Mizo pakhat International school pakhata thawk thusawi hian ka ngaihtuahna a tikal thui khawp mai. A thawhpuiten “Mizoram chu India ram state-ah literacy percentage sang ber nihna in hauh sia, International School pakhatmah in la nei bawk si lo”, an ti a niawm e. A zak deuh thu min hrilh a.
Mizoramah hian pakhat tal chu din ve theih a niin ka hre deuh tlat. Zirtirtu tur hi hlawh a that phawt chuan an vangin ka ring tawh lo. Mizo ngei pawh an awm mai chu ka ring. Nu leh pa tam tak an fate dah thei tur pawh an awm tawhin ka hria. A harsa lai ber chu a bul tantu tur, vision nei tha, mi tumruh, a ngaihna hria, helama tui, hma la nghal tur kan la awm lo hi a ni.Â
Tin, he thilah hian kan ram mihausate ka challenge duh bawk. Hetiangmi awm ta se sum lamah kan pui duh ang em? Mi ram leh mipuite ka thlira, thil belhchian dawl hmalaknaah hi chuan an neih an ui lova. Sakhuana lam leh khawtlang thilah an mihausaten sum an thehchhuak nasa thei hle thin hi a mak ka ti.
Kan ramah pawh hetiang hi sawi tur chu an awm ve tho mai. P.U College dinna turin Pu Pachhungan a thawha, Lunglei JB College dina turin Pu J. Buanan a pe bawka, Hrangbana College dinna tur pawh hian Pu Hrangbana hian a pe ni ngei turah ka ngai bawk. Kan ram mi hausate hian International school din tur hian society din sela, Human Resources Development lamah hian tan han la tak tak ila ka va han ti em!!.Â
Hei hi a feasible em? Kawng tha riau hria kan awm em? A thatna lam hi chu a bua ziah tham sawi tur ka hria.
