin crime rate hi a pung zel dawn thova, chhuanlam tur a awm lovang.
March 4th, 2009 at 4:09 pm
zong ho
March 4th, 2009 at 4:09 pm
Kan ram leh hnam kan humhalhna tur hian hnam dang leh ram dang mi kan rama awm kan hnawhchhuah hi awmzia tehchiam a nei lo. Keimahni hi kan insiamthat phawta, thalai hnathawk peih lo en hna kan thawh nasat a, mahni intodelh te kan uar a, rilru zau tak kan neih a ngai zawk lo maw??
Bakah kan ram nuam lem lo tak ah an awm duh nak te chuan awm ang hmiang. A ram mi ten kan zir loh avangin hnam dang mi leh ram dang mi am tak kan rama awm te hi an huangtau mai mai a nih hi.
March 4th, 2009 at 4:12 pm
Option dang pakhat leh chu, thawnhaw tur awmlo turin dan lova an lo luh hi phal lo se a ni mai alawm. Dan leh Dun kengkawhtu te hian khawng takin dan hi keng kawh sela, tham theih miah loh ni vek bawk sela, heng buaina zawng zawng hi kan pumpelh a ni mai.
March 4th, 2009 at 4:59 pm
ka sawi tur in sawi zo vek tawh. A ziaktu pa hian a sawi pawr viau mai a,thil sual tih nei ang hrima hming thup angai hi enge a awmzia le aw!!!
(Tuna ka awmna ram neitu te hian an he post hi anlo chhiar ve reu2 ang tih ka hlau ania.)
March 4th, 2009 at 5:06 pm
Dan leh dun fel taka chelek kawngah hmasawn a ngai a ni e.
Mahse a statics rawn tarlan khi chu rin a har ka ti, nikhatah mi 2000 burma lam atang, Thla 3ah mi nuai 2 thelh an rawn lut dawn tihna anga a ni a, thil awihawm loh behchhah a ni. Bangladech atang ni khatah mi 1500.
March 4th, 2009 at 5:44 pm
Burbura, a dik lutuk mahse, dan kengkawh tu tur ten ti thung se.
March 4th, 2009 at 6:39 pm
Hming ziak lang ngam lo Mizoram hmangaiha……..thil theih loh tur hi ziak ziak teh suh u, misual.com hlutna in ti dazat zo dawn….!!!!!!!!!!!!!!!!!!!!!
March 4th, 2009 at 6:46 pm
winning check your email.
March 4th, 2009 at 6:48 pm
Burma atangin nitin 2000 lo lut ta se, Manipur atangin nitin 1000, hmundang Silchar atang leh Lengpui lam kan kawtchhuah lian ber ber atang hian nitin 1000 velah chauh dah bawk ila, a ziaktu ziah dan zulzuiin. Nikhatah kan ram chhungah mi 4000 vel ang zel lo lut ang an ni anga, chuti anih chuan thla 1-ah mi 12000 ang vel a ni anga, kum khatah mi 1440000 an lo lut dawn tihna a ni a, tuna Mizoram population hi mi 1000000 pawh an tling si lova, a ziaktupa hian 110 %-in dawt a sawi chiang khawp mai. Belhchian dawllo thu hi ziak ziak teh suh u, in rilru tet zia a lang. Dan kengkawhtute hian Dan angin thil kalpui sela a tawk !!!
March 4th, 2009 at 6:52 pm
Chepa ka check tawh e, ka lawm e. Remchang hmasa berah ka reply dawn che nia.
March 4th, 2009 at 7:06 pm
“Dan kengkawhtute hian Dan angin thil kalpui sela a tawk !!!, “a dik chiah a ni. Mipui chuan sawrkar kan nawr thiang/thei…democracy nih nawmna pakhat a ni.
March 4th, 2009 at 9:21 pm
hetiang artcle hi chu publish lo mai tur nia…nt good for all of us
March 4th, 2009 at 10:10 pm
“Uchang rual —an chenna dila hlim ve dar dar tak,” hi ram-leilung fate hian kan iang zo ta! Kan nawmsak awlthawn nan hian mi dang ram dang atanga rawn lutte hi kan ngaimawh hran lem lo va … kan uksak loh chhungin business etc,.-ah pawh an hnuaiah kan kat kan kat ta nih ber hi le!
Chhangthawp/bungbel kawtin kan tlangvalten thingtlang kilkhawr an thleng ve tawh thin em? Phai-vai hlirin he hna hi an monopolize vek.
Musla chawk kawi peih kan tlangval zingah an awm em? Karimganj rawlthar te tein kan ram budget an vangkhuaah an ak haw zel; pawisa note zawrchhia chhia kan chantawk —kea kal peih lovin City Bus chuan nan kan hmang. RCC Building kan Mizo tlangvalten an sa ve peih em —PEIH LO, tum enah an en lo.
Kan Mizo thalaiten mahni an intihhlumna HLO TUR hi khawi atanga siam nge —Bagha vel atanga ‘capsule mum pawl’ an siamchawp a ni e an ti.
Kan nulaten ‘Pialral-nulate’ ngam ang an ngam ve em? Mi ramah tawng thiam lo, thiam nei lo chung pawha inhlawhin kan luipui an kan ve tawh em? An zakzum em mai! Tiau lui rawn kan thla ngam ngat hote hi an entawntlak letling asin! Teirei leh Tur rawn kan chho ngam Reng ram atanga rawn chho nulate pawh an huaisen khawp mai! Chutih laiin Mizo tlangval Hyderabad-ah kan zu tal-chavai elo? Chanchinbu chhiar a va nuam lo em!
Kan phak tawk tea INTODELH hram hram tura infuih nasat lehzual a va ngai em? Chhiatni thatni-a kan Mizo tlawmngaihna piah lama thalaiten mahni hmakhua, ram leh hnam hmakhua —Political Party field atang kher lo pawha, a thara tan kan lak a va ngai thar tawh em!
March 4th, 2009 at 10:54 pm
a dik ve tho mahse malaysia pawh khi an pawisa saw american $ nen a in ang trep a chhan tak chu ram ar mithmai tiat pawh tlinglo ah sawn mihring lut chhauk an tam tih ani… mi luh chhuah chu han khap chhin teh u,, in uih mai ang … tui pawh a luan chhuah loh chuan a uih a rim a chhia.. sawi loh tur kan sawi leh ani e,… ngaih dam
March 5th, 2009 at 2:09 am
A ziaktu ngaihtuahna a fakawm a, Zoram hum duhna thinlung hrim hrim pawh hi a chhuanawm khawp mai. Hei hi thlirna chikhat ni se, thlirna chihrang deuhin ka han tuihnih ve ang e.
Khawvel ram changkang leh hausa reng reng hi inhungbing tlat ram pakhatmah an awm lo va, mikhual lutchhuak tamna apiang an changkang mai thin. India ram ngei ngeiah pawh ramdangmi tamna apiang a changkang a, a thiang hlim a, mipui mimirin sawrkar hna ni lem lo pawh thawh tur an neih tam phah thin a ni. India ram chhung ro roah pawh ramdangmi te nena insumdawn tawnna hmunpui Mumbai te chu State dangte ai chuan changkang tak a ni tawh ringawt. Hei hi ramdangmi te nena an intlawhpawh nasat vang a ni a, chu chu international business hmuna an siam theih chhan pawh a ni.
Khawvela inchimralna hmanraw tha ber leh awlsam ber chu economic tlak chhiat leh that hi a ni a. State intodelh ni aia State chawm hlawm nih kan thlan zawk chhung chu kan thatchhe tual tual ang a, Zorama sumdawng hausa leh hnathawktu tam zawk hi rei lo teah chuan hnam dang mi an la ni thuai dawn a ni. Chuvangin a leilungfa mutthluk thlurh thlurh lai leh an thawh peih loh lai hian hnam dang te chuan In min sak sak a, Kawng min siam sak a, kan thawh peih loh chitinreng min thawh sak a, a thlawnin chhunni an hmang ral lo. Nitin thawh tur zawngin an vak a, hnathawktu chuan a hlawh a hmu a ni. Chutih laiin keini Mizote erawh chuan hna thawh tur kan hre der si lo.
Sumdawnna kawngah ni se, kan mi hausaten Bank ah sum an dah em um a, paipun leh tihpun an tum lo a ni ber mai. Industry leh factory te, import leh export lamah te sum invest-na a tam tehreng nen. Nuai 100 lek lek chu Bank vela dah thi mai mai kan tam hle awm a sin. Hetih lai hian Phai lammi te rawh chuan an neihchhun chhun angin hna an thawk a, sum an awm tir mai mai lo va, thawh tur leh tihtur an zawng a, chu chuan India rama kilkhawr ber state mizoram thlengin an rawn hrut a, keini lah chu harh chhuah nachang kan la hre der si lo. Tuna kan thalai tam zawkte inhlawhfana company lian lian te khi Vai ho rawn chawh luh vek a ni a, mite chu hlawhfa atan min chhawr ve chauh zawk a nih hi. Kan harh a hun hle mai.
Zirna lamah ni se, degree hmuh nan chauh emaw kan zir tih mai turin keimahni hmahun in sutkuak nan takngial pawh kan hmang tangkai lo va, BA, MA te chu khawlai len velnaah kan chhawm tel vel mai mai a ni ber tawh a. Kawng sira kal mai mai leh Bazar vela tei nulh nulh ho te khi a tam zawk chu BA, MA an ni tep tawh ang. Mahse, keimahnia intodelh leh bul tan erawh kan tum der si lo, sawrkar hna chhete kan beisei vek si hian kan moral lamah nghawng chhe tak a nei ta a ni.
Hetianga kan kal reng chuan kum 50 a lo ral leh meuh chuan kan mi hausa leh hotu tam zawk hi hnam dang an la ni deuh thup ang a, chutiang mi chu kan duh emaw duh lo emaw sum nei zawk an lo nih tlat tawh chuan politic ah pawh zuang lut se an chak thur thur tho ang a, Nepal rama an Nepalese tak tak ho aia Vai ho thu tawh zawk daih ang hi kan la ni ve mai ang tih a hlauhawm hle a ni. Hei hi economically a inchimralna chu a ni a, kan harh vat a, kan puanven kan sawi chhin thuai a tul tawh a ni.
March 5th, 2009 at 2:15 am
Hei vang hian a lawm hnam dang pasal neih pawh hi huat hlur tur a ni chuang lo.Thiarkar rilru thau thau.
March 5th, 2009 at 4:46 am
Hemi chungchang sawi apianga Mizoram tan lo zawnga pawr viau te hi chukhilam mi nihna avanga benefit nei emaw,mahni nihna ni chiahlo ni anga sawi avanga hlawkna lo hmu te hi an ni tlang pui tih chu a chiang.Nia, mizoramah hian hnamdang lo lut lo tura siam tawp chu a har anga,thil tihchi pawh a ni lo bawk.duhthusamah chuan hnam chitin,sumdawng lian tak tak te hi kan khawlai ah hian vei suau suau sela,mipui kutah sum lengvak pawh a tam deuh ang chu.Mahse hnam dang lo lut te hi sawrkarin an cham theih chin leh an hnathawh theih chin duang tha in enforce tha bawk sela,dan kengkawhtu te pawh tham lungawi mai mai theihloh nise,thamna latu pawh hremin Jailah dah ngam sela,kan zia awm deuh ang chu………connection avangin USA ti chhin teh ang.Vangchhia te chuan an hrechiang ang chu.Visa i overstayed chuan Illegal ini,criminal i ni tihna,man theih i ni.mahse local police chuan an ngaihven lem lo,thiltihsual lian tak i neih lem loh chuan.Mahse an man che chuan jailah i tang thei,state thenkhatah chuan illegal ho jail a awm asin. Chumi hnuah i ramah an thawn haw daih ang che.chutiang chiah chuan Mizoramah pawh khian ti ve ila,an chungthu rel hnu ah thawnhaw ve hmiah hmiah ila a ni mai.thil hi universal taka thlir a tha……hlawkna lo tel ve avanga mahni nihna phatsan thaka lo pawr ve vak hi nihna a lang mai mai….
March 5th, 2009 at 5:38 am
taia-pa –aw i funu chu phal em lo vang chu maw keipawn ka phal pui lo che..lolzz fiamthu
March 5th, 2009 at 5:46 am
thantea, i sawi ang hi alawm, hmanni ah pawh kalo sawi tawh ni. Suahsual rawngbawl chu an phutawk a hrem hnu ah an ram sawrkar ah pek hmak zel mai tur. Mahse, thuneitu diktak, police/magistrate etc ten hma la zawk se. NGO ten dan lova mi an man leh an vaw fo hi chu a tha hi ka ti thei hlawl lo a ni. Mizoram hi ka ngai em em a, ka pianna ka seilenna a ni bawk. Ramdang, te laka a hmingchhiat hi ka phal thlawt lo a ni. Hei vang pawh hi a ni, YMA hian chetdan hi dan chhung ni theise ti a, ka fuih/an vak fo ni.
March 5th, 2009 at 5:51 am
comment33 ka chung chiah, chu tiangin kei phei chuan katan that na tur awm hi.. emaw benefit ka hre miah lo. mahse Pu. Laldenga thu sawi thlenghi ka rilru a chgam tlat mai.. a zau zawngah kan ngaih tuah vang ani e… Bible ah pawh Unau hua chu tual that ani a tih kha maw. engvang nge kan lo fin tlai deuh vang zawkin Ram lai phel ah kan awm ani e.
March 5th, 2009 at 6:06 am
constantinexxx– i sawi chu a dik alom, india suprime court ah sawn thuziak a awmsa a awm alom, tih danglam ngai lo chi.. ramri a trangin mel-40 chu a awm theih hrim hrim, a chhung ami hnawt chhuak mahse mel40 ah an tan tlat chuan tingaihna a awm lo ani mai. chuvang in i awm hle hle tawh mai ang u, i ngeih tum zawk i la trawngtrai zawk teh ang u.
tin refugee emaw aslym e maw anih chuan an hnawt chhuak thei lo. US pawhin an hnawh ah UN ah chuan thiam loh a chang der anih kha maw. kan lo tive ngawt ang nge..
March 5th, 2009 at 7:31 am
A ziaktu thahnem ngaihna leh ram veina rilru a zahawm hle tak mai. Mahse ni e thil theihloh a ang tlat. In hnawtchhuak vek dawn ila, khawi ram mah tak tak hi fihlim kan awm dawnlo a, amaherawhchu, dan lo ang a awm leh khawsa ru ho hi veh uluk deuh se duhthusam a ni. Keini te pawh hian ram changkang zawk ah, nakin a kan ram in a chhawr leh theihna anih dawn chuan, leh kan hmalam hun atan a in buatsaih nan, awm kan duh vek in ka ring. Kei chu a chhunga chengte hi kan pawimawh ber mai ka ti, kan thatchhe lutuk a, huau huau kan lawm bawk si a, thenawm khawveng leh khawtlang mitmei ven kan ti na si, kan ram ti hmasawn tur leh venghim tur hian intodelh tumna rilru, taimakna, kan mamawh ni mai in ka hria. khiti ringawt khi chuan kan chhe del dul lutuk a, chimral awm lek a ni kan khawsak dan khi.
Inneih pawlh chungchangah chuan Pathian pawhin Israel ho kha hnamdang neih a remti lo khawp mai Genesis ah jacoba fanu amaleka’n a neih atang khan a in tan a, Ezra bu phei chu inneih pawlh ho buaipuina hlir a ni mai. Mizo te hi hnam te reuhte ah chuan makpa rawng hrang hrang ngah ber kan ni awm e,,,,,
March 5th, 2009 at 7:40 am
Mkima, hmanni Feb 19th, 2009 a, HRW report chung chang a I comment—“ Tunah USA ah awm Ramdang awm MIZO tamtak te hi, Kan INDIA sorkar in VISA an pekai mahin Refugees ah Burma hming ah kal hi 85% an ni. refugee ah an in sawi khan Burma lam kan unau te chuan report duhse an report thei reng mahse Unau vekah an lo ngai ve ani.”
I comment khi hriat thiam a har hle, “Kan India sorkar in VISA an pek ai mahin” I tih te kha USA a lo kal tur hian INDIA sorkarin tumah Visa a pe thei lo reng reng a, India ram pawn a kal theihna tur erawh chuan Indian citizenship nei an nih chuan Passport chu a issue thei chauh a, ramdang mi INDIA a lo lut tur te tan erawh chuan Visa chu a pe thei ang chu. Tin, USA a awm Mizo dik tak ti ila (Burma a la awm ngai lo) te hian tumahin Refugees anga in sawiin Assylum visa dil an awm lo reng reng a, chutiang thil dik lo, illegal hul hual tih ai chuan hna hnuai hnung zawk thawk a, paper tha an neih theih nan sponsorhip nghah tang tang an duh vek zawk. Indian passport a lo kal a. Assylum Visa apply leh te chu Burma Mizo vek an ni a, an ti thei a nih chuan an lawm pui awm a, tu pawh in lo hek duhse, awmzia vak a awm kher lo ang. Lo hek duh pawhnise mahni leh mahni in hek an ni ang chu. UNO-ah kum 4 I thawh tawh na in engmah I information rawn ziah ah hian credential a pe lo reng reng che. A chhan I hre duh em? INS (Immigration & Naturalization Service) hian eng Department dangmah nen information a share lo,(except Homeland Dept.) UNO in US immigration record leh information engmah access an nei lo. Tichuan a tawp nan chuan—NO INFORMATION IS BETTER THAN FALSE INFORMATION.
Heti lai Mizo te hian a tam thei ang berin Mizoram atangte Burma atangte pawhin lo kal se, pawisa siam se, Mizoramah te chhugte puih nan pawisa tam tak tak thawn se Mizoram econom,y pawh in alo chang kang pui thei se kan ti. Tumahin kan Burmese Mizo lo kal te hi kan huphurh tur pawh ani hek lo, sing tam tak, Easter Europe atangte, South America atangten an lo kal a, helai Mizo tlemte lo kal thei vet e hi chu engmah ani lo.
March 5th, 2009 at 3:41 pm
Thlirna dang atangin; tun tum boruaka kan thupui ber chu burmse refugee chungchanga HRW report a ni a. Chumi kal zelah chuan mizoram venhim chungchang hi a ni leh a. Ram dang mite nena inluhpawh chungchang pawh in rawn sawi nasa tawh a.
Tun present situation-a kan buaipui hi a thupui lo tihna ni lo vin Mizoram hmathlir ka tukverh atanga ka thlir ve dan pakhat chu: Heng burma refugee tuna kan buaipui te hi chu an ram sorkarnate a inthlak thleng chuan haw leh dial chu an duh zawk ngei anga, buaipui chhunzawm an ngai tawh lo vang.
Hengho aia kan buaipui chatuan tawh tur zawk (tun anga zoram a kal zel chuan) nia lang chu Chakma ho hi an ni. Nakin lawkah State an la dil ve anga, tunah pawh kan ngam lo tan deuh chu a ni mai lawm ni, kan unaute kan sawi sel kan sawi sel laiin anni chungah chuan khawiah nge YMA in vaupumna hmuh tur a awm. Ngam zawng nia kan hriatte lakah hian kan inluling ve satliah mai em ni zawk. Heng ho hian ral pui relin min rela anni hian zoram leilung hnuk chu an khawipawi thei fe zawk dawn a ni, tuna kan chipuite pawh hmutui lo ang maia hmalak kan duh aia nasa zawk hian zoram phel darh tumtute chung hian hmalak a ngai fe zawk a ni. Zirlai pawl hian thawm chhete te a nei ve thin tih mai loh phei chu chetlakna hmuh tur a tlem hle. Mipui mimir pawh hian tuna kan chin unaute chunga kan an hla chhe tak tak ai hian bangladesh vel atanga rawn lutru te chungah kan kut a zum leh si.
March 5th, 2009 at 3:48 pm
Tripura state-a zoram atang ral tlan te pawh kokir turin Zoram sorkar chu ngen a ni a, refugee awm zat lah chu an pung hluai ni mai awm a nia, chi an lo inthlah pung chak hle te pawh a ni mahna Mautam laia sazu inthlah pung vak ang vel an ni ang.
March 5th, 2009 at 7:31 pm
I ziak tha ka ti hle mai. he thil hi chhut tak tak chuan a veiawm reng a ni. Kan awmna lai hi a fuh lo kan ti dawn nge keini luah tan chuan a sir mah mah a ni kan ti zawk dawn ni. Sanjoy Hazarika ziah ‘ Strangers in the mist’ tih ah pawh khan NE ah hian ramdangmi dan lova lut nas lutuk avanga buaina a tam zia kha a sawi nasa khawp mai, kha lehkhabu kha kum 10 hma lama ziah tawh a ni nghe nghe a, tunah phei chuan buaina hi a nasa tawh zawk turah ka ngai. Ngaihtuah chian a ngai hle a ni, Chin State leh Manipur kan lam hnaih Churachanpur etc. te, Jampui tlangdung te khu Mizoram chhung lo ni ta sela chuan thil hi a fel deuh tur te ka ti mai mai thin. International Border siam lai, British hovin min chhuahsan dawn khan Mizo zingah mithiam, mifel leh a ngaihna hria kan lo la awm lo lutuk te, mi thenkhat duh dan ang mai mai a, border siam a ni te kha a pawi a ni. Engpawhnise Lalpa rawng kan bawl anih phawt chuan kan ram leh hnam hi chu a boral lovang tih hi ka rinna nghet tak a ni e !
March 6th, 2009 at 1:59 am
marylander.. sawi tawh hnu kan hrilh leh ang che… India sorkhar pawmpui na lovin tumah in eng Embassy ah pawh VISA an hmu thei lo.. kei hi india atrang ah lo kal ka ni e… india hian phal zawt zawtse immigration chek a ngai miah lo vang.. tin sposor tha tak tak an neih pawhin an kal mai thei lo ani.. maryland i awm ka ringa tun hi, eng VISA taknge i hman ka hre lo, mahse india american embassy ah i luh chuan i chiang tawh ngei ang le.. Delhi ah pawh ni khat ah mi 3000 chuang a in tlal thin a nih kha maw, mahse ni khatah VISA hmu chu 70 vel ani. a chhan chu goverment in phalna an pek tawh loh vang ani e. India mi nilo Tibetan pawh saw in kut huaiah awm an ni ah FRRO in phal na an pek hma loh chu ramdangah an chhuak thei love. tin i duh leh nmizo awm zawng kha hminglist la la ti chuan chhui chiang rawh. UN ah ka thawh vang hian i hnenah engkim hrilh turah che ngai suh. ka hnen a trang ah thil hriat chian i duh leh in kawm zawk mai ang
March 6th, 2009 at 2:07 am
marilander pek tawh lo ani lovin pek tawkloh ka tih na ani e…
March 6th, 2009 at 2:15 am
marylander… UNO leh INS a in zawmna thu ka sawi lo va, UNO leh UNHCR chnugchang ka sawi ane e, chuan burma ramri pawh hmulo mizo UNHCR in an pawh ramdangah awm hi ka mit ngei ka hmuh an awm bak ah ka tran pui te pawh an awm e. mahni thil tha tih an sawi ngai lo mahse i rawn sawtakah chuan kan hrilh law law nag che. USA chauh hi ramdangah ngai bawk lo la. Ram i tlawh zau chuan i hre ngei ang nagle, mizo hi miramah engzah nge ka awm tawh.